Ayub Teaching hospital Abbottabad Official

08/04/2026

ایوب ٹیچنگ ہسپتال میں نو تعینات ایکزیکٹوز، منیجرز اور نرسز کے لیے جامع اورینٹیشن سیشن کا انعقاد

ایوب ٹیچنگ ہسپتال میں نو تعینات نرسز کے لیے ایک جامع اور مؤثر اورینٹیشن سیشن کا انعقاد کیا گیا جس کا مقصد نئے نرسنگ اسٹاف کو ادارے کے نظام، قواعد و ضوابط اور پیشہ ورانہ ذمہ داریوں سے آگاہ کرنا تھا۔

اس اہم سیشن میں نرسنگ ڈائریکٹر، سیکرٹری بورڈ آف گورنرز (BOG)، ایگزیکٹو منیجرز اور نرسنگ اسٹاف کی بڑی تعداد نے شرکت کی۔ شرکاء نے سیشن کو نہایت معلوماتی اور رہنمائی فراہم کرنے والا قرار دیا۔
اورینٹیشن سیشن کا انعقاد ہیومن ریسورس اور ٹریننگ اینڈ ڈیولپمنٹ ڈیپارٹمنٹ کے سربراہ سینیئر مینجر ایچ آر، محمد یونس اور ان کی پیشہ ور ٹیم کی جانب سے کیا گیا۔

سینیئر مینجر ایچ آر محمد یونس نے شرکاء کو ادارے کے قوانین، پالیسیز، مختلف شعبہ جات کے طریقہ کار اور پیشہ ورانہ اخلاقیات کے حوالے سے تفصیلی بریفنگ دی۔ انہوں نے ادارے کے نظم و ضبط، مریضوں کی بہترین دیکھ بھال اور ٹیم ورک کی اہمیت پر بھی زور دیا۔
سیشن کے دوران نئے نرسنگ اسٹاف اور ایگزیکٹو منیجرز کو ایوب ٹیچنگ ہسپتال کے اعلیٰ معیارِ خدمات، مریض دوست ماحول اور پیشہ ورانہ ترقی کے مواقعوں کے بارے میں بھی آگاہ کیا گیا تاکہ وہ اپنی ذمہ داریاں مزید احسن انداز میں سرانجام دے سکیں۔

06/04/2026

06/04/2026

ایوب ٹیچنگ ہسپتال میں نرسنگ ایجوکیشن کے فروغ کیلئے اہم پیش رفت
نرسنگ ڈائریکٹر مہتاب سکندر کی زیرِ نگرانی تربیتی ورکشاپ کا انعقاد

ڈسپلن ہر صورت برقرار رکھا جائے گا۔ بہترین کارکردگی دکھانے والے اسٹاف کی حوصلہ افزائی کی جائے گی جبکہ قواعد و ضوابط کی خلاف ورزی پر سخت کارروائی عمل میں لائی جائے گی۔نرسنگ ڈائریکٹر مہتاب سکندر

بورڈ آف گورنرز کے وژن کے مطابق علاقے کے عوام کو بہترین طبی سہولیات خوش اخلاقی اور پیشہ ورانہ انداز میں فراہم کرنا ہے تاکہ نرسنگ ڈویژن ایک مثالی شعبہ بن سکے۔نرسنگ ڈائریکٹر مہتاب سکندر

