What are the opening hours?

Monday 10:00 - 21:00 Tuesday 10:00 - 21:00 Wednesday 10:00 - 21:00 Thursday 10:00 - 21:00 Friday 10:00 - 21:00 Saturday 10:00 - 21:00

https://www.facebook.com/110327604954071/

Khawaja Health & Diabetes Clinic Bahawalpur, Main Street Beside Nadra Office Noor Mahal Road, Bahawalpur (2026)

24/01/2026

سائبر وار (Cyber War) کیا ہوتی ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پروفیسر ڈاکٹر خواجہ محمد فیاض
سابقہ پرنسپل قاءید اعظم میڈیکل کالج، بی۔ وی۔ ایچ، قائد اعظم میڈیکل کالج، بہاولپور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائبر وار وہ جنگ ہے جو
🔹 کمپیوٹر
🔹 موبائل
🔹 انٹرنیٹ
🔹 سیٹلائٹ
کے ذریعے خاموشی سے لڑی جاتی ہے۔

اس میں
❌ بندوق نہیں چلتی
❌ بم نہیں گرتے

لیکن دشمن کا نظام مفلوج ہو جاتا ہے

سائبر وار میں کیا کیا جاتا ہے؟................
اس کو سادہ مثالوں سے آپ یوں سمجھ سکتے ہیں۔

🔹 دشمن کے کمپیوٹر سسٹم ہیک کر لیے جاتے ہیں
🔹 ان کے فوجی اڈوں کی کمیونیکیشن بند کر دی جاتی ہے
🔹ان کے ریڈارز کو اندھا کر دیا جاتا ہے

🔹دشمن کے سافٹ وئیر ز میں جھوٹی معلومات ڈال کر دشمن کو غلط فیصلے کروائے جاتے ہیں
🔹 بجلی، ریلوے، بینک یا ایئرپورٹ کے نظام میں خلل ڈالا جاتا ہے
یعنی
دشمن کے دماغ کو نشانہ بنایا جاتا ہے، جسم کو نہیں۔ لیکن اسکا جسم مفلوج کر دیا جاتا ہے۔

اسپیس وار (Space War) کیا ہوتی ہے؟
۔۔۔۔۔۔۔۔۔۔۔۔۔۔۔۔۔
اسپیس وار خلا میں

موجود
🛰 سیٹلائٹس
کے ذریعے لڑی جاتی ہے۔
آج کی جنگ میں سیٹلائٹ کے بغیر میزائل درست نہیں چلتےاور جہاز راستہ بھول جاتے ہیں۔یہاں تک کہ فوج ایک دوسرے سے بات نہیں کر سکتی اور خفیہ رابطے تقریباً نا ممکن ہو جاتے ہیں۔

اسپیس وار میں کیا کیا جاتا ہے؟
۔۔۔۔۔۔۔۔۔۔۔۔۔۔۔۔۔
دشمن کے سیٹلائٹ کے سگنل جام کر دیے جاتے ہیں۔ ان کا GPS غلط کر دیا جاتا ہے۔ اسطرح دشمن کو اپنی پوزیشن ہی صحیح معلوم نہیں رہتی۔ اس کے علاوہ دشمن کے سیٹلائٹ کا ڈیٹا چوری یا خراب کر دیا جاتا ہے
سادہ لفظوں میں دشمن کی آنکھیں اور کان بند کر دیے جاتے ہیں۔

پاکستان نے مئی 2025 میں کیا ثابت کیا؟
۔۔۔۔۔۔۔۔۔۔۔۔۔۔۔۔۔
مئی 2025 میں پاکستان نے دنیا کو یہ پیغام دیا کہ:
✔ پاکستان صرف بندوق اور جہاز نہیں بلکہ
✔ بلکہ دماغ، ٹیکنالوجی اور خاموش طاقت میں بھی مضبوط ہے

پاکستان کی کامیابی کا خلاصہ دشمن کی سائبر حرکتوں کا بروقت جواب دینا، اپنے سسٹمز کو محفوظ رکھنا، دشمن کے نظام کو نقصان پہنچانا، بغیر بڑی جنگ کے برتری حاصل کرنا ہے۔

یہی وجہ ہے کہ دشمن شور مچاتا رہا اور پاکستان خاموشی سے جنگ جیت گیا۔

عام پاکستانی کے لیے سادہ بات اگر بالکل ایک جملے میں سمجھنا ہو تو:

🧠 سائبر وار = دشمن کے کمپیوٹر پر حملہ

🛰 اسپیس وار = دشمن کے سیٹلائٹ پر قابو

اور پاکستان نے ثابت کیا کہ ہم صرف میدانِ جنگ میں نہیں بلکہ ٹیکنالوجی کی جنگ میں بھی تیار ہیں۔
۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
PLEASE FORWARD

21/01/2026

ایران میں رجیم چینج، پاکستان اور مستقبل کی جنگ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پروفیسر ڈاکٹر خواجہ محمد فیاض
سابقہ پرنسپل قاءید اعظم میڈیکل کالج، بی۔ وی۔ ایچ، قائد اعظم میڈیکل کالج، بہاولپور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.....,,...
اگر ایران میں کسی بھی نوعیت کی رجیم چینج، چاہے نرم ہو یا سخت، واقع ہوتی ہے تو یہ پاکستان کے لیے محض ایک ہمسایہ ملک کی سیاسی تبدیلی نہیں ہو گی۔ اس کے اثرات براہِ راست پاکستان کی سلامتی، معیشت، داخلی استحکام اور خارجہ پالیسی تک پھیل سکتے ہیں۔
پاکستان–ایران سرحد .......................
سب سے پہلا اثر اس سرحد پر پڑنے کا امکان ہے۔ اگر ایران میں نئی یا کمزور حکومت سرحدی کنٹرول برقرار رکھنے میں ناکام رہی تو اسمگلنگ، غیر ریاستی عناصر کی نقل و حرکت اور عسکریت پسند گروہوں کی سرگرمیوں میں اضافہ ہو سکتا ہے۔
چونکہ ایران کی سرحد بلوچستان سے ملتی ہے، اس لیے بلوچستان میں بدامنی اور دباؤ بڑھنے کے خدشات کو نظرانداز نہیں کیا جا سکتا۔

ایرانی عدم استحکام- پاکستان کے اندر فرقہ وارانہ کشیدگی
۔۔۔۔۔۔۔۔۔۔۔۔۔۔۔۔۔۔
ایران میں عدم استحکام کو پاکستان کے اندر فرقہ وارانہ کشیدگی بڑھانے کے لیے بھی استعمال کیا جا سکتا ہے۔
بیرونی طاقتیں سوشل میڈیا اور ڈیجیٹل پلیٹ فارمز کے ذریعے شیعہ–سنی تقسیم کو ہوا دے سکتی ہیں، جس سے ملک کا امن و امان متاثر ہو سکتا ہے۔
افواہوں اور نفرت انگیز مہمات کے نتیجے میں قانون نافذ کرنے والے اداروں پر دباؤ بڑھے گا اور داخلی سلامتی کے مسائل جنم لے سکتے ہیں۔

