Rural Health Unit Sanchez Mira

25/02/2025

𝗔𝗟𝗔𝗦 𝗞𝗪𝗔𝗧𝗥𝗢 𝗞𝗢𝗡𝗧𝗥𝗔 𝗠𝗢𝗦𝗤𝗨𝗜𝗧𝗢
Bilang suporta sa Department of Health (DOH) Central Office’s nationwide initiative upang labanan ang pagkalat ng DENGUE, ang Rural Health Unit Sanchez Mira ay nakiisa sa Nationwide Search and Destroy Mosquito Breeding Sites Kick-off Event para sa Dengue Prevention and Control kahapon February 24, 2025.
May temang “Alas Kwatro Kontra Mosquito,” layunin ng programang ito na palakasin ang sama-samang pagsisikap sa pagpigil sa pagkalat ng dengue sa pamamagitan ng aktibong pagtukoy at pagsira sa mga lugar na maaaring pamugaran ng lamok. Ang mga lugar na ito ay isang pangunahing dahilan ng pagdami ng kaso ng sakit. Habang patuloy na tumataas ang mga kaso ng dengue sa buong bansa, mahalagang magkaisa tayo at magsikap upang maipatupad ang agarang, epektibo, at pangmatagalang mga hakbang laban sa sakit na ito.

25/09/2024

VVE VVANT YOUR BLOOD! 🧛‍♂️🧛‍♀️ Sa mabuting paraan, syempre 😇 It's that time of the year again, kaya halina't mag-alay ng dugo para sa mga kababayan nating mangangailangan nito. Mas maraming mado-donate, mas maraming buhay ang masasagip.

Kita-kits ngayong Hwebes, September 26, 2024 sa People's Gym, 8 AM to 2 PM. Katuwang natin sa edisyong ito ang Mariano Marcos Memorial Hospital and Medical Center 🩸🩸🩸

12/07/2024

BALITANG KALUSUGAN: May 𝗹𝗶𝗯𝗿𝗲𝗻𝗴 𝘁𝘂𝗹𝗶 sa ika-19 ng Hulyo, 2024 mula 9:00 AM hanggang 2:00 PM sa Rural Health Unit (RHU) ng Sanchez Mira.

Ang programang ito ay inisyatiba ni Mayor Abe Bagasin at ng ating Municipal Health Office (MHO) sa pangunguna ni Dr. Vivien Cachapero, at sa pakikipagtulungan ng Association of Municipal Health Officers of the Philippines - Cagayan Chapter.

Hindi pa maka-desisyon kung magpapatuli o hindi? Maaaring makatulong kung babasahin ang listahan ng pros and cons ng pagpapatuli rito: https://www.healthline.com/health/circumcision

Huwag mahihiyang magtanong sa ating mga doktor tungkol sa pagpapatuli at epekto nito sa ating kabuuang kalusugan at ginhawa 😊

17/06/2024

HEART ATTACC!!! Halina't ulanin ng puso at shares ang litrato ng pambato ng Sanchez Mira sa Ginang Cagayan Pageant 2024: ang ating Municipal Health Office Medical Technologist, Rescue Trainer, at theater artist Sheng Ralleca!

Siguraduhing i-click ang litrato at doon mag-puso! 💓

Good luck at galingan, Mampip! Kayang-kaya ang rampahan! Basta't Sanchez Miranian, panalo 'yan! 😍

29/09/2023

12/05/2023

See you kailyan❤️💙💙

ORAS NA NAMAN NG BAYANIHAN! Sa parating na Martes, ika-16 ng Mayo, magdaraos muli ng 𝗕𝗹𝗼𝗼𝗱-𝗹𝗲𝘁𝘁𝗶𝗻𝗴 𝗔𝗰𝘁𝗶𝘃𝗶𝘁𝘆 ang ating Municipal Health Office / Rural Health Unit sa pakikipagtulungan ng Cagayan Valley Medical Center (CVMC).

Mahalagang makibahagi sa aktibidad na ito, dahil ang ating idino-donate na dugo ay nagagamit ng mga Sanchez Miranians sa medical emergencies kung saan kailangang-kailangan nila ang dugo. Nakakasagip tayo ng mga buhay!

Kaya naman, kita-kits pong muli sa People's Gym sa araw at oras na nabanggit dito sa ating socmed card. Siguraduhing kayo ay may malakas at malusog na pangangatawan. Dadaan po tayong lahat sa screening ^_^

27/04/2023

MAHALAGANG ANUNSYO! Bukas, ika-28 ng Abril 2023 (Byernes), ilulunsad ng LGU Sanchez Mira Rural Health Unit (RHU) ang 𝗖𝗛𝗜𝗞𝗜𝗧𝗜𝗡𝗚 𝗟𝗜𝗚𝗧𝗔𝗦: 𝗕𝗮𝗸𝘂𝗻𝗮 𝗽𝗮𝗿𝗮 𝘀𝗮 𝗺𝗴𝗮 𝗕𝗮𝘁𝗮𝗻𝗴 𝟬-𝟱𝟵 𝗕𝘂𝘄𝗮𝗻𝗴 𝗚𝘂𝗹𝗮𝗻𝗴.

Ito ay gaganapin sa ating People's Gym, 8 AM hanggang 11 AM bukas. LIBRE PO ITO.

Ang mga available na bakuna ay Kontra-Polio at Kontra-Tigdas (Measles). Hinihikayat po ang lahat ng magulang at patnubay, na may batang 59 buwan pababa, na samantalahin ang mahalagang serbisyong ito.

Ang Chikiting Ligtas ay kampanya ng Department of Health (DOH). Ito ay sinimulan noong 2021 bunsod ng pagbaba ng immunization / vaccination rate sa buong Pilipinas noong mga nagdaang taon.