10/01/2022
😔
MGA INBOUND TRAVELERS, REQUIRED NGA MAGPASA SANG NEGATIVE RT-PCR TEST ANTES ANG PAG-ABOT SA ILOILO CITY; MGA UNVACCINATED KAG PARTIALLY VACCINATED, REQUIRED PA GID NGA MAGPA RT-PCR TEST 3 KA ADLAW PAGKATAPOS NGA NAKAABOT SA SYUDAD
by: Jeremae Ventar| January 10, 2022, 9:08AM
Aksyon Radyo Iloilo
ILOILO CITY -- Sugod subong nga adlaw, Enero 10, required na liwat ang mga inbound travelers sa gwa sang Western Visayas nga magpasa sang ila negative RT-PCR result antes mag-abot sa Iloilo City.
Suno kay COVID Team Spokesperson Jeck Conlu, ang mga partially vaccinated kag ang mga wala nabakunahan ang required nga mag-quarantine kag liwat nga magpa RT-PCR test sa ikatlo nga adlaw.
Ang mga vaccinated naman ang required lang nga magpa RT-PCR liwat kun may mga sintomas nga mabatyagan.
Vaccination cards naman ang i-require para sa mga travelers halin sa iban nga probinsya sang Panay.
Ginpahayag ni Conlu nga Alert Level 3 na ang Iloilo City sugod sang Enero 9, apang naghatag sang konsiderasyon ang Iloilo City Government sa mga mapauli, rason nga wala na gin-require sang negative RT-PCR result ang mga inbound travelers sang Enero 9.