بین الاقوامی سطح پر دباؤ کا سامنا
۔۔۔۔۔۔۔۔۔۔۔۔۔۔۔۔۔
بین الاقوامی سطح پر بھی پاکستان کو دباؤ کا سامنا ہو سکتا ہے۔ امریکہ اور مغربی ممالک پاکستان سے مطالبہ کر سکتے ہیں کہ وہ نئی ایرانی حکومت کو تسلیم کرے یا اپنی خارجہ پالیسی میں تبدیلی لائے۔
اگر ایران میں مغرب نواز حکومت آتی ہے تو خطے میں اسرائیلی اثر و رسوخ بڑھنے کا امکان ہے، جو پاکستان کے لیے اسٹریٹجک طور پر تشویش ناک ہوگا۔

ایسے حالات میں پاکستان کے لیے چین، روس اور مغرب کے درمیان توازن قائم رکھنا مزید مشکل ہو جائے گا۔

معاشی محاذ پر خطرات
۔۔۔۔۔۔۔۔۔۔۔۔۔۔۔۔۔۔
۔ ایران–پاکستان گیس پائپ لائن منصوبہ مستقل طور پر ختم ہونے کے خدشات بڑھ سکتے ہیں۔ تافتان سمیت سرحدی تجارت متاثر ہو سکتی ہے، جس کے نتیجے میں پٹرول اور دیگر اشیائے ضروریہ مہنگی ہونے کا امکان ہے۔
تیل و گیس کی عالمی قیمتوں میں اتار چڑھاؤ کا براہِ راست اثر پاکستان کی معیشت پر پڑنے کا امکان ہے۔

پاکستان کی سفارتی تنہائی
۔۔۔۔۔۔۔۔۔۔۔ !۔۔۔۔۔۔
علاقائی سطح پر اگر ایران مغربی بلاک کا حصہ بن جاتا ہے تو خطے میں طاقت کا توازن بدل سکتا ہے اور پاکستان کو سفارتی تنہائی کا سامنا کرنا پڑ سکتا ہے۔ ایران، افغانستان اور پاکستان کے تعلقات میں عدم توازن پیدا ہونے سے خطے کے امن کو مزید خطرات لاحق ہو سکتے ہیں۔

مستقبل کی جنگ کی نوعیت۔
۔۔۔۔۔۔۔۔۔۔۔۔۔۔۔۔
آج کی جنگ صرف سرحدوں پر نہیں لڑی جاتی بلکہ بیانیے، ڈیٹا، سسٹمز اور سوشل میڈیا کے ذریعے لڑی جاتی ہے۔

سائبر حملے، نفسیاتی دباؤ اور میڈیا وار جدید جنگ کے اہم ہتھیار بن چکے ہیں۔

ایسے حالات میں پاکستان ایئر فورس میں Space اور Cyber Wing کی ترقی غیر معمولی اہمیت اختیار کر چکی ہے۔
یہ صلاحیتیں دشمن کے ڈیجیٹل نیٹ ورکس کی نگرانی، جعلی مہمات کی بروقت نشاندہی اور داخلی انتشار پھیلانے کی کوششوں کو ناکام بنانے میں مدد دیتی ہیں۔

اسپیس ڈومین کے ذریعے سرحدی نقل و حرکت، ڈرون اور میزائل خطرات کی بروقت نگرانی ممکن ہو جاتی ہے۔

جب دشمن یہ جان لے کہ اس کے ڈیجیٹل نظام محفوظ نہیں اور اس کی نگرانی کی جا سکتی ہے تو وہ کھلی جارحیت سے پہلے کئی بار سوچنے پر مجبور ہوتا ہے۔ یہی جدید ڈیٹرنس ہے۔ کم لاگت مگر زیادہ اثر رکھنے والی سائبر اور اسپیس صلاحیتیں پاکستان جیسے ملک کے لیے ایک مؤثر اور دیرپا دفاعی حکمتِ عملی ہیں۔

نتیجہ یہ ہے کہ ایران میں رجیم چینج پاکستان کے لیے صرف ایک سیاسی واقعہ نہیں بلکہ سلامتی، معیشت، سفارت کاری، فرقہ واریت اور سائبر وارفیئر کا مشترکہ چیلنج بن سکتی ہے۔
اگر بروقت پیش بندی نہ کی گئی تو یہ تبدیلی پاکستان کو براہِ راست جنگ کے بغیر اندر سے کمزور کرنے کی کوشش ثابت ہو سکتی ہے۔

اسی لیے قومی بیانیہ، اسٹریٹجک شعور، اور PAF کی Space اور Cyber صلاحیتیں محض طاقت نہیں بلکہ پاکستان کی بقا کی ضمانت ہیں۔

تحریر۔۔

*پروفیسر ڈاکٹر خواجہ محمد فیاض، سابق پرنسپل قائد اعظم میڈیکل کالج، بہاول وکٹوریہ ہسپتال، سول اسپتال بہاولپور*

MBBS
(Nishtar Medical College, Multan).

M.Phil, Medical Biochemistry
(JPMC, Karachi).

Associate MRCP (UK).

Diploma In Herbal Medicine.
Prevention Diabetes In High Risk Patients (UK).

Diploma In Diet And Nutrition,
Certified In Food And Health( USA)

*سابق ہیڈ آف بائیو کیمسٹری ڈیپارٹمنٹ قائد اعظم میڈیکل کالج اینڈ بہاول وکٹوریہ ہسپتال بہاولپور*

*ڈایا بیٹیز سپیشلسٹ/ نیوٹریشن ایکسپرٹ/ فیملی فزیشن*

✅ *ہمارا مقصد معاشرے سے شوگر، بلڈ پریشر اور جسمانی کمزوری جیسی موزی مرض کو غذائی اور ڈاکٹری علاج کے زریعہ جڑ سے ختم کرنا ہے۔ تاکہ انسانیت دوائیوں کے سہارے کی بجاۓ اپنی خوراک پر انحصار کرتے ہوئے اسکا تدارک کرے۔ ہمارا طریقہ مجرب علاج بزریعہ غذا ہے۔ رہنمائی و علاج کے لیے رابطہ فرمائیں، شکریہ*💯

💯 *نوٹ: ان شاءاللہ 15 دن کے اندر بزریعہ خوراک شوگر کنٹرول کرنے کے لئے رابطہ کریں۔*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*آن لائن کلینک* ۔
0300-9681243
فیس پچیس سو
روپے جاز کیش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*کلینک ایڈریس،
،، ہاوس نمبر ؛CB-831
گلی نمبر10، ماڈل روڈ،
ماڈل اے، بہاولپور
۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
PLEASE FORWARD

20/01/2026

✅ *ہمارا مقصد معاشرے سے شوگر، بلڈ پریشر اور جسمانی کمزوری جیسی موزی مرض کو غذائی اور ڈاکٹری علاج کے زریعہ جڑ سے ختم کرنا ہے۔ تاکہ انسانیت دوائیوں کے سہارے کی بجاۓ اپنی خوراک پر انحصار کرتے ہوئے اسکا تدارک کرے۔ ہمارا طریقہ مجرب علاج بزریعہ غذا ہے۔ رہنمائی و علاج کے لیے رابطہ فرمائیں، شکریہ*💯

*پروفیسر ڈاکٹر خواجہ محمد فیاض، سابق پرنسپل قائد اعظم میڈیکل کالج، بہاول وکٹوریہ ہسپتال، سول اسپتال بہاولپور*

MBBS
(Nishtar Medical College, Multan).

M.Phil, Medical Biochemistry
(JPMC, Karachi).

Associate MRCP (UK).

