Ayub Teaching Hospital ATH Abbottabad

03/11/2025

ایوب ٹیچنگ ہسپتال کی ایمرجنسی میں پیجنگ سسٹم کا باقاعدہ افتتاح

اس سسٹم کے تحت مریضوں کو ان کی طبی حالت کی شدت کے مطابق دیکھا جائے گا تاکہ شدید بیمار مریضوں کو فوری طبی امداد فراہم کی جا سکے اور انہیں انتظار نہ کرنا پڑے۔میڈیکل ڈائریکٹر ڈاکٹر عمران خان

ایوب ٹیچنگ ہسپتال ایبٹ آباد میں جدید اوور ہیڈ ایمرجنسی پیجنگ سسٹم کا باقاعدہ افتتاح جمعہ کے روز کیا گیا۔ افتتاحی تقریب میں میڈیکل ڈائریکٹر ڈاکٹر عمران خان نے فیتہ کاٹ کر سسٹم کا افتتاح کیا۔ اس موقع پر ایمرجنسی ہیڈ ڈاکٹر اطہر لودھی کے علاوہ ایمرجنسی کے فرنٹ لائن ہیروز موجود تھے۔
یہ جدید پیجنگ سسٹم ایمرجنسی ڈیپارٹمنٹ میں تیز، موثر اور قابلِ اعتماد رابطے کو یقینی بنانے کے لیے نصب کیا گیا ہے۔ اس نظام کے ذریعے ایمرجنسی میں پیش آنے والے کسی بھی ایمرجنسی صورتحال پر فوری ردِعمل ممکن ہو سکے گا۔ میڈیکل ڈائریکٹر ڈاکٹر عمران خان کے ویژن کے مطابق یہ اقدام ایمرجنسی کے ورک فلو اور کارکردگی میں نمایاں بہتری لائے گا۔
اس سسٹم کے ذریعے عوامی آگاہی کے پیغامات بھی نشر کیے جائیں گے تاکہ مریضوں اور ان کے لواحقین کو نئے پیشنٹ کیئر پاتھ ویز سے آگاہ کیا جا سکے۔ اس نظام کے تحت مریضوں کو ان کی طبی حالت کی شدت کے مطابق دیکھا جائے گا تاکہ شدید بیمار مریضوں کو فوری طبی امداد فراہم کی جا سکے اور انہیں انتظار نہ کرنا پڑے۔
فرنٹ لائن ہیروز سے خطاب کرتے ہوئے میڈیکل ڈائریکٹر نے کہا کہ یہ سسٹم ایمرجنسی میں بہتر رابطے، بروقت فیصلے، اور مؤثر علاج کے لیے ایک اہم سنگِ میل ثابت ہوگا۔ انہوں نے ایمرجنسی کے فرنٹ لائن اسٹاف کی خدمات کو بھی سراہا جو دن رات مریضوں کی خدمت میں مصروف ہیں۔
چیرمین بورڈ آف گورنرز پروفیسر ڈاکٹر عابد جمیل اور دیگر بورڈ ممبران کے وژن کے مطابق ایوب ٹیچنگ ہسپتال کی ایمرجنسی کو جلد ہی عالمی معیار کی بہترین ایمرجنسی میں تبدیل کر دیا جائے گا۔
ایوب میڈیکل ٹیچنگ انسٹیٹیوٹ کا ایمرجنسی ڈیپارٹمنٹ ان شاء اللہ آنے والے دنوں میں مریضوں کے علاج و نگہداشت کے میدان میں ایک مثال بننے جا رہا ہے۔

