31/07/2025
🧠 Unsa ang Vertigo?
Ang vertigo mao ang pagbati nga murag nagtuyok ang palibot, bisan nagalingkod o nagbarog lang ka.
Usahay murag mahulog, maluya, o maglibog ang ulo.
👵👴 Ngano kasagaran ni sa mga idaran?
1. Tungod sa edad, hinay-hinay nga maluya ang dalunggan nga mo-kontrol sa atong balanse.
2. Makaapekto ang tambal – daghang tigulang ang nag-inom og maintenance nga tambal nga usahay makapa-luya o makapa-lipong.
3. Kulang sa tubig, kaon, o tulog – kasagaran malimtan sa mga idaran.
4. Naay uban nga sakit sama sa high blood, anemia, stroke, o problema sa kasingkasing.
5. Mini-stroke – posible nga timaan ang vertigo nga mas seryoso diay.
❤️ Unsa’y angay buhaton kung mo-vertigo ang usa ka idaran?
✅ Sugod nga buhaton:
1. Palingkura og tarong – ayaw palabanga kung naglimpong.
2. Pahinaya ang lihok – ayaw barog kalit.
3. Paimna og tubig, ilabi na kung walay kaon o dehydrated.
4. Ayaw siya palakwa – basin matumba.
5. Sukda ang blood pressure ug tan-awa kung naa bay uban nga sintomas:
• Panluya sa lawas
• Lisod istorya
• Sakit sa ulo
• Dili klaro ang panan-aw
🏥 Kung sige o kalit kaayo ang vertigo:
• Dalha sa doctor o ipa-check up dayon.
• Maayo nga masuta ang tinuod nga hinungdan aron matambalan ug malikayan ang aksidente.
📝 Pasabot nga puno sa pag-amuma:
Ang vertigo kasagaran sa mga idaran kay sa edad mohinay ang lawas ug mga senses. Dili kini dapat pasagdan. Kung atong tagdon ug tambalan sayo, malikayan ang disgrasya, ug mahatagan nato sila og mas hapsay nga kinabuhi.