Diploma In Herbal Medicine.
Prevention Diabetes In High Risk Patients (UK).

Diploma In Diet And Nutrition,
Certified In Food And Health( USA)

*سابق ہیڈ آف بائیو کیمسٹری ڈیپارٹمنٹ قائد اعظم میڈیکل کالج اینڈ بہاول وکٹوریہ ہسپتال بہاولپور*

*ڈایا بیٹیز سپیشلسٹ/ نیوٹریشن ایکسپرٹ/ فیملی فزیشن*

💯 *نوٹ: ان شاءاللہ 15 دن کے اندر بزریعہ خوراک شوگر کنٹرول کرنے کے لئے رابطہ کریں۔*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*آن لائن کلینک* ۔
0300-9681243
فیس پچیس سو
روپے جاز کیش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*کلینک ایڈریس،
،، ہاوس نمبر ؛CB-831
گلی نمبر10، ماڈل روڈ،
ماڈل اے، بہاولپور
۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
PLEASE FORWARD

19/01/2026

جب طاقت بولتی نہیں، نظام توڑ دیتی ہے-
امریکہ کی عجلت، چین و روس کا خاموش وار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پروفیسر ڈاکٹر خواجہ محمد فیاض
سابقہ پرنسپل قاءید اعظم میڈیکل کالج، بی۔ وی۔ ایچ، قائد اعظم میڈیکل کالج، بہاولپور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.........
یہ کوئی سفارتی بحران نہیں تھا، یہ طاقت کے نئے استعمال کا عملی مظاہرہ تھا۔ وینزویلا کے صدر نکولس مادورو کے اغوا کے بعد امریکہ شاید یہ سمجھ بیٹھا تھا کہ پرانی چالیں آج بھی کارگر ہیں۔ مگر اسے اندازہ نہیں تھا. اب دنیا 9/11 کے بعد یونی پولر رہی بلکہ اس کے سامنے اب وہ دنیا ہے جہاں جنگ کا اعلان نہیں کیا جاتا، صرف نتائج دیے جاتے ہیں۔

چین اور روس نے مل کر یہ ثابت کر دیا کہ اکیسویں صدی میں سب سے خطرناک طاقت وہ ہوتی ہے جو چیختی نہیں، بس وار کر دیتی ہے۔

چین: خاموش قیادت، مگر فیصلہ کن ضرب
۔۔۔۔۔۔۔۔۔۔۔۔۔۔۔۔۔۔۔۔
صدر شی جن پنگ کا نہ ہنگامی اجلاس ہوا، نہ بند کمرے، کوئی بیان اور نہ ہی کوئی دھمکی۔
یہ خاموشی اصل میں ایک دھمکی تھی۔ چین نے نہ فوجی نقل و حرکت کی، نہ میزائل دکھائے، بلکہ سیدھا امریکی نظام کی رگ پر ہاتھ رکھا۔

چینی مرکزی بینک نے امریکی دفاعی صنعت سے وابستہ کمپنیوں کے ساتھ ڈالر میں لین دین روک کر واشنگٹن کو یہ باور کرا دیا کہ ڈالر اب ناقابلِ چیلنج نہیں رہا۔
بوئنگ اور لاک ہیڈ مارٹن جیسے ادارے چند گھنٹوں میں دباؤ میں آ گئے، مگر بیجنگ مطمئن رہا۔ یہ تھی معاشی جارحیت جو خاموش، مگر مہلک تھی۔

تیل، تجارت اور سپلائی- چین: امریکہ کا دردناک مقام
۔۔۔۔۔۔۔۔۔۔۔۔۔۔۔۔۔۔۔
چین نے تیل کی سپلائی لائن بدل کر واضح کر دیا کہ توانائی جس کے قبضے میں ہو، وہی عالمی سیاست لکھتا ہے۔
امریکہ کی طرف جانے والا تیل جب اچانک بھارت، برازیل اور افریقہ کی طرف مڑا تو عالمی منڈی لرز گئی۔ قیمتیں بڑھیں، امریکی صارف پریشان ہوا، اور حکومت دباؤ میں آئی۔
اسی کے ساتھ چینی شپنگ کمپنیوں نے امریکی بندرگاہوں سے فاصلہ بڑھایااور نءی بندرگاہوں کا رخ کر لیا۔ اسطرح دنیا کی لاجسٹک میں ایک ایسی تبدیلی آئی جس کے
نتیجہ والمارٹ اور ایمیزون کے شیلف خالی ہونے لگے۔
یہ وہ مقام تھا جہاں امریکہ کو پہلی بار احساس ہوا کہ یہ محض سفارتی اختلاف نہیں، ایک منظم وار ہے۔

روس: مسکراتی خاموشی، مگر فولادی پیغام
۔۔۔۔۔۔۔۔۔۔۔۔۔۔۔۔۔۔
روس نے اس کھیل میں وہ کردار ادا کیا جو امریکہ سب سے کم پسند کرتا ہے۔ روس نے غیر متوقع طور پر سلامتی کونسل میں امریکا کے خلاف باوزن اور سخت مؤقف اختیار کرتے ہوئے اپنا پریشر سامنے لے آیا۔
، کیریبین کے علاقہ میں عسکری نقل و حرکت کے
ساتھ دوسرے انداز میں دباؤ میں اضافہ کیا۔
اور ساتھ ہی چین کے ساتھ توانائی ہم آہنگی کا اعلان کر دیا۔

یہ سب اس بات کا اعلان تھا کہ اگر امریکہ نے معاملہ بڑھایا، تو اسے صرف وینزویلا نہیں، ایک مکمل بلاک کا سامنا ہو گا۔

روس نے لڑائی شروع نہیں کی، مگر یہ واضح کر دیا کہ اختتام اس کی مرضی کے بغیر نہیں ہو گا۔

چین–روس اتحاد:
امریکہ کے لیے اصل ڈراؤنا خواب
۔۔۔۔۔۔۔۔۔۔۔۔۔۔۔۔۔۔۔۔
یہاں امریکہ کی سب سے بڑی غلط فہمی ٹوٹ گئی۔
چین اور روس نہ ایک جیسے ہیں اور نہ ہی ایک دوسرے کے محتاج ہیں۔
مگر مفاد کے وقت مکمل ہم آہنگ ہو جاتے ہیں۔

چین نے معیشت اور ٹیکنالوجی سے وار کیا،
روس نے عسکری توازن سے ہاتھ روکا۔ یہ تقسیمِ کار امریکہ کے لیے کسی جھٹکے سے کم نہ تھی۔

اتحادی ممالک: بیانات نہیں، سمت بدلی
۔۔۔۔۔۔۔۔۔۔۔۔۔۔۔
دنیا نے دیکھا کہ:
ایشیا، افریقہ اور لاطینی امریکہ کے کئی ممالک نے امریکی بیانیہ قبول کرنے میں تاخیر کی۔ اور چین کے متبادل ادائیگی نظام سے جڑنا شروع کیا۔ اس کے ساتھ ہی دنیا میں ڈالر پر انحصار کم ہونے لگا۔
یہ وہ لمحہ تھا جب طاقت کے مراکز نے آہستہ آہستہ واشنگٹن سے نظریں ہٹانا شروع کیں۔ اور امریکا اب احساس ہوا کہ کچھ صحیح نہیں ہوا۔ مگر ڈھٹائی سے گرہن لینڈ کی طرف منہ کر لینا ایک اور ناعاقبت اندیشی کا قدم
اٹھا کر زوال پزیر ہونے کے اشارے دینے شروع کر دیے

