The Family Planning Hub

01/08/2025

🌸 FAMILY PLANNING METHODS | Para Sa’yo, Para Sa Pamilya This playlist is your complete guide to modern and natural family planning methods. Whether nagpaplan...

17/07/2025

Learn about PhilHealth’s OECB coverage, how to claim reimbursement, and fixed rates for emergency and diagnostic services.

12/07/2025

Get free family planning procedures like IUD, implant, and sterilization at public health facilities, fully covered by PhilHealth.

25/05/2025

NAKALIMUTAN ANG PILLS? HINDI KA AGAD MABUBUNTIS KUNG ALAM MO ANG TAMANG GAGAWIN.

Maraming natataranta kapag nakalimot ng pills. Pero ang totoo, hindi ka agad mabubuntis kung tama ang aksyon. Depende ito sa tatlong bagay.

1. Anong uri ng pills ang gamit mo.
COC o combined pills tulad ng Trust, Lady, Micropil.
POP o progestin-only pills tulad ng Daphne, Lyndel, Exluton.

2. Ilang pills ang nalimutan at kailan sa cycle.
Kung COC at isang pill lang ang nalimutan, kahit lampas 24 hours, inumin agad at ituloy ang schedule.
Protektado ka pa rin kung tama ang inom sa nakaraang 7 araw.
Kung POP naman, mas strict ito.
Kapag delayed ng higit 3 hours ang pag-inom, kailangan mo gumamit ng condom sa loob ng susunod na 2 araw.

3. Nasaang parte ng cycle ka.
Sa COC, mas mataas ang risk kung sa unang 7 araw ng pack ka nakalimot at may unprotected s*x.
Sa POP, kahit anong araw ng pack ay risk kapag delayed ng higit 3 hours.

Lahat ng instructions na ito ay nakasulat mismo sa prescribing information ng pills.
Makikita doon ang eksaktong gagawin kung may nakalimutang pill, kung kailangan ng backup, at kung kelan dapat magsimula ng bagong pack.
Kaya basahin palagi ang leaflet sa loob ng kahon ng pills para sa tamang gabay.

Kung may unprotected s*x at hindi ka sigurado, emergency contraceptive pill ang maaaring kailanganin.

24/05/2025

HINDI LAHAT NG PAGDURUGO AY REGULAR NA REGLA: PWEDE ITONG IMPLANTATION BLEEDING

Marami ang nag-aakalang basta may dugo, hindi buntis. Pero ang totoo, may ilang babae na buntis na pero nagdugo pa rin—at ito ang tinatawag na implantation bleeding.

Ano ang implantation bleeding?
Kapag ang fertilized egg ay nakarating sa uterus, kakapit ito sa lining ng matres (endometrium). Sa proseso ng pagkapit na ito, pwedeng masira ang ilang maliliit na blood vessels, kaya may konting pagdurugo.

Paano ito naiiba sa regla?
• Mas maaga lumabas (6–12 days after ovulation o contact)
• Mas kaunti at mas maikli
• Kulay ay pinkish, brownish, hindi malapot o heavy
• Walang kasamang clots o cramps tulad ng regla

Kaya kung nagkaroon kayo ng spotting tapos may chance na buntis kayo, hindi sapat ang dugo bilang batayan. Ang tamang paraan ay pregnancy test, lalo na kung may unprotected s*x sa cycle na ‘yon.

Regla ≠ automatic na hindi buntis. Alamin ang katawan. Gumamit ng PT kung duda.

19/05/2025

Ayaw mo na sa implant? Pwede mo itong ipatanggal kahit kailan.

Hindi kailangang tapusin ang buong 3 taon ng implant kung hindi mo na ito hiyang. Kapag may nararamdaman kang side effects tulad ng pagpapayat, matagalang pananakit ng ulo, spotting, o emotional changes, karapatan mong ipatanggal ito kahit kailan.

Ayon sa Philippine Family Planning Handbook 2023 Edition at sa ilalim ng RPRH Law (RA 10354), ang family planning method ay dapat voluntary, informed, at reversible. May karapatan kang pumili at tumigil sa anumang contraceptive method anumang oras, lalo na kung naaapektuhan na ang kalusugan mo o hindi ka na komportable.

Kung ayaw kang pagbigyan:

1. Sabihin nang malinaw ang desisyon mo na ayaw mo na sa implant.

2. Kung hindi ka pinayagan, lumipat sa ibang health center, RHU, o DOH-accredited facility.

3. Kung ayaw ka pa ring pagbigyan, magreklamo sa City/Municipal Health Officer, DOH Regional Office, CHR, o Barangay Human Rights Action Center (BHRAC).

