Dr. Muhammad Sohail Tariq

03/08/2025

ڈاکٹر محمد سہیل طارق
اسسٹنٹ پروفیسر آف میڈیسن
ماہر امراض: شوگر ، بلڈپریشر ، معدہ و جگر ، جوڑوں کا درد، کالا یرقان، فالج اور سانس کے امراض
اپوائنٹمنٹ کے لئے رابطہ کریں۔
0300-8460099

27/06/2025

24/06/2025

قبض سے نجات،صحت مند زندگی
ماہر امراض شوگر ، بلڈپریشر ، معدہ و جگر ، جوڑوں کا درد، کالا یرقان، فالج اور سانس کے امراض کے لیے ماہر اسسٹنٹ پروفیسر آف میڈیسن ڈاکٹر محمد سہیل طارق سے آپ افتخار ہسپتال بہاولپور یا عبداللہ آرتھو پیڈک ہسپتال حاصل پور میں اپنی اپوائنٹمنٹ کے لیے تشریف لائیں یا 03008460099 پر رابطہ کریں۔

06/06/2025

تمام عالم اسلام کو عید الاضحی مبارک ہو۔

29/03/2025

26/03/2025

Post Courtesy by: The Diabetes Centre
اہل شوگر کے لیے رمضان کے چھبیسویں دن کا تفصیلی پلان حاضر ہے ۔
رمضان کا چھبیسواں دن: مغفرت اور برکت کی رات
آج کی دعا:
اللَّهُمَّ اجْعَلْ في قَلْبِي نُورًا، وَفي لِسَانِي نُورًا، وَفي سَمْعِي نُورًا، وَفي بَصَرِي نُورًا
ترجمہ: "اے اللہ! میرے دل میں نور ڈال، میری زبان میں نور ڈال، میری سماعت میں نور ڈال، اور میری بصارت میں نور ڈال۔" (مسلم 763)
سحری:
سحری میں غذائیت سے بھرپور اور ہلکی خوراک لی جائے تاکہ روزہ کے دوران توانائی برقرار رہے اور شوگر لیول متوازن رہے۔
✅ چنے اور سبزیوں کا پراتھا:
چنے کو رات بھر بھگو کر ابالیں اور انہیں میتھی، دھنیا، پودینہ، پیاز اور ہلکے مصالحوں کے ساتھ میش کرکے جو یا باجرے کے آٹے میں گوندھ لیں۔
نان اسٹک توے پر کم تیل میں سینک کر مزیدار اور ہلکا پراتھا تیار کریں۔
✅2 انڈے کا خاگینہ
2 انڈے پھینٹ کر اس میں لال مرچ پاؤڈر، ہلدی پاؤڈر، زیرہ پاؤڈر اور نمک ڈال کر اچھی طرح مکس کریں ۔ تیل میں پیاز بھون کر ٹماٹر، ہری مرچ ڈالیں۔ انڈے ڈال کر ہلکی آنچ پر پکائیں، ہرا دھنیا ڈال کر پیش کریں۔
✅ بغیر چینی والی سبز چائے یا دارچینی چائے۔
صحت مشورہ:
فٹ السر –
فٹ السر ذیابیطس کے مریضوں میں پیدا ہونے والی ایک سنگین پیچیدگی ہے جو عام طور پر پیروں پر زخم کی صورت میں ظاہر ہوتی ہے۔ یہ زخم زیادہ تر نیوروپیتھی (اعصابی نقصان) اور خون کی ناقص گردش کی وجہ سے بنتے ہیں، جس کے باعث مریض کو زخم کا احساس نہیں ہوتا اور وہ جلد ٹھیک بھی نہیں ہوتے۔ اگر زخم وقت پر ٹھیک نہ کیا جائے تو اس میں انفیکشن ہو سکتا ہے، جو بگڑ کر ہڈی تک پہنچ سکتا ہے اور بعض صورتوں میں عضو کاٹنے (Amputation) کی نوبت بھی آ سکتی ہے۔
فٹ السر کی عام علامات میں پاؤں پر کھلا زخم، سوجن، بدبو، پیپ یا خون آنا شامل ہیں۔ اگر زخم گہرا ہو جائے تو شدید درد، بخار، اور متاثرہ جگہ کا رنگ تبدیل ہونے جیسے مسائل بھی ہو سکتے ہیں۔ فٹ السر سے بچنے کے لیے روزانہ پاؤں کا معائنہ کریں، نرم اور آرام دہ جوتے پہنیں، زخم کی صفائی کا خاص خیال رکھیں، اور سب سے اہم بات یہ کہ خون میں شوگر کی سطح کو قابو میں رکھیں۔ اگر زخم ٹھیک نہ ہو رہا ہو تو فوری طور پر ڈاکٹر سے رجوع کریں، تاکہ کسی بڑی پیچیدگی سے بچا جا سکے۔ مناسب دیکھ بھال اور احتیاطی تدابیر اپنا کر فٹ السر جیسے خطرناک مسئلے سے محفوظ رہا جا سکتا ہے۔
افطاری:
✅ ایک چھوٹی کھجور (بلڈ شوگر زیادہ ہو تو کھجور چھوڑ دیں)۔
✅ دہی بھلے بغیر میٹھے اور کم نمک کے ساتھ
✅ لیموں پانی (بغیر چینی کے)۔
✅ بیسن اور پالک کے پکوڑے (بغیر تیل میں ایئر فرائر میں بنائیں یا کم تیل میں تلیں)۔
ڈنر:
✅ چکن اور سبزیوں کا شوربہ:
چکن کو ہلکی آنچ پر سبزیوں (شملہ مرچ، گاجر، پالک) کے ساتھ پکائیں۔
نمک کم رکھیں اور زیادہ مسالے نہ ڈالیں تاکہ معدہ بوجھل نہ ہو۔
✅ دال کی پروٹین روٹی – ) دال کو پیس کر آٹے، پیاز، ہری مرچ اور مصالحوں کے ساتھ گوندھ لیں۔ چھوٹے پیڑے بنا کر روٹی بیلیں اور توے پر ہلکا تیل لگا کر سنہری ہونے تک پکائیں
✅ سلاد:
کھیرے، ٹماٹر، بند گوبھی، اور زیتون کا مکس سلاد، زیتون کے تیل اور لیموں کے ساتھ۔
اہم ہدایات:
✔ شوگر کو کنٹرول رکھنے کے لیے ہلکی اور متوازن غذا کھائیں۔
✔ کھانے میں فائبر اور پروٹین زیادہ رکھیں تاکہ بلڈ شوگر اچانک نہ بڑھے۔
✔ سحری اور افطار میں کم نمک اور کم چکنائی کا استعمال کریں۔
✔ اگر کسی وقت کمزوری محسوس ہو تو فوراً بلڈ شوگر چیک کریں اور ڈاکٹر سے رجوع کریں۔
🌙 رمضان کی برکتوں سے زیادہ سے زیادہ فائدہ اٹھائیں اور اپنی صحت کا خیال رکھیں!
Better health, Brighter future