نتیجہ: امریکہ کے لیے واضح پیغام
۔۔۔۔۔۔۔۔۔۔۔۔۔۔۔۔۔۔۔۔
چین اور روس نے بغیر ایک گولی چلائے یہ پیغام دے دیا کہ یکطرفہ کارروائیاں اب مہنگی پڑیں گی۔ اتحادی اب تنہا نہیں چھوڑے جائیں گے
عالمی نظام اب ایک طاقتور کے اشارے پر نہیں چلے گا۔ یہ واقعہ کوئی حادثہ نہیں تھا، یہ آنے والے عالمی تصادم کی ریہرسل تھی۔ اور سب سے خطرناک حقیقت یہ ہے کہ یہ جنگ ابھی شروع بھی نہیں ہوئی مگر اس کے اصول طے ہو چکے ہیں۔ اور اپنے اختتام کی طرف ہے۔

تحریر۔۔

*پروفیسر ڈاکٹر خواجہ محمد فیاض، سابق پرنسپل قائد اعظم میڈیکل کالج، بہاول وکٹوریہ ہسپتال، سول اسپتال بہاولپور*

MBBS
(Nishtar Medical College, Multan).

M.Phil, Medical Biochemistry
(JPMC, Karachi).

Associate MRCP (UK).

Diploma In Herbal Medicine.
Prevention Diabetes In High Risk Patients (UK).

Diploma In Diet And Nutrition,
Certified In Food And Health( USA)

*سابق ہیڈ آف بائیو کیمسٹری ڈیپارٹمنٹ قائد اعظم میڈیکل کالج اینڈ بہاول وکٹوریہ ہسپتال بہاولپور*

*ڈایا بیٹیز سپیشلسٹ/ نیوٹریشن ایکسپرٹ/ فیملی فزیشن*

✅ *ہمارا مقصد معاشرے سے شوگر، بلڈ پریشر اور جسمانی کمزوری جیسی موزی مرض کو غذائی اور ڈاکٹری علاج کے زریعہ جڑ سے ختم کرنا ہے۔ تاکہ انسانیت دوائیوں کے سہارے کی بجاۓ اپنی خوراک پر انحصار کرتے ہوئے اسکا تدارک کرے۔ ہمارا طریقہ مجرب علاج بزریعہ غذا ہے۔ رہنمائی و علاج کے لیے رابطہ فرمائیں، شکریہ*💯

💯 *نوٹ: ان شاءاللہ 15 دن کے اندر بزریعہ خوراک شوگر کنٹرول کرنے کے لئے رابطہ کریں۔*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*آن لائن کلینک* ۔
0300-9681243
فیس پچیس سو
روپے جاز کیش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*کلینک ایڈریس،
،، ہاوس نمبر ؛CB-831
گلی نمبر10، ماڈل روڈ،
ماڈل اے، بہاولپور
۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
PLEASE FORWARD

19/01/2026

انسولین کے بعد ذیابیطس کا بدلتا علاج
ایک طبی اور ادویاتی ارتقاء( حصہ نمبر چار )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پروفیسر ڈاکٹر خواجہ محمد فیاض
سابقہ پرنسپل قاءید اعظم میڈیکل کالج، بی۔ وی۔ ایچ، قائد اعظم میڈیکل کالج، بہاولپور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.........
انسولین کی دریافت (1921) بلاشبہ طب کی تاریخ کا ایک عظیم سنگِ میل تھی.
جس نے ذیابیطس خصوصاً Type 1 Diabetes کو یقینی موت سے قابلِ علاج بیماری میں بدل دیا۔

تاہم اصل انقلاب اُس وقت آیا جب انسولین کے بعد منہ کے ذریعے استعمال ہونے والی (Oral) ادویات متعارف ہوئیں۔ جنہوں نے Type 2 Diabetes کے علاج کو یکسر بدل کر علاج اور صحت کے نءیے معیار مقرر کیے۔
۔
سلفونائل یوریا:
پہلا عملی متبادل (1950 کی دہائی
۔۔۔۔۔۔۔۔۔۔۔۔۔۔۔۔۔۔۔۔
1950 کی دہائی میں سلفونائل یوریا ادویات، جیسے Glibenclamide اور Gliclazide، پہلی بار منظرِ عام پر آئیں۔ یہ ادویات لبلبے کے β-cells کو متحرک کر کے انسولین کے اخراج میں اضافہ کرتی ہیں اور HbA1c میں تقریباً 1 سے 1.5 فیصد کمی لاتی ہیں۔
اگرچہ یہ سستی اور مؤثر تھیں، مگر ان کا بڑا نقص Hypoglycemia اور وزن میں اضافہ تھا، جس نے طویل المدت استعمال کو محدود کیا۔

میٹفارمن:
علاج کی سمت بدلنے والی دوا
۔۔۔۔۔۔۔۔۔۔۔۔۔۔
بعد ازاں Biguanides کے گروپ سے تعلق رکھنے والی دوا میٹفارمن نے ذیابیطس کے علاج میں انقلابی تبدیلی پیدا کر دی۔
یہ دوا جگر میں گلوکوز کی پیداوار کم کرتی ہے اور جسم میں انسولین کی حساسیت بڑھاتی ہے۔
میٹفارمن HbA1c میں 1 سے 1.5 فیصد کمی کرتی ہے۔
اس کے علاوہ وزن کم یا متوازن کرنے میں اس دوا کے ایک خاص اور متواتر آہستہ آہستہ اسرات دیکھے گءے ہیں۔ اس وجہ اس استعمال وزن کم کرنے میں بھی عرصہ دراز سے ہو رہا ہے۔
اس دوا کا
Hypoglycemia
کا خطرہ نہ ہونے کے برابر ہے۔ اسی وجہ سے آج دنیا بھر میں Type 2 Diabetes کی First-line دوا میٹفارمن کو تسلیم کیا جاتا ہے۔

آنتوں پر اثرانداز ہونے والی ادویات:
α-Glucosidase Inhibitors
۔۔۔۔۔۔۔۔۔۔۔۔۔۔۔۔۔
Acarbose جیسے ادویات آنتوں میں
کاربوہائیڈریٹس کے جذب کرنے کے عمل کو سست کر دیتی ہیں، جس سے کھانے کے بعد شوگر میں اضافہ کم ہوتا ہے۔
یہ HbA1c میں 0.5 سے 0.8 فیصد کمی کرتی ہیں۔ مگر پیٹ میں گیس اور اپھارہ جیسے مسائل ان کے استعمال میں رکاوٹ بنتے ہیں۔

انسولین ریزسٹنس کا عمل
Thiazolidinediones
Pioglitazone
۔۔۔۔۔۔۔۔۔۔۔۔۔۔۔۔۔۔۔۔
یہ ادویات انسولین ریزسٹنس کو کم کرتی ہیں اور HbA1c میں 0.8 سے 1.2 فیصد کمی لاتی ہیں۔

