Ayub Teaching hospital Abbottabad Official

05/03/2026

ہزارہ کے مریضوں کو بڑا ریلیف اب فالج کے مریضوں کو بروقت اور مفت علاج اپنے شہر میں میسر

ادارے کا بنیادی مشن ہزارہ کی عوام کو ان کے اپنے شہر میں معیاری اور جدید طبی سہولیات فراہم کرنا ہے تاکہ مریضوں کو علاج کے لئے دور دراز شہروں کا رخ نہ کرنا پڑے۔ہسپتال ڈائریکٹر ڈاکٹر سجاد احمد آفریدی

یہ انجیکشن نہایت مہنگا ہوتا ہے تاہم ایوب ٹیچنگ ہسپتال کی انتظامیہ نے فیصلہ کیا ہے کہ اسے ہزارہ کی عوام کو بالکل مفت فراہم کیا جائے گا تاکہ ہر مریض کو بروقت علاج کی سہولت میسر آ سکے۔ہسپتال ڈائریکٹر ڈاکٹر سجاد احمد آفریدی

فارمیسی ڈیپارٹمنٹ کی کاوشوں کو بھی سراہتے ہیں جن کی محنت سے اس اہم اور زندگی بچانے والی دوا کی دستیابی ممکن بنائی گئی۔
ہسپتال ڈائریکٹر ڈاکٹر سجاد احمد آفریدی

ایمرجنسی ڈیپارٹمنٹ میں فالج اور دل کے دورے کے مریضوں کے فوری علاج کے لئے 6 بیڈز پر مشتمل جدید اسٹروک اینڈ اکیوٹ چیسٹ پین یونٹ قائم کیا گیا ہے جو جدید مانیٹرز اور دیگر طبی سہولیات سے لیس ہے۔ یہ یونٹ مریضوں کو فوری اور مؤثر طبی امداد فراہم کرنے میں اہم کردار ادا کرے گا اور ہزارہ کے مریضوں کے لئے ایک بڑی سہولت ثابت ہوگا۔ہسپتال ڈائریکٹر ڈاکٹر سجاد احمد آفریدی

بورڈ آف گورنرز کے چیئرمین پروفیسر ڈاکٹر عابد جمیل اور بورڈ ممبران کی رہنمائی میں ادارہ مسلسل ایسے اقدامات کر رہا ہے جن کا مقصد ہزارہ کی عوام کو جدید طبی سہولیات ان کے اپنے شہر میں فراہم کرنا ہے۔ہسپتال ڈائریکٹر ڈاکٹر سجاد احمد آفریدی

تفصیلات کے مطابق ہزارہ کی عوام کے لئے ایک بڑی خوشخبری سامنے آئی ہے۔ ایوب ٹیچنگ ہسپتال کی موجودہ انتظامیہ نے فالج (اسٹروک) کے مریضوں کے فوری اور مؤثر علاج کے لئے TPA انجیکشن ایمرجنسی ڈیپارٹمنٹ میں فراہم کر دیا ہے۔ آج ہسپتال ڈائریکٹر ڈاکٹر سجاد احمد آفریدی کی جانب سے خود ایرجنسی کا دورہ کیا گیا اور متعلقہ انچارج کو انجیکشن فراہم کیا گیا۔
اس موقع پر ہسپتال ڈائریکٹر ڈاکٹر سجاد احمد آفریدی نے کہا کہ ادارے کا بنیادی مشن ہزارہ کی عوام کو ان کے اپنے شہر میں معیاری اور جدید طبی سہولیات فراہم کرنا ہے تاکہ مریضوں کو علاج کے لئے دور دراز شہروں کا رخ نہ کرنا پڑے۔ انہوں نے کہا کہ فالج کے مریضوں کے لئے TPA انجیکشن انتہائی اہمیت کا حامل ہوتا ہے جو فالج ہونے کے چند گھنٹوں کے اندر لگایا جاتا ہے اور بروقت استعمال کی صورت میں مریض کی جان بچانے اور معذوری کے خطرات کم کرنے میں انتہائی مؤثر ثابت ہوتا ہے۔
انہوں نے مزید کہا کہ یہ انجیکشن نہایت مہنگا ہوتا ہے تاہم ایوب ٹیچنگ ہسپتال کی انتظامیہ نے فیصلہ کیا ہے کہ اسے ہزارہ کی عوام کو بالکل مفت فراہم کیا جائے گا تاکہ ہر مریض کو بروقت علاج کی سہولت میسر آ سکے۔
ڈاکٹر سجاد احمد آفریدی نے اس موقع پر فارمیسی ڈیپارٹمنٹ کی کاوشوں کو بھی سراہا جن کی محنت سے اس اہم اور زندگی بچانے والی دوا کی دستیابی ممکن بنائی گئی۔ انہوں نے کہا کہ ایمرجنسی ڈیپارٹمنٹ میں اس سہولت کی فراہمی مریضوں اور ان کے لواحقین کے لئے ایک بڑی سہولت ثابت ہوگی اور ہسپتال میں جدید ایمرجنسی کیئر کو مزید مضبوط بنانے میں اہم کردار ادا کرے گی۔
اس موقع پر ایسوسی ایٹ ہسپتال ڈائریکٹر ڈاکٹر داود اقبال، نرسنگ ڈائریکٹر مہتاب سکندر، ایمرجنسی انچارج ڈاکٹر جنید سرور ملک، ایچ او ڈی ایڈمنسٹریشن ڈاکٹر خرم، فارمیسی ہیڈ آصف نواز اور دیگر شعبہ جات کے سربراہان بھی موجود تھے۔

