11/02/2025
بیر Jujube Wild Healthy Fruit
وہ پھل جس کا ذکر تین آسمانی کتابوں تورات، انجیل اور قرآن میں موجود ہے،
اسے انگریزی میں Jujube جوجوبی یا جوجوب دونوں پڑھ سکتے ہیں۔ لمبے والا بیر پہلی بار چین کے علاقے میں پیدا ہوا جبکہ گول والا ہندو پاک کے علاقے میں پلا بڑھا۔ اب تو تقریباً ساری دنیا میں ہی پھیل چکا ہے اور اس کا سب سے بڑا پیداواری ملک چین ہی ہے اس کے بعد بھارت کا نمبر آتا ہے۔لمبے پیوندی بیر کو کہا تو غریبوں کا سیب جاتا ہے کیونکہ کچی حالت میں یہ سیب کی طرح کھاتے وقت خستہ کرارا لگتا ہے لیکن اسکی غذائیت سیب سے بھی اعلیٰ ہے۔ امرود کی طرح یہ بھی ایسا پھل ہے جو پاکستانی سرزمین خصوصاً خشک کم پانی والے علاقوں میں بہترین اگ سکتا اور پھل دے سکتا ہے۔ یہ سالانہ اوسطاً آٹھ انچ والے بارشی علاقوں میں بھی زندہ رہ سکتا ہے اسے پانی کی زیادہ ضرورت نہیں پڑتی، اور یہ ہے بھی سخت جان جسے زیادہ کیڑے مار سپرے کی ضرورت بھی نہیں پڑتی۔ مویشی اسکی ٹہنیاں پتے بڑے شوق سے کھاتے ہیں اس لئیے جہاں جہاں مویشی پل رہے ہوں وہاں ایک بیری کا درخت بھی ہوجائے تو اسکی لمبی شاخوں کی کٹائی کے وقت مفت میں ان کو بھی چارہ مل جائے گا۔ اور آپ کو پھل بھی۔
ان تینوں نسلوں میں غذائیت تقریباً ایک جیسی ہے بس تھوڑا بہت میٹھا، پانی کا فرق ہے۔ بیر ایک ایسا پھل ہے جو یہاں بہت ہی زیادہ نظرانداز ہوتا ہے لیکن چین اور بھارت دونوں میں ہی یہ ٹاپ پھلوں میں سے ہے جن کا استعمال بہت زیادہ ہے۔ قدرتی طور پر اسکی کوئی چالیس نسلیں ہیں لیکن لیبارٹری کے کمالات سے سات سو کے قریب ورائیٹیاں بنالی گئی ہیں جن میں کھانے والی چند ایک ہی ہیں۔
اس میں لیموں اور مالٹے سے زیادہ وٹامن سی موجود ہے، جی ہاں! یہ امرود کے بعد دوسرا بڑا پھل ہے جس میں وٹامن سی پیک ہے، روزانہ کی جسمانی ضرورت کا تقریباً 83% وٹامن سے بیر کے اندر موجود ہے۔ وٹامن سی ہمارے مدافعتی نظام کے لئیے بہت ضروری ہے۔
اس میں اچھی خاصی مقدار میں پوٹاشئیم موجود ہے جو دل، پٹھوں اور نرو کی صحت و فنکشن کے لئیے بڑا اچھا ہے۔
بیر کے اندر خاص قسم کے اینٹی آکسیڈینٹس Flavonoid, polysacharrides, اور Triterpenic Acid ہوتے ہیں۔ یوں سمجھ لیں یہ ایک قسم کی دوائیاں ہیں جو بیر کے اندر موجود ہیں۔ یہ دل کی شریانیں کھولتے ہیں۔دل کو مضبوط کرتے ہیں اور سب سے بڑھ کر جسم میں موجود کینسر کےسیلز کو تباہ کرتے ہیں۔ یعنی بیر کے اندر قدرتی طور پر کینسر سے لڑنے کی صلاحیت موجود ہے۔
بیر کے اندر مناسب مقدار میں پروٹین موجود ہے۔ وہی پروٹین جو آپ گوشت سے بھی حاصل کرتے ہیں۔ پروٹین جسم کی صحت کے لئیے بہت ضروری چیز ہے یہ پٹھے بناتا اور مضبوط کرتا ہے۔