تاہم وزن میں اضافہ، جسم میں پانی جمع ہونا اور دل کے مریضوں میں Heart Failure کا خطرہ ان کی بڑے نقصان ہیں۔ اور کا استعمال محدود ہوتا جا رہا ہے۔ کیونکہ اس بہتر متبادل ادویات بھی مہیا ہو چکی ہیں۔
مختصر اثر رکھنے والی
ادویات: Meglitinides
Repaglinide
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ ادویات کھانے سے پہلے دی جاتی ہیں اور قلیل مدت کے لیے انسولین کے اخراج میں اضافہ کرتی ہیں۔
یہ ان مریضوں میں مفید ہیں جن کے کھانے کے اوقات بے قاعدہ ہوں، مگر وزن میں اضافہ ممکن ہے۔

جدید اور محفوظ ادویات: DPP-4 Inhibitors
Sitagliptin
۔۔۔۔۔۔۔۔۔۔۔۔۔۔۔۔۔۔
اس گروپ کی دیگر ادویات جسم کے قدرتی Incretin hormones کو بڑھا کر شوگر کنٹرول کرتی ہیں۔
یہ HbA1c میں 0.6 سے 0.8 فیصد کمی کرتی ہیں، وزن پر اثر نہیں ڈالتیں اور Hypoglycemia کا خطرہ بہت کم ہوتا ہے۔ اسی لیے عمر رسیدہ مریضوں میں خاص طور پر مفید ہیں۔

وزن اور دل کے لیے مفید شوگر کی ادویات
GLP-1 Agonists
Liraglutide اور Semaglutide
۔۔۔۔۔۔۔۔۔۔۔۔۔۔۔۔۔۔۔۔
ان جیسی ادویات نہ صرف انسولین بڑھاتی ہیں بلکہ Glucagon کو کم کر کے شوگر کنٹرول کرتی ہیں۔
یہ HbA1c میں 1 سے 1.5 فیصد کمی کے ساتھ نمایاں وزن میں کمی اور Cardiovascular تحفظ بھی فراہم کرتی ہیں۔

شوگر کا اخراج پیشاب کے ذریعے:
SGLT-2 Inhibitors
Empagliflozin
۔۔۔۔۔۔۔۔۔۔۔۔۔۔۔۔۔۔۔
اس گروپ کی ادویات گردوں کے ذریعے شوگر کو پیشاب میں خارج کرتی ہیں۔
یہ HbA1c میں 0.6 سے 1 فیصد کمی کے ساتھ وزن کم کرتی ہیں اور جدید تحقیق کے مطابق دل اور گردوں کو تحفظ فراہم کرتی ہیں۔

یہ ادویات اس حقیقت کا ثبوت ہیں کہ ذیابیطس کا علاج اب صرف شوگر کنٹرول تک محدود نہیں رہا بلکہ ایک جامع میٹابولک اور قلبی حکمتِ عملی بن چکا ہے۔

حرف آخر
۔۔۔۔۔۔۔۔۔۔۔۔
انسولین کے بعد متعارف ہونے والی یہ ادویات ذیابیطس کو ایک مہلک مرض سے بدل کر قابلِ کنٹرول، طویل المدت اور باوقار زندگی کے قابل بیماری بنا چکی ہیں۔

جدید طب میں ذیابیطس کا علاج اب صرف گلوکومیٹر کی حد تک نہیں، بلکہ مریض کے دل، گردوں اور معیارِ زندگی تک پھیل چکا ہے۔

VV. IMPORTANT NOTE

شوگر کا علاج صرف ادویات کے ساتھ ممکن نہیں۔
اسی لئے آجکل ہر دوسرے مریض کی شوگر 300 کے آگے پیچھے نظر آتی ہے۔ جسکو پبلک قابل قبول سمجھتے ہوءے انجانے میں اپنی جان کے ساتھ دشمنی کر رہی ہے۔

ادویات کے ساتھ ہر مریض کی عمر، جاب، انکم، جسمانی مشقت کو مد نظر رکھتے ہوئے سارے دن کی خوراک کی کیلو ریز کو ضروریات کے مطابق دن میں اوسط پانچ مرتبہ تقسیم کرتے ہوئے چھوٹے چھوٹے میل لینے چاہیے۔۔

تحریر۔۔

*پروفیسر ڈاکٹر خواجہ محمد فیاض، سابق پرنسپل قائد اعظم میڈیکل کالج، بہاول وکٹوریہ ہسپتال، سول اسپتال بہاولپور*

MBBS
(Nishtar Medical College, Multan).

M.Phil, Medical Biochemistry
(JPMC, Karachi).

Associate MRCP (UK).

Diploma In Herbal Medicine.
Prevention Diabetes In High Risk Patients (UK).

Diploma In Diet And Nutrition,
Certified In Food And Health( USA)

*سابق ہیڈ آف بائیو کیمسٹری ڈیپارٹمنٹ قائد اعظم میڈیکل کالج اینڈ بہاول وکٹوریہ ہسپتال بہاولپور*

*ڈایا بیٹیز سپیشلسٹ/ نیوٹریشن ایکسپرٹ/ فیملی فزیشن*

✅ *ہمارا مقصد معاشرے سے شوگر، بلڈ پریشر اور جسمانی کمزوری جیسی موزی مرض کو غذائی اور ڈاکٹری علاج کے زریعہ جڑ سے ختم کرنا ہے۔ تاکہ انسانیت دوائیوں کے سہارے کی بجاۓ اپنی خوراک پر انحصار کرتے ہوئے اسکا تدارک کرے۔ ہمارا طریقہ مجرب علاج بزریعہ غذا ہے۔ رہنمائی و علاج کے لیے رابطہ فرمائیں، شکریہ*💯

💯 *نوٹ: ان شاءاللہ 15 دن کے اندر بزریعہ خوراک شوگر کنٹرول کرنے کے لئے رابطہ کریں۔*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*آن لائن کلینک* ۔
0300-9681243
فیس پچیس سو
روپے جاز کیش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*کلینک ایڈریس،
،، ہاوس نمبر ؛CB-831
گلی نمبر10، ماڈل روڈ،
ماڈل اے، بہاولپور
۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
PLEASE FORWARD

16/01/2026

نئی تہذیب کے گندے انڈے: پاکستانی شادی یا بھارتی فلم؟...................................
“اُٹھا کر پھینک دو باہر گلی میں - نئی تہذیب کے انڈے ہیں گندے”
یہ شعر آج کے پاکستانی معاشرے پر پورا اترتا ہے۔
نئی تہذیب کے یہ انڈے واقعی گندے ہیں—اتنے گندے کہ اب انہیں تہذیب کہنا بھی خود تہذیب کے ساتھ ظلم ہے۔

اگر علامہ اقبال آج زندہ ہوتے تو شاید پچھلی صدی کے زوال پر شکر ادا کرتے، کیونکہ آج ہم زوال کے بھی نچلے درجے میں داخل ہو چکے ہیں۔

شادی یا فلمی شو؟
پاکستان میں شادی اب نکاح نہیں رہی،......................
شادی اب اسلامی جمہوریہ پاکستان میں ایک فحاشی سے لیس ایونٹ بن چکی ہے، جس کا مقصد رشتہ جوڑنا نہیں بلکہ جسم دکھانا، توجہ بٹورنا اور ویوز کمانا ہے۔
مہندی، برائیڈل شاور، قوالی نائٹ، ڈانس نائٹ، فوٹو شوٹ۔
یہ سب اب فخر کے ساتھ اسلامی ریاست میں رائج ہو چکا ہے۔ اور اس سب کو “خوشی کا اظہار” کہہ کر حلال ثابت کرنے کی ناکام کوشش کی جاتی ہے۔