تفصیلات کے مطابق ایوب ٹیچنگ ہسپتال کے نرسنگ ڈویژن میں پیشہ ورانہ مہارتوں کے فروغ اور نظم و ضبط کو مزید بہتر بنانے کے لیے نرسنگ ڈائریکٹر مہتاب سکندر کی جانب سے ایک اہم تربیتی ورکشاپ کا انعقاد کیا گیا۔ اس ورکشاپ کا مقصد نرسنگ اسٹاف کی کارکردگی کو مؤثر بنانا اور جدید تقاضوں کے مطابق ان کی پیشہ ورانہ صلاحیتوں کو نکھارنا تھا۔
اہم شعبہ جات کی نمائندگی
ورکشاپ میں مختلف ڈیپارٹمنٹس کی ہیڈ نرسزز اور نرسنگ منیجرز نے بھرپور شرکت کی جس سے اس اقدام کی اہمیت اور سنجیدگی کا اندازہ لگایا جا سکتا ہے۔
نرسنگ ڈائریکٹر مہتاب سکندر نے خود تمام اہم موضوعات پر جامع لیکچر دیا۔ انہوں نے خاص طور پر ٹیل فورڈ میتھڈ کے ذریعے اسٹاف مینجمنٹ کے مؤثر طریقوں پر روشنی ڈالی جس سے نرسنگ اسٹاف کی کارکردگی میں بہتری لانے میں مدد ملے گی۔
ورکشاپ میں جدید آئی ٹی سافٹ ویئرز کے استعمال پر بھی تفصیلی گفتگو کی گئی تاکہ نرسنگ اسٹاف کو ڈیجیٹل نظام سے ہم آہنگ کیا جا سکے اور ہسپتال کے انتظامی امور کو مزید شفاف اور مؤثر بنایا جا سکے۔
نرسنگ ڈائریکٹر مہتاب سکندر نے اعلان کیا کہ نرسنگ ڈویژن کے کسی بھی مسئلے کے حل کیلئے اسٹاف براہِ راست ان سے رابطہ کر سکتا ہے۔ انہوں نے اس بات پر زور دیا کہ ہر کام تحریری ہونا چاہیے۔ انہوں نے کہا کہ نرسنگ ڈویژن کی مکمل ذمہ داری ان پر عائد ہوتی ہے اور وہ اس کو بہترین انداز میں چلانے کیلئے پرعزم ہیں
ورکشاپ کے دوران بیڈ سائیڈ ٹیچنگ، چھٹیوں کی پالیسی، اور اسٹاف کی ڈریسنگ کے حوالے سے بھی تفصیلی رہنمائی فراہم کی گئی تاکہ نرسنگ اسٹاف پیشہ ورانہ معیار پر پورا اتر سکے۔
آخر میں نرسنگ ڈائریکٹر نے اس عزم کا اعادہ کیا کہ نرسنگ ڈویژن کا بنیادی مقصد بورڈ آف گورنرز کے وژن کے مطابق علاقے کے عوام کو بہترین طبی سہولیات خوش اخلاقی اور پیشہ ورانہ انداز میں فراہم کرنا ہے، تاکہ نرسنگ ڈویژن ایک مثالی ادارہ بن سکے۔

05/04/2026

آپ کا اپنا ایوب ٹیچنگ ہسپتال خدمت، اعتماد اور بہترین علاج کی مثال

ایوب ٹیچنگ ہسپتال کی ایمرجنسی اور نیورولوجی ڈیپارٹمنٹ میں صحت سہولت پروگرام کے تحت ایک اور کامیاب اور قابلِ فخر علاج کی کہانی سامنے آئی ہے۔ ہری پور کے رہائشی خالد ایوب نے اپنے تاثرات میں بتایا کہ ان کی اہلیہ کو تقریباً تین لاکھ روپے مالیت کا مہنگا انجیکشن بالکل مفت فراہم کیا گیا جبکہ علاج معالجے کے دوران انہیں بہترین طبی سہولیات اور مکمل نگہداشت بھی مہیا کی گئی۔
انہوں نے ہسپتال کے ڈاکٹروں، نرسنگ اسٹاف اور انتظامیہ کی کاوشوں کو سراہتے ہوئے کہا کہ ایسے اقدامات عوام کے اعتماد میں اضافہ کرتے ہیں اور مستحق مریضوں کے لیے امید کی کرن ہیں۔ ایوب ٹیچنگ ہسپتال نہ صرف جدید طبی سہولیات فراہم کر رہا ہے بلکہ انسانیت کی خدمت کو اپنا اولین مقصد بنائے ہوئے ہے۔

یہ کامیاب مثال اس بات کا ثبوت ہے کہ صحت سہولت پروگرام کے ذریعے معیاری اور مہنگا علاج بھی عام شہریوں کی دسترس میں لایا جا رہا ہے۔بورڈ آف گورنرز اور ہسپتال انتظامیہ اس عزم کا اعادہ کرتی ہے کہ عوام کو بروقت، معیاری اور مفت علاج کی فراہمی کا سلسلہ اسی جذبے کے ساتھ جاری رکھا جائے گا۔

31/03/2026

‎
ایوب میڈیکل کمپلیکس میں نہ صرف سرکاری سطح پر علاج کی سہولت موجود ہے بلکہ صحت کارڈ کے تحت علاج کے ساتھ ساتھ پرائیویٹ معیاری علاج کی سہولت بھی فراہم کی جا رہی ہے۔
— ڈین اینڈ سی ای او، ایوب میڈیکل کالج، پروفیسر عرفان الدین خٹک

