Mayor Karen Ponce-Miranda, DMD

29/04/2026

Maligayang Kaarawan, Cong. PA Umali!💛🩷

Isang mainit na pagbati sa inyong espesyal na araw. Nawa’y maging payapa, masaya, at puno ng biyaya ang panibagong taon ng inyong buhay.

Maraming salamat po sa inyong patuloy na pagmamahal at malasakit sa bayan ng San Teodoro. Ang inyong suporta at pag-alalay ay malaking tulong sa patuloy na pag-unlad ng aming bayan.

Hangad ang patuloy ninyong kalakasan at magagandang araw sa hinaharap.

21/04/2026

IMBESTIGASYON SA SANHI NG PROBLEMA SA SUPLAY NG TUBIG

Kaugnay ng malawakang pagkaantala ng suplay ng tubig sa bayan ng San Teodoro, agad na nagsagawa ng paunang imbestigasyon ang Pamahalaang Bayan sa pangunguna ni Punong Bayan Hon. Karen Ponce-Miranda upang matukoy ang sanhi ng insidente.

Batay sa inisyal na pagsusuri na isinagawa kahapon, Abril 20, 2026 napag-alaman na ang water valve sa tangke na matatagpuan sa Sitio Saclag, Barangay Caagutayan ay nakasara, na siyang nakaapekto sa suplay ng tubig sa Barangay Bigaan at sumusuporta rin sa linya ng Barangay Lumangbayan.

Batay sa mga paunang impormasyong nakalap, may ulat na nagsasabing posibleng may tatlong indibidwal na sangkot sa pagsasara ng naturang valve. Gayunman, ito ay kasalukuyan pang bineberipika at wala pang pinal na konklusyon sa ngayon.

Patuloy ang mas masusing imbestigasyon upang matukoy kung paano at bakit naisara ang nasabing valve, kabilang ang pagkuha ng karagdagang ebidensya. Kaugnay nito, inatasan din ni Punong Bayan Karen Ponce-Miranda ang kapulisan na magsagawa ng kanilang hiwalay at kaukulang pagsisiyasat upang makatulong sa paglilinaw ng insidente.

Lubos na ikinalulungkot ng Pamahalaang Bayan ang abalang idinulot nito sa ating mga mamamayan. Kaugnay nito, nakipag-ugnayan na ang tanggapan ng Punong Bayan sa Sangguniang Bayan upang magsagawa ng mas malalim na imbestigasyon at makapaglatag ng mga hakbang upang maiwasan ang pag-uulit ng ganitong pangyayari.

Mariing pinapaalalahanan ang lahat na ang anumang aksyon na makakaapekto sa suplay ng pangunahing serbisyo tulad ng tubig ay may kaakibat na pananagutan alinsunod sa umiiral na batas.

Tinitiyak ng Pamahalaang Bayan na isasagawa ang isang patas, masinsinan, at transparent na imbestigasyon, at agad na ipapaalam sa publiko ang mga susunod na hakbang.

Samantala, patuloy ang ginagawang aksyon at koordinasyon upang maibalik sa normal ang suplay ng tubig sa lahat ng apektadong lugar sa lalong madaling panahon.

Para sa anumang impormasyon o ulat kaugnay ng insidenteng ito, maaaring makipag-ugnayan sa:

San Teodoro Municipal Police Station
0998-598-5826

[A]

20/04/2026

Sa mga batang Teodorean na lalaban sa National Festival of Talents—dalhin ninyo ang tapang at galing ng San Teodoro.

Hindi kayo basta kalahok. Kayo ang mukha ng husay at talino ng ating bayan. Nandito ang buong San Teodoro sa likod ninyo.

Laban, Teodorean! 🩷🔥

TINGNAN: Ipinamalas ng mga Filipino learner ang kanilang galing sa larangan ng musika at pagsasayaw sa Likhawitan at PinaSayaw categories ng ! 🎹💃🏻

Ang pagtatanghal ng mga binuong kanta sa Likhawitan ay mangyayari bukas, dito pa rin sa Roxas City, Capiz. ✨

Para sa karagdagang updates tungkol sa 2026 National Festival of Talents, manatiling nakatutok sa social media channels.

