26/10/2025
TAAL VOLCANO UPDATE | Nagkaroon ng isang minor phreatic eruption bandang 2:55 AM at dalawang minor phreatomagmatic eruptions bandang 8:13 AM at 8:20 AM sa Main Crater ng Bulkang Taal ngayong Linggo, Oktubre 26, 2025, ayon sa ulat ng Philippine Institute of Volcanology and Seismology (PHIVOLCS).
Batay sa naitalang time-lapse footage ng Main Crater IP at thermal cameras, ang mga pagsabog ay naglabas ng abo at usok na umabot sa taas na 1,200 hanggang 2,100 metro mula sa bunganga ng bulkan.
Ayon sa PHIVOLCS, nananatili sa Alert Level 1 ang Bulkang Taal, na nangangahulugang ito ay nasa ilalim pa rin ng mababang antas ng aktibidad ngunit maaaring magkaroon ng biglaang steam-driven o phreatic explosions.
Pinapayuhan ang publiko na iwasan ang paglapit sa Main Crater at sa Taal Volcano Island, na idineklarang Permanent Danger Zone (PDZ).