ایوب ٹیچنگ ہسپتال آئی بی پی میں ہر شعبے کے ماہر ڈاکٹرز اور مستند نرسنگ اسٹاف اپنی خدمات انجام دے رہے ہیں۔ ایوب ٹیچنگ ہسپتال میں نجی علاج کی سب سے بڑی خوبی یہ ہے کہ اگر کسی بھی وقت کسی دوسرے اسپیشلسٹ کی ضرورت پیش آئے تو وہ فوری طور پر دستیاب ہوتا ہے۔
— ڈین اینڈ سی ای او، ایوب میڈیکل کالج، پروفیسر عرفان الدین خٹک

اس کے علاوہ یہاں ICU، CCU اور HDU جیسی جدید سہولیات بھی موجود ہیں، جبکہ نجی علاج دیگر نجی ہسپتالوں کے مقابلے میں نسبتاً کم لاگت پر فراہم کیا جاتا ہے۔
— ڈین اینڈ سی ای او، ایوب میڈیکل کالج، پروفیسر عرفان الدین خٹک

یہ ہسپتال عوام کے لیے آسان رسائی رکھتا ہے۔

📞 کسی بھی معلومات یا اپوائنٹمنٹ کے لیے رابطہ کریں:
📱 0992-9311155
📱 0331-3444490

🌐 ath.gov.pk/ibp

26/03/2026

عیدالفطر 2026 کے دوران ایوب ٹیچنگ ہسپتال کے شعبہ گائنی، پیڈز اور مین ایمرجنسی سروسز کی شاندار کارکردگی

عیدالفطر 2026 کے موقع پر ایوب ٹیچنگ ہسپتال کے تمام ایمرجنسی ڈیپارٹمنٹز مکمل طور پر فعال رہے اور بروقت طبی سہولیات اور مؤثر نگہداشت فراہم کرتے ہوئے 4000 سے زائد مریضوں کا علاج کیا گیا۔

ٹریفک حادثات سے لے کر فائر آرم انجریز تک، ہسپتال کی طبی ٹیموں نے ثابت قدمی کا مظاہرہ کیا اور اس بات کو یقینی بنایا کہ کوئی بھی مریض بغیر توجہ کے نہ رہے۔
عید کی خوشی کے موقع پر ہمیں نہ صرف جشن منانا چاہیے بلکہ اس بات پر بھی غور کرنا چاہیے کہ ہم اپنی اور دوسروں کی حفاظت، ذمہ داری اور دیکھ بھال کو ترجیح دیں۔

ایوب ٹیچنگ ہسپتال کے فرنٹ لائن ہیلتھ ورکرز کے لئے آپ کی حفاظت اور علاج ہی عید کی اصل خوشی اور حقیقی روح ہے۔

20/03/2026

19/03/2026

ایوب ٹیچنگ ہسپتال میں تاریخ ساز پیش رفت پہلا TPA انجیکشن کامیابی سے لگا دیا گیا

ایوب ٹیچنگ ہسپتال میں فالج (اسٹروک) کے مریض کے علاج کے لیے پہلی بار TPA انجیکشن کامیابی کے ساتھ لگا دیا گیا جو کہ ادارے کے لیے ایک اہم سنگِ میل ہے۔ یہ انجیکشن حویلیاں سے تعلق رکھنے والے مریض بنارس خان کو صحت سہولت پروگرام کے تحت بالکل مفت فراہم کیا گیا۔

ہزارہ کے عوام کے لیے یہ ایک بڑی خوشخبری ہے کیونکہ اب فالج کے مریضوں کو بروقت اور جدید علاج کی سہولت مقامی سطح پر دستیاب ہو گئی ہے جس سے قیمتی جانیں بچانے میں مدد ملے گی۔

انتظامیہ اور عملے کی شب و روز محنت رنگ لے آئی اس کامیابی کے پیچھے چیئرمین بورڈ آف گورنرز پروفیسر عابد جمیل، ہسپتال ڈائریکٹر ڈاکٹر سجاد احمد آفریدی، میڈیکل ڈائریکٹر ڈاکٹر عمران خان اور ادارے کے فرنٹ لائن ہیروز کی انتھک محنت اور کاوشیں شامل ہیں جنہوں نے دن رات محنت کر کے اس سہولت کو ممکن بنایا۔

اس حوالے سے مزید تفصیلات اور تاثرات جاننے کے لیے ویڈیو ملاحظہ کریں جس میں مریض کے بھتیجے اور ہسپتال انتظامیہ نے اپنے خیالات کا اظہار کیا ہے۔

13/03/2026

Unlock the Future of Surgical Excellence at SCALPEL SURGERY SUMMIT ‘26!

Join us in Abbottabad for a transformative two-day experience designed to push the boundaries of surgical skill, innovation, and academic collaboration.

Early Bird Registration Deadline: 15th March 2026

Don’t miss your chance to move Beyond The Scalpel. Secure your spot today and be part of the surgical revolution!

