BALU MO? Health Promotion Unit - Provincial Health Office Pampanga

01/10/2025

26/09/2025

Ngayong Setyembre 26 ay ipinagdiriwang natin ang 𝗪𝗼𝗿𝗹𝗱 𝗘𝗻𝘃𝗶𝗿𝗼𝗻𝗺𝗲𝗻𝘁𝗮𝗹 𝗛𝗲𝗮𝗹𝘁𝗵 𝗗𝗮𝘆 bilang paalala na ang kalinisan at kalusugan ng ating kapaligiran ay direktang nakaaapekto sa ating kalusugan.

Ito ang mga simple ngunit mahahalagang gawain na maaaring gawin ng bawat isa para sa mas malinis na hangin at mas malusog na pamumuhay. Buksan ang mga bintana upang makapasok ang sariwang hangin, magtanim ng mga halaman at puno para sa mas magandang kapaligiran, iwasan ang paninigarilyo at paggamit ng v**e, at piliin ang paglalakad o pagbibisikleta bilang alternatibong transportasyon.

𝘾𝙖𝙗𝙖𝙡𝙚𝙣, 𝙨𝙖𝙢𝙖-𝙨𝙖𝙢𝙖 𝙩𝙖𝙮𝙤𝙣𝙜 𝙠𝙪𝙢𝙞𝙡𝙤𝙨 𝙩𝙪𝙣𝙜𝙤 𝙨𝙖 𝙞𝙨𝙖𝙣𝙜 𝙗𝙖𝙣𝙨𝙖𝙣𝙜 𝙢𝙖𝙮 𝙢𝙖𝙡𝙞𝙣𝙞𝙨 𝙣𝙖 𝙝𝙖𝙣𝙜𝙞𝙣 𝙖𝙩 𝙢𝙖𝙨 𝙢𝙖𝙡𝙪𝙨𝙤𝙜 𝙣𝙖 𝙠𝙞𝙣𝙖𝙗𝙪𝙠𝙖𝙨𝙖𝙣.

24/09/2025

BALU MO? Ang ika-apat na linggo ng Setyembre ay National Thyroid Cancer Awareness Week. Alam mo rin ba na mas mataas ang tsansa na magamot ang thyroid cancer kung ito’y maagang matukoy?

Magpatingin agad sa inyong healthcare provider kung nakararanas ng alinman sa mga sintomas tulad ng:
- Hirap sa paglunok o paghinga
- Pamamaos
- Paninikip o pananakit ng leeg o lalamunan
- Namamagang kulani o bukol sa leeg

Panatilihing malusog ang katawan sa pamamagitan ng pagkain ng masustansya, regular na pag-eehersisyo, at pag-iwas sa bisyo.Para sa dagdag na impormasyon at benepisyo para sa cancer patients, bisitahin ang linktr.ee/DOHCancerSupport. Ingat Cabalen!

22/09/2025

𝗖𝗮𝗯𝗮𝗹𝗲𝗻! 𝗡𝗴𝗮𝘆𝗼𝗻𝗴 𝗯𝘂𝘄𝗮𝗻 𝗱𝗶𝗻 𝗮𝘆 𝗪𝗼𝗿𝗹𝗱 𝗟𝗲𝘂𝗸𝗲𝗺𝗶𝗮 𝗔𝘄𝗮𝗿𝗲𝗻𝗲𝘀𝘀 𝗺𝗼𝗻𝘁𝗵! :)

Ang Leukemia ay isang uri ng kanser sa dugo at bone marrow na sanhi ng abnormal na produksyon ng white blood cells sa katawan.

Kadalasang sintomas na dapat bantayan ay ang madalas na pagdurugo ng ilong o gilagid, madaling pagkakaroon ng pasa, paulit-ulit na impeksyon, at pamamaga ng kulani.

Kapag napansin ang alinman sa mga ito, mahalagang agad na magpakonsulta sa healthcare provider para sa tamang pagsusuri at agarang lunas.

Handog ng DOH ang iba’t ibang serbisyo para sa mga pasyenteng may kanser, kabilang ang PhilHealth Z-Benefits, PWD ID, CAF Access Sites, at CSPMAP Access Sites. Para sa karagdagang impormasyon, bisitahin ang linktr.ee/DOHCancerSupport.