دلہن: شریکِ حیات نہیں، فلمی ماڈل
۔۔۔۔۔۔۔۔۔۔۔۔۔۔۔۔۔۔۔
آج کی دلہن کو
حیا، وقار اور شرم کی علامت نہیں بلکہ بھارتی فلموں کی نقل شدہ ماڈل بنا دیا گیا ہے۔ لباس کے نام پر چند انچ کا کپڑا، جسم کے حصے ایسے نمایاں جیسے کوئی پراڈکٹ لانچ کی جا رہی ہو۔ یہ سوال پوچھنا جرم سمجھا جاتا ہے کہ
اگر لباس اتنا ہی کم تھا
تو پورا لہنگا پھیلانے میں کپڑا کیوں ضائع کیا؟
کچھ کپڑا اوپر، بازوؤں اور پیٹ کے لیے بھی رکھ لیا جاتا۔

ناچ، بوسے اور بے شرمی کی رسمیں
۔۔۔۔۔۔۔۔۔۔۔۔۔۔۔۔۔۔
نکاح کے فوراً بعد
دلہا دلہن کے بوسے، گلے لگنا، آنسو بہانا۔ یہ سب اب “نئی روایت” ہے۔ کیا نکاح عبادت نہیں رہا؟ کیا مسجد، قرآن اور دعا بھی اب کیمرے کے سامنے بے بس ہو چکے ہیں؟ ناچ گانے کو “فیملی انٹرٹینمنٹ” کہا جاتا ہے،
اور پھر وہی مناظر سوشل میڈیا پر ڈال دیے جاتے ہیں
تاکہ جو نہ آ سکے وہ بھی اس بے حیائی سے لطف اندوز ہو سکے۔ بلکہ پورا ملک اس سے لطف اندوز ہو۔
یہ سب دیکھ کر یہ کہنا غلط نہیں کہ ہم نے حیا کو دقیانوسی اور بے شرمی کو جدید قرار دے دیا ہے۔

سوشل میڈیا کے کنجر اور ذہنی غلامی
۔۔۔۔۔۔۔۔۔۔۔۔۔۔۔۔۔۔ !۔۔۔
یہ سب کچھ اچانک نہیں ہوا۔ سوشل میڈیا کے کنجر
جنہیں انفلوئنسر کہا جاتا ہے۔ ہماری بیٹیوں کے رول ماڈل بن چکے ہیں۔ جو کچھ وہ دکھائیں، وہی فیشن، وہی روایت، وہی آزادی فیشن نہیں بلکہ رسم قرار پاتی ہے۔
یہ کہیں نہیں لکھا کہ
انٹرنیٹ کی طوائف جو کرے گی۔ وہی ہماری بیٹیوں کے لیے معیار بن جائے گا۔

آزادی یا خودی کا جنازہ؟
۔۔۔۔۔۔۔۔۔۔۔۔۔۔۔
اگر یہی سب کرنا تھا
تو پھر “پڑوسی” ہی برے تھے کیا؟ انہی کے ساتھ رہ لیتے۔ کم از کم ان کی نقل تو اتنی مہنگی نہ پڑتی۔
کیا یہی وہ آزادی تھی
جس کے لیے قربانیاں دی گئیں؟ کیا یہی وہ اسلامی ریاست تھی۔ جہاں ہم اپنی مذہبی اور ثقافتی شناخت کے ساتھ جینا چاہتے تھے؟
آج نہ مذہب باقی ہے، نہ ثقافت، نہ خودی، بس ہوا کے رخ پر اڑتے تنکے کی طرح بن کر رہ گئے ہیں

آخری انتباہ
۔۔۔۔۔۔۔۔۔۔۔۔۔۔۔
یہ صرف شادیوں کا مسئلہ نہیں، یہ سوچ کے زوال کا مسئلہ ہے۔ یہ قوم کے اخلاقی دیوالیہ پن کی علامت ہے۔ اور یاد رکھئے:
اس زوال پر خاموش رہنا
سب سے بڑا جرم ہے۔
اگر آج بھی بولنے والے خاموش ہو گئے، تو آنے والی نسلوں کو اس بے حیائی میں کوئی برائی نظر ہی نہیں آئے گی۔
کیونکہ جب حیا کو دفن کیا جاتا ہے، تو قبر نہیں بنتی—
رواج بن جاتا ہے۔

15/01/2026

پروفیسر ڈاکٹر خواجہ محمد فیاض
سابقہ پرنسپل قاءید اعظم میڈیکل کالج، بی۔ وی۔ ایچ، قائد اعظم میڈیکل کالج، بہاولپور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(کہانی شوگر اور اسکا علاج) تیسرا حصہ
انسولین:
ایک انجکشن، ایک صدی، اور انسانیت کی موت سے
زندگی طرف واپسی........................,.۔۔۔۔۔۔۔۔۔۔
آج ہم آپ کے سامنے
سائنس، تجربات اور انسانی بقا کی داستان برائے
زیابیطس پیش کرتے ہیں
کبھی ذیابیطس کا مطلب سیدھا موت ہوا کرتا تھا۔

آج جو بیماری ایک انجکشن اور خوراک کی احتیاط کرنے سے قابو میں آ جاتی ہے، اس کے پیچھے ایک صدی پر پھیلی ایسی سائنسی جدوجہد ہے جس میں ناکامیاں بھی ہیں، قربانیاں بھی، اور آخرکار انسانیت کی فتح ہوئی۔

1860 کی دہائی:
ایک خاموش دریافت
۔۔۔۔۔۔۔۔۔۔۔۔۔۔۔۔۔
انیسویں صدی کے وسط میں جرمن سائنس دان پال لینگرہانس نے خوردبین کے نیچے لبلبے کے خلیات کا مطالعہ کیا۔ اس نے کچھ ننھے ننھے، جزیرے جیسے خلیات دیکھے، مگر اسے اندازہ نہ تھا کہ یہی خلیات ایک دن لاکھوں انسانوں کی زندگی کا سہارا بنیں گے۔
یہی خلیات بعد میں آئلیٹس آف لینگرہانس کہلائے جائیں گے۔

1880 کی دہائی:
خطرناک مگر فیصلہ کن تجربہ
۔۔۔۔۔۔۔۔۔۔۔۔۔۔۔۔۔
1889 میں دو یورپی سائنس دانوں نے کتوں پر ایک تجربہ کیا۔ انہوں نے کتے کا لبلبہ نکال دیا۔
نتیجہ حیران کن مگر خوفناک تھا۔ کتا شدید شوگر میں مبتلا ہو گیا، بار بار پیشاب، پیاس، کمزوری اور پھر موت کی طرف چلا گیا۔
یہ تجربہ خاموشی سے اعلان کر رہا تھا۔ لبلبہ کوئی ایسا مادہ بناتا ہے جس کے بغیر زندگی ممکن نہیں۔

1900 کی دہائی:
نام رکھا گیا انسولین، دوا نہ دریافت سکی
۔۔ !۔۔۔۔۔۔۔۔۔۔۔۔ !۔
بیسویں صدی کے آغاز میں سائنس دان اس نتیجے پر پہنچ چکے تھے کہ لبلبہ ایک خاص مادہ خارج کرتا ہے۔
1910 میں اس ہارمون کا نام انسولین رکھا گیا۔ یہ نام
(لاطینی لفظ Insula یعنی جزیرہ) سے لیا گیا تھا۔ کیونکہ جس سائنس دان نے لبلبہ کو خوردبین کے اندر معانہ کیا تھا، اس کو جزیرے نما سیل نظر آءے تھے۔