4. May pananagutan ang health provider na tumatanggi sa pagtanggal ng implant nang walang sapat na medical o legal na dahilan.

Ikaw ang may karapatan sa katawan mo. Hindi kailangan ng approval para tumigil.

Basahin din po ang full prescribing information ng implant para sa tamang gabay.

Sources:
Philippine Family Planning Handbook 2023 Edition

Responsible Parenthood and Reproductive Health Law (RA 10354)

WHO Family Planning: A Global Handbook for Providers, 2022 Edition

11/05/2025

Maligayang Araw ng mga Nanay sa lahat ng dakilang ilaw ng tahanan! Sa inyong mga yakap nagmumula ang ginhawa, sa inyong mga dasal nagmumula ang lakas. Isang buong pusong pagpupugay po sa inyo ngayong espesyal na araw. Happy Mother’s Day po!

10/05/2025

TAMANG ORAS, HINDI TAMANG MOMENT: Pills ay hindi iniinom base sa timing ng s*x

May mga gumagamit ng pills na iniinom ito araw-araw pero paiba-iba ang oras — kadalasan dahil tinatiming ito sa pakikipagtalik.
Akala ng iba, basta’t hindi nakakalimot, okay na — pero hindi po ito tama.

Ayon sa Philippine Family Planning Handbook 2023 Edition at WHO Family Planning Handbook 2022:
Ang pills, lalo na ang POP gaya ng Daphne, ay dapat iniinom sa parehong oras araw-araw, hindi base sa timing ng s*xual activity.

Kapag nasusunod po ng tama ang araw-araw at parehas na oras ng pag-inom ng pills ninyo at pati na ang schedule ng susunod na pakete ng pills na gamit ninyo, ay SAFE kayong makipagtalik ng kahit ilang ulit, kahit anong oras, araw-araw, sa gabi man o sa madaling araw o sa may araw, sabay man kayong labasan o hindi, pati na sa 7 rest days or inactive pills or brown or red tablets or ferrous tablet, or 22–28 tablets, may regla man o wala, iputok man sa loob ng ilang ulit at hindi na kailangan ang withdrawal. Hindi na rin kailangan na mag-abstain sa s*x ng 7 days sa mga susunod na pakete ng pills. Kung hindi ninyo nasusunod ng tama, HINDI kayo safe.

Tandaan:
• Sa POP, may 3-hour limit lang kada araw
• Sa COC, mas flexible pero mas mainam pa rin ang fixed schedule
• Ang pills ay hindi iniinom batay sa “kailan may contact” kundi para mapanatili ang consistent protection

Araw-araw. Parehong oras. Hindi base sa s*x.

Source: Philippine Family Planning Handbook 2023 Edition, WHO Family Planning: A Handbook for Providers 2022
Read more info on family planning on my Facebook dito sa https://www.facebook.com/TheFamilyPlanningHub

10/05/2025

MYTH BUSTING: “Laging 1 week advance ang Depo schedule na bigay ng center” at “Hindi na puwedeng turukan kapag late ng ilang araw” — PAREHONG MALI!

Sa mga comment section, madalas nating mabasa ang dalawang common na practice:

1. “Sa amin, laging 1 week advance ang bigay na schedule ng Depo.”

2. “Late na ako ng ilang araw, ayaw na akong turukan ng health center.”

Ang totoo:
Ayon sa Philippine Family Planning Handbook 2023 Edition at WHO Family Planning: A Handbook for Providers 2022, ang Depo (DMPA) ay may malinaw at flexible schedule:

• Maaaring iturok hanggang 2 weeks BEFORE the due date
• At maaaring iturok hanggang 4 weeks AFTER the due date, basta hindi buntis

Quote:
“DMPA: Up to 2 weeks BEFORE scheduled date. Up to 4 weeks AFTER scheduled date.”

Ibig sabihin: • Hindi kailangang laging paaga ng 1 week — pwede lang ito kung may dahilan, pero hindi dapat routine
• Kapag late ng ilang araw, basta hindi lagpas sa 4 weeks, puwede pa ring iturok ang Depo
• Hindi kailangang paabutin sa restart o ulitin ang first shot kung pasok pa sa allowable window

Ang problema:
May mga health centers na default na nagpapapa-advance ng 1 week, at meron ding hindi na nagtuturok kahit 3–5 days late pa lang ang client, kahit malinaw sa guidelines na pwede pa ito.

Tandaan:
Ang tamang Depo schedule ay nasa pagitan ng Day 77 to Day 119 (11 to 17 weeks mula sa huling injection).
Hindi ito dapat i-adjust nang walang basehan — dapat ay may informed choice at tamang counseling.

