What are the opening hours?

Monday 8am - 5pm Tuesday 8am - 5pm Wednesday 9am - 5pm Thursday 9am - 5pm Friday 9am - 5pm Saturday 8am - 5pm

https://www.instagram.com/cstrc_opd/

A Click to Celebrate Life and Recovery, San Fernando (2025)

25/06/2025

"Life Testimony ni A.A"

Sa unang pagdating ko sa rehabilitation centre, hindi ko mapaliwanag ang nararamdaman ko… kaba at takot ay bumabagabag sa aking isip. Unang pinagawa saken ay pinaligo muna ako at pakatapos ay inenterview ako. Pagatapos ng naganap na interview ay sinabihan ako na magpaalam na ako sa aking magulang at kapatid. Sa pagtalikod ko paalis ay napa-iyak ako dala ng kalungkutan. Pagdating sa quarantine area ay nagpa-swab test muna ako at doon ko narealize na mahirap dito sa loob ng rehab na ito. Pagkatapos naman ay dinala ako sa isang kwarto at sabi ng doctor ay basahin ang mga patakaran sa rehab. Lumipas ng 15 araw ay nilabas kami sa quarantine area at dito sinundo kami ni Bro. L**** kasama ang doctor at pina-upo kami sa green chair upang magbasa tungkol sa rules ng family at mga panalangin. sa araw-araw. Lumipas na naman ang araw ay ininterview ulit ako. Pagkatapos ng interview ay winelcome kami ng Family at ang naging Big Brother ay si Bro. L****.
Phase 1: Dito ay gumagawa kami ng mga sulatin at nag-aral. Nagsusulat din para sa Phase 2 upang makatawid sa susunod na Phase.
Phase 2: Dito ay inenterview kami at pinagusapan ang Family Dialogue.
Phase 3: Gumawa kami ng project na binigay tungkol sa mga droga, alcohol and smoking. Dito sa phase na ito ay sobrang nahirapan ako. Pagkatapos ay nagbasa kami tungkol sa buhay rehab at sa mga sumunod na araw ay sinundo na ako at dito binigyan ako ng mga pipirmahan na mga sulat sa paglabas ko sa rehab.Sinundo na ako ng kapatid at magulang ko. Sobrang napakasaya ang aking nadarama nang makita ko na sila na susundo sa akin.

Sa paglabas ko ay tumatakbo sa aking pag-iisip lahat ng pinag-daanan ko ay pinag-iisipan ang mga desisyon na aking pipiliin upang magbagong buhay. Habang nasa biyahe ay sobrang saya ko dahil makakasama ko na ulit ang aking mga anak at asawa.Sa pagdating ko ulit sa bahay ay ginhawa at kapayapaan ang aking nadama para sa bagong umaga. Lumipas ang mga ilang linggo ay nagsimula na ang aking pagrereport sa Aftercare Program upang malinis na ang aking record sa rehab. Dito ay panibagong gawain na naman ang aking aasikasuhin at apat na phase ang tatapusin. Dito ay na reflect ko sa sarili ang mga kailangan baguhin at dapat na gawin sa araw-araw upang maging negative sa araw na pagreport. Sa mga sumunod na linggo ay nabalitaan ko na ako ay malapit na magtapos base sa aking results, at dito ay nagsimula kami na magpractice ukol sa pamaskong mga kanta para sa gagawin naming Fundrasing Caroling. Sa kaganapan ng pagbibigay donation sa mga batang nangangailangan ng tulong sa mga nakaraan na araw ay naging masaya ako para sa aking pagtatapos ng report upang malinis ang aking pangalan at patuloy na magbabagong buhay at dito na lang nagtatapos ang akin kwento ukol sa akin buhay rehab.

28/05/2025

"Life Testimony ni A.D"

"Tools”

Katorse anyos ako ng matuto akong manigarilyo. Dala siguro ng kuryosidad kaya ko sinubukan na manigarilyo kaakibat nito ang paginom ng alak at ang paggamit ng ma*****na. Sa kagustuhan ko na maibalik lahat ng ginastos ko sa aking mga bisyo natutunan ko ang magtulak ng ma*****na pagtungtong ko sa highschool. Ang capital ko noon ay isang daang piso katumbas ng dalawang tibag ng ma*****na ay umaabot ito ng hangang anim na libong piso. Katumbas ng isang kilong ma*****na, lumago ang negosyo kong ito sa aking highschool life hangang sa nag-graduate ako ng highschool. Pagtungton ko sa kolehiyo ay natutunan ko na rin ang paggamit ng shabu. Sa pagkalulong ko sa bisyong ito ay naubos lahat ng naipundar ko pati ang lahat ng delihensiya ko sa pagbenta ng ma*****na. Mga pangarap ko sa buhay ay bumagsak, dahil nilamon ito ng masamang sistema. Huli na nang malaman ko na sirang-sira na pala ang buhay ko dahil sa pagkalulong ko sa ipinagbabawal na gamot na ito. Halos mawalan na ako ng pagasa sa buhay.

