03/09/2025
Gibati sa katawhan sa Sergio Osmeña ang garbo ug kalipay human si Mayor Glen N. Yu mapili isip usa sa mga Public Relations Officers sa League of Municipalities of the Philippines (LMP) – Zamboanga del Norte Chapter atol sa piniliay nga gipahigayon sa Governor’s Guest House, Dipolog City.
Ang pagkapili ni Mayor Yu nagpakita sa dako nga pagsalig sa iyang liderato ug sa iyang abilidad sa pagdala sa tingog sa mga lungsod sa probinsya, ilabi na sa pagpadayag sa tinuod nga panginahanglan sa katawhan. Kini usa ka timaan nga ang iyang serbisyo molapas sa lokal nga pangagamhanan ug magdala sa tingog sa mga Osmeñanhon ngadto sa probinsyal ug nasudnong lebel.
Padayon ang iyang paningkamot sa pagpalig-on sa panaghiusa, koordinasyon, ug kalamboan alang sa tanang lungsod sa Zamboanga del Norte.
𝐋𝐌𝐏-𝐙𝐍 𝐂𝐇𝐀𝐏𝐓𝐄𝐑 𝐌𝐈𝐏𝐈𝐋𝐈 𝐎𝐆 𝐌𝐆𝐀 𝐎𝐏𝐈𝐒𝐘𝐀𝐋𝐄𝐒
DIPOLOG CITY (Septyembre 3)- Ang League of Municipalities of the Philippines(LMP)-Zamboanga del Norte Chapter nipili og bag-ong han-ay sa mga opisyales, karong adlawa Setyembre 3 nga gipahigayon sa Governor’s Guest House, Turno,Dipolog City.
Ang piniliay, nagdala og bag-ong panan-aw ug kusog sa organisasyon nga naghiusa sa tanang Mayor sa probinsya aron mas palig-onon ang pagtinabangay ug koordinasyon tali sa mga lokal nga pangagamhanan. Gipili si Mayor Jed Quimbo sa Labason isip Presidente sa liga, uban kaniya si Mayor Lorrymir S. Adasa sa Mutia isip Bise Presidente.
Ang uban pang napili mao si Mayor Marissa Manigsaca sa Rizal isip Secretary, Mayor Maico Wong sa Katipunan isip Treasurer, ug Mayor Roberto Lim Jr. Uy sa Liloy isip Auditor. Samtang ang mga Public Relations Officers mao sila si Mayor Richie Uy sa Godod, Mayor Rommel Gudmalin sa Piñan ug Mayor Glenn Yu sa Sergio Osmeña.
Gilangkuban usab ang Board of Directors sa mga mosunod, Mayor Ricky Cuenca sa La Libertad, Mayor Ismael Rengquijo sa Roxas, Mayor Allen Ferrater sa Jose Dalman, Mayor Justin Quimbo sa Gutalac, Mayor Angeles “Bong” Raterta Carloto sa Tampilisan, Mayor Aljazar “Jazz” Janihim sa Sirawai, Mayor Glona G. Labadlabad sa Sindangan, ug Mayor Enrequita Winters sa Manukan.
Kini nga piniliay naghatag og hulagway sa panaghiusa tali sa mga lungsod, nga nagpasabot nga adunay lig-on nga pagtinabangay alang sa mas epektibo nga pagdala sa serbisyo publiko.
Ang MLP-Zamboanga del Norte Chapter nagpabilin nga usa ka kusgan nga plataporma aron mapaabot ang tinood nga panginahanglanon sa mga lungsod ngadto sa probinsyal ug nasudnong lebel. Gilauman nga pinaagi sa bag-ong liderato, ang MLP-Zamboanga del Norte Chapter magpadayon sa mas aktibong papel sa pag-uyon sa mga polisiya, paghatag og teknikal nga tabang ug pagpalig-on sa relasyon sa probinsyal ug nasyonal nga pangagamhanan. Magdala kini og mas limpyo nga panan-aw ug mas lig-on nga panaghiusa tali sa mga katawhan ug liderato.(PIC-MGP)