Source: Philippine Family Planning Handbook 2023 Edition, WHO Family Planning: A Handbook for Providers 2022
Read more info on family planning on my Facebook dito sa https://www.facebook.com/TheFamilyPlanningHub

04/05/2025

💬 "May Pills po ba na Nakakagana Kumain at Nakakataba?" 🍽️💊

May ilang babae na nakakaranas ng pagtaas ng gana sa pagkain at pagdagdag ng timbang habang gumagamit ng ilang klase ng combined oral contraceptive pills (COCs).

📌 Bakit nangyayari ito?

– Ang ilang pills ay may hormonal formulation (estrogen at progestin) na nakakaapekto sa appetite, fluid retention, at fat storage
– Pero hindi lahat ng babae ay tumataba — depende po ito sa individual body response

📌 Fluid Retention lang ba ang dahilan ng pagtaba sa pills?

– Sa maraming babae, ang unang nararamdamang “pagtaba” ay dahil sa fluid retention o water weight.
– Ito ay pansamantalang pag-ipon ng tubig sa katawan na dulot ng hormonal adjustment
– Hindi ito tunay na taba, at karaniwang nawawala kapag nasanay na ang katawan sa pills
– Pero kung may increased appetite at hindi nababalanse ang pagkain o physical activity, posible rin ang tunay na fat gain

✅ Kung ang goal mo ay tumaba o maganahan kumain habang naka-pills:

– Kumain ng masustansya at regular
– Iwasan ang labis na alat o sobrang matatamis para hindi lumala ang fluid retention
– Panatilihing active ang lifestyle kahit light movement lang araw-araw

📌 Paalala:
– Huwag basta-basta magpalit ng pills base lang sa epekto sa timbang
– Mas mahalaga ang overall compatibility at kaligtasan ng contraceptive
– Magpakonsulta sa OB-GYN o health center para sa tamang gabay

04/05/2025

💬 "Pwede po ba ang Vitamin C kahit naka-pills, implant, o Depo?" 💊💉🍊

Yes po! Safe na safe ang pag-inom ng vitamin C kahit anong hormonal contraceptive ang gamit ninyo — mapa pills, implant, o Depo.

📌 Walang ebidensya na ang vitamin C ay nakakaapekto sa bisa ng contraceptives.

- Hindi ito nagpapababa ng hormone levels
- Hindi rin ito nagpapahina ng proteksyon

✅ Kung ikaw ay naka-pills:
Puwedeng isabay o ihiwalay ang pag-inom ng vitamin C sa pills. Walang epekto sa timing.
Basta ang pills ay iniinom sa parehong oras araw-araw, ligtas ka

✅ Kung ikaw ay naka-implant (Implanon, Jadelle, Nexplanon):
Vitamin C ay walang epekto sa hormone release ng implant

✅ Kung ikaw ay naka-Depo injectable:
Hindi rin naaapektuhan ng vitamin C ang bisa ng Depo

---

📌 Para saan ba ang Vitamin C?
– Pinapalakas nito ang immune system laban sa sipon at infection
– Tumutulong sa paghilom ng sugat
– Nakakatulong sa mas magandang absorption ng iron mula sa pagkain
– Isa rin itong antioxidant na pumoprotekta sa cells ng katawan
– Mahalaga rin ito sa production ng collagen para sa balat, cartilage, at buto

---

📌 Recommended Daily Dose ng Vitamin C ayon sa NIH:
– 75 mg/day para sa adult women
– 85 mg/day para sa pregnant women
– 120 mg/day para sa breastfeeding women
– +35 mg/day kung ikaw ay naninigarilyo
– 2,000 mg/day ang maximum safe limit

📌 Hindi po ito pampalakas ng bisa ng pills at hindi rin ito emergency contraceptive. Safe ito basta nasa tamang dosage at tama ang paggamit ng pills, implant, o Depo.

📖 Source: NIH Office of Dietary Supplements: https://ods.od.nih.gov/factsheets/VitaminC-Consumer

26/04/2025

Pure Breastfeeding vs Breastfeeding Lang — Magkaiba Yan!

Tandaan po — hindi po parehas ang “Pure Breastfeeding” sa “Breastfeeding lang.”

Ano ang Pure Breastfeeding o Exclusive Breastfeeding?

— Gatas ng ina lang ang iniinom ni baby
— Walang halo kahit tubig, formula, juice, vitamins o pagkain
— Diretso padede lang kay baby

Ano ang Breastfeeding Lang?