Hinimok ako ng aking pamilya na pumasok sa CSTRC sa Rehab. Sa una todo tanggi ako sa kanila pero sa huli pumayag din ako sa kanila. October 26 ng ipinasok ako sa Center ng walang pag-aalinlangan. Sa una nahirapan ako dahil wala talaga akong ideya kung anong mangyayari sa akin. Mahirap ang buhay sa rehab dahil maraming adjustment na kailangang gawin. Ang isang araw sa loob ay katumbas ng isang buwan. Para sa aking nagrerecover sa maikling pamamalagi ko sa loob ng Center ay marami akong natutunang magagandang bagay na kailan man ay hindi ko natutunan sa labas katulad ng pagkilala kay Higher Power o pagkilala sa Diyos, pagrespeto sa lahat ng mga staff sa loob ng Center, sa mga ka-brother , sa mga kapwa ko recoveries, pagmamahal sa kalikasan, pagrespeto, at higit sa lahat pagdisiplina sa sarili at pagkakaroon ng takot sa Diyos. Yan ang mga mahahalagang bagay na pinagkaloob sa amin sa loob ng Center para sa aming paglabas sa komunidad, at pagharap pa sa darating na mga hamon sa buhay naming ay mayroon na kaming ideya o talino, lakas, at katatagan upang maiwasan at tuluyang huwag nang balikan pa ang landas ng kadiliman.

October 26, 2023 ng binuksan ang aking tarangkahan ay nagkaroon ako ng pag-asa liwanag upang harapin ang hamon sa ACP o Aftercare Program. Hinarap ko ang komunindad na may dalang karunungan at pag-asa na natutunan ko sa loob ng rehabilitation Center. Sa awa ng Diyos ay napanatili ko ang pagiging clean and sober, mula paglabas at sa kasalukuyan.

Muli po, salamat po uli sa lahat ng bumubuo ng Center. Salamat po sa pagbigay ninyo sa akin ng mga “Tools” na magagamit ko sa araw-araw upang hindi na mag relapse. Sana marami pa po kayong matulungan. Sana magkaroon pa po ng extension ang rehabilitation na ito. Habang buhay ko pong dadalhin ang mga natutunan ko sa loob. Gagawin ko po itong sandata para magtagumpay po ako sa akin buhay, at hikayatin ang iba na ituro ang mga natutunan ko sa loob para gabayan at ituro ang tamang landas ng buhay. Sa muli po, maraming salamat po sa lahat ng bumubuo ng Center na ito. Mabuhay po kayo!

30/04/2025

"Life Testimony ni M.R.A"

January 6, 2022 ng ako’y i-admit sa CSTRC alam kong lungkot ang aking kalaban sapagkat ilang buwan akong mawawalay sa akin mga mahal sa buhay sa awa ng Diyos nakayanan ko naman ang lahat ng mga obligasyon ko bilang isang residente sa 11 months kong pamamalagi sa Center ay marami akong natutunan. Isa na dito ang maibalik ang tiwala ko sa sarili at muling lumapit kay Higher Power. Doon ko rin naamin na isa na pala ako sa mga naliligaw na ng landas. Sa mga lesson na napagdaanan ko sa loob muli kong naibabalik ang mga magagandang pag-uugali at takot sa Diyos.
Dec. 15, 2002 ng ako’y lumabas sa rehabilitasyon. Excitement at takot ang aking nadama ng mga oras na iyon. Excitement dahil muli ko nang makasama ang pamilya ko. Takot dahil baka maulit na nanman ang pagiging lulong ko sa bisyo. Sa pagharap ko sa tunay na mundo dala ko ang aking mga natutunan sa Center. Kong paano maiwasan ang trigger. Napakalaking tulong din sa akin ng Aftercare Program. Palaging pinapaalala sa akin ng ACP ang mga dapat gawin para hindi na muli bumalik sa dati. Malaking tulong ang pagscedhuling ko sa araw araw naiwasan ko ang makaramdam ng pagkainip dahil lagi akong abala sa mga gawaing bahay at pagbantay sa dalawa kong anak. Habang lumilipas ang ilang buwan patuloy akong kumakapit at nagtitiwala sa sarili ko. May mga panahon at oras na ako’y nadapa pero hindi ako sumuko sa halip ginawa ko itong lakas para hindi na ulit madapa. Dahil sa ACP nagkaroon ako ng lakas ng loob upang makaharap sa kapwa ko ng may confidence. Nakapaghingi ako ng tawad sa mga taong nasaktan ko noon at natuto akong magpatawad sa mga nagkasala sa akin. Marami din akong napanatili isa na dito ang aking magagandang pag-uugali. Napapanatili ko ang akin pagiging kalmado sa lahat ng oras. Sa tulong ng ACP masasabi ko ngayon na ako’y muli nang isang ganap na tao, na may respeto sa kapwa, amy pagmamahal sa magulang at pamilya, at higit sa lahat may takot na ulit sa Diyos. Salamat Aftercare program sa gabay na ibinigay niyo sa akin upang mapanatili ko ang mga magagandang aral na natutunan ko sa loob ng center.