20/04/2026

PAHAYAG NG PAMAHALAANG BAYAN NG SAN TEODORO

Pormal pong humiling ang Pamahalaang Bayan ng San Teodoro, sa pangunguna ni Mayor Karen A. Ponce-Miranda, sa Sangguniang Bayan na magsagawa ng isang imbestigasyon kaugnay sa nararanasang paghina at hindi regular na suplay ng tubig sa Barangay Lumangbayan at Barangay Bigaan.

Ang hakbang na ito ay alinsunod sa mandato ng lokal na pamahalaan sa ilalim ng Republic Act No. 7160 o Local Government Code of the Philippines na tiyakin ang maayos at sapat na paghahatid ng mga pangunahing serbisyo tulad ng tubig.

Layunin ng imbestigasyon na:

- Matukoy ang tunay na sanhi ng problema
- Masuri ang kasalukuyang kalagayan ng water system
- Makapaglatag ng agarang solusyon at pangmatagalang hakbang
- Maiwasan ang pag-uulit ng ganitong sitwasyon

Ayon kay Mayor Karen A. Ponce-Miranda, ang kapakanan ng mamamayan ang pangunahing prayoridad ng pamahalaan:

“Karapatan ng bawat mamamayan ang maayos at patas na suplay ng tubig. Ang imbestigasyong ito ay hindi para magturo ng sisi, kundi para alamin ang katotohanan at makagawa ng tamang aksyon.”

Samantala, patuloy pong kumikilos ang Pamahalaang Bayan upang magpatupad ng mga agarang hakbang habang isinasagawa ang imbestigasyon.

Inaanyayahan din po ang publiko na makiisa at magbahagi ng anumang impormasyon na makatutulong sa paglilinaw ng isyung ito.

20/04/2026

18/04/2026

UNITY CUP 2026 | APRIL 18, 2026
Pagkakaisa. Respeto. Disiplina.

Pormal nang binuksan ang Unity Cup 2026 sa ginanap na opening ceremony na dinaluhan ng iba’t ibang sektor ng komunidad.

Opisyal nang sinimulan ang inaabangang Summer Basketball Tournament ng taon, tampok ang 12 koponan na magpapakitang-gilas at magpapasiklab ng kanilang husay, lakas, at determinasyon sa laban para sa kampeonato.

Kabilang sa mga koponang lalahok ay ang mga koponan ng LGU, Alpha Kappa RhO, Tau Gamma Phi, DepEd, Samahan ng Mangingisda, Expedition Blue Eagle, Dream Team Association, Zuhqui Home Builders, Katribu, PNP/BJMP, Jeepney Operators, at Team Tricycle Drivers.

Sa kanyang mensahe, binigyang-diin ni Punong Bayan, Hon. Karen Ponce-Miranda, na higit sa panalo at tropeyo, ang tunay na diwa ng palaro ay ang pagpapairal ng respeto, disiplina, at pagkakaisa sa buong komunidad. Ayon sa kanya, ang Unity Cup ay hindi lamang isang liga kundi isang pagkakataon upang mas mapalakas ang ugnayan ng bawat mamamayan ng San Teodoro.

Ang nasabing torneo ay magsisilbing plataporma hindi lamang para sa pagpapakita ng talento sa basketball, kundi para rin sa pagpapatibay ng magandang samahan at kooperasyon ng lahat ng sektor sa bayan.

18/04/2026

TUGON SA PROBLEMA SA SUPLAY NG TUBIG

April 18, 2026 | Personal na inalam ni Punong Bayan Hon. Karen Ponce-Miranda ang sitwasyon ng problema sa suplay ng tubig sa bayan. Ito ay bilang tugon sa mga ulat na nakarating sa tanggapan tungkol sa pagkawala ng suplay sa ilang mga barangay.