Alagaan ang ating kalusugan—ang maagang pagkilala at pagpapatingin ay maaaring magligtas ng buhay. Ingat po kayong lahat!

21/09/2025

𝗔𝗻𝗴 𝗦𝗲𝘁𝘆𝗲𝗺𝗯𝗿𝗲 𝗮𝘆 𝗖𝗵𝗶𝗹𝗱𝗵𝗼𝗼𝗱 𝗖𝗮𝗻𝗰𝗲𝗿 𝗔𝘄𝗮𝗿𝗲𝗻𝗲𝘀𝘀 𝗠𝗼𝗻𝘁𝗵

Ang kanser ay hindi lamang sakit ng matatanda—maaari rin ito sa mga bata. Kaya’t napakahalaga ng maagang pagkilala at regular na pagpapasuri upang agad na maagapan at malunasan. Kumonsulta agad sa doktor kung ang bata ay may paulit-ulit o hindi maipaliwanag na lagnat, pasa, bukol, o iba pang kakaibang sintomas.

Tandaan, ang maagang pagpapatingin ay nagbibigay ng mas malaking tsansa ng paggaling. Alagaan natin ang kalusugan ng ating mga kabataan at siguraduhing regular ang kanilang check-up.

Para sa karagdagang impormasyon at benepisyo para sa mga pasyente, i-scan ang QR code o bumisita sa linktr.ee/DOHCancerSupport. Ingat, Cabalen!

18/09/2025

𝗡𝗴𝗮𝘆𝗼𝗻𝗴 𝗹𝗶𝗻𝗴𝗴𝗼 𝗻𝗮𝗺𝗮𝗻 𝗮𝗻𝗴 𝗔𝗹𝘇𝗵𝗲𝗶𝗺𝗲𝗿’𝘀 𝗗𝗶𝘀𝗲𝗮𝘀𝗲 𝗔𝘄𝗮𝗿𝗲𝗻𝗲𝘀𝘀 𝗪𝗲𝗲𝗸!

𝗔𝗻𝗼 𝗻𝗴𝗮 𝗯𝗮 𝗮𝗻𝗴 𝗔𝗹𝘇𝗵𝗲𝗶𝗺𝗲𝗿’𝘀 𝗗𝗶𝘀𝗲𝗮𝘀𝗲?

Ang Alzheimer’s Disease ay isang sakit sa utak na nagdudulot ng unti-unti at progresibong kapansanan sa memorya, pag-iisip, at pag-uugali ng isang tao. Dahil dito, naapektuhan hindi lamang ang pasyente kundi maging ang buong pamilya at mga nag-aalaga sa kanila.

𝗦𝗶𝗻𝗼 𝗮𝗻𝗴 𝗺𝗮𝘀 𝗺𝗮𝘁𝗮𝗮𝘀 𝗮𝗻𝗴 𝗽𝗼𝘀𝗶𝗯𝗶𝗹𝗶𝗱𝗮𝗱 𝗻𝗮 𝗺𝗮𝗴𝗸𝗮𝗿𝗼𝗼𝗻 𝗻𝗶𝘁𝗼?
✔️ Mga matatandang edad 60 pataas
✔️ Mga may kasaysayan ng Alzheimer’s sa pamilya
✔️ Mga may sakit sa puso o altapresyon
✔️ Mga taong obese o may diabetes
✔️ Mga nakaranas ng head injury

𝗔𝗻𝗼 𝗮𝗻𝗴 𝗱𝗮𝗽𝗮𝘁 𝗴𝗮𝘄𝗶𝗻?
✔️ Alamin at kilalanin ang mga sintomas nang mas maaga
✔️ Kumunsulta agad sa pinakamalapit na health center o healthcare provider para sa tamang gabay at suporta
✔️ Humingi ng tulong sa mga Mental Health Access Sites para sa karagdagang serbisyong medikal at psychosocial