ماہرین کے مطابق فالج کے مریضوں کو بروقت TPA انجیکشن لگانے سے نہ صرف مریض کی حالت میں تیزی سے بہتری آنا شروع ہو جاتی ہے بلکہ مستقل معذوری کے امکانات بھی نمایاں حد تک کم ہو جاتے ہیں۔ اسی وجہ سے دنیا بھر میں اسٹروک کے علاج میں اس انجیکشن کو انتہائی اہم تصور کیا جاتا ہے۔
ہسپتال انتظامیہ کے مطابق بورڈ آف گورنرز کے چیئرمین پروفیسر ڈاکٹر عابد جمیل اور بورڈ ممبران کی رہنمائی میں ادارہ مسلسل ایسے اقدامات کر رہا ہے جن کا مقصد ہزارہ کی عوام کو جدید طبی سہولیات ان کے اپنے شہر میں فراہم کرنا ہے۔
انتظامیہ نے اس عزم کا بھی اظہار کیا کہ مستقبل میں بھی صحت کے شعبے میں مزید جدید سہولیات اور اہم منصوبے متعارف کروائے جائیں گے تاکہ ایوب ٹیچنگ ہسپتال حقیقی معنوں میں عوام کو بہترین طبی خدمات فراہم کرنے والا ادارہ بن سکے۔
یہ اقدام درحقیقت ہزارہ کی عوام کے لئے ایک بڑی سہولت اور امید کی کرن ہے۔

04/03/2026

ایوب میڈیکل انسٹی ٹیوشن کے تمام ملازمین کے نام اہم پیغام

ایوب ٹیچنگ ہسپتال کی جانب سے سوشل میڈیا کے استعمال اور میڈیا سے رابطے کے حوالے سے جاری کردہ سرکاری پالیسی کے مطابق درج ذیل ہدایات جاری کی جاتی ہیں۔

ایوب ٹیچنگ ہسپتال کے تمام ملازمین کو سختی سے ہدایت کی جاتی ہے کہ ہسپتال اس کے مریضوں یا ادارے کے اندرونی معاملات سے متعلق کسی بھی قسم کا مواد سوشل میڈیا پر شیئر کرنا پوسٹ کرنا یا پھیلانا مکمل طور پر ممنوع ہے۔

کوئی بھی ملازم خواہ اس کا تعلق کسی بھی کیڈر، عہدے یا شعبے سے ہو، ٹک ٹاک، انسٹاگرام، فیس بک یا کسی بھی دیگر سوشل میڈیا پلیٹ فارم پر ہسپتال سے متعلق کسی بھی قسم کی معلومات یا مواد شائع کرنے کا مجاز نہیں ہوگا۔

