06/02/2024
๐๐๐๐๐๐๐๐๐๐๐๐ ๐๐๐๐๐๐๐๐ ๐๐๐๐๐๐๐๐๐๐๐๐ ๐๐ ๐๐๐๐๐๐๐ ๐๐๐๐๐๐๐๐ ๐๐๐๐๐๐๐ ๐๐ ๐๐๐
Nagmalampuson ang gipahigayong libreng operasyon sa mga hemodialysis patients niaging katapusang semana sa Enero sa Christ the Healer Hospital dinhi sa lungsod sa Sogod, probinsya sa Southern Leyte.
Mao kini ang nasayran sa Radyo Pilipinas pinaagi kang Dra Joyce Matoza Serna, ang Nephrologist sa naasoyng hospital.
Matud pa sa doctor, anaa sa 14 ka mga pasyente ang nakapahimulos sa Ateriovenous Fistula Creation kon AVR nga operasyon. Ang 14 nag gikan sa mga probinsya sa Southern Leyte, Leyte, ug Biliran.
Sa gipasabot ni Dra Serna, pipila ka mga rehistradong vascular surgeon gikan Tacloban ug Cebu ang nanguna ug nipahiluan sa maong espeyal nga operasyon.
Full force usab ang mga healthworker sa ospital sa gipahigayong pre-procedure evaluation sa wala pa mismo ang adlaw sa operasyon diha sa ilang Outpatient Department kon OPD.
Ang paghimo sa arteriovenous fistula usa ka operasyon nga nagkonektar sa arterya ngadto sa usa ka ugat alang sa mga pasyente nga adunay end-stage renal disease aron maka dawat og dialysis.
Dako ang pasalamat sa doctor sa tanang niguyog ug nihatag supporta aron mahimong malampuson uh mabulokon ang naasoyng kalihukan. Lakip sa gipasalamatan sa opisyal sila si Dr Deaver Merin, Dr Carl Tam, ER, HD ug OR nurses ug staff, ingon man sila si Dr Nonoy Trumata, Dra Grace ug John Agote sa tanan suporta ug pagduyog sa kalihukan. | Balita ni Dahlia Orit