14/03/2026
Matagumpay na naipagdiwang ng Bayan ng Tuy, sa pangunguna ng Rural Health Unit at katuwang ang Batangas Provincial Health Office, ang National Oral Health Month sa buong buwan ng Pebrero. Bilang culminating activity, nagsagawa ng motorcade, Slogan-Making Contest at Little Mr. and Ms. Sparkling Smile na nilahukan ng mga mag-aaral mula sa ating mga Child Development Centers.
Ang mga gawaing ito ay naglalayon na maituro sa mga bata, habang sila’y nasa murang edad pa, ang kahalagahan ng wastong pangangalaga sa ngipin at bibig. Ito ay hindi lamang tungkol sa pagkakaroon ng magandang ngiti, kundi bahagi rin ito ng pangangalaga sa buong katawan at pagpapanatili ng mabuting kalusugan.
Taos-pusong pasasalamat kay Gov. Vilma Santos-Recto at sa Batangas Provincial Health Office sa pamumuno ni Dr. Gerald Alday, sa kanilang mga dentista sa pangunguna ni Dr. Vivian Blanco, na nakasama natin sa iba’t ibang oral health activities nitong mga nakaraang linggo. Gayundin sa suporta ng Batangas PDOHO sa pangunguna ni Dr. Eloisa Baylosis-Derain at ng Batangas Health Education and Promotion Officer, Ms. Jhanice O. Cantos.
Lubos din ang aming pasasalamat sa Tuy MPS at Barako MC na nanguna sa ating motorcade; sa MSWD at sa lahat ng ating Child Development Workers, at sa mga magulang at mga batang mag-aaral na aktibong nakilahok at nakiisa.
Ang tagumpay ng programang ito ay hindi magiging posible kung wala ang buong suporta ng Tuy LGU sa pangunguna ni Mayor Jey Cerrado, Vice Mayor Randy Afable, at ng buong Sangguniang Bayan.
Muli, isang taos-puso at punong-puno ng ngiting pasasalamat sa lahat!