ہسپتال سے متعلق تمام معلومات، اعلانات یا میڈیا سے وابستہ امور صرف اور صرف ادارے کے مقررہ میڈیا مینیجر کے ذریعے جاری کیے جائیں گے۔ کسی بھی ملازم کو انفرادی طور پر میڈیا نمائندگان سے رابطہ کرنے بیان دینے یا کسی بھی قسم کا میڈیا لنک قائم کرنے کی اجازت نہیں ہوگی۔

اس پالیسی کی خلاف ورزی کی صورت میں متعلقہ ملازم کے خلاف ادارے کے قواعد و ضوابط کے مطابق سخت تادیبی کارروائی عمل میں لائی جائے گی۔

تمام عملے کو ہدایت کی جاتی ہے کہ وہ ان احکامات پر مکمل اور بلا تاخیر عملدرآمد یقینی بنائیں۔

یہ احکامات فوری طور پر نافذ العمل ہوں گے۔

02/03/2026

ایوب ٹیچنگ ہسپتال کے کارڈیالوجیسٹ ڈاکٹر عمران خان کو میڈیکل ڈائریکٹر تعینات کر دیا گیا۔

28/02/2026

ایوب ٹیچنگ ہسپتال کے بورڈ آف گورنرز اور موجودہ انتظامیہ کی جانب سے ہزارہ کی عوام کے لئے بڑی خوشخبری

جدید سہولیات سے آراستہ نئے ایمرجنسی ٹاور اور برن یونٹ کی باقاعدہ منظوری دے دی گئی ہے۔چیرمین بی او جی پروفیسر ڈاکٹر عابد جمیل

ان میگا پراجیکٹس کی تکمیل سے ادارے میں نمایاں اور مثبت تبدیلی آئے گی اور صحت کی سہولیات کا دائرہ مزید وسیع ہوگا۔ اس خطے کو ان میگا پراجیکٹس کی طویل عرصے سے اشد ضرورت تھی۔

ایوب میڈیکل کالج کے طلبہ اور TMOs کے لئے چار نئے ہاسٹل کی منظوری دے دی گئی ہے۔چیرمین بی او جی پروفیسر ڈاکٹر عابد جمیل۔

تفصیلات کے مطابق ایوب ٹیچنگ ہسپتال کے بورڈ آف گورنرز اور موجودہ انتظامیہ نے ہزارہ کی عوام کے لئے ایک بڑی اور خوش آئند خبر کا اعلان کیا ہے۔ جدید سہولیات سے آراستہ نئے ایمرجنسی ٹاور اور برن یونٹ کی باقاعدہ منظوری دے دی گئی ہے جس کی اس خطے کو طویل عرصے سے اشد ضرورت تھی۔ ان منصوبوں کی تکمیل سے نہ صرف ایمرجنسی خدمات کا معیار بہتر ہوگا بلکہ پیچیدہ اور ہنگامی کیسز کو مقامی سطح پر مؤثر علاج کی سہولت بھی میسر آئے گی۔
ان منصوبوں کا پی سی ون جلد حکومت خیبر پختونخوا کو ارسال کیا جائے گا تاکہ باقاعدہ فنڈنگ اور عملی کام کا آغاز یقینی بنایا جا سکے۔ اس کے ساتھ ساتھ ایوب میڈیکل کالج کے طلبہ کے لئے نئے میل اور فی میل ہاسٹلز کی منظوری بھی دے دی گئی ہے جس سے طلبہ کو بہتر رہائشی سہولیات فراہم ہوں گی۔ مزید برآں ہسپتال کے ٹی ایم اوز (میل و فی میل) کے لئے بھی پی سی ون حکومت خیبر پختونخوا کو بھجوایا جائے گا تاکہ عملے کے مسائل ترجیحی بنیادوں پر حل کیے جا سکیں۔
موجودہ بورڈ آف گورنرز اور انتظامیہ مریضوں کی فلاح و بہبود اور عملے کی سہولیات کی بہتری کے لئے عملی اقدامات کر رہے ہیں۔ ان میگا پراجیکٹس کی تکمیل سے ادارے میں نمایاں اور مثبت تبدیلی آئے گی اور صحت کی سہولیات کا دائرہ مزید وسیع ہوگا۔
مزید یہ کہ 12 بیڈز پر مشتمل سرجیکل آئی سی یو کو جلد فنکشنل کر دیا جائے گا۔ ڈائلیسز یونٹ جس میں تقریباً 20 جدید مشینیں موجود ہیں کو پہلے ہی فعال کر دیا گیا ہے۔ یہ پیش رفت ادارے کے لئے ایک بڑی کامیابی ہے جو مریضوں کو معیاری علاج کی فراہمی میں اہم کردار ادا کرے گی۔

