PNP Health Service RMDU3

17/05/2026

May 18, 2026
Gospel: John 16:29-33
Reflection: “No problem is greater than the power of Christ”

17/05/2026

Mommy, huwag kalimutang kumpletuhin ang iyong postnatal check-ups!

Ang regular na postnatal care ay mahalaga upang mabantayan ang kalusugan ni mommy at ni baby matapos manganak. 🩺✨

✔️ Sa loob ng unang 24 oras matapos manganak
✔️ Sa ikatlong araw pagkatapos manganak
✔️ Sa pagitan ng ika-7 hanggang ika-14 na araw
✔️ Sa ika-anim na linggo pagkatapos manganak

Ang maagang konsultasyon at follow-up check-ups ay nakatutulong upang maiwasan ang komplikasyon at masigurong healthy si mommy at baby. 🌸

17/05/2026

17/05/2026

Today is World Hypertension Day.
High blood pressure - or hypertension - often shows no warning signs, yet it increases the risk for heart disease, stroke, blindness, dementia, and other complications.

A simple blood pressure check can be life-saving.

Getting your blood pressure measured the right way helps ensure accurate results.
Incorrect positions can lead to incorrect readings.

✔ Sit with your back supported
✔ Legs uncrossed and feet flat on the floor
✔ Arm supported with the cuff at heart level
✔ Use correct cuff size
✔ Rest for at least 5 minutes before the reading
✔ Do not talk during or between measurements
✔ Avoid exercise, tea/coffee, and smoking for at least 30 minutes before reading

Small steps can make a big difference in protecting your health.

16/05/2026

15/05/2026

BAGONG SILANG NA SANGGOL, NASAGIP NG KAPULISAN SA TACLOBAN CITY

Mula sa isang paper bag sa loob ng nakaparadang multicab, isang bagong silang na sanggol ang nabigyan ng panibagong pagkakataon sa buhay matapos agad na rumesponde ang kapulisan sa Tacloban City noong gabi ng Mayo 12, 2026.

Sa ilalim ng pamumuno ni PGEN Jose Melencio C. Nartatez Jr., muling ipinakita ng Philippine National Police ang kahalagahan ng mabilis na pag-aksyon at malasakit sa komunidad nang ligtas na marescue ng Police Regional Office 8 (PRO 😎 ang isang inabandonang sanggol sa Sta. Elena, Tacloban City.

Ayon sa ulat, dakong alas-10:32 ng gabi nang makadiskubre ang isang concerned citizen ng sanggol na nakalagay sa loob ng paper bag na iniwan sa isang nakaparadang multicab sa labas ng kanilang bahay. Agad itong ini-report sa mga awtoridad na naging daan upang makarating kaagad sa lugar ang mga miyembro ng City Mobile Force Company (CMFC) at Police Station 3 ng Tacloban City Police Office.

Sa pagdating ng mga pulis, agad nilang siniguro ang kaligtasan ng sanggol at isinagawa ang kinakailangang pagresponde upang mabigyan ito ng agarang atensyon. Kasunod nito, nakipag-ugnayan ang Women and Children Protection Desk (WCPD) sa City Social Welfare and Development Office (CSWDO) at Tacloban Rescue Unit (TACRU) para sa wastong pangangalaga at medikal na pagsusuri sa sanggol.

Batay sa paunang assessment, hindi pa napuputol ang pusod ng sanggol at may bakas pa ng tuyong dugo sa buhok nito, indikasyong ito ay kasisilang pa lamang bago iniwan sa naturang lugar.

“This rescue reflects the importance of community vigilance and immediate police response. Every child deserves protection and care,” ani PGEN Jose Melencio C. Nartatez Jr. “Malaking bagay ang malasakit ng mamamayan na agad nagbigay ng impormasyon sa pulisya upang mailigtas ang sanggol.”

Dagdag pa ni PGEN Jose Melencio C. Nartatez Jr., “The PNP remains committed to protecting the vulnerable and responding to situations that threaten life and safety.” Aniya, “Hindi lamang pagpapatupad ng batas ang tungkulin ng kapulisan kundi maging pag-aaruga at pagprotekta sa mga nangangailangan ng agarang tulong.”

