22/04/2026
𝗜𝗞𝗔𝗪 𝗔𝗧 𝗔𝗞𝗢: 𝗦𝗔 𝗠𝗨𝗡𝗗𝗢 𝗡𝗚 𝗣𝗔𝗠𝗨𝗠𝗨𝗡𝗢
— 𝗞𝘂𝘆𝗮 𝗘𝗰𝗵𝗼 𝗔𝘀𝗶𝗻𝗮𝘀
Malugod nating tinanggap ang imbitasyon ng Supreme Student Council ng LSPU Santa Cruz Campus para sa Tugatog 3.0—isang programang patuloy na humuhubog sa susunod na henerasyon ng mga lider kabataan.
Kasama ang iba’t ibang kinatawan mula sa bawat kolehiyo, iisa ang adhikain: magsilbi, mamuno, at magbigay ng tapat at makabuluhang serbisyo para sa kapwa mag-aaral. Ito ay ginanap sa Rizal Recreation Center, Rizal, Laguna, ramdam ang sigla, dedikasyon, at kahandaang matuto ng bawat isa.
Mas naging makahulugan ang pagdalo natin dahil minsan na rin tayong naging bahagi ng SSC-LSPU Santa Cruz Campus at kabilang sa mga nagsimula ng programang ito. Nakaka-inspire makita na hindi lamang ito naipagpatuloy—kundi lalo pang pinalalakas at pinagyayaman.
Sa lahat ng kabataang lider na nakiisa—saludo ako sa inyong tapang na humakbang at manguna.
𝙎𝙖𝙗𝙞 𝙠𝙤 𝙣𝙜𝙖 𝙥𝙤:
“𝙃𝙞𝙣𝙙𝙞 𝙣𝙞𝙮𝙤 𝙠𝙖𝙞𝙡𝙖𝙣𝙜𝙖𝙣𝙜 𝙢𝙖𝙜𝙞𝙣𝙜 𝙝𝙖𝙣𝙙𝙖 𝙥𝙖𝙧𝙖 𝙢𝙖𝙜𝙨𝙞𝙢𝙪𝙡𝙖—𝙠𝙖𝙞𝙡𝙖𝙣𝙜𝙖𝙣 𝙣𝙞𝙮𝙤 𝙡𝙖𝙣𝙜 𝙢𝙖𝙜𝙨𝙞𝙢𝙪𝙡𝙖 𝙥𝙖𝙧𝙖 𝙢𝙖𝙜𝙞𝙣𝙜 𝙝𝙖𝙣𝙙𝙖.”
Kagaya ng kwento ng inyong lingkod—nagsimula ako sa student leadership nang napakaaga. Grade 3 pa lang, ang simple ko lang na dahilan: gusto kong mamigay ng tsokolate.
Pero sa paglipas ng panahon, unti-unti kong natutunan ang tunay na kahulugan ng pamumuno—ang magsilbi, makinig, at manindigan para sa kapwa.
Hindi ako nagsimula na handa. Pero dahil nagsimula ako, natutunan kong mahalin ang paglilingkod—at doon ako naging handa.
Patuloy tayong maghubog ng lideratong may puso, prinsipyo, at paninindigan. 🧡
