Nurse Cari

25/07/2025

PARA SA KABATIRAN NG LAHAT!

Lubos po namin ikalulugod ang inyong pagtalima sa mga nakapaskil na schedule.

Sa ano mang katanungan at suhestiyon, makipag-ugnayan sa mga BHW, Midwife at Nurse sa inyong barangay o mangyaring mag-iwan ng mensahe sa Rhu Unisan Facebook Account.

Maraming salamat po!

22/07/2025

Masama na naman ang panahon! Eto na naman ang tag-ulan! Iwasan ang mga sakit na dulot ng baha. Maging impormado upang mapangalagaan ang sarili at pamilya laban sa mga sakit na ito

22/07/2025

🚨 DOH, NAGBABALA LABAN SA LEPTOSPIROSIS NA MAAARING MAKUHA SA BAHA 🚨

Huwag maglaro at iwasang lumusong sa baha. Mapanganib ang mga mikrobyo mula sa mga basura at dumi na maaring magdulot ng leptospirosis. 🦠

Maaaring magkaroon ng komplikasyon sa atay, bato, at puso ang taong mapapasukan ng mikrobyong leptospira sa katawan.

Kung sakaling malulubog sa baha, agad na maghugas ng katawan gamit ang tubig at sabon. Agad ding kumonsulta sa doktor kung lumusong sa baha nang may sugat o kung makararanas ng sintomas tulad ng lagnat at pananakit ng katawan.

Tumawag sa Telekonsulta hotline 1555 (press 2) para sa mabilis na konsultasyon. 📞

07/07/2025

What happens when you stop smoking? 🤔

What happens when you stop smoking?

04/07/2025

July 3, 2025 - PuroKalusugan sa Brgy. Raja Soliman

Kalusugan ng Puso at Isip

Tinalakay ang Non-communicable Disease NCD (mga hindi nakakahawang sakit) at Mental Health (kalusugang pangkaisipan) sa mga mamamayan ng Brgy. R. Soliman kasama ang mga Barangay Health Workers (BHW) at ilang Barangay Officials.

Kasama si Midwife Richelle ng BHS Soliman, Nurse Tam, at Nurse Colbi, ay naipabatid ang bigat ng problema sa komunidad ng NCDs tulad ng alta presyon, diyabetes, sakit sa puso, at stroke. Kaugnay nito ay naipagbigay-alam ang mga dahilan ng pagkakaroon ng sakit na ito at kahalagahan ng pag-iwas sa bisyo, hindi tamang pagkain at hindi pageehersisyo. Sa maagang screening ay mas maiiwasan ang paglala ng mga nabanggit na sakit pati na rin ang pagkakaroon ng komplikasyong dulot nito.

Tinalakay din ang kahalagahan ng mental health para sa overall well-being ng isang tao. Ang pagkakaroon ng kaalaman sa mga bagay na dapat gawin upang makayanan ang anumang pagsubok na makaaapekto sa mental health.

Ipinaalala rin ang mga serbisyo ng Unisan Rural Health Center sa screening, management at treatment ng Non-communicable Diseases (NCDs) at assessment para sa Mental Health (MH).

Isa ring pasasalamat sa mga mamayan ng Brgy. R. Soliman sa kanilang pakiki-isa, at sa pagsuporta ng mga kawani ng barangay. Nawa ay patuloy ninyong suportahan ang mga programa ng PuroKalusugan.

29/06/2025

💸 Ang pagtigil mo sa paggastos ng 2 pods kada linggo, kapalit ay travel goals mo!

🚭 ‘Wag mag-yosi. ‘Wag mag-vape.
📞 Need help? Tumawag na sa DOH Quitline 1558!