13/03/2026

ایوب ٹیچنگ ہسپتال میں نرسنگ سروسز کی بہتری کے لیے اقدامات تیز
نرسنگ ڈائریکٹر مہتاب سکندر کا ہسپتال کے مختلف وارڈز کا تفصیلی دورہ

بورڈ آف گورنرز کے ویژن کے مطابق ادارے میں بہتری کے لیے ہر ممکن اقدامات کیے جا رہے ہیں۔ ہمارا مشن عوام کو ایوب ٹیچنگ ہسپتال میں بہترین اور معیاری نرسنگ کئیر فراہم کرنا ہے۔ نرسنگ ڈائریکٹر مہتاب سکندر

تمام نرسنگ اسٹاف مریضوں کے ساتھ ہمدردی، احترام اور شفقت کے ساتھ پیش آئیں کیونکہ یہی ایک مثالی طبی ادارے کی پہچان ہوتی ہے۔نرسنگ ڈائریکٹر مہتاب سکندر

تفصیلات کے مطابق ایوب ٹیچنگ ہسپتال کی نرسنگ ڈائریکٹر مہتاب سکندر نے ہسپتال کے مختلف وارڈز کا دورہ کیا اور نرسنگ سروسز، مریضوں کو فراہم کی جانے والی سہولیات اور انتظامی امور کا تفصیلی جائزہ لیا۔ اس موقع پر انہوں نے وارڈز میں صفائی ستھرائی، ادویات کی دستیابی، ایکسپائری ڈیٹس اور نرسنگ اسٹاف کی کارکردگی کا معائنہ کیا۔
انہوں نے خصوصی طور پر انفیکشن کنٹرول کے اصولوں پر سختی سے عمل درآمد، وارڈز اور اسٹورز میں ادویات و طبی سامان کی منظم ترتیب اور ادویات کے محفوظ ذخیرے کو یقینی بنانے کی بھی ہدایات جاری کیں تاکہ مریضوں کو محفوظ اور معیاری طبی سہولیات فراہم کی جا سکیں۔
نرسنگ ڈائریکٹر نے نرسنگ اسٹاف سے مختلف میڈیکل ایکیوپمنٹ کے استعمال کے طریقہ کار کے بارے میں سوالات کیے اور اس بات پر زور دیا کہ تمام اسٹاف جدید طبی آلات کے استعمال سے مکمل طور پر آگاہ ہو تاکہ مریضوں کو بروقت اور مؤثر طبی سہولیات فراہم کی جا سکیں۔ انہوں نے وارڈز میں ادویات کی ایکسپائری چیک کرنے، ڈیوٹی روسٹرز کو منظم رکھنے اور میڈیسن چیک لسٹ کو واضح طور پر آویزاں کرنے کی ہدایات بھی جاری کیں۔
انہوں نے ہسپتال فارمیسی میں ادویات کی میڈیسن ریٹرن پالیسی کو مزید مؤثر بنانے کے حوالے سے احکامات جاری کرنے کی بھی ہدایت کی۔ مریضوں کو دی جانے والی ادویات کی ڈوز اور طریقہ کار کے بارے میں نرسنگ اسٹاف سے تفصیلی گفتگو کی گئی تاکہ علاج کے دوران کسی بھی قسم کی کوتاہی سے بچا جا سکے۔
دورے کے دوران نرسنگ ڈائریکٹر نے مریضوں اور ان کے تیمارداروں سے بھی ملاقات کی اور ان سے علاج معالجے اور ہسپتال میں فراہم کی جانے والی سہولیات کے بارے میں دریافت کیا۔ انہوں نے اس بات پر زور دیا کہ مریضوں کو کسی قسم کی مشکل پیش آئے تو فوری طور پر انتظامیہ کو آگاہ کیا جائے تاکہ بروقت مسائل کا حل نکالا جا سکے۔
اس موقع پر مہتاب سکندر کا کہنا تھا کہ بورڈ آف گورنرز کے ویژن کے مطابق ادارے میں بہتری کے لیے ہر ممکن اقدامات کیے جا رہے ہیں۔ ہمارا مشن عوام کو ایوب ٹیچنگ ہسپتال میں بہترین اور معیاری نرسنگ کئیر فراہم کرنا ہے۔ انہوں نے نرسنگ اسٹاف کو ہدایت کی کہ مریضوں کے ساتھ ہمدردی، احترام اور شفقت کے ساتھ پیش آئیں کیونکہ یہی ایک مثالی طبی ادارے کی پہچان ہوتی ہے۔

