Municipal Health Office - Bayan ng Montalban

24/07/2025

🚨 DOH: ‘WAG GUMAMIT NG DOXYCYCLINE NANG WALANG RESETA🚨

Ang doxycycline ay isang antibiotic na ginagamit laban sa Leptospirosis.

Kapag mali ang pag-inom, pwedeng mawalan ito ng bisa laban sa mga mikrobyo at maging mas mahirap gamutin ang simpleng impeksyon. Pwede itong humantong sa matagal o mas matinding pagkakasakit.

Nakadepende ang pag-inom ng doxycycline sa exposure o risk level ng taong nalubog sa baha.

Payo ng DOH, magpatingin sa doktor para sa tamang reseta sa paggamit ng antibiotic na ito.

22/07/2025

22/07/2025

𝐌𝐚𝐠-𝐢𝐧𝐠𝐚𝐭 𝐬𝐚 𝐩𝐚𝐧𝐠𝐚𝐧𝐢𝐛 𝐧𝐠 𝐛𝐚𝐡𝐚! ⚠️

Delikado ang tubig baha dahil posible itong makapasok sa katawan sa pamamagitan ng sugat, mata, ilong, at bibig na maaaring magdulot ng sakit na Leptospirosis.

Kaya may sugat man o wala, agad na maghugas gamit ang sabon at malinis na tubig kung di naiwasang lumusong sa baha.

Huwag mag self-medicate! Agad na kumonsulta sa pinakamalapit na health facility para sa tamang gabay at reseta ng gamot.

Maging maingat ngayong tag-ulan dahil Bawat Buhay Mahalaga.

22/07/2025

Sa panahon ng sakuna, emergency, o pangangailangan, mahalagang alam natin kung sino ang dapat tawagan. I-save at i-share ang mga importanteng numero na ito para sa kaligtasan ng lahat.

20/07/2025

PAALALA SA PUBLIKO
Sa mga lumusong sa baha o maruming tubig ngayong tag-ulan, mahalagang makainom agad ng gamot laban sa leptospirosis sa loob ng 72 oras.

Angkop na gamot (gaya ng doxycycline) ay kailangang inumin bilang proteksyon laban sa leptospirosis, isang seryosong sakit na nakukuha mula sa ihi ng daga at ng iba pang hayop sa tubig-baha.

Magpunta sa pinakamalapit na health center upang makakuha ng gamot, tamang reseta at gabay mula sa health worker.

Iwasan ang komplikasyon. Mag-ingat at kumonsulta agad!

20/07/2025

17/07/2025

20/06/2025

MUNICIPAL-WIDE BLOOD DONATION| “ALAY DUGO, ALAY KAALAMAN”

Isang bag ng dugo ay katumbas ng tatlong buhay — at tatlong pamilya ang mabibigyan ng bagong pag-asa.

Inaanyayahan ang lahat ng mga Montalbeño na makilahok sa gaganaping Blood Letting Donation sa Montalban Health Center sa darating na Hunyo 21, 2025. Magsisimula ang aktibidad sa ganap na alas-8 ng umaga hanggang alas-2 ng hapon.

Inihahandog ang programang ito ng Pamahalaang Lokal ng Montalban, sa pamamagitan ng Municipal Health Office, bilang bahagi ng adhikaing makapagligtas ng buhay sa pamamagitan ng sapat na suplay ng dugo. Layunin din nitong mahikayat ang bawat mamamayan na makiisa sa mga makabuluhang inisyatibo at maipaalam sa publiko ang kahalagahan ng regular na pagdo-donate ng dugo.

Tara na't mag-alay ng dugo, isang simpleng kilos na may malaking ambag sa buhay ng kapwa.

Dugo mo, buhay ko. Dugo natin, kinabukasan ng iba.