24/03/2025

Post Courtesy by: The Doabetes Centre
اہل شوگر کے لیے رمضان کے تئیسویں دن کا تفصیلی پلان حاضر ہے:
دن 23: مغفرت کی راتیں
آج کی دعا:
اللهم اغفر لي ذنوبي وتجاوز عن سيئاتي إنك أنت الغفور الرحيم
ترجمہ: "اے اللہ! میرے گناہوں کو بخش دے اور میری برائیوں سے درگزر فرما، بے شک تو ہی بہت بخشنے والا، نہایت مہربان ہے۔" (سنن ابن ماجہ، 3833)
سحری
رمضان کا آخری عشرہ قوت اور عبادات کے لیے بہترین غذاؤں کا متقاضی ہوتا ہے۔
✅ جو اور السی کے بیج کا دلیہ – فائبر سے بھرپور، شوگر کنٹرول میں مددگار۔
✅ گرلڈ چکن کے ساتھ چنے کا سلاد – پروٹین اور آئرن سے بھرپور۔
✅ ناریل پانی یا تخم ملنگا والا دودھ – جسم کو دن بھر ہائیڈریٹ رکھنے کے لیے۔
صحت مشورہ
شوگر کے مریض اور اعتکاف: احتیاطی تدابیر
رمضان کے آخری عشرے میں اعتکاف ایک بڑی سعادت ہے، لیکن شوگر کے مریضوں کے لیے اس دوران خاص احتیاط ضروری ہے۔ طویل بیٹھنے اور محدود جسمانی سرگرمی کی وجہ سے بلڈ شوگر میں اتار چڑھاؤ آ سکتا ہے، اس لیے درج ذیل نکات کو مدنظر رکھیں:
1. کھانے پینے کا خیال رکھیں: افطار اور سحری میں پیچیدہ کاربوہائیڈریٹس (جیسے جو، دلیہ، اور سبزیاں) اور پروٹین شامل کریں تاکہ شوگر لیول متوازن رہے۔ بہت زیادہ میٹھے مشروبات یا چٹپٹے کھانے سے پرہیز کریں۔
2. پانی کی مقدار پوری کریں: اعتکاف میں وقت کا زیادہ تر حصہ مسجد میں گزرتا ہے، اس لیے پانی کی مناسب مقدار پینا نہ بھولیں تاکہ ڈی ہائیڈریشن اور شوگر لیول کے اچانک کم یا زیادہ ہونے سے بچا جا سکے۔
3. دوائیوں کا خیال رکھیں: اگر آپ انسولین یا گولیوں پر ہیں تو اپنے معالج سے رجوع کریں تاکہ روزے اور اعتکاف کے دوران خوراک میں کسی ضروری تبدیلی کے بارے میں مشورہ لے سکیں۔
4. شوگر مانیٹرنگ: اعتکاف کے دوران اپنے بلڈ شوگر لیول کو چیک کرتے رہیں۔ اگر شوگر بہت زیادہ کم ہو جائے تو روزہ توڑنا ضروری ہو سکتا ہے، کیونکہ جان کی حفاظت شریعت میں مقدم ہے۔
احتیاطی تدابیر اختیار کر کے آپ روحانی فوائد کے ساتھ اپنی صحت کو بھی برقرار رکھ سکتے ہیں۔
✔ طاق راتوں میں عبادت کے ساتھ شوگر چیک کرتے رہیں، اگر کمزوری محسوس ہو تو فوری اقدام کریں۔
افطار / ڈنر
شوگر کے مریضوں کے لیے ہلکی لیکن متوازن غذائیں بہترین ہیں۔
🍽 افطاری:
✅ لیموں پانی – توانائی بحال کرنے کے لیے۔
✅ بیسن اور پالک کے پکوڑے (فرائی کے بجائے ایئر فرائیڈ یا بیکڈ) – ہلکی اور غذائیت سے بھرپور۔