17/10/2025

ایوب ٹیچنگ ہسپتال ایبٹ آباد کے شعبہ گائنی میں 175 واں ورلڈ اینستھیزیا ڈے جوش و خروش کے ساتھ منایا گیا۔
اس موقع پر ہسپتال کے تمام اینستھیٹسیا ڈاکٹرز، کنسلٹنٹس، پوسٹ گریجویٹ ٹرینی ڈاکٹرز اور طلبہ نے بھرپور انداز میں شرکت کی۔ تقریب میں ہسپتال کی اینستھیٹسیا ٹیم کو خراجِ تحسین پیش کیا گیا جن کی انتھک محنت اور پیشہ ورانہ مہارت کی بدولت روزانہ درجنوں آپریشنز کامیابی سے انجام پاتے ہیں۔
اس موقع پر مقررین نے خطاب کرتے ہوئے کہا کہ اینستھیٹسیا میڈیکل سائنس کا وہ اہم شعبہ ہے جو مریضوں کو تکلیف سے نجات دلاتا اور محفوظ سرجری کو ممکن بناتا ہے۔ جدید ٹیکنالوجی کے استعمال اور ماہر اینستھیٹسٹس کی خدمات نے اس شعبے کی اہمیت کو مزید اجاگر کیا ہے۔
تقریب کے آخر میں کیک کاٹنے کی تقریب منعقد کی گئی جس میں تمام فیکلٹی ممبران، ڈاکٹرز اور اسٹوڈنٹس نے شرکت کی۔
شرکاء نے اینستھیٹسیا ڈیپارٹمنٹ کے عملے کو مبارکباد پیش کی اور امید ظاہر کی کہ آئندہ بھی یہ شعبہ مریضوں کی بہترین دیکھ بھال اور محفوظ علاج کے لیے اپنا کردار اسی جذبے کے ساتھ جاری رکھے گا۔

01/10/2025

A one-day workshop on PRINCIPLES AND PRACTICE OF MODEL SURGERY IN ORTHOGNATHIC CASE
PLANNING was successfully conducted under the auspices of the Department of Medical Education, Dentistry Section, Ayub Medical College. The workshop was patroned by Prof. Dr. Nabeela Anwar, Head of Orthodontics, Women Medical and Dental College, Abbottabad, and held under the supervision of Dr. Khurshid Alam, Chairperson Dentistry, and Dr. Wasim Ijaz, Deputy Director DME.

The program provided participants with practical insights and hands-on training in model surgery for orthognathic cases. Attendees highly appreciated the interactive nature of the sessions, which strengthened their understanding of treatment planning and surgical simulation.

23/09/2025

Ayub Teaching Hospitals Journey Towards Progress

ایوب ٹیچنگ ہسپتال مریضوں کو بہترین سہولیات فراہم کر رہا ہے اور علاج معالجے میں ہر ممکن بہتری لا رہا ہے۔

28/08/2025

28/08/2025

ڈاکٹر منور صاحب ایوب ہاسپٹل کمپلیکس میں ائی سی یو وارڈ کے انچارج ہیں بہت ہی نفیس اخلاق کے مالک ہیں سٹاف کے ساتھ بھائیوں جیسا برتاؤ کے ساتھ پیش اتے ہیں اج کے دن ہم اپنے گروپ کی طرف سے ڈاکٹر منور کو ان کی خدمات پر خراج تحسین پیش کرتے ہیں

۔سٹاف ایوب ہاسپٹل کمپلیکس

28/08/2025

میڈیکل ڈائریکٹر ایوب ٹیچنگ ہسپتال ڈاکٹر عمران خان کا حال ہی میں بھرتی ہونے والے اسپیشلسٹ رجسٹرارز (SPRs) اور ٹرینی رجسٹرارز (TRs) کے ساتھ تفصیلی اجلاس کا انعقاد

ہسپتال کی ایمرجنسی گائیڈ لائنز ان کے ساتھ شیئر کی جائیں گی تاکہ ان پر حقیقی معنوں میں عمل درآمد کیا جا سکے ان گائیڈ لائنز پر مکمل عملدرآمد سے مریضوں کو براہِ راست فائدہ ہوگا اور عوام کا اعتماد ہسپتال پر مزید مضبوط ہوگا۔میڈیکل ڈائریکٹر ڈاکٹر عمران خان

مستقبل قریب میں "آن کال موبائل فونز" متعارف کرائے جائیں گے تاکہ ٹیموں کے درمیان تیز تر رابطہ ممکن ہو اور مریضوں کے لواحقین کو مختلف وارڈز میں جا کر ڈاکٹروں کو تلاش کرنے کی زحمت نہ اٹھانی پڑے۔میڈیکل ڈائریکٹر ڈاکٹر عمران خان