ان تمام کامیابیوں میں چیئرمین بورڈ آف گورنرز پروفیسر ڈاکٹر عابد جمیل ممبران بورڈ آف گورنرز اور ادارے کے ایگزیکٹوز کی انتھک محنت اور مؤثر حکمت عملی شامل ہے جن کی قیادت میں ادارہ ترقی کی راہ پر گامزن ہے۔

27/02/2026

پریس ریلیز

ایوب ٹیچنگ ہسپتال کے میڈیکل ڈائریکٹر پروفیسر ڈاکٹر ثاقب ملک کے مبینہ استعفے کے حوالے سے سوشل میڈیا پر جاری منفی اور بے بنیاد پروپیگنڈے کی ایوب ٹیچنگ ہسپتال کی انتظامیہ اور ترجمان کی جانب سے شدید الفاظ میں مذمت کی جاتی ہے۔

ترجمان ایوب ٹیچنگ ہسپتال کے مطابق میڈیکل ڈائریکٹر پروفیسر ڈاکٹر ثاقب ملک کے استعفے سے متعلق جو قیاس آرائیاں اور افواہیں گردش کر رہی ہیں ان کا حقیقت سے کوئی تعلق نہیں۔ سوشل میڈیا پر پھیلائی جانے والی خبروں میں کسی قسم کی مستند یا سرکاری تصدیق شامل نہیں ہے۔

ترجمان نے واضح کیا کہ اگر پروفیسر ڈاکٹر ثاقب ملک نے استعفیٰ دیا بھی ہے تو وہ ان کی ذاتی مصروفیات کی بنیاد پر ہوگا، تاہم اس حوالے سے تاحال کوئی باضابطہ اور سرکاری اعلامیہ جاری نہیں کیا گیا۔ اس لیے کسی بھی قسم کی حتمی رائے قائم کرنا قبل از وقت اور نامناسب ہے۔

انتظامیہ کا کہنا ہے کہ سرکاری مؤقف کے بغیر افواہیں پھیلانا ادارے کی ساکھ کو متاثر کرنے کے مترادف ہے۔ عوام الناس اور سوشل میڈیا صارفین سے اپیل کی جاتی ہے کہ وہ غیر مصدقہ خبروں پر یقین نہ کریں اور ذمہ دارانہ طرزِ عمل کا مظاہرہ کریں۔

ایوب ٹیچنگ ہسپتال ایک بڑا عوامی طبی ادارہ ہے جو مریضوں کی خدمت کے لیے ہمہ وقت کوشاں ہے، اور انتظامی معاملات کو بھی مکمل ضابطہ کار اور شفافیت کے ساتھ نمٹایا جاتا ہے۔ کسی بھی اہم پیش رفت سے متعلق باضابطہ اعلامیہ جاری کیا جائے گا۔

26/02/2026

ایوب ٹیچنگ ہسپتال ایبٹ آباد میں گزشتہ روز یومِ سیاہ منایا گیا اور ڈاکٹر مہوش کے بہیمانہ قتل کی شدید الفاظ میں مذمت کی گئی۔

ڈاکٹر مہوش کا قتل ایک افسوسناک اور قابلِ مذمت واقعہ ہے جس نے پوری طبی برادری کو سوگوار کر دیا ہے۔ہسپتال ڈائریکٹر ڈاکٹر سجاد احمد آفریدی

ہسپتال میں سیکیورٹی کے نظام کو مزید مؤثر بنانے کے لیے کوئیک رسپانس فورس قائم کی جا رہی ہے، ادارے کے مختلف مقامات پر سیکیورٹی مورچے بنائے جائیں گے اور داخلی سیکیورٹی انتظامات کو مزید سخت کیا جائے گا۔ہسپتال ڈائریکٹر ڈاکٹر سجاد احمد آفریدی