— Nagpapadede po kayo pero may halo na si baby — formula milk, tubig, vitamins o kahit soft food
— Kapag kumakain na si baby o may iniinom na ibang gatas — hindi na po yan Pure Breastfeeding

Bakit Mahalaga Ito?

Ang Pure Breastfeeding po ay pwede gamitin bilang natural family planning method — ang tinatawag na LAM (Lactational Amenorrhea Method) pero may 3 Important Requirements ito:

1. Below 6 months si baby
2. Pure Breastfeeding — walang halo kahit tubig, pagkain o ibang gatas
3. Walang regla si nanay mula nang manganak

Kapag kumakain na si baby o may iniinom na ibang gatas — hindi na po yan LAM at wala nang protection sa pagbubuntis.

Recommended na Pills Para sa Breastfeeding Moms

Kung breastfeeding kayo at gusto mag-pills — dapat Progestin-Only Pills (POP) ang gamit:
— Exluton
— Daphne
— Lyndel

Safe po ito sa nagpapasuso.

Kapag mixed feeding na o kumakain na si baby — hindi na po effective ang LAM at pwede na rin gumamit ng regular pills (COC).

Basahin nyo rin po ang complete guide ko dito:

https://www.facebook.com/share/p/1H78267h7T/

Laging magtanong sa health worker at magbasa sa tamang source — para safe at hindi basta haka-haka ang pinaniniwalaan!

Anong Pills Ang Maganda Para sa mga Breastfeeding Moms?

Mga momshie, kung ikaw ay breastfeeding at nag-iisip kung anong contraceptive pills ang safe at epektibo para sa iyo, depende po ito sa edad ng inyong baby. Narito ang ilang bagay na dapat mong malaman!

👶 Kung ang baby mo ay wala pang 6 na buwan at purely breastfeeding (meaning breastmilk lang ang iniinom ng baby, walang ibang pagkain o inumin), ang pinaka-recommended na contraceptive ay Progestin-Only Pills (POP). Safe ito para sa breastfeeding moms kasi hindi nito naaapektohan ang supply ng gatas. Sa Pilipinas, ang mga available na POPs ay Daphne, Exluton, Cerazette, at LyndeL.

Kailan pwede magsimulang uminom ng POP? Pwede kang magsimula agad sa unang araw ng postpartum, pero hindi naman ito kinakailangan agad. Hindi ka naman mabubuntis kaagad at hindi rin advisable makipagtalik kaagad pagkatapos manganak, kaya't may ilang linggo ka pang buffer bago magsimula.

⚠️ Kung ayaw mo ng pills, injectable contraceptives tulad ng Depo (DMPA) o kaya implants ay parehong okay din para sa breastfeeding moms!

Kailan pwede magsimulang magpaturok ng depo o magpalagay ng implant?

- Depo (DMPA): Pwede kang magsimula ng Depo mga 6 na linggo pagkatapos manganak.

- Implants: Pwede itong ilagay kahit bago ka pa lumabas ng ospital o kahit kailan pagkatapos manganak, basta’t hindi ka buntis.

👶 Kung ang baby mo ay mixed feeding (kombinasyon ng breastmilk at formula) o kaya bottle feeding lang, pwede ka nang gumamit ng Combined Oral Contraceptives (COC) simula 6 na linggo pagkatapos manganak. Medyo nakakaapekto ito sa gatas ng ina, pero since may ibang source ng gatas ang baby (formula), hindi ito magiging problema. Ilan sa mga kilalang COC ay Lady, Trust, Marvelon, Diane, Femme, Protec, at Althea.

Kailan pwede magsimula? Pwede magsimula ng COC 6 na linggo pagkatapos manganak.

👶 Kapag ang baby mo ay 6 na buwan pataas at kumakain na ng solid foods, pwede ka nang gumamit ng kahit anong pills - POP man o COC. Hindi na magiging issue kung magbawas ng supply ng gatas ang ibang pills dahil may solid foods na ang baby mo.

Kailan pwede magsimula? Pwede nang magsimula ng kahit anong pills (POP o COC) kahit anong oras kapag 6 na buwan pataas na ang baby basta sure kang hindi ka buntis.

💡 Quick note: Kapag kumakain na ng solid food ang baby, hindi na ito considered na "exclusive o pure breastfeeding", kahit nagpapasuso ka pa rin. Ibig sabihin ng exclusive o pure breastfeeding ay breastmilk lang talaga, walang ibang pagkain o inumin.

Kung gusto mo pang mas marami pang info tungkol sa pills para sa breastfeeding moms, panoorin mo po ang video na ito: https://youtu.be/ekoVIxjfGMA. 😊



Image by Dave Clubb - Unsplash