28/03/2025

"LIFE TESTIMONY NI GV"

Ako ay isang dating adik at gustong tuluyan na tigilan ang paggamit ng droga. Nagsimula akong gumamit ng droga noong ako dalawampung (20) taong gulang pa lamang. Gumamit ako ng ma*****na at syrup. Nagsimula akong gumamit ng shabu noong nagsimula akong mag drive ng Jeepney noong ako ay dalawamput limang taong gulang (25). Dahil sa mga barkada na kapwa ko driver hindi ko napigilang gumamit at hindi ko namalayan na sugapa na pala ako sa shabu.
Mahirap ang naging buhay ko bilang adik dahil sa nawala'y ako sa aking pamilya ng dalawang taon dahil sa kung saan saan ako nakikitira. Minsan walang ligo at walang kain. Sa dalawang taon ko, sa iba't-ibang bahay doon ko napagtanto na kailangan ko ang pamilya ko kaya humiling ako kay "Papu" (Higher Power) nang tao na pwedeng magdala o samahan ako pauwi saamin dahil gusto ko ng umuwi hanggang sa nakilala ko si R*** adik din siya. Siya ang tumulong sa akin para makauwi ng bahay namin. Nang makauwi ako iba na ang naging trato sa akin ng aking mga kapamilya. Takot na sila sa akin at dahil doon ay nagpasya akong muling umalis kasama si R***. Tumira kami sa bahay nila sa Bacacay, Albay at ilang buwan din kaming doon ay namalagi. Doon ay natuto akong mag-Copra dahil ang tatay niya ay tenant ng malawak na lupain.
Pagkatapos ng ilang buwan ay nag napagdesisyunan ko na pumunta ng Maynila dahil nabuntis si R*** ng dati niyang kasintahan. Ginusto kong tulungan siya sa nalalapit na panganganak dahil hirap sila sa buhay. Naging driver uli ako ngunit sa Maynila na. Inabot ng tatlong (3) taon akong nagtrabaho doon bilang family driver. Doon din ako nag lapse, unang pag lapse ko iyon. Sa pagkalipas ng 3 taon ay tumawag ang aking kapatid na lalaki na umuwi na ako kasi walang magmamaneho sa isang jeep namin. Kaya naman ay umuwi ako ng Bicol at nagmaneho ulit ako ng Jeep.
Kung sa Maynila ay nagka lapse ako dito naman sa Bicol ay tuluyan na akong nag relapse dahil sa mga dating kaibigan na kapwa ko driver. Mas naging malala pa dahil nag benta na rin ako ng droga noong kasagsagan ng pandemya. Nagtinda dahil walang kita sa pasada. Kaya napilitan akong magbenta para masuportahan ang aking pamilya at dahil may kinakasama na rin ako at mayroon na siyang mga anak. At kasabay nito ay upang masuportahan ko ang aking paggamit ng illegal na droga.
Dahil doon ay nahuli ako ng mga pulis. Nakulong ako ng pitong (7) buwan at nag apply sa probation at sa kabutihang palad ay na grant naman ni judge. Ngunit dahil sa matinding pag gamit ng droga ako ay kinailangang ipasok sa Rehabilitation center sa Malinao na inabot ng labinlimang (15) buwan.
Sa aking Aftercare Program, ako ay na admit sa DOH-CSTRC sa San Fernando. Malaking pasasalamat kay Higher Power at sa programa kasi makakapagtapos na ako sa Aftercare. Goodluck saakin saaking pagbabago. To God be the glory.
Special thanks sa lahat ng staff ng MTRC at CSTRC na tumulong saaking pagbabago.
Salamat po saindo.

