Dr. Ron Kho Internal Medicine - Doctor for Adults

01/05/2026

Find local businesses, view maps and get driving directions in Google Maps.

25/04/2026

KHO Ob-Gyne and Medical Clinic

Sakit ng Ulo: Alamin ang Dahilan
Payo Ni Doc Willie Ong

Ang sakit sa ulo ang madalas ireklamo ng pasyente sa kanilang doktor. Ang iba ay natatakot na baka kung ano na ang masamang sanhi nito. Ngunit huwag mangamba, karamihan ng sakit ng ulo ay hindi delikado.
Una, kung ang sakit ng ulo ay sumasabay sa pagbasa ng diyaryo o pagtrabaho sa harap ng computer, malamang may diprensya ang iyong mga mata. Magpagawa ng salamin at magpatingin sa optometrist o ophthalmologist.
Pangalawa, kung labas pasok ka sa malamig at mainit na lugar, puwede din sumakit ang ulo. Hindi po ito masama. Naninibago lang ang mga ugat natin sa ulo dahil sa pagbabago ng panahon.
Pangatlo, kung ang sakit ng ulo ay gumiginhawa sa pagmamasahe ni Misis, malamang ay stress o tensyon lang iyan. Naninikip kasi ang mga masel (muscles) ng ulo natin kapag naii-stress. Ang ibig sabihin ay marami kang iniisip, maraming problema at kulang sa budget, kaya sasakit talaga ang ulo.
Ang mga nabanggit ko na sanhi ng sakit ng ulo, mula sa mata, sa pagbago ng panahon at sa stress ay puwede nang hindi ipa-check sa doktor.
Kailan dapat kumonsulta sa doktor?
1. Ang migraine ay isa ding pangkaraniwang dahilan ng sakit ng ulo. Malalaman mo na migraine iyan dahil kalahati lang ng ulo ang sumasakit.
2. Ang Sinusitis ay mula sa impeksyon at may kasamang sipon.
3. Kapag matindi ang sakit ng ulo, kung may kasamang lagnat, pagsusuka o panghihina, isangguni na sa doktor. Kunin din ang blood pressure. Kapag mataas sa 140/90, posible din na altapresyon ang dahilan ng pagsakit ng ulo.
4. Ang mga sakit na binabantayan ng doktor ay ang istrok, brain aneurysm at brain tumor. Ang sintomas nito ay ang sakit ng ulo, panghihina o pamamanhid ng katawan.
Ngayong alam mo na ang mga dahilan ng sakit ng ulo, makapagdedesisyon ka na ng tama kung kailangan magpacheck sa doktor. Good luck po!

25/04/2026

Sakit ng Ulo: Alamin ang Dahilan
Payo Ni Doc Willie Ong

Ang sakit sa ulo ang madalas ireklamo ng pasyente sa kanilang doktor. Ang iba ay natatakot na baka kung ano na ang masamang sanhi nito. Ngunit huwag mangamba, karamihan ng sakit ng ulo ay hindi delikado.
Una, kung ang sakit ng ulo ay sumasabay sa pagbasa ng diyaryo o pagtrabaho sa harap ng computer, malamang may diprensya ang iyong mga mata. Magpagawa ng salamin at magpatingin sa optometrist o ophthalmologist.
Pangalawa, kung labas pasok ka sa malamig at mainit na lugar, puwede din sumakit ang ulo. Hindi po ito masama. Naninibago lang ang mga ugat natin sa ulo dahil sa pagbabago ng panahon.
Pangatlo, kung ang sakit ng ulo ay gumiginhawa sa pagmamasahe ni Misis, malamang ay stress o tensyon lang iyan. Naninikip kasi ang mga masel (muscles) ng ulo natin kapag naii-stress. Ang ibig sabihin ay marami kang iniisip, maraming problema at kulang sa budget, kaya sasakit talaga ang ulo.
Ang mga nabanggit ko na sanhi ng sakit ng ulo, mula sa mata, sa pagbago ng panahon at sa stress ay puwede nang hindi ipa-check sa doktor.
Kailan dapat kumonsulta sa doktor?
1. Ang migraine ay isa ding pangkaraniwang dahilan ng sakit ng ulo. Malalaman mo na migraine iyan dahil kalahati lang ng ulo ang sumasakit.
2. Ang Sinusitis ay mula sa impeksyon at may kasamang sipon.
3. Kapag matindi ang sakit ng ulo, kung may kasamang lagnat, pagsusuka o panghihina, isangguni na sa doktor. Kunin din ang blood pressure. Kapag mataas sa 140/90, posible din na altapresyon ang dahilan ng pagsakit ng ulo.
4. Ang mga sakit na binabantayan ng doktor ay ang istrok, brain aneurysm at brain tumor. Ang sintomas nito ay ang sakit ng ulo, panghihina o pamamanhid ng katawan.
Ngayong alam mo na ang mga dahilan ng sakit ng ulo, makapagdedesisyon ka na ng tama kung kailangan magpacheck sa doktor. Good luck po!