تفصیلات کے مطابق اجلاس کا بنیادی مقصد ڈسچارج سلپس کے معیار کو بہتر بنانا تاکہ یہ سلپس ہر شعبہ طب و سرجری کے لیے جامع معلوماتی اور باآسانی قابلِ فہم ہوں۔ میڈیکل ڈائریکٹر ڈاکٹر عمران خان نے زور دیا کہ ڈسچارج سلپ میں درست تشخیص سابقہ بیماریوں کی تفصیل داخلے کے دوران کی جانے والی تحقیقات اور علاج لازمی درج کیا جائے، نیز علامات اور غیر واضح نشانات (Symbols) کے استعمال سے گریز کیا جائے۔
اجلاس میں فوکل پرسن SSP ڈپٹی ڈائریکٹر ڈاکٹر جمیل اکبر،ڈپٹی ڈائریکٹر آئی ٹی شہریار علی،چیرپرسن ڈنٹسٹری ڈاکٹر خورشید عالم اس کے علاوہ سینئر ڈاکٹرز اور دیگر شعبہ جات کے سربراہان بھی موجود تھے۔
ڈاکٹر عمران خان نے مزید کہا کہ SPRs اور TRs کو اپنے متعلقہ وارڈز اور ایمرجنسی فلور پر موجود رہنا چاہیے خاص طور پر جب ان کی یونٹس آن کال ہوں۔ انہوں نے واضح کیا کہ SPRs اور TRs کی بھرتی کا اصل مقصد پوسٹ گریجویٹ ریزیڈنٹس (PGRs) کے کام کی براہِ راست نگرانی کرنا ہے خصوصاً آفس ٹائمنگ کے بعد۔ انہوں نے یہ بھی کہا کہ جو یونٹس ایمرجنسی ڈیپارٹمنٹ میں فزیکلی موجود ہیں ان کے SPR یا TR اپنی ٹیم کے ساتھ موجود ہوں اور صرف سیکنڈ آن کال پر اکتفا نہ کریں۔
میڈیکل ڈائریکٹر ڈاکٹر عمران نے SPRs کو آگاہ کیا کہ ہسپتال کی ایمرجنسی گائیڈ لائنز ان کے ساتھ شیئر کی جائیں گی تاکہ ان پر حقیقی معنوں میں عمل درآمد کیا جا سکے۔ اس موقع پر انہوں نے ایم ٹی آئی ایبٹ آباد میں جاری SSP آپریشنز پر بھی بریفنگ دی۔ مسائل کے فوری حل کے لیے SPRs، میڈیکل ڈائریکٹر اور SSP فوکل پرسن پر مشتمل ایک واٹس ایپ گروپ تشکیل دیا گیا۔ اس کے ساتھ ساتھ تمام SPRs کو SSP پیکیجز اور گائیڈ لائنز کی کاپیاں بھی فراہم کی گئیں۔
ڈاکٹر عمران نے نئی ایمرجنسی گائیڈ لائنز کے نفاذ کی اہمیت پر زور دیتے ہوئے نوجوان ڈاکٹروں کو بتایا کہ ان گائیڈ لائنز پر مکمل عملدرآمد سے مریضوں کو براہِ راست فائدہ ہوگا اور عوام کا اعتماد ہسپتال پر مزید مضبوط ہوگا۔ انہوں نے SPRs کو SSP آپریشنز میں ان کے کردار سے بھی آگاہ کیا۔ سوال و جواب کے سیشن میں نوجوان ڈاکٹروں نے اپنی مشکلات سے بھی آگاہ کیا اور مطالبہ کیا کہ ہسپتال کو ہر یونٹ کے لیے کمپیوٹر ڈیسک ٹاپس اور پرنٹرز فراہم کرنے چاہئیں نیز لوکل پرچیز ادویات کے اجرا کے رجسٹر سسٹم جیسے رکاوٹوں کو بھی ختم کیا جائے۔
میڈیکل ڈائریکٹر عمران نے نوجوان ڈاکٹروں کو یقین دلایا کہ ان مسائل کو بتدریج حل کیا جائے گا۔ انہوں نے مزید کہا کہ مستقبل قریب میں "آن کال موبائل فونز" متعارف کرائے جائیں گے تاکہ ٹیموں کے درمیان تیز تر رابطہ ممکن ہو اور مریضوں کے لواحقین کو مختلف وارڈز میں جا کر ڈاکٹروں کو تلاش کرنے کی زحمت نہ اٹھانی پڑے۔ انہوں نے کہا کہ یہ اقدام مریضوں کے علاج اور بین الٹیمی رابطہ کاری کے نظام میں ایک انقلابی قدم ثابت ہوگا۔

09/08/2025

09/08/2025

پروفیسر ڈاکٹر رقیہ سلطانہ نے ایوب میڈیکل انسٹی ٹیوشن کی نئی ایکٹنگ ڈین و سی ای او کے طور پر چارج سنبھال لیا۔