27/02/2025

LIFE TESTIMONY NI J.H.L

"RE-IGNITE"

DEC 15, 2022, ang maagang regalo sa akin sa paparating na pasko, dahil ang araw na ito ay ang araw ng pag labas ko sa lugar ng pagbabago. Lungkot at saya ang nadarama ko. Malungkot kasi iiwan ko na ang mga kapatid ko sa recovery, ang aking case management team (CMT), ang mga teachers ko simula sa ERS hanggang ako ay nag senior at ang mga house parents dahil sila ang naging pamilya ko sa loob ng labing isang buwan at apat na araw. Masaya dahil maraming gintong aral, masasayang alaala na nakilala at nakasama ko sila. Isang yugto ito sa buhay ko na kahit kailan man ay hindi ko makakalimutan at higit sa lahat, tapos na, napagtagumpayan ko ang buhay sa residential…pero mag sisimula palang ang tunay na laban. Buti na lang mayroon pang “follow up aftercare program”. Ito ang magiging gabay ko. Tutulungan nila ako na maka-adjust at i-integrate muli sa community at dito na rin ako tinawag bilang isang RDD. Sa “phase one” kailangan ko na mag report isang beses sa isang linggo at kailangan ko na mag drugtest para mapatunayan na ako ay malinis. Masaya ako tuwing may “group session” at pag nakakausap ko ang matatalinong staff. Naikukwento ko sa kanila ang hirap na pinag dadadaanan ko bilang isang RDD at dahil sa tulong at pag gabay nila sa akin, natututunan ko ang mga dapat kong ingatan, bantayan at pag yamanin pa sa aking recovery. Pagkatapos, diretso ako sa simbahan para mag pasalamat. masaya na mabuhay na walang halong droga, Napakasayang mabuhay pag si Lord ang palagi na kasama. Isang gabi habang nakatayo ako sa labas ng bahay namin dumaan ang kaibigan ko na pastor, yinakap ako nito at sinabing “B., im very proud of you. Nabalitaan ko na nag “rehab ka”. Wala akong naisagot sa kanya kundi ang matamis na ngiti sa aking mga labi. Isinali niya ako sa kanilang bible study tuwing miyerkules ng gabi habang sa umaga ay nasa “N.A” meeting naman ako. Dalawang support group na sobrang laki ang naitulong sa aking recovery at ang scheduling ng daily activities para ako ay palaging busy. Lumipas pa ang mga araw, inanyayahan niya ako na dumalo sa kanilang simbahan para mag bigay ng aking testimony kung paano binago ni Lord ang buhay ko sa tulong na rin ng “CSTRC”. Bagamat sila ay kristiyano ako naman ay romanong katoliko hindi ito naging hadlang para sumagot ako na “oo” sa harapan ng maraming tao, nanginginig man na hawak ko ang mikropono, ikinuwento ko ang naging buhay ko bilang isang ”drug addict” at lahat ng hirap na aking pinagdaanan saglit ako na tumingin sa mga nakikinig sa akin. I was surprised, dahil sila ay nag iiyakan. May kwenta ang kwento mo” sabi ng pastor sa akin. Ilang beses pa ito na naulit sa ibat-ibang church dito sa Camarines Sur, Nakakalungkot at mahirap man ang mga pinagdaanan ko, masaya ako pag ikinukwento ko ito dahil alam ko, by sharing my story, I can make a difference sa buhay ng ibang tao. Pagbibigay ng bibliya sa komunidad, pag papakilala sa salita ng Diyos, pag bibigay ng gift boxes mula sa ibang bansa para sa mga bata, napakaganda and it seems like everything is working for me, but not for long…April ,2023 habang ako ay nasa “Phase 2” paalala sa amin ni sir na kailangan namin na mag doble ingat dahil dito sa phase two, kadalasan ang mga RDD ay naglalaglagan. Tama siya. Kasi pagkatapos namin ng session, muli ako na natukso na gumamit. After “158 days” na pagiging “sober and clean” ako ay nag lapse for the first time and it will not be the last. Lahat ng naipon ko at naipundar ay nawala. Lahat ng pinag-aralan at natutunan ko sa rehab, ni isa man, ay wala akong nagawa. Hindi na rin ako nag attend sa bible study, sa church o sa mga “N.A” meeting. Ano pa ang purpose ng mga panalangin ko if I’m about to commit sin again. It took me several months para mag report, magpakitang muli sa center. October 13 ang araw na iyon. Pag drugtest sa akin, ako ay nag positive. Expected ko na yon. Kasama si sir at si mama, nag usap kami kung ano ang aking plano dahil nasa inpluwensya ng droga lahat ng sinabi ko ay hindi totoo. Kaya noong araw na dapat ko nang i-serve ang aking “L.E” nag positive ulit ako. Kaya ang dapat na isang araw lamang ay naging tatlo. Pag uwi ko, dumiretso ako sa simbahan para manalangin nagdududa man kong papakingan niya pa ako, alam ko sa loob ko na hindi ako makakawala sa pagmamahal niya ay hindi ako makakatago. Naliwanagan ulit ang isip ko dahil sa tatlong araw kong pag “L.E”. Wala naman kasi talagang perfect na recovery. Nagsilbi itong “eye opener” sa akin. Na sa recovery, hindi kailangan na magmadali at wag din maging kampante. January sa kasalukuyang taon ng ako ay mailipat na sa “PHASE 3”. Dito ako ay nag co-faci, lumahok sa group dynamic at spiritual activity na pinaka nagustuhan ko sa lahat. Pero hindi ito naging madali. Dahil pagpasok ng April ay muli ako na nag lapse. Ilang months ulit bago ako nag pakita sa center. “Self disclosure,” gumagamit po ako sabi ko kay Sir Lester. Kaya nabigyan ulit ako ng five days of “L.E”. 23 months na akong nasa “A.C.P”. Ilang beses akong nadapa sa aking recovery pero hindi ito dahilan para mag mukmok na lamang. Kailangan kong bumangon. Kailangan kong lumaban. Sa pagtatapos ng lahat ng ito, natutunan ko na hindi ipinipilit ang pagbabago, dahil balewala ang lahat ng tulong kung hindi ko tutulungan ang sarili ko…kaya nag papasalamat ako sa lahat ng nakasama ko sa paglalakbay na itoS sa mga bumubuo ng “aftercare program,” kayo ang ilaw na nagbigay sa akin ng liwanag sa tuwing ako ay nahihirapan. Kayo din ang rason kung bakit nandito ako sa espesyal na araw na ito at patuloy na lumalaban. At sa aftercare staff, maraming salamat sa inyo, dahil kayo ang aking “recovery hero”. Live one day at a time. God bless us all!!! Maraming salamat po.

