ASSALAMU ALAYKUM WARAHMATULLAHI WABARAKATUHU
Mga katawtaymanghuran namuh ha pag Agama, in Markaz ini nag pa aun page pa katan mabaya mag haddam sin tatabangan nila sibuh da ha alta, sangsa iban pikilan supaya mapalingkat taniyu in tatabangan ha hula, bangsa iban agama ha hula natuh kalasahan. Adapun, mahlum na pakatan in tumpukan sin Markaz Tarbiya ini, magtabang sarta magsangsah ha hikakusog sin pag Agama, sin bangsa iban sin hula karna sin Allah ha uno uno na tibayhuan niya. In tanda niya nagpa aun in Markaz mga committee. Hika isa, Committee on Da'wah, in ini, bukun sadja magpasaplag sin agama sumagawa maglawag dan ha hikaluhay sin bangsa ta umingat sin pag agama nila. Bang hati in daawa sin bangsa ta bat hangkan sila dih makapangadji ha madrasa karna sin kamiskin nila, in Markadz umukab kanila pag madrasa ha dihna sila magbayad bang man sila umingat da sin pakaradjaan sin agama nila. Iban bang hati in daawa nila hangkan sila dih makapangadji pa madrasa karna nakawa na in wakto nila sin pag iskul, in Markadz dahun in madrasa pa iskul ( hati niya suwrun in ka iskul iskulan sin pag dahwa). Hikaruwa,. Committee on Health, in ini lumiling sin ka sihatan sin paghula hula sin bangsa ta ha katan tibayhuan niya, hangkan aun pag medical mission supaya minsan da kuman maniyuh tiyuh katabangan in bangsa ta sin pakaradjaan sin health nila.nag research, evaluate iban nag census in mga volunteer ta sin hal sin tiyap tiyap kawman sin Muslim, in result sin hinang nila mataud da bangsa ta dihna magpakadto pa clinic, hospital karna sin kamiskin,bunnal, aun health center dihda magpakadtdto in mga less fortunate karna sin kaawan. Dain ha sabab yadto Tiyagnaan ta naa in pag medical mission ha katan Madrasa ha daira sin Sambuwangan, nag offer kita free circumcision pa mga bangsa ta batah bahgu, in expected namuh bata bata ummul 10 tahun pa 15 tahun ,sakali mataud pa tuwih bangsa ta amuin limiyu na in pangummulan nila ha nasabbut, sambil in kaibanan dain kanila taga paghula na in wala na mayan na islam karna in daawa nila kamiskin. Dain ha sabab yadto mga gausbaugbug sin Islam, bangsa iban hula, hangkan iyukab namuh in group ini pa katan supaya mahinang kitaniyu dan matuku taniyu in bangsa ta ha pakaradjaan nasabbut. Hambouk dain ha mga maksud sin group ini, supaya makasampay pa tiyap tiyap siyulagan in pagtulong tabang iban pagkasilasa ha antara sin Muslim ha hula ta. Ha hal ini hinangun taniyu in bilik bilik ini pag pasampayan sin tatabangan niyu dain na mayan ha alta, sangsa , pikilan, pagpahati sin parkala sin muslim ha hula taniyu kalasahan. Adapun in Markaz group ini lalabayan atawa panyap sadja hikasampay sin tabang niyu pa tagmustahak kaniya. " WAY LUMASA HA MUSLIM MALAINGKAN TAYMANGHUD NIYA MUSLIM "
MAGSUKOL SARTA PANAABBITI NAMUH KANIYU HA RAN SIN ISLAM.