اس کے بعد چند سائنس دان نے لبلبہ کا عرق نکالا اور بطور دواءی استعمال کیا۔
لیکن ایک سنگین مسئلہ سامنے تھا۔ جب بھی لبلبے سے عرق نکالا جاتا، وہ زہریلا ثابت ہوتا۔ اور جانوروں لگانے پر انکو انفیکشن اور موت واقع ہو جاتی تھی۔

وجہ یہ تھی کہ لبلبہ ہاضمے کے طاقتور کیمیکل مادے بھی بناتا ہے، جو آنتوں میں ہاضمے کا کام کرتے ہیں۔ جن کا آنتوں تک آنے کا الگ سے براستہ موجود تھا۔ لیکن سائنس دان ابھی تک یہ علم نہیں جان پاءے تھے۔

یہ مادے انسولین کو خود ہی ناکارہ کر دیتے تھے۔
اسطرح انسولین بطور دوا کام نہیں کرتی تھی۔ بلکہ زہریلے اجرت مرتب کرتی تھی۔

1910–1920:
ناکامیوں اور فاقہ کشی کی دہائی
۔۔۔۔۔۔۔۔۔۔۔۔۔۔۔ !
دنیا بھر میں کوششیں شروع ہوئیں کہ شوگر کے علاج کا علاج دریافت کیا جائے۔ مگر شوگر کی
کوئی محفوظ دوا نہ بن سکی۔ کہیں شوگر کم ہوئی تو کہیں مریض الرجی یا زہریلے مواد سے مر گیا۔

اس زمانے میں ذیابیطس کا واحد علاج تھا صرف فاقہ کشی اور مریض کو اتنا کم کھانا دیا جاتا کہ شوگر قابو میں رہے، مگر خوراک کی کمی سے جسم آہستہ آہستہ گل جاتا اور موت واقع ہو جاتی تھی۔

1920 کی دہائی:
ایک سادہ خیال، ایک عظیم انقلاب
۔۔۔۔۔۔۔۔۔۔۔۔ !۔۔۔
1920 میں کینیڈا کے نوجوان سرجن فریڈرک بینٹنگ کے ذہن میں ایک سادہ مگر انقلابی خیال آیا:
اگر لبلبے کے ہاضمے والے حصے کو ناکارہ کر دیا جائے
تو انسولین بنانے والے خلیات محفوظ رہ سکتے ہیں
کتوں میں لبلبے کی ہاضمے کے مادے پیدا کرنے کی نالی
باندھی گئی۔ہاضمے والا لبلبہ کا حصہ آہستہ آہستہ حصہ ختم ہو گیا، مگر انسولین بنانے والے خلیات زندہ رہے۔

اسی لبلبے سے ایک عرق نکالا گیا، جسے ابتدا میں Isletin کہا گیا۔

1921:
جانوروں میں زندگی کی واپسی....................,
شوگر کے شکار کتوں کو یہ عرق لگایا گیا۔نتائج حیران کن تھے:خون میں شوگر کم
پیشاب سے شوگر غائب اور زہریلا مادہ کیٹون ختم ہو گیا۔ موت کا سایہ ٹل گیا
یہ پہلا واضح ثبوت تھا کہ انسولین حقیقت ہے۔

1922:
لیونارڈ تھامسن اور تاریخ کا فیصلہ کن لمحہ
۔۔۔۔۔۔۔۔۔۔۔۔۔۔۔۔۔
ٹورنٹو کے اسپتال میں 14 سالہ لیونارڈ تھامسن موت کے دہانے پر تھا۔
اسے Type 1 Diabetes تھی، اور فاقہ کشی کے باوجود جان جا رہی تھی۔
11 جنوری 1922
اسے گائے کے لبلبے سے تیار کردہ Crude Pancreatic Insulin Extract کا انجکشن لگایا گیا۔ جلد پر حسبِ توقع الرجی اور زہریلی علامات، abscess ہو گیا — تجربہ ناکام رہا۔ اور مریض مر گیا۔ لیکن سائنس دان رکے نہیں۔

23 جنوری 1922
شفاف انسولین کی تیاری
۔۔۔۔۔۔۔۔۔۔۔۔۔۔۔۔۔۔
بایوکیمسٹ جیمز کولیپ نے انسولین کو alcohol purification کے ذریعے صاف کیا۔ وہی انسولین دوبارہ Subcutaneous injection کے ذریعے ایک بچے کو لگائی گئی۔ چند دنوں میں شوگر نارمل اور کیٹون ختم ہو گیا۔
بچہ زندگی کی طرف لوٹ آیا۔یہ دنیا کا پہلا کامیاب انسولین کا انجکشن تھا۔
اسی دن سے ذیابیطس پہلی بار موت سے ایک قابلِ علاج بیماری کہی جانے لگی۔

1930–1950:
انسولین عام دوا بن گئی
۔۔۔۔۔۔۔۔۔۔۔۔۔۔۔۔۔
اس دور میں انسولین جانوروں کے لبلبے سے بڑے پیمانے پر تیار ہونے لگی۔ دنیا بھر میں لاکھوں جانیں بچنے لگیں۔
1955 میں انسولین کی مکمل کیمیائی ساخت بھی معلوم ہو گئی۔ جس کی وجہ سے انسولین کو ادویات والی کمپنیوں نے کمرشل لیول بنانے کا کاروبار شروع کر دیا۔

1980 کے بعد جینیاتی دور کے سائنس دانوں نے انسانی انسولین لیبارٹری میں تیار کر لی۔ یہ زیادہ محفوظ، مؤثر اور دیرپا ثابت ہوئی۔

ایک انجکشن، ایک صدی کی محنت
۔۔۔۔۔۔۔۔۔۔۔۔۔۔۔۔۔۔۔
آج جب کوئی مریض انسولین کا انجکشن لگاتا ہے،وہ دراصل سو سالہ تجربات، جانوروں اور انسانوں کی قربانی، نوجوان سائنس دانوں کی جدوجہد اور انسانی امید کو اپنے جسم میں اتارتا ہے۔

انسولین محض ایک دوا نہیں، یہ اس بات کی زندہ مثال ہے کہ جب سائنس انسانیت کے لیے کام کرے تو معجزہ بن جاتی ہے۔

تحریر۔۔

*پروفیسر ڈاکٹر خواجہ محمد فیاض، سابق پرنسپل قائد اعظم میڈیکل کالج، بہاول وکٹوریہ ہسپتال، سول اسپتال بہاولپور*

MBBS
(Nishtar Medical College, Multan).

M.Phil, Medical Biochemistry
(JPMC, Karachi).

Associate MRCP (UK).

Diploma In Herbal Medicine.
Prevention Diabetes In High Risk Patients (UK).