ادارہ سیکیورٹی صورتحال پر کسی بھی قسم کا کمپرومائز نہیں کرے گا اور ہر فرنٹ لائن ورکر کی حفاظت کو اولین ترجیح دی جائے گی۔ہسپتال ڈائریکٹر ڈاکٹر سجاد احمد آفریدی

تفصیلات کے مطابق اس موقع پر ہسپتال کے ڈاکٹرز اور دیگر طبی عملے نے بڑی تعداد میں شرکت کی اور مرحومہ کے ساتھ اظہارِ یکجہتی کیا۔
یومِ سیاہ کے سلسلے میں ہسپتال کے مختلف شعبہ جات میں ڈاکٹرز اور سٹاف نے سیاہ پٹیاں باندھ کر پرامن احتجاج ریکارڈ کرایا۔ ہسپتال ڈائریکٹر ڈاکٹر سجاد احمد آفریدی نے خصوصی طور پر شرکت کی اور ڈاکٹرز کے ساتھ مکمل یکجہتی کا اظہار کرتے ہوئے کہا کہ ڈاکٹر مہوش کا قتل ایک افسوسناک اور قابلِ مذمت واقعہ ہے جس نے پوری طبی برادری کو سوگوار کر دیا ہے۔
یہ دن ڈاکٹر مہوش کے ساتھ اظہارِ یکجہتی کے طور پر منایا گیا جنہیں کوہاٹ میں ڈیوٹی سے گھر واپسی کے دوران بے دردی سے قتل کر دیا گیا۔ شرکاء نے مرحومہ کے درجات کی بلندی اور اہلِ خانہ کے لیے صبرِ جمیل کی دعا بھی کی۔
اس موقع پر ڈاکٹرز ایسوسی ایشن آفس میں اجتماعی دعا کا اہتمام کیا گیا جہاں ڈاکٹرز اور طبی عملے کی بڑی تعداد نے شرکت کی۔ شرکاء نے مطالبہ کیا کہ فرنٹ لائن ہیلتھ ورکرز کو مؤثر سیکیورٹی فراہم کی جائے اور ایسے واقعات کی روک تھام کے لیے ٹھوس اقدامات کیے جائیں۔
ہسپتال ڈائریکٹر ڈاکٹر سجاد احمد آفریدی نے اپنے خطاب میں کہا کہ ہسپتال میں سیکیورٹی کے نظام کو مزید مؤثر بنانے کے لیے کوئیک رسپانس فورس قائم کی جا رہی ہے ادارے کے مختلف مقامات پر سیکیورٹی مورچے بنائے جائیں گے اور داخلی سیکیورٹی انتظامات کو مزید سخت کیا جائے گا۔ انہوں نے واضح کیا کہ ادارہ سیکیورٹی صورتحال پر کسی بھی قسم کا کمپرومائز نہیں کرے گا اور ہر فرنٹ لائن ورکر کی حفاظت کو اولین ترجیح دی جائے گی۔
انہوں نے مزید کہا کہ ڈاکٹرز اور طبی عملہ اپنی جانوں کی پرواہ کیے بغیر دن رات مریضوں کی خدمت میں مصروف رہتے ہیں لہٰذا ان کی جان و مال کا تحفظ ریاست اور اداروں کی بنیادی ذمہ داری ہے۔ ہسپتال انتظامیہ نے اس عزم کا اعادہ کیا کہ طبی عملے کو محفوظ اور پُرامن ماحول کی فراہمی کے لیے ہر ممکن اقدامات جاری رکھے جائیں گے۔

24/02/2026

20/02/2026

ہسپتال ڈائریکٹر ڈاکٹر سجاد احمد آفریدی کا زیرِ تعمیر کینٹین کا تفصیلی دورہ

بورڈ آف گورنرز کے ویژن کے مطابق ہسپتال ڈائریکٹر ڈاکٹر سجاد احمد آفریدی نے زیرِ تعمیر کینٹین کا دورہ کیا اور اس موقع پر اسٹیٹ آف دی آرٹ، جدید اور معیاری کینٹین کے قیام کے لئے واضح احکامات جاری کر دیئے۔ انہوں نے متعلقہ حکام کو ہدایت کی کہ کینٹین کو جدید سہولیات سے آراستہ کیا جائے تاکہ مریضوں، ان کے لواحقین اور ہسپتال کے عملے کو معیاری اور حفظانِ صحت کے اصولوں کے مطابق کھانے پینے کی اشیاء فراہم کی جا سکیں۔
اس موقع پر مینٹیننس ڈیپارٹمنٹ کو ہدایت دی گئی کہ کینٹین کی تعمیر و رینوویشن کے لئے جلد از جلد مختلف ڈیزائن کے تین جامع اور عملی پلان تیار کر کے پیش کیا جائے تاکہ کام کو تیز رفتار اور مؤثر انداز میں مکمل کیا جا سکے۔