✅ دہی اور پودینے کی چٹنی – معدے کے لیے مفید۔
🍽 ڈنر:
✅ چنے کی دال یا مسور کی دال سبزیوں کے ساتھ – قوت بحال کرنے کے لیے۔
✅ جو اور دال کی روٹی – ہضم ہونے میں آسان، کم GI والی غذا۔
✅ سبزیوں کا سوپ – جسم کو ڈیٹاکس کرنے کے لیے بہترین۔
🌙 رمضان کا اختتام قریب ہے، نیک اعمال میں مزید اضافہ کریں!
📌 مقصد: روحانی ترقی کے ساتھ صحت کا بھی مکمل خیال رکھیں.

21/03/2025

Big shout out to my new rising fans! Aloudin Sabir

20/03/2025

Post Courtesy by: The Diabetes Centre TDC
اہل شوگر کے لیے رمضان کے بیسویں دن کا تفصیلی پلان حاضر ہے:
**دن 20: رمضان کے اصل مقصد کے نام**
*آج کی دعا:*
ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب
ترجمہ: اے ہمارے رب، جب تو نے ہمیں ہدایت دے دی تو ہمارے دلوں کو ٹیڑھا نہ کر اور ہمیں اپنی طرف سے رحمت عطا فرما۔ بے شک تو ہی بہت عطا کرنے والا ہے۔سورۃ آل عمران، آیت 8
*سحری:*
سحری کا وقت ہے، اور ہم سب کو توانائی کی ضرورت ہے۔ آج کی سحری میں، ہم نے صحت اور ذائقے کا بہترین امتزاج تیار کیا ہے۔ ایک پیالہ گرین سلاد، جس میں بادام اور ایک مٹھی اسپراؤٹڈ مونگ شامل ہیں۔ قیمہ شملہ مرچ کا سالن، جو دیسی گھی میں بنا ہوا ہے۔ گریک یوگرٹ کا زیرے والا رائتہ، جس میں سورج مکھی، حلوہ کدو اور تلوں کے بیج شامل ہیں۔ ساتھ ہی، اور حسب ضرورت سونف اور اجوائن کا قہوہ یا گرین ٹی۔ یہ سحری آپ کو دن بھر توانائی بخشے گی اور صحت بھی برقرار رکھے گی۔
*صحت مشورہ:*
رمضان کے اصل مقصد کو سمجھیں
✅ روزہ صرف بھوکا پیاسا رہنے کا نام نہیں، بلکہ اپنی خواہشات پر قابو پانے اور اللہ سے تعلق مضبوط کرنے کا ذریعہ ہے۔
✅ قیام اللیل (تراویح، تہجد) کے ذریعے اپنے گناہوں کی بخشش طلب کریں۔
✅ قرآن کو صرف تلاوت کے لیے نہیں، بلکہ سمجھ کر اس پر عمل کرنے کے لیے پڑھیں۔
✅ صدقہ و خیرات کریں، ضرورت مندوں کی مدد کریں اور دوسروں کے لیے آسانیاں پیدا کریں۔
✅ اپنی عادات میں بہتری لائیں اور رمضان کی برکتوں کو اپنی زندگی کا مستقل حصہ بنائیں۔
کیا ہمیں اپنی ترجیحات پر نظر ثانی نہیں کرنی چاہیے؟
رمضان ایک فیسٹیول نہیں، بلکہ اصلاحِ نفس، عبادت اور قربِ الٰہی کا مہینہ ہے۔ آئیں، اس مقدس مہینے کو حقیقی معنوں میں گزارنے کی نیت کریں اور خود کو روحانی طور پر مضبوط کریں تاکہ یہ برکات ہمارے پورے سال میں شامل ہو سکیں۔