Diploma In Diet And Nutrition,
Certified In Food And Health( USA)

*سابق ہیڈ آف بائیو کیمسٹری ڈیپارٹمنٹ قائد اعظم میڈیکل کالج اینڈ بہاول وکٹوریہ ہسپتال بہاولپور*

*ڈایا بیٹیز سپیشلسٹ/ نیوٹریشن ایکسپرٹ/ فیملی فزیشن*

✅ *ہمارا مقصد معاشرے سے شوگر، بلڈ پریشر اور جسمانی کمزوری جیسی موزی مرض کو غذائی اور ڈاکٹری علاج کے زریعہ جڑ سے ختم کرنا ہے۔ تاکہ انسانیت دوائیوں کے سہارے کی بجاۓ اپنی خوراک پر انحصار کرتے ہوئے اسکا تدارک کرے۔ ہمارا طریقہ مجرب علاج بزریعہ غذا ہے۔ رہنمائی و علاج کے لیے رابطہ فرمائیں، شکریہ*💯

💯 *نوٹ: ان شاءاللہ 15 دن کے اندر بزریعہ خوراک شوگر کنٹرول کرنے کے لئے رابطہ کریں۔*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*آن لائن کلینک* ۔
0300-9681243
فیس پچیس سو
روپے جاز کیش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*کلینک ایڈریس،
،، ہاوس نمبر ؛CB-831
گلی نمبر10، ماڈل روڈ،
ماڈل اے، بہاولپور
۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
PLEASE FORWARD

13/01/2026

ذیابیطس کی تاریخی تشخیص — ایک زمانی جائزہ
(حصہ اول)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پروفیسر ڈاکٹر خواجہ محمد فیاض
سابقہ پرنسپل قاءید اعظم میڈیکل کالج، بی۔ وی۔ ایچ، قائد اعظم میڈیکل کالج، بہاولپور
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قدیم مصر (تقریباً 1500 قبل مسیح) میں ایک ایسی بیماری کا ذکر ملتا ہے, جسکی علامات بار بار پیشاب آنا، شدید پیاس
جسم کا بتدریج کمزور ہونا
اگرچہ لفظ “ذیابیطس” موجود نہیں تھا، مگر کلینیکل علامات واضح تھیں

قدیم ہندوستان (600–400 قبل مسیح)
آیورویدک متون میں اسے "مدھو میہا " کہا گیا ہے۔ جس کی تشخیص کا طریقہ مریض کے پیشاب پر چیونٹیوں کا جمع ہونا پایا گیا تھا۔
یہ دنیا کی پہلی بایولوجیکل تشخیص سمجھی جاتی ہے
لفظ مدھو = شہد، میہا = پیشاب، یعنی پیشاب میں شکر آنا تھا۔

یونان — اریٹیئس آف کیپاڈوشیا (2nd Century AD) میں پہلی بار لفظ Diabetes استعمال کیا گیا تھا۔ جس کے معنی تھے،
"جسم میں داخل ہونے والا پانی بغیر رکے بہہ جاتا ہے"
بیماری کو ایک مہلک کیفیت قرار دیا

رومی و یونانی طب (Gal en – 2nd Century AD)
میں اس بیماری کو پیشاب کی مقدار اور جسمانی کمزوری کو مرکزی علامت قرار دیا گیا تھا۔ اور
ذیابیطس کو گردوں کی بیماری سمجھا جاتا تھا

اسلامی دورِ طب (9th–11th Century)
ابنِ سینا (Avicenna)
القانون فی الطب میں ذیابیطس کی جامع تشریح
پیشاب کی مٹھاس، شدید پیاس، جنسی کمزوری کا ذکر ملتا ہے۔ اس بیماری میں جلدی انفیکشن اور gangrene کی نشاندہی کی گئی تھی۔
غذائی پرہیز پر زور دیا گیا تھا۔ یہ پہلا دور تھا جہاں بیماری کو systemic metabolic disorder کے طور پر سمجھا گیا۔

یورپ — تھامس ولس (1674) نے پہلی بار پیشاب کو چکھ کر مٹھاس کی تصدیق کی، اور اصطلاح Diabetes Mellitus متعارف کروائی۔ یعنی
Mellitus = شہد جیسی مٹھاس

18ویں صدی — شوگر کی کیمیائی شناخت
Matthew Dobson (1776)
نے ثابت کیا کہ مٹھاس پیشاب کی نہیں بلکہ خون کی خاصیت ہے۔ جس میں خون میں میٹھے مادے بہت زیادہ ہو جاتے ہیں۔
یہ ایک انقلابی دریافت تھی

19ویں صدی — لبلبہ (Pancreas) کا کردار

Paul Langerhans
(1869)
نے لبلبہ میں مخصوص خلیات (Islets) دریافت کیے۔ جن کا تعلق شوگر کی بیماری سے تھا۔
بعد میں ثابت ہوا کہ یہی خلیات شوگر کنٹرول کرتے ہیں

20ویں صدی — انسولین کی دریافت (1921)

Banting & Best
کی انسولین کی دریافت نے ذیابیطس کو مہلک بیماری سے قابلِ علاج مرض بنا دیا۔

تحریر۔۔

*پروفیسر ڈاکٹر خواجہ محمد فیاض، سابق پرنسپل قائد اعظم میڈیکل کالج، بہاول وکٹوریہ ہسپتال، سول اسپتال بہاولپور*

MBBS
(Nishtar Medical College, Multan).

M.Phil, Medical Biochemistry
(JPMC, Karachi).

Associate MRCP (UK).

Diploma In Herbal Medicine.
Prevention Diabetes In High Risk Patients (UK).

Diploma In Diet And Nutrition,
Certified In Food And Health( USA)

*سابق ہیڈ آف بائیو کیمسٹری ڈیپارٹمنٹ قائد اعظم میڈیکل کالج اینڈ بہاول وکٹوریہ ہسپتال بہاولپور*

*ڈایا بیٹیز سپیشلسٹ/ نیوٹریشن ایکسپرٹ/ فیملی فزیشن*

✅ *ہمارا مقصد معاشرے سے شوگر، بلڈ پریشر اور جسمانی کمزوری جیسی موزی مرض کو غذائی اور ڈاکٹری علاج کے زریعہ جڑ سے ختم کرنا ہے۔ تاکہ انسانیت دوائیوں کے سہارے کی بجاۓ اپنی خوراک پر انحصار کرتے ہوئے اسکا تدارک کرے۔ ہمارا طریقہ مجرب علاج بزریعہ غذا ہے۔ رہنمائی و علاج کے لیے رابطہ فرمائیں، شکریہ*💯

💯 *نوٹ: ان شاءاللہ 15 دن کے اندر بزریعہ خوراک شوگر کنٹرول کرنے کے لئے رابطہ کریں۔*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*آن لائن کلینک* ۔
0300-9681243
فیس برائے مشورہ، نسخہ، کونسلنگ، خوراک چارٹ اور پندرہ روزہ شوگر چیکنگ چارٹ

پچیس سو
روپے جاز کیش
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*کلینک ایڈریس،
،، ہاوس نمبر ؛CB-831
گلی نمبر10، ماڈل روڈ،
ماڈل اے، بہاولپور
۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔
PLEASE FORWARD

Khawaja Health & Diabetes Clinic Bahawalpur

24/01/2026

21/01/2026

20/01/2026

19/01/2026

19/01/2026

16/01/2026

15/01/2026

13/01/2026

Address

Opening Hours

Website

Alerts

Shortcuts

Share

Category

Monday	10:00 - 21:00
Tuesday	10:00 - 21:00
Wednesday	10:00 - 21:00
Thursday	10:00 - 21:00
Friday	10:00 - 21:00
Saturday	10:00 - 21:00