The New QCGH Consumers Coop. Laboratory

12/10/2020

17/09/2017

Ang Trangkaso o Flu ay impeksyon sa respiratory system na sanhi ng paglanghap ng Influenza virus droplets (A,B,C) mula sa pagbahing o pag-ubo ng taong may trangkaso. (Maaari ring makuha sa mga bagay na kontaminado ng discharges nila).

Ang mga sintomas nito ay mataas na lagnat, pananakit ng ulo, ubo, sipon, pamamaga ng lalamunan, at pananakit ng kalamnan.

Maaari itong maiwasan sa pamamagitan ng taunang pagbabakuna ng influenza vaccine, pag-iwas lumapit sa taong may trangkaso o inuubo, pag-iwas sa matataong lugar, pagtakip ng bibig at ilong kung babahing o uubo. Upang maiwasan ang pagkalat ng virus ugaliin ang tamang paghuhugas ng kamay.

17/09/2017

17/09/2017

Ang Leptospirosis ay dulot ng leptospira spirochetes. Ito ay nakukuha sa infected na ihi o dumi ng mga hayop tulad ng daga na nagkokontamina ng pagkain, tubig at lupa.

Ang mga sintomas nito ay lagnat, pananakit ng iba’t ibang parte ng kalamnan, pananakit ng ulo, pamumula ng mata. Sa malalang kaso: lubos na naaapektuhan ang atay, bato at utak na magdudulot ng paninilaw ng balat, dark-colored at kakaunting produksyon ng ihi at labis na pananakit ng ulo.

Upang makaiwas, siguraduhing malinis ang pagkain at ligtas ang inuming tubig. Iwasang lumangoy o lumusong sa baha lalo na kung may sugat. Gumamit ng bota kung hindi maiiwasang lumusong sa baha. Gumamit ng panghuli at panglason sa mga daga upang mapigilan ang kanilang pagdami. Laging panatilihing malinis ang kapaligiran.