انہوں نے مزید کہا کہ نرسنگ ڈویژن میں بہتری اور جدید معیار کے مطابق نظام کو مزید مضبوط بنانے کے لیے عملی اقدامات کیے جا رہے ہیں اور انشاء اللہ بہت جلد عوام کو نرسنگ ڈویژن میں واضح اور مثبت تبدیلی نظر آئے گی۔
ہسپتال انتظامیہ مریضوں کو بہترین علاج اور سہولیات کی فراہمی کے لیے مسلسل اقدامات کر رہی ہے تاکہ ایوب ٹیچنگ ہسپتال خطے کے عوام کے لیے ایک مثالی طبی ادارہ بن سکے۔

12/03/2026

وزیراعلیٰ خیبر پختونخوا محمد سہیل آفریدی کے احکامات کے مطابق ایوب ٹیچنگ ہسپتال میں آن لائن ای۔کھلی کچہری کا انعقاد

وزیراعلیٰ خیبر پختونخوا کے احکامات کی روشنی میں ایوب ٹیچنگ ہسپتال میں عوامی مسائل کے حل اور مریضوں کو درپیش مشکلات کے فوری ازالے کے لیے آن لائن ای۔کھلی کچہری کا انعقاد کیا گیا۔ اس سلسلے میں ہسپتال ڈائریکٹر ڈاکٹر سجاد احمد آفریدی نے ادارے میں آن لائن ای۔کھلی کچہری کے انعقاد کے لیے تمام تر انتظامات مکمل کرنے کی ہدایات جاری کیں جنہیں متعلقہ شعبوں کی جانب سے احسن انداز میں پایۂ تکمیل تک پہنچایا گیا۔

ہسپتال ڈائریکٹر ڈاکٹر سجاد احمد آفریدی نے اس موقع پر کہا کہ وزیراعلیٰ خیبر پختونخوا کی ہدایات کے مطابق ایوب ٹیچنگ ہسپتال میں ہر ماہ باقاعدگی سے آن لائن ای۔کھلی کچہری کا انعقاد کیا جائے گا تاکہ عوام کو درپیش مسائل براہِ راست ہسپتال انتظامیہ تک پہنچ سکیں اور ان کا بروقت حل ممکن بنایا جا سکے۔

ان کے احکامات کی روشنی میں آن لائن ای۔کھلی کچہری کے انتظامات ایچ او ڈی ایڈمن، آئی ٹی ڈیپارٹمنٹ اور میڈیا ڈیپارٹمنٹ کی جانب سے مکمل کیے گئے۔

ایوب ٹیچنگ ہسپتال میں منعقدہ آن لائن ای۔کھلی کچہری کی صدارت میڈیکل ڈائریکٹر ڈاکٹر عمران خان نے کی جبکہ ہسپتال کے مختلف شعبہ جات کے چیئرپرسنز اور متعلقہ افسران بھی اس موقع پر موجود تھے۔

آن لائن کھلی کچہری کے دوران عوام نے کمنٹس اور تحریری پیغامات کے ذریعے اپنی شکایات، مسائل اور تجاویز پیش کیں جن کے جوابات فوری طور پر فراہم کیے گئے۔ انتظامیہ کی جانب سے بعض اہم نوعیت کے مسائل کے حل کے لیے متعلقہ شعبوں کو ضروری ہدایات بھی جاری کی گئیں تاکہ مریضوں اور ان کے لواحقین کو زیادہ سے زیادہ سہولیات فراہم کی جا سکیں۔

میڈیکل ڈائریکٹر ڈاکٹر عمران خان نے اس موقع پر کہا کہ ایوب ٹیچنگ ہسپتال کی انتظامیہ مریضوں کو بروقت اور معیاری طبی سہولیات فراہم کرنے کے لیے مسلسل اقدامات کر رہی ہے۔ عوام کی آراء اور تجاویز ادارے کی کارکردگی کو مزید بہتر بنانے میں اہم کردار ادا کرتی ہیں۔
انہوں نے مزید کہا کہ آن لائن ای۔کھلی کچہری کا مقصد عوام اور ہسپتال انتظامیہ کے درمیان براہِ راست رابطہ قائم کرنا ہے تاکہ لوگوں کو درپیش مسائل کو فوری طور پر سنا اور ان کا مؤثر حل نکالا جا سکے۔ ہسپتال انتظامیہ مستقبل میں بھی اس طرح کی سرگرمیوں کا انعقاد جاری رکھے گی تاکہ مریضوں کو بہترین طبی سہولیات فراہم کی جا سکیں اور ادارے پر عوام کے اعتماد کو مزید مضبوط بنایا جا سکے۔