31/01/2025

"LIFE TESTIMONY NI L.B"

SAKRIPISYO

Simula nang makatapos ako sa pag-aaral sa edad n 22. Noong una ko natikman ay alak at sigarilyo, dahil sa mga kababata ko. Dahil sa pg-inom ng alak ay pinatikim din nila ako ng droga kahit alam konv masama ito sa katawan. Dahil sa pagtimtim ko ng droga ay marami bumago sa aking pgkatao. Lagi ako ngsisinungaling a aking pamilya. Dumating ang araw na bumago ang pakikitungo ko sa kanila na para bang sarili ko na lang iniintindi ko.Natuto rin ano magbenta ng droga kasama ang kapwa ko addict. Kaya umabot sa punto na uminit Ako sa awtoridad, hanggang sa mahuli ako at makulong. Sa loob ng kulungan dito ko napagtanto na wala na ako sa katinuan, kaya sobra ang pagsisi ko sa aking sarili. Nang mkalabas ako ng kulungan dahil sa pag apela ng plea bargaining ay sinubukan baguhin ang sarili at ng undergo nang iop sa ehab. Binigyan ako ng negosyo ng aking mga magulang para meron pang suporta sa dalawa kong anak. Hanggang sa nagka lapses na di inaasahan na mag positibo ako sa drug test. Tiempo pa naman graduation namin sa iop. Parang sumabog ang mundo ko ng sabihin ng isang staff na maipapasok ako sa loob ng rehab bilang residente.