16/04/2026

KHO Ob-Gyne and Medical Clinic

Fatty Liver: Alagaan Ang Iyong Atay
Payo na mula kay Doc Willie Ong

Ang fatty liver ay isang kondisyon kung saan nababalot ng taba ang atay. Kung may fatty liver ka, kadalasan ay mataas din ang iyong kolesterol sa dugo, blood sugar at uric acid. Malamang ay sobra ka din sa timbang at malaki ang tiyan.
Sa umpisa ay walang sintomas ang fatty liver. May ibang tao na sumasakit ang kanang bahagi ng tiyan. Ngunit kapag umabot sa liver cirrhosis ay malala na ito at magkakaroon na ng paninilaw ng mata, pamamayat, paglaki ng tiyan at pagmamanas ng paa.
Malalaman na may fatty liver ang pasyente sa pamamagitan ng Ultrasound ng atay o Ultrasound of the Whole Abdomen. Minsan ay lumalala ang fatty liver at umaabot sa pamamaga ng atay at liver cirrhosis.
Para maagapan ang fatty liver, sundin ang mga payong ito:
1. Itigil ang pag-inom ng alak. Kahit isang patak ng wine, beer or hard drinks ay huwag nang subukan pa. Ihinto na rin ang paninigarilyo.
2. Magpapayat kung sobra ka sa timbang. Kapag nagbawas ka ng timbang, puwedeng mabawasan din ang taba sa iyong atay.
3. Umiwas sa pagkain ng matataba (oily) at matatamis na pagkain. Limitahan ang pagkain ng cake, mantikilya, ice cream at karneng baboy at baka. Umiwas o bawasan na rin ang pag-inom ng matatamis na inumin tulad ng soft drinks at iced tea.
4. Kumain ng masustansyang pagkain tulad ng maberdeng gulay at isda. Puwedeng kumain ng prutas pero huwag din sosobrahan ito dahil ito’y matamis din.
5. Gumalaw-galaw at mag-ehersisyo. Kapag nabawasan ang taba sa iyong katawan, mababawasan din ang taba sa atay.
6. Kung ikaw ay may diabetes, gamutin ito sa tulong ng iyong doktor.
7. Kung mataas ang iyong kolesterol sa dugo, ibaba ito sa pamamagitan ng diyeta at gamot.
8. Kumain ng yogurt. Ayon sa isang pagsusuri, may tulong ang good bacteria ng yogurt sa paggamot sa fatty liver. Hindi pa ito tiyak pero pwede ninyong subukan.
9. Huwag basta-bastang uminom ng kahit anong tableta, supplements o vitamins. Huwag maniwala sa mga sabi-sabi. Itanong muna sa iyong doktor kung makasasama ba ito sa atay.
Sadyang dyeta, exercise at paggamot sa diabetes at mataas na kolesterol ang lunas sa fatty liver. Alagaan natin ang ating atay.

13/04/2026

https://youtu.be/uv3xT44pHWo?si=E9fmw-bFNR9TAUg_

13/04/2026

KHO Ob-Gyne and Medical Clinic

Paghandaan ang patuloy na pagtaas ng Heat Index sa iyong lugar! ☀️

Kapag ang heat index ay mataas, mas tumataas din ang panganib ng pagkakaroon ng heat related illnesses gaya ng:
⚠️ Dehydration
⚠️ Heat Cramps
⚠️ Heat Exhaustion
⚠️ Heat Stroke

Alamin ang heat index forecast ng iba’t ibang lugar sa pagasa.dost.gov.ph. 🌡️

Maging handa, maging ligtas laban sa banta ng matinding init! ☀️

11/04/2026

11/04/2026