*افطار/ڈنر:*
رمضان کی بابرکت شام، دسترخوان سجا ہے ایک سادہ کھانے سے۔
آج کی افطاری میں ایک کھجور، ، دہی بڑے (دہی اور چٹنی کے ساتھ)، اور اسٹرابری کا شربت (بغیر چینی) شامل ہے
تازہ گرین سلاد آنکھوں کو تراوٹ بخشتی ہے، اور مونگ کی چھلکے والی دال، ہڈیوں کی یخنی میں ہلکی آنچ پر پکی ہے، جسم کو قوت بخشتی ہے۔ ساتھ میں، باسمتی چاول کا چھوٹا پیالہ ہے، اور ایک گرم کپ یخنی کا، جو روح کو سکون دیتا ہے۔ یہ کھانا نہ صرف پیٹ بھرتا ہے، بلکہ روزے کے بعد جسم کو توانائی بھی فراہم کرتا ہے
Better health, Brighter future

19/03/2025

Post Courtest By: The Diabetes Centre - TDC
اہل شوگر کے لیے رمضان کے انیسویں دن کا تفصیلی پلان حاضر ہے:
**دن 19: سولئس پش اپ کے نام**
*آج کی دعا:*
ربنا هب لنا من أزواجنا وذرياتنا قرة أعين واجعلنا للمتقين إماما
ترجمہ: اے ہمارے رب، ہمیں اپنی بیویوں اور اپنی اولاد سے آنکھوں کی ٹھنڈک عطا فرما اور ہمیں پرہیزگاروں کا امام بنا: سورۃ الفرقان، آیت 74
*سحری:*
دہی، جس میں السی کے بیج اور دارچینی ملا کر ہاضمے کو بہتر بنایا گیا ہے۔
لو کارب روٹی، جو فائبر سے بھرپور ہے، اور پالک اور انڈے کا آملیٹ، جو پروٹین کا اچھا ذریعہ ہے۔ ساتھ ہی، بغیر چینی کے سبز چائے، جو تازگی کا احساس دلاتی ہے۔ یہ سحری آپ کو دن بھر توانائی بخشے گی اور شوگر لیول کو کنٹرول میں رکھنے میں مدد دے گی۔
1 لو کارب روٹی، کلو بادام کے آٹے میں 500 گرام فلیکس سیڈ (السی) اور 500 گرام کوکونٹ آٹے کو 100 گرام اسبغول کے ساتھ ملا کر تقریبا 2 کلو کم کارب شوگر فری آٹا بنایا گیا۔ اب اس آٹے میں سے 3 چمچ 1 چمچہ عام چکی کا آٹا ملا کر کم کارب روٹی بنائیں۔
*صحت مشورہ:*
سولئس پش اپ" - بیٹھے بیٹھے شوگر کم کریں
ہیوسٹن یونیورسٹی کے محققین نے ذیابیطس کے مریضوں کے لیے ایک نئی اور آسان ورزش دریافت کی ہے۔ اس ورزش کا نام ہے "سولئس پش اپ"۔ یہ ورزش نہ صرف آسان ہے بلکہ اسے گھر یا دفتر میں بیٹھے ہوئے بھی کیا جا سکتا ہے۔سولئس پش اپ ایک ایسی ورزش ہے جس میں آپ اپنی پنڈلی کے پٹھے کو استعمال کرتے ہوئے اپنی ایڑیوں کو زمین سے اٹھاتے ہیں۔ یہ ورزش نہ صرف آپ کی پنڈلیوں کو مضبوط بناتی ہے بلکہ یہ آپ کے خون میں شوگر کی سطح کو بھی کم کرنے میں مدد کرتی ہے۔
کیوں ہے یہ ورزش اتنی اہم؟
آسان اور موثر: اس ورزش کو کرنے کے لیے آپ کو کسی خاص آلات یا جگہ کی