𝙏𝘼𝙉𝘿𝘼𝘼𝙉: 𝘼𝙣𝙜 𝙢𝙖𝙖𝙜𝙖𝙣𝙜 𝙥𝙖𝙜𝙠𝙞𝙡𝙖𝙡𝙖 𝙖𝙩 𝙬𝙖𝙨𝙩𝙤𝙣𝙜 𝙨𝙪𝙥𝙤𝙧𝙩𝙖 𝙖𝙮 𝙢𝙖𝙝𝙖𝙡𝙖𝙜𝙖 𝙪𝙥𝙖𝙣𝙜 𝙢𝙖𝙥𝙖𝙗𝙪𝙩𝙞 𝙖𝙣𝙜 𝙠𝙖𝙡𝙞𝙙𝙖𝙙 𝙣𝙜 𝙗𝙪𝙝𝙖𝙮 𝙣𝙜 𝙢𝙜𝙖 𝙩𝙖𝙤𝙣𝙜 𝙢𝙖𝙮 𝘼𝙡𝙯𝙝𝙚𝙞𝙢𝙚𝙧’𝙨 𝙖𝙩 𝙣𝙜 𝙠𝙖𝙣𝙞𝙡𝙖𝙣𝙜 𝙢𝙜𝙖 𝙥𝙖𝙢𝙞𝙡𝙮𝙖.

17/09/2025

Isa pang pinagdiwang noong unang linggo ng Setyembre ay ipinagdiwang din ang 𝗢𝗯𝗲𝘀𝗶𝘁𝘆 𝗣𝗿𝗲𝘃𝗲𝗻𝘁𝗶𝗼𝗻 𝗔𝘄𝗮𝗿𝗲𝗻𝗲𝘀𝘀 𝗪𝗲𝗲𝗸.

𝙏𝙖𝙣𝙙𝙖𝙖𝙣, 𝙖𝙣𝙜 𝙤𝙗𝙚𝙨𝙞𝙩𝙮 𝙖𝙮 𝙣𝙖𝙜𝙙𝙪𝙙𝙪𝙡𝙤𝙩 𝙣𝙜 𝙢𝙖𝙨 𝙢𝙖𝙩𝙖𝙖𝙨 𝙣𝙖 𝙥𝙖𝙣𝙜𝙖𝙣𝙞𝙗 𝙨𝙖 𝙖𝙡𝙩𝙖𝙥𝙧𝙚𝙨𝙮𝙤𝙣, 𝙙𝙞𝙖𝙗𝙚𝙩𝙚𝙨 (𝙏𝙮𝙥𝙚 𝙄𝙄), 𝙨𝙖𝙠𝙞𝙩 𝙨𝙖 𝙥𝙪𝙨𝙤, 𝙖𝙩 𝙨𝙩𝙧𝙤𝙠𝙚.

𝗨𝗽𝗮𝗻𝗴 𝗺𝗮𝗶𝘄𝗮𝘀𝗮𝗻 𝗶𝘁𝗼, 𝗴𝗮𝘄𝗶𝗻 𝗮𝗻𝗴 𝗺𝗴𝗮 𝘀𝘂𝗺𝘂𝘀𝘂𝗻𝗼𝗱:
• Kumain ng masustansyang pagkain at iwasan ang 4Ms – matatamis, maalat, mamantika, matataba
• Mag-exercise araw-araw
• Bantayan ang timbang at sukat ng baywang
• Iwasang magpuyat

Piliin maging healthy, iwasan ang obesity!

17/09/2025

Isa pa sa mga ipinagdiwang noong 𝘂𝗻𝗮𝗻𝗴 𝗹𝗶𝗻𝗴𝗴𝗼 𝗻𝗴 𝗦𝗲𝘁𝘆𝗲𝗺𝗯𝗿𝗲 𝗮𝘆 𝗮𝗻𝗴 𝗡𝗮𝘁𝗶𝗼𝗻𝗮𝗹 𝗘𝗽𝗶𝗹𝗲𝗽𝘀𝘆 𝗔𝘄𝗮𝗿𝗲𝗻𝗲𝘀𝘀 𝗪𝗲𝗲𝗸.

Layunin naman nito na palawakin ang kaalaman ng publiko tungkol sa epilepsy, isang sakit sa utak na nagdudulot ng paulit-ulit na pangingisay at pagbabago sa kilos.

Mahalaga ang tamang kaalaman kung ano ang dapat gawin kapag may seizure ang isang tao — upang maiwasan ang panganib at agad na makapagbigay ng tulong.

