UP Diliman Health Service

08/04/2026

06/04/2026

QUEZON CITY — Naitala ang kauna-unahang measles-related death sa Quezon City ngayong taon, matapos pumanaw ang isang 4 na buwang gulang na babaeng sanggol mula sa Barangay Loyola Heights noong March 25, 2026.

Batay sa case investigation ng QC Epidemiology and Surveillance Division, nagsimula ang karamdaman ng sanggol noong March 21 at nagpakita ng mga sintomas tulad ng lagnat, ubo, pamumula ng mata, at pantal—mga karaniwang sintomas ng tigdas. Sa kabila ng agarang gamutan, mabilis na lumala ang kondisyon ng bata at kinailangang dalhin sa emergency care bago ito tuluyang pumanaw.

Ayon sa medical report, disseminated intravascular coagulation ang agarang sanhi ng kamatayan ng sanggol, na sinundan ng matinding sepsis, habang pinaniniwalaang tigdas na may komplikasyong pneumonia ang pinagmulan ng sakit.

Bilang tugon, agad na nagsagawa ang lokal na pamahalaan ng field epidemiologic investigation, outbreak response immunization (ORI), at active case finding (ACF) upang mapigilan ang posibleng pagkalat ng sakit sa komunidad.

Pinalalakas din ang pagbabakuna sa mga batang may edad 6 hanggang 59 buwan, anuman ang kanilang vaccination history, kasabay ng mas pinaigting na surveillance sa mga kaso ng lagnat at pantal sa lungsod.

Nanawagan ang Quezon City Health Department sa mga magulang na tiyaking mababakunahan ang mga anak laban sa tigdas at agad na magpatingin sa health center kung may sintomas tulad ng lagnat, ubo, pamumula ng mata, at pantal.

Pinayuhan din ang publiko na iwasang dalhin ang mga sanggol sa matataong lugar at ilayo ang mga ito sa mga may sakit upang maiwasan ang malubhang komplikasyon.

Sa pagtaas ng banta ng tigdas, muling iginiit ng lokal na pamahalaan ang kahalagahan ng bakuna, maagang pagpapasuri, at kooperasyon ng komunidad upang maprotektahan ang kalusugan ng bawat QCitizen at maiwasan ang karagdagang kaso ng sakit.
‎
‎Alamin ang iba pang impormasyon tungkol sa tigdas sa link na ito: https://www.facebook.com/share/p/19jBwwJJyw/
‎
‎Para sa iba pang impormasyon, I-like, i-follow, at magmessage sa aming page.
‎8703-2759
‎09622747107
‎8988-4242 loc 1609
‎
‎
‎
‎
‎
‎

02/04/2026

24/03/2026

19,055 na Kaso ng TB sa Quezon City naitala noong 2025

Sa pagdiriwang ng World Tuberculosis (TB) Day ngayong Marso 24, 2026, mas palakasin natin ang kampanya upang wakasan ang TB sa lungsod at da buong bansa.

Batay sa surveillance data mula Enero 1 hanggang Disyembre 31, 2025, umabot sa 19,055 ang kabuuang kaso ng tuberculosis o TB sa Quezon City. Sa bilang na ito, 217 ang naitalang TB-related deaths, na nagpapakita ng seryosong epekto ng sakit sa kalusugan ng mga residente, lalo na’t itinuturing na isa sa mga nakahahawang sakit ang TB.

Mas mataas ang bilang ng kaso sa mga kalalakihan, na umabot sa 11,757 o 62%, kumpara sa 7,292 o 38% sa kababaihan. Pinakamaraming kaso ang naitala sa mga nasa 25–34 taong gulang (3,146 kaso), sinundan ng 45–54 age group (2,969 kaso) at 15–24 age group (2,941 kaso).

Isang mahalagang public health concern ang tuberculosis sa Quezon City. Dahil dito, patuloy ang panawagan ng lokal na pamahalaan para sa maagang pagpapasuri, tamang gamutan, at pagsunod sa TB treatment upang maiwasan ang paglala at pagkalat ng sakit.

Sa paggunita ng World TB Day, muling pinagtitibay ng Quezon City ang komitment sa pinalakas na disease surveillance, mas pinalawak na access sa serbisyong pangkalusugan, at mas agresibong kampanya laban sa TB—tungo sa isang komunidad na ligtas at malaya sa tuberculosis.

Magpasuri, Magpagamot, mag-TPTodo para Protektodo

Para sa buong detalye ng QC Tuberculosis Report, magmessage sa aking official page /

24/03/2026

Ang March 24 ay TB World Day

19/03/2026

𝙒𝙃𝙊 𝙍𝙐𝙉 𝙏𝙃𝙀 𝙒𝙊𝙍𝙇𝘿? 𝙂𝙄𝙍𝙇𝙎! 💜

Kaya naman para sa KABABAIHAN—at para sa LAHAT—may libreng SERVICES dahil deserve natin ng CARE at WELLNESS! 🫶

Sa Women’s Wellness CAREravan, may iba’t ibang libreng serbisyo para sa mga kababaihan kasama ang ating partners mula sa Family Planning Organization of the Philippines (FPOP ) at Kamia Residence Hall - Office of the Student Housing. ✨

✅ Libreng serbisyo: Wellness and sexual health consultations, oral and injectable contraceptives, Papsmear, Implants, at iba pa!
✅ Libreng talakayan ukol sa women’s health, family planning, at HIV & AIDS Prevention
✅ Abot-kayang salon care (manicure & pedicure)

📅 March 24, 2026
📍 Kamia Residence Hall
⏰ 9:00 AM – 5:00 PM

Tara na’t magrehistro!
https://bit.ly/CAREravan
https://bit.ly/CAREravan
https://bit.ly/CAREravan

I-avail ang mga libreng serbisyo para sa iyong wellness. Alagaan ang sarili dahil Health is Wealth! Kitakits! 💜

Katuwang ang https://www.facebook.com/fpop.ph , https://www.facebook.com/PhilHealthYAKAP , at Kamia Residence Hall.