Ipinakita rin ng insidenteng ito ang patuloy na pagpapatibay ng PNP sa mas makatao at mas malapit na ugnayan sa komunidad sa ilalim ng PNP Focused Agenda—isang gabay tungo sa mas maayos at mas responsive na serbisyo-pulisya. Sa pamamagitan ng Enhanced Managing Police Operations at Active Community Support, mas napapalawak ang kakayahan ng kapulisan na makaresponde agad sa mga sitwasyong nangangailangan ng agarang aksyon at malasakit sa mamamayan.

Habang nagpapatuloy ang imbestigasyon upang matukoy kung sino ang nag-iwan sa sanggol, tiniyak ng PRO 8 na mananatiling prayoridad ang kaligtasan at kapakanan ng bata habang ito ay nasa pangangalaga ng mga kinauukulang ahensya.

Sa patuloy na pagpapaigting ng PNP sa pagprotekta sa buhay at kapakanan ng bawat mamamayan, tinitiyak ng kapulisan sa publiko ang “Bagong PNP para sa Bagong Pilipinas: Serbisyong mabilis, tapat, at nararamdaman.”

(PNP-PIO)

15/05/2026

BREASTMILK MULA SA PUSO, HANDOG NG PULIS SA NANGANGAILANGANG SANGGOL

Sa munting paraan ng pagtulong, muling pinatunayan ng mga pulis sa Northern Samar na ang tunay na serbisyo ay may kasamang malasakit at pag-aaruga sa komunidad.

Sa ilalim ng pamumuno ni PNP Chief, PGEN Jose Melencio C. Nartatez Jr., matagumpay na naipaabot ng mga personnel ng 2nd Northern Samar Provincial Mobile Force Company (2nd NSPMFC) ang donasyong breastmilk para sa isang sanggol sa Catarman na nangangailangan ng agarang tulong noong May 11, 2026.

Nagmula ang donasyong breastmilk kay Patrolman Maybelle Caballes ng 2nd PMFC Pambujan at agad namang pinangunahan nina Patrolman Alex Allan Bonicarlo at dalawa pa nilang kasamahan ang pagdadala nito upang matiyak na makarating nang maayos sa sanggol. Naging mahalaga rin ang tulong ng isang pribadong indibidwal sa pakikipag-ugnayan sa Northern Samar Provincial Hospital upang mapadali ang pag-abot ng donasyon. Sa simpleng gawaing ito, naging daan ang pagkakaisa at malasakit upang makapagbigay ng pag-asa at suporta sa isang pamilyang nangangailangan.

“This act of kindness reflects the true heart of public service. Ang malasakit ng ating mga pulis ay hindi nagtatapos sa pagpapatupad ng batas kundi umaabot hanggang sa pagtulong sa mga nangangailangan,” pahayag ni PGEN Nartatez.

Dagdag pa ni PGEN Nartatez, “Our police officers continue to show that compassion and service go hand in hand. Sa mga ganitong pagkakataon, mas lalong napapalapit ang tiwala ng komunidad sa kanilang kapulisan.”

Ipinapakita rin ng gawaing ito ang patuloy na pagpapatupad ng PNP Focused Agenda—isang gabay tungo sa mas makatao, mas maaasahan, at mas makabuluhang serbisyo para sa mamamayan. Kabilang sa mga prayoridad nito ang Enhanced Managing Police Operations at Active Community Support na parehong naipamalas sa agarang pagtugon at sama-samang pagkilos ng mga pulis upang makatulong sa isang sanggol sa Catarman.

Habang patuloy na isinusulong ng PNP ang mga gawaing nagpapakita ng malasakit at pakikipagkapwa-tao sa komunidad, patuloy nitong tinitiyak sa publiko ang bisyon ng PNP na “Bagong PNP para sa Bagong Pilipinas: Serbisyong mabilis, tapat, at nararamdaman.”

(PNP-PIO)