بیر کے اندر فائیبر موجود ہے، وہی فائیبر جو آپ کو روٹی سے اور اسپغول کے چھلکے سے بھی حاصل ہوتا ہے۔ فائیبر پیٹ کے لئیے بہت ضروری شے ہے۔ یہ معدے کی بیماریوں مثلاً ہیضہ اور قبض وغیرہ کو درست کرتا ہے۔ جسم میں پیشاب کے اخراج کو (Stool Movement) بہتر کرتا ہے۔
بیر قدرتی نیند عطا کرنے والا اور مایوسی کو رفع کرنے والا پھل ہے۔ اس میں موجود Flavonoid اور Saponin کیمیکل نہ صرف انسانی دماغ کو سکون مہیا کرتے اور میٹھی نیند سلاتے ہیں بلکہ مایوسی Depression سے بھی نجات دلاتے ہیں۔ بہت سارے ایشیائی ممالک میں خشک بیروں کی چائے بھی بنا کر پی جاتی ہے۔ شاید یہ واحد چائے ہے جو پینے کے بعد آپ میٹھی نیند کے مزے لے سکتے ہیں۔
تاہم شوگر کے مریضوں اور حاملہ خواتین کو بیر کھانے سے پہلے ڈاکٹر سے مشورہ کرلینا چاہئیے۔ بیر جب خشک ہوجائے تو کشمش ساوگی کی طرح اس پر جھریاں پڑ جاتی ہیں۔ اسی لئیے اسے چائینیز کھجور بھی بولتے ہیں۔ جوان بیر کی نسبت خشک بیر میں غذائیت تقریباً دوہری ہوجاتی ہے۔ اور انہیں کافی دیر تک کھانے کے لئیے محفوظ بھی کیا جاسکتا ہے۔ خشک بیروں کو عناب بھی کہا جاتا ہے اور بازار سے ان کا شربت بھی ملتا ہے۔
بیری کا شہد:
دنیا کے چند قیمتی اور نایاب شہد میں سے ایک شہد بیری کا ہے، اسکی خوشبو اور غذائیت باقی تمام شہد کی قسموں کو پیچھے چھوڑ دیتی ہے۔ شہد کی مکھیاں بیری کے پھولوں کی بنیادی Pollinators ہیں جو ان کا رس چوس کر خاص قسم کا بیری کا شہد بناتی ہیں ۔
اس شہد میں اوپر بتائے گئے تمام فوائد بہترین انداز میں موجود ہیں لیکن اس شہد کی ایک خاص بات اس میں موجود Aphrodisiac کیمیکل کا پایا جانا ہے۔ یہ وہ شے ہے جسکی ہر مرد کو ضرورت ہوتی ہے۔یہ جنسی مسائل کا بہترین حل ہے اور مرادنہ جنسی قوت فراہم کرتا ہے۔ پاکستان کی خوش قسمتی ہے کہ یہ علاقہ بیری کے بہترین جنگلات اگا سکتا اور شہد کی بہترین فارمنگ کر سکتا ہے۔ اگر حکومت لوگوں کی اس معاملے میں بہترین تربیت کرے تو یہ ملک دنیا کو بیری کا شہد بیچ کر بہترین زرمبادلہ کما سکتا ہے۔ پاکستان میں بہت سارے مقامی باشندے اس مفید کاروبار میں پیش پیش ہیں
تاہم بیری کا درخت ایک invasive Species بھی ہے، مطلب یہ اپنے ہی درخت سے اپنے گرتے پھلوں بیجوں اور گرتی ٹہنیوں سے مذید درخت اگا لیتا ہے اور دوسرے درختوں کا گھر چھین لیتا ہے، اسلئیے اگر آپ اس کے اردگرد اس کے دوسرے ننھے پودے اگتے دیکھیں تو انہیں اکھاڑ پھینکیں۔
بیری کے پتوں سے ایک خاص قسم کا کیمیکل Ziziphin نکالا جاتا ہے ۔ یہ ایک Anti-Sweet ہے جو کسی چیز میں میٹھے کی مقدار کو کم کرنے کے لئیے استعمال ہوتا ہے۔ اگر آپ دو چمچ چینی والی چائے پیتے ہیں اور غلطی سے چار چمچ ڈال دیں تو اس کیمیکل کو استعمال کرکے دوبارہ دو چمچ والا ذائقہ حاصل کر سکتے ہیں .