انہوں نے مزید کہا کہ کینٹین کی رینوویشن اور نئی تعمیر کا بنیادی مقصد مریضوں، ان کے ساتھ آنے والے اٹینڈنٹس اور ادارے کے ملازمین کو صاف ستھرے، آرام دہ اور خوشگوار ماحول میں بہترین سہولیات فراہم کرنا ہے۔ اس کے ساتھ ساتھ کینٹین کے معیار کو ہسپتال کے مجموعی معیار کے مطابق بہتر بنایا جائے گا۔

بورڈ آف گورنرز اور موجودہ انتظامیہ مریضوں کو ہر ممکن سہولیات کی فراہمی کے لئے سنجیدہ اقدامات کر رہی ہے تاکہ ادارے میں واضح اور مثبت تبدیلیاں نظر آئیں اور عوام کو بہتر طبی و معاون سہولیات ایک ہی چھت تلے میسر آ سکیں۔ انتظامیہ کا عزم ہے کہ ہسپتال میں سہولیات کے معیار کو مزید بلند کر کے مریض دوست ماحول کو فروغ دیا جائے گا۔

19/02/2026

ایوب ٹیچنگ ہسپتال میں نو تعینات نرسز کے لیے ایچ آر ڈیپارٹمنٹ اور نرسنگ ڈیپارٹمنٹ کے زیرِ اہتمام جامع اورینٹیشن سیشن کا انعقاد

مریضوں کی بہترین خدمت بروقت نگہداشت اور مثبت رویہ ہر نرس کی اولین ترجیح ہونی چاہیے.ہسپتال ڈائریکٹر ڈاکٹر سجاد احمد آفریدی

ہر مریض کے ساتھ احترام، شفقت اور اخلاقیات کے ساتھ پیش آنا آپ کی بنیادی ذمہ داری ہے۔نرسنگ ڈائریکٹر مہتاب سکندر خان

اورینٹیشن سیشن کا مقصد نئی نرسز کو ادارے کے نظم و ضبط، پیشہ ورانہ ذمہ داریوں اور مریضوں کی معیاری دیکھ بھال کے اصولوں سے آگاہ کرنا تھا۔

اس اہم سیشن میں ہسپتال ڈائریکٹر ڈاکٹر سجاد احمد آفریدی اور نرسنگ ڈائریکٹر مہتاب سکندر خان نے خصوصی شرکت کی جبکہ سینیئر منیجر ایچ آر محمد یونس اور دیگر انتظامی افسران و ہسپتال عملہ بھی اس موقع پر موجود تھا۔
اورینٹیشن کے دوران نو تعینات نرسز کو ہسپتال کی پالیسیوں، ڈسپلن، پیشہ ورانہ اخلاقیات اور مریضوں سے ہمدردانہ رویہ اپنانے کے حوالے سے تفصیلی بریفنگ دی گئی۔ ہسپتال ڈائریکٹر نے اپنے خطاب میں کہا کہ مریضوں کی بہترین خدمت، بروقت نگہداشت اور مثبت رویہ ہر نرس کی اولین ترجیح ہونی چاہیے۔ انہوں نے مزید کہا کہ پیشہ ورانہ دیانت، ٹیم ورک اور انسانیت کے جذبے کے ساتھ فرائض کی انجام دہی ادارے کی نیک نامی میں اہم کردار ادا کرتی ہے۔
نرسنگ ڈائریکٹر مہتاب سکندر خان نے نو تعینات نرسز کو خوش آمدید کہتے ہوئے کہا کہ نرسنگ کا شعبہ خدمتِ انسانیت کا عظیم پیشہ ہے اور ہر مریض کے ساتھ احترام، شفقت اور اخلاقیات کے ساتھ پیش آنا آپ کی بنیادی ذمہ داری ہے۔ انہوں نے اس عزم کا اظہار کیا کہ نرسنگ سٹاف کی پیشہ ورانہ تربیت اور رہنمائی کے لیے ایسے سیشنز کا سلسلہ آئندہ بھی جاری رکھا جائے گا۔
سیشن میں اس بات پر زور دیا گیا کہ نو تعینات نرسز اپنی صلاحیتوں، محنت اور لگن سے ادارے میں عوامی خدمت کے جذبے کو فروغ دیں اور ہسپتال کے اعلیٰ معیارِ علاج و نگہداشت کو برقرار رکھنے میں بھرپور کردار ادا کریں۔ انتظامیہ نے امید ظاہر کی کہ نئی نرسز دل و جان سے فرائض انجام دیتے ہوئے مریضوں کی خدمت کو اپنا نصب العین بنائیں گی اور ادارے کی ساکھ کو مزید مضبوط کریں گی۔