𝗣𝗮𝗿𝗮 𝘀𝗮 𝗴𝗮𝗯𝗮𝘆 𝗮𝘁 𝘀𝘂𝗽𝗼𝗿𝘁𝗮, 𝗯𝗶𝘀𝗶𝘁𝗮𝗵𝗶𝗻 𝗮𝗻𝗴 𝗽𝗶𝗻𝗮𝗸𝗮𝗺𝗮𝗹𝗮𝗽𝗶𝘁 𝗻𝗮 𝗵𝗲𝗮𝗹𝘁𝗵 𝗰𝗲𝗻𝘁𝗲𝗿 𝗼 𝗠𝗲𝗻𝘁𝗮𝗹 𝗛𝗲𝗮𝗹𝘁𝗵 𝗔𝗰𝗰𝗲𝘀𝘀 𝗦𝗶𝘁𝗲𝘀.

17/09/2025

Noong unang linggo ng Setyembre ay ipinagdiwang natin ang Prostate Cancer Awareness Week na may temang “United Against Prostate Cancer: Right Information, Early Detection!”

Layunin nitong magbigay-kaalaman tungkol sa mga sintomas ng prostate cancer at paalalahanan ang lahat na ang maagang pag-alam at pagpapatingin sa doktor ay mahalagang hakbang para sa tamang lunas at mas mahabang buhay. 💙

𝙋𝙖𝙧𝙖 𝙨𝙖 𝙠𝙖𝙧𝙖𝙜𝙙𝙖𝙜𝙖𝙣𝙜 𝙞𝙢𝙥𝙤𝙧𝙢𝙖𝙨𝙮𝙤𝙣 𝙖𝙩 𝙢𝙜𝙖 𝙗𝙚𝙣𝙚𝙥𝙞𝙨𝙮𝙤 𝙥𝙖𝙧𝙖 𝙨𝙖 𝙢𝙖𝙮 𝙠𝙖𝙣𝙨𝙚𝙧, 𝙗𝙞𝙨𝙞𝙩𝙖𝙝𝙞𝙣 𝙖𝙣𝙜 𝙡𝙞𝙣𝙠𝙩𝙧.𝙚𝙚/𝘿𝙊𝙃𝘾𝙖𝙣𝙘𝙚𝙧𝙎𝙪𝙥𝙥𝙤𝙧𝙩

16/09/2025

𝗞𝗮𝗽𝗶𝘁-𝗕𝗶𝘀𝗶𝗴 𝗽𝗮𝗿𝗮 𝘀𝗮 𝗺𝗮𝘆 𝗖𝗲𝗿𝗲𝗯𝗿𝗮𝗹 𝗣𝗮𝗹𝘀𝘆!

Ang Cerebral Palsy (CP) ay kondisyon na nakakaapekto sa galaw, koordinasyon, at muscle tone dulot ng abnormal na pag-develop ng utak habang ipinagbubuntis.

𝗡𝗮𝗿𝗶𝘁𝗼 𝗮𝗻𝗴 𝗶𝗹𝗮𝗻𝗴 𝗽𝗮𝗿𝗮𝗮𝗻 𝗻𝗴 𝗽𝗮𝗴𝘀𝘂𝗽𝗼𝗿𝘁𝗮:
✅ Hikayatin ang maagang pagsisimula ng physical, occupational, at speech therapy.
✅ Kumuha ng PWD ID sa inyong LGU–Persons with Disability Affairs Office.
✅ I-avail ang PhilHealth Z-Benefit packages para sa physical examinations, mobility aids, at follow-up care.

𝙎𝙖 𝘽𝙖𝙜𝙤𝙣𝙜 𝙋𝙞𝙡𝙞𝙥𝙞𝙣𝙖𝙨, 𝘽𝙖𝙬𝙖𝙩 𝘽𝙪𝙝𝙖𝙮 𝙈𝙖𝙝𝙖𝙡𝙖𝙜𝙖. 𝙄𝙥𝙞𝙣𝙖𝙜𝙙𝙞𝙧𝙞𝙬𝙖𝙣𝙜 𝙣𝙜𝙖𝙮𝙤𝙣𝙜 𝙞𝙠𝙖𝙩𝙡𝙤𝙣𝙜 𝙡𝙞𝙣𝙜𝙜𝙤 𝙣𝙜 𝙎𝙚𝙩𝙮𝙚𝙢𝙗𝙧𝙚 𝙖𝙣𝙜 𝘾𝙚𝙧𝙚𝙗𝙧𝙖𝙡 𝙋𝙖𝙡𝙨𝙮 𝘼𝙬𝙖𝙧𝙚𝙣𝙚𝙨𝙨 𝙒𝙚𝙚𝙠.