Sa pagpasok ko ng rehab kaba agad naramdaman ko, pero kailangan ko rin magpatatag. Alam kong malalayo na naman ako sa aking pamilya. Pinagbutihan ko rin ang recovery ko sa loob ng pagbabago. Napalapit din ako kay High Power na Siya lang ang may kakayahang gumabay at ibalik ang aking katinuan. Nang makalabas muli halos 11 months aq namalagi sa loob ng rehab. Kaya ipinangako ko sa sarili na di na ako babalik pa. Atleast marami din ako natutunan sa loob. Tinanggap din ako ng aking pamilya ng buong-buo, naisaayos muli ang nasira kong pangarap. Kaya pig pursigihan ko maibalik muli ang tiwala saakin ng aking pamilya sa pamamagitan Ng pg focus ko sa king negosyo at sa obligasyon ko sa dalawa kong anak. Kailangan ko mg undergo ng ACP para makagraduate ng tuluyan. Dito s ACP kinakailangan isapuso lahat ang mga tinuturo ng mga case manager upang malabanan ang mga trigger. Hindi naman nagpabaya ang aking pamilya sa pagpapaalala kong sakali ako nakakampante. Patuloy ko rin nagagampanan lahat ng mga obligasyon ko sa aking pamilya at sa aking negosyo. Hanggang kaya ko mag sakripisyo na iwasan ang mga barkada upang mabigyan ko ng importansya ang aking pamilya. Dahil napapanahon na rin na sila na ang aking priority. Nakikitaan na rin nila ako disididong mgbago... Lahat pinapakitaan kong mabubuti, kaya't mga kapatid ko natutuwa sa akin ginagawa... Araw-araw ko rin pinapalangin kay high-power na maging buo muli ang aking pamilya. Na sana mapatawad na ako ng aking asawa, alam ko rin na labis din siya nasaktan sa mga araw na ako'y ngpabaya. Umaasa pa rin ako n mgkaayos kming dalwa, subalit pilit ko pa rin itinatago ang aking nararamdanan sa sitwasyon namin dalwa. May mga araw din akong tahimik, kahit may problema ako di ko pinapahalata sa mga bata. Hanggang sa umabot nnmn n mgka lapses ako muli. Mabuti nlng may mga tao rin n ngmamalasakit na pagbutihin ko na lang ang recovery. Kaya bilang tagasunod sa tama, pinagbuti ko gumawa na lang ng makakabuti para di maapektuhan ang recovery. Araw-araw ko rin hinihiling kay high power na di ako paghinaan ng loob at ilayo sa mga tentasyon na pwede ako ipahamak. Malaki talaga ang naging ambag sakin ng CSTRC team na patuloy sila gumagabay at nagpapaalala na pahalagahan ang aming recovery. Hanggang sa makatapos ako ng ACP, patuloy pa rin ako mag rerecover.

03/12/2024

Life Testimony ni N.L

"Pakikisama at Pagsubok"

High School pa lang ako ng matutunan ko ang lahat ng bisyo maliban sa drugs. Nang maka pagtapos ako ay lumuwas ako ng manila para mgtrabaho, dito ko nakilala ang ibat- ibang klase ng tao.Sa manila na rin ako naka pangasawa at nag kaanak. Dahil sa isa akong welder palipat lipat ako ng trabaho, at kung saan saan ako na dedistino.January 2020 ng madistino ako sa Exhaque Isabela, panibago pakisama naman ang ginawa ko para mag kapalagayan kami ng loob ng mga kasama ko. Doon na rin ako sinubok ng tadhana. Sa Echaque na rin ako inabot ng lock down dahil nga sa hindi kami makalabas at maka pag trabaho ay halos araw-araw kming nag-iinuman ng mga kasama ko. Isang gabi habang ng iinuman kmi ay nagyaya ang isa kong kasamahan may nabili daw siyang shabu kaya inihanda na nmin ang mga gagamitin namin. Habang nag-aayos kami ay hindi namin namalayan na may mga pulis na plang dumating sa bahay na inuupahan nmin.Nahuli at nakulong ako ng 10 araw dahil naka pagpiyansa ako pero nahatulan pa rin ako na mag rehab. December 24 ng ipasok kami sa rehab umiiyak ako habang nasa byahe kami, iniisip ko ang aking pmilya dahil paskong pasko hindi ko sila mkikita at mkakausap.Doon ko naalala ang halaga ng aking pmilya.Halos apat na buwan na hindi ko nakita at nakausap ang aking mag-iina dahil bawal ang paggamit ng cellphone.Ang akala ko hindi ko makakayanan ang lahat, mabuti na lang at mababait ang mga staff tinuruan nila akong maging matatag para malabanan ko ang lungkot sa loob ng rehab. Halos inabot din ako 9 na buwan sa loob ng rehab. September 2021 ako nakalabas ng rehab at kailangan ko pa mag undergo ng ACP pero dito na ko ko sa Bikol. October 2021 ng maadmit ako sa DOH CSTRC.Hindi naging madali ang pag pasok ko sa ACP dhil panibago pakikisama naman, pero sa ACP ko rin nakilala ang mga tao tumulong sa akin para malampasan ko ang lahat ng pagsubok.Sa ACP ko rin natutunan paano iwasan ang mga trigger na lumalapit sa akin.Dahil na rin sa mga activity na ibinigay sa amin ng ACP ay marami akong natutunan at nabago ang aking pananaw sa buhay. Dahil na rin sa ACP lubos kong naunawaan kong gaano kahalaga ang pamilya kaya malaki talaga ang pasasalamat ko sa ACP.Nagpapasalamat ako at sila yong naging gabay namin mga RDD na hindi na muling maligaw ng landas.Salamat sa tulong niyo sa amin,sa staff ng ACP at sa DOH CSTRC.