19/02/2026

Leading the way “Educational Leadership for Medical Faculty”
Finally our forth Pre-Conference IMECON 2026 “FACULTY DEVELOPMENT WORKSHOP”
Organised by Prof. Dr. Sadia Habib, In-Charge, Department of Medical Education under the support and guidance of Prof. Dr. Irfan Khattak, Dean & CEO & Regional Director CPSP, Prof. Dr. Jhangir Khan.
Facilitators of the workshop were Dr. Touqeer Ahmed, Dr. Sadia Bibi and Prof. Sadia Habib. It was attended by Dean/CEO Prof. dr. Irfan Khattak & faculty members of Ayub medical college from basic sciences and clinical specialties.

18/02/2026

میڈیکل ڈائریکٹر ڈاکٹر ثاقب ملک کا او پی ڈیز اور ایمرجنسی کا اچانک دورہ

غفلت برداشت نہیں کی جائے گی فرائض میں کوتاہی پر سخت کارروائی کا اعلان۔میڈیکل ڈائریکٹر ڈاکٹر ثاقب ملک

میڈیکل ڈائریکٹر ڈاکٹر ثاقب ملک نے ہسپتال کی مختلف او پی ڈیز اور ایمرجنسی ڈیپارٹمنٹ کا اچانک دورہ کیا اور مریضوں کو فراہم کی جانے والی طبی سہولیات کا تفصیلی جائزہ لیا۔
دورے کے دوران انہوں نے میڈیکل، سرجری، سائیکاٹری، آئی، یورالوجی، نیورالوجی، کارڈیو تھوریسک، آنکولوجی اور ای این ٹی او پی ڈیز میں ڈاکٹرز اور عملے کی حاضری، کارکردگی اور مریضوں سے برتاؤ کا معائنہ کیا۔ بہتر انداز میں ڈیوٹی انجام دینے والے ڈاکٹرز اور عملے کی کارکردگی کو سراہا گیا۔
میڈیکل ڈائریکٹر نے واضح الفاظ میں ہدایت جاری کی کہ اپنی ذمہ داریاں پوری نہ کرنے والے ڈاکٹرز اور عملے کے خلاف بلاامتیاز سخت تادیبی کارروائی کی جائے گی جبکہ مریضوں کو دی جانے والی سہولیات پر کسی بھی قسم کا سمجھوتا نہیں کیا جائے گا۔

انہوں نے ایمرجنسی ڈیپارٹمنٹ کا بھی دورہ کیا اور آئی ٹی ڈیپارٹمنٹ کے زخمی نوجوان کی عیادت کی اس موقع پر ڈیوٹی پر موجود ڈی ایم ایس سردار ایوب کو فوری اور مؤثر اقدامات کے احکامات جاری کیے گئے۔
میڈیکل ڈائریکٹر کا کہنا تھا کہ بورڈ آف گورنرز اور موجودہ انتظامیہ مریضوں کو معیاری بروقت اور بہتر طبی سہولیات کی فراہمی کے لیے پُرعزم ہے، اور دورانِ ڈیوٹی کسی بھی قسم کی غفلت یا لاپرواہی ہرگز برداشت نہیں کی جائے گی۔