بیری کے پتوں کے پانی سے مردے کو بھی نہلایا جاتا ہے۔ اس کی وجہ یا تو اس کے جسم کو خوشبو میں محفوظ کرنا یا کیڑوں سے بچانا ہے۔ بیر کے پتے قدرتی طور پر بہت سارے کیڑے بھگاتے ہیں۔ یہی وجہ ہے کہ بیر کو زیادہ کیڑے مار سپرے کی ضرورت نہیں پڑتی۔
انتہائی بہترین پھل دینے والا، بہترین شہد مہیا کرنے والا
بیر، قدرت کا انمول تحفہ! فائبر، وٹامنز اور اینٹی آکسیڈنٹس سے بھرپور، جو ہاضمے کو بہتر بنائے، مدافعتی نظام کو مضبوط کرے اور دل کی صحت کو برقرار رکھے۔ 🌿 صحت مند زندگی کے لیے بیر کو اپنی خوراک کا حصہ بنائیں! 💚
بیر ایک قدرتی، غذائیت سے بھرپور پھل ہے جو کئی طبی فوائد رکھتا ہے۔ اس میں موجود فائبر، وٹامنز، معدنیات اور فائٹو کیمیکلز نہ صرف نظام ہاضمہ کو بہتر بناتے ہیں بلکہ دل، مدافعتی نظام اور خون میں شوگر کی سطح پر بھی مثبت اثر ڈالتے ہیں۔ ذیل میں اس کے فوائد کو تفصیل سے بیان کیا گیا ہے۔
1. فائبر سے بھرپور: نظامِ ہاضمہ کے لیے مفید
بیر میں بڑی مقدار میں ڈائیٹری فائبر پایا جاتا ہے، جو ہاضمے کے عمل کو بہتر بنانے میں مدد دیتا ہے۔
قبض کی روک تھام: فائبر آنتوں کی حرکت کو بہتر بناتا ہے اور قبض کی شکایت کو دور کرتا ہے۔
ہاضمے والے انزائمز کی کارکردگی: بیر میں موجود فائٹو کیمیکلز ہاضمے کے انزائمز کو فعال کرتے ہیں، جس سے کھانے کے اجزاء بہتر طور پر جذب ہوتے ہیں۔
گٹ ہیلتھ: فائبر گٹ میں موجود فائدہ مند بیکٹیریا کی نشوونما میں مدد دیتا ہے، جو مجموعی صحت پر مثبت اثر ڈالتے ہیں۔
2. وٹامن C اور آئرن: مدافعتی نظام کی مضبوطی
بیر وٹامن C اور آئرن سے بھرپور ہوتا ہے، جو جسم کی قدرتی مدافعتی طاقت کو بڑھاتے ہیں۔
اینٹی آکسیڈنٹس کی موجودگی: وٹامن C ایک طاقتور اینٹی آکسیڈنٹ ہے جو جسم میں فری ریڈیکلز کے مضر اثرات کو کم کرتا ہے۔
آئرن کی شمولیت: آئرن خون میں ہیموگلوبن کی پیداوار میں مدد دیتا ہے، جو آکسیجن کی ترسیل کے لیے ضروری ہے۔
وائرل اور بیکٹیریل انفیکشن سے بچاؤ: مدافعتی نظام کی مضبوطی جسم کو بیماریوں سے بچانے میں مدد دیتی ہے۔
3. دل کی صحت پر مثبت اثرات
بیر میں موجود اینٹی آکسیڈنٹس، فائبر اور پوٹاشیم دل کی صحت کو بہتر بناتے ہیں۔
کولیسٹرول کی سطح کو کنٹرول کرنا: فائبر LDL (خراب کولیسٹرول) کو کم کرتا ہے اور HDL (اچھے کولیسٹرول) کی سطح کو برقرار رکھتا ہے۔
بلڈ پریشر میں توازن: بیر میں پوٹاشیم موجود ہوتا ہے جو بلڈ پریشر کو مستحکم رکھنے میں مدد دیتا ہے۔
دل کی شریانوں کی صحت: اینٹی آکسیڈنٹس فری ریڈیکلز سے بچاتے ہیں، جس سے شریانوں کی سختی کم ہوتی ہے اور خون کی روانی بہتر رہتی ہے۔
4. شوگر کے مریضوں کے لیے موزوں
بیر کا گلائیسیمک انڈیکس (GI) تقریباً 20 ہے، جو اسے شوگر کے مریضوں کے لیے ایک مثالی پھل بناتا ہے۔
خون میں شوگر کی سطح پر کم اثر: بیر میں موجود فائبر شوگر کو آہستہ آہستہ جذب ہونے دیتا ہے، جس سے گلوکوز لیول اچانک نہیں بڑھتا۔
انسولین کی حساسیت میں بہتری: اس میں پائے جانے والے فائٹو کیمیکلز انسولین کی کارکردگی کو بہتر بناتے ہیں۔
ذیابیطس کے مریضوں کے لیے محفوظ: کم GI ہونے کی وجہ سے یہ شوگر کے مریضوں کے لیے ایک محفوظ انتخاب ہے۔
5. وزن میں کمی کے لیے مفید
بیر ایک کم کیلوریز والا پھل ہے، جو وزن کم کرنے میں مددگار ثابت ہوتا ہے۔
پیٹ کو دیر تک بھرا رکھتا ہے: فائبر زیادہ دیر تک پیٹ بھرا رکھتا ہے، جس سے اضافی کھانے کی خواہش کم ہو جاتی ہے۔
چربی کے ذخیرے کو کم کرنا: اس میں موجود قدرتی اجزاء جسم میں چربی کے میٹابولزم کو بہتر بناتے ہیں۔
ورزش کے بعد توانائی بحال کرتا ہے: بیر میں قدرتی کاربوہائیڈریٹس اور وٹامنز پائے جاتے ہیں، جو جسم کو متحرک رکھتے ہیں۔
نتیجہ
بیر ایک غذائیت سے بھرپور اور طبی فوائد سے لبریز پھل ہے۔ اس میں موجود فائبر، وٹامنز، معدنیات، اور اینٹی آکسیڈنٹس مجموعی صحت کو بہتر بناتے ہیں۔ ہاضمے کی بہتری، دل کی صحت، مدافعتی نظام کی مضبوطی اور شوگر کنٹرول جیسے فوائد کی وجہ سے یہ ہر عمر کے افراد کے لیے ایک بہترین قدرتی غذا ہے۔