18/11/2024

Life Testimony ni E.D.

1997 nang una kong matikman and groga dahil sa mga kaibigan ko at ito ay aking nagustohan ng lubosan. Dahil rito ay napabayaan ko na ang aking negosyo dahil droga na ang aking inaatupag sa araw-araw.

Kasunod noon nasira na rin ang aking relasyon sa aking pamilya. Halos lahat ng kapatid ko ay nakaaway ko na rin. Dahil dito ay nag pasya ang aking pamilya na ipa-rehab ako. Sa una kong rehab ay walang nangyaring maganda dahil nag relapse ako hangang sa bumalik nang tuloyan sa muling paggamit ko ng droga. Kaya ipinasok ako sa Camarines Sur Treatment and Rehabilitation Center (CSTRC). Noong una ay sobra akong nahihirapan at kalungkutan ang aking nadarama. Subalit nang lubusan ko ng tanggapin ang programa ay napawi ang lahat. Dito ay mas nakilala ko na ang aking sarili at naunawaan na may dapat akong ayusin at baguhing mga masasamang pag-uugali at higit sa lahat ang aking sakit na adiksyon.

Sa loob ng 11 months ay natapos ko na ang aking residential stage sa rehab at nag patuloy ang program sa Aftercare Program (ACP). Hindi naging madali sakin sa una kong labas dahil sa kaliwat kanan na triggers. Subalit napag-aralan ko sa programa ang pag iwas at pag-kaya rito kaya nalampasan ko ang lahat ng ito kung papaano matagumpay na maiiwasan. Kaya lahat ng lesson at activity sa ACP ay sinasaisip at isinasa-puso ko lahat dahil alam kong ito ang makakatulong saaking pag babago.
Sobra sobra ang aking papasalamat, una sa Panginoon dahil Sya ang aking gabay sa lahat ng aking hakbang. At sa aking pamilya na walang sawang sumuporta, at sa lahat ng mga ka brother ko na tumulong sakin para makilala ko ang aking sarili at sa lahat ng staff ng center.

Salamat sa lahat na pag unawa at pag gabay saakin.
Salamat po God bless 🙏♥️

18/10/2024

Life Testimony ni A.P

"Pangarap at Pagsubok"

Sa taong 2000, 8 years old, una ako nakatikim ng sigarilyo
dahil palagi ako inutusan ng mga tiyuhin ko bumili nito at alak kapag sila nag iinuman.Paunti-unti na rin akong nakakatikim ng alak, kahit ganun ay hindi ko napabayaan pag-aaral ko sa elementarya. Dahil sa barkada natuto ako mag layas, sa mga taong ito natuto rin ako mag hanap buhay, pag tinda ng pandesal sa umaga at balot sa gabi. Pag umaga ay papasako sa school.

Taong 2006, nag-aral na ako ng highschool, madalas ako napa barkada.Inom at sigarilyo ganun lang ang bisyo ko. Kahit ganon ay hindi ko naman napabayaan pag-aaral ko pero dahil sa bisyo madalas na kami nag tatalo ng kapatid ko na nagpapaaral sa akin. Natuto na ako sumagot at walang respeto hindi ko na sila pinapakinggan, matigas na ang aking ulo.Dahilan upang tumigil ako sa pag-aaral at nagtrabaho na lang sa construction pero nakakatulong naman ako sa mga kapatid ko nung nakapag trabaho na ako. Nakakabigay na ako ng pera panggastos at mas napapadalas ang bisyo, inom at sigarilyo.

Taong 2009, dahil sa trabaho ay nakarating ako sa Bicol. Dahil sa mga kasamahan ko sa trabaho at sa lugar na ito ako tumira. Dito na rin ako nakapag pamilya at mga anak. Dahil duon ay pinag sipagan ko ang trabaho mabigyan magandang buhay ang aking pamilya pero kahit ganun ay hindi ko parin napigilan sigarilyo at alak. Dahil sa mga trabahador na gumagamit ng ipinag babawal na shabu, dito nakatikim na rin ako.

Dahil sa pakikisama sa barkada, dahil dito sa bisyo ay nawala ang pokus ko sa pamilya, dating responsable ay naging irresponsable.Dahil dito napabayaan ko na ang aking pamilya.Dahil sa kagustuhang madali ang pera natuto na rin ako mag benta ng shabu at dahil dito nahuli ako ng mga pulis, nakulong ako.

Lungkot, pagsisisi ang naramdaman ko, nawalay ako sa aking pamilya at mga mahal sa buhay. Lalo na nung naipasok ako sa rehab.Kaba takot lungkot ang aking naramdaman.

Nang naipasok ako sa lugar ng pagbabago, CSTRC. Hindi naging madali ang aking mga pagsubok, una kung natutunan pag balik loob sa ating Panginoon, dito unti unti kong nabago ang aking sarili. Tuluyang gumaling at nawala ko ang pagka-adik sa bisyo, sigarilyo alak at shabu.

Sa tulong ng mga staff, ng aking pamilya at aking sarili, nakalabas na ako at naging Recovering Drug Dependent (RDD). Hindi naging madali ang buhay ko noong ako ay lumabas ng center. Sa tulong ng Center at ng aking pamilya ay naiiwasan ko lahat ng pagsubok, trigger sa bisyo.

Nag papasalamat ako sa lahat ng staff ng CSTRC, dahil muli nila akong naibalik sa katinuan. At patuloy ko itong pang-hahawakan, ang recovery ko ang ginagawa araw araw.

Sa tulong ng pananalig sa Diyos at tiwala sa sarili. At gabay ng aking pamilya...

Salamat po...

27/09/2024

Life Testimony

"Barkada at kapabayaan"

Taong 2010 nang may nakilala akong taong mayroong bisyo. Una ay curios lamang ako at sinama niya at inaya akong subukan ito (ilegal na droga) ngunit noong una ay umayaw ako kasi hindi ko alam ang pwedeng mangyari. Ganon pa man ito'y tinikman ko at ito ay parang ginusto ko nang ulit-ulitin. Lagi kaming magkakasama mag bisyo kasama na ang inom at sigarilyo. Ilang taon ang nakalipas hanggang nagkaroon ng sariling pamilya ay tumigil akong pansamantala at nagkatrabaho. Sa di inaasahang panahon dumating ang Covid-19 pandemic at bumalik ulit ako sa aking bisyo. Nawili ulit at napasama sa mga barkda. Lumala ang aking pagbisyo at napabyaan ang pamilya.

Ako rin ay napahamak, nagkamali at naipasok sa Camarines Sur Treatment and Rehabilitation Center (CSTRC). Noong nasa loob ako ay grabe ang mga napag-isipan ko sa mga nagawa kong pagkakamali.
Aking napagtanto na ang pagsisi ay nasa huli. Ginawa ko ang lahat hanggang maging maayos at makalabas ng Residential program ng CSTRC.
Kasunod nito ang Aftercare Program na siyang naging gabay ko. Madami pa din ang mga tukso pero naiiwasan naman sa tulong ng mga lesson at pagkatuto kaya nakaya ko at natapos ko ang Aftercare Program. Salamat CSTRC.

19/08/2024

"LIFE TESTIMONY NI J.T.*

"PAGSUBOK"

Sa pagkakaalam ko simula 1980 hanggang 1996 lang ako naging good boy sa family ko,subalit ng magsimula ang patikim-tikim ng alak, sigarilyo, ma*****na at droga, dito ay naging salot na ako ng lipunan at naging pabigat na din ako sa aking pamilya,lalong lalo na noong ako ay lulong na at talamak na sa droga, humigit kumulang dalawaput taon akong nagpasakop o nagpagamit sa ipinagbabawal na gamot, hanggang sa dumating ang araw na ako ay nakulong at narehab sa DOH CSTRC REHABILITATION CENTER. Dito ko napagtanto ang aking mga pagkakamali,pero ika nga ay huli na ang lahat, September 21,2022 ng ako ay ipinagkatiwala ng center sa pangangalaga ng ACP AFTERCARE PROGRAM bilang isang ganap na RECOVERING DRUG DEPENDENT,sa ACP AFTERCARE PROGRAM ay napaka dami kong pinagdaanan,dito ay masasabi ko,na kong mahina kang makipaglaban,hindi mo din makakamit ang tagumpay,dahil sa kaliwa't kanan ang pagsubok na aking pinagdaanan, trigger dito trigger doon,buti nalang ay bukod sa sarili kong pamamaraan ay nanjan ang ACP AFTERCARE PROGRAM para ako ay alalayan at dagdagan ang aking kaalaman.Higit sa lahat naging gabay ko ito sa paglalakbay patungo sa tagumpay, kaya ito lang po ang masasabi ko sa ACP case management team SALUDO po ako sainyo,at maraming SALAMAT PO!

A Click to Celebrate Life and Recovery

25/06/2025

28/05/2025

30/04/2025

28/03/2025

27/02/2025

31/01/2025

03/12/2024

18/11/2024

18/10/2024

27/09/2024

19/08/2024

Address

Opening Hours

Website

Alerts

Contact The Practice

Shortcuts

Share

Monday	8am - 5pm
Tuesday	8am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	8am - 5pm