Binisita ng Punong Bayan ang opisina ng Water System upang alamin ang mga hakbang na isinasagawa para maibalik ang normal na suplay ng tubig. Ayon sa Water System, kasalukuyan nilang tinutukoy ang sanhi ng problema at patuloy na gumagawa ng mga paraan upang maibalik ang serbisyo sa lalong madaling panahon.

Habang hindi pa ganap na naibabalik ang suplay ng tubig, personal na humingi ng tulong si Mayor Karen sa Bureau of Fire Protection – San Teodoro upang maihatid ang tubig sa mga apektadong mamamayan sa Barangay Lumangbayan at Bigaan ngayong araw.

Tinitiyak ng Pamahalaang Bayan na patuloy ang agarang aksyon at pakikipag-ugnayan sa mga kinauukulan upang maibalik sa normal ang suplay ng tubig sa lalong madaling panahon.

[A]

18/04/2026

MINDORO LOOPER SA SAN TEODORO

April 18, 2026 | Bumisita sa bayan ng San Teodoro si Sean Bryan Dagdagan, na mas kilala bilang Mindoro Looper, bilang bahagi ng kanyang pag-ikot sa buong probinsya ng Oriental at Occidental Mindoro. Sa kanyang paglalakbay, dumaan siya sa bayan upang personal na makipagkita kay Punong Bayan Hon. Karen Ponce-Miranda.

Malugod siyang tinanggap ni Mayor Karen sa kanyang tanggapan, kung saan ipinahayag ng Punong Bayan ang paghanga sa kanyang dedikasyon at sigasig sa pagtupad ng kanyang adhikain na malibot ang buong probinsya. Ang kanyang layunin ay hindi lamang personal na tagumpay kundi pagbibigay rin ng karangalan sa kanyang sarili at sa kanyang pamilya, isang inspirasyon sa patuloy na pagsusumikap at determinasyon.

17/04/2026

COURTESY CALL | April 16, 2026
Nagkaroon ng courtesy call kay Punong Bayan Hon. Dr. Karen Ponce Miranda ang mga kinatawan ng Department of Social Welfare and Development (DSWD) kaugnay ng pamamahagi ng tulong pinansyal para sa mga rehistradong tricycle drivers.

16/04/2026

Committee Hearing
April 16, 2026

15/04/2026

💃 𝐑𝐄𝐀𝐃𝐘 𝐍𝐀 𝐁𝐀 𝐊𝐀𝐘𝐎𝐍𝐆 𝐇𝐔𝐌𝐀𝐓𝐀𝐖? 𝐃𝐀𝐍𝐂𝐄 𝐂𝐀𝐌𝐏 𝟓.𝟎 𝐈𝐒 𝐇𝐄𝐑𝐄! 🕺

Calling all dancers of San Teodoro! Panahon na para i-level up ang inyong moves and be part of the growing team of DSST! Whether you're a beginner or an experienced dancer, all ages and levels are welcome here! 🌟

📍 WHERE: San Teodoro Central School
📅 WHEN: April 18-25

⏰ DAILY SCHEDULE:

8:00 AM - 11:00 AM: Latin American Category (Syllabus, Arm Styling, & Choreography)

12:00 PM - 3:00 PM: Modern Standard Category (Syllabus, Timing, Posture, & Choreography)

💰 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐅𝐄𝐄𝐒:
✅ DSST Members: ₱1,000
✅ Non-members: ₱1,500

📝 Registration begins at 7:30-8:00 on April 18.

🔥 𝐄𝐀𝐑𝐋𝐘 𝐁𝐈𝐑𝐃 𝐏𝐑𝐎𝐌𝐎 𝐀𝐋𝐄𝐑𝐓! 🔥
Be one of the 𝐅𝐈𝐑𝐒𝐓 𝟓 to register with payment and get a 𝟐𝟎% 𝐃𝐈𝐒𝐂𝐎𝐔𝐍𝐓! Huwag nang magpatumpik-tumpik pa, paunahan ito!

Register now and start dancing your way to joy! ✨

For inquiries, message us directly or visit us during registration. Kita-kits sa dance floor! 💃🕺