23/08/2025
Narito ang ilang tips upang maiwasan ang Hand, Foot, and Mouth Disease (HFMD) sa mga bata:
🧼 Linisin ang Kamay: Sanayin ang mga bata na laging maghugas ng kamay gamit ang sabon at tubig. Ito ang pinakamabisang paraan.
🤝 Iwasan ang Pagbabahagi: Huwag hayaang magbahagi ng mga personal na gamit tulad ng baso, kubyertos, at tuwalya, lalo na kung may sakit.
✨ Regular na Disinfection: Linisin at i-disinfect ang mga madalas hawakan na bagay.
🏠 Manatili sa Bahay Kapag May Sakit: Kung ang bata ay may sintomas ng HFMD, panatilihin siya sa bahay para hindi na makahawa.
🩺 Kumonsulta sa Doktor: Agad na magpatingin sa doktor para sa tamang payo at lunas.
Sa pamamagitan ng paggawa ng mga simpleng hakbang na ito, malaki ang maitutulong para maiwasan ang pagkalat ng HFMD.
‼️KASO NG HAND FOOT AND MOUTH DISEASE, PITONG BESES NA MAS MATAAS NGAYONG TAON KUMPARA NOONG 2024‼️
Sa tala ng DOH as of August 9, 2025, pumalo na sa 37,368 ang kaso ng Hand, Foot and Mouth disease o HFMD – mas mataas ito ng higit pitong beses kumpara sa 5,081 na kaso sa kaparehong panahon noong 2024.
Kalahati sa mga naitalang kaso ay mga batang edad isa hanggang tatlong taong gulang.
Ang HFMD ay isang nakakahawang sakit na pwedeng makuha kung humawak sa mata, ilong, o bibig gamit ang kamay na nahawakan ang bagay na kontaminado ng virus.
Kabilang sa mga sintomas nito ang lagnat, singaw sa bibig, pananakit ng lalamunan, at mga butlig sa palad at talampakan.
Payo ng DOH, sakaling magkaroon ng mga sintomas ang isang bata ay panatilihin muna ito sa bahay nang pito hanggang sampung araw o hanggang sa panahong mawala ang lagnat at matuyo na ang mga sugat.
Mahalaga rin na ihiwalay ang mga kubyertos at iba pang personal na kagamitan ng taong maysakit na HFMD at linisin ang lugar kung saan sila nanatili gamit ang disinfectant.
Facebook Link: https://web.facebook.com/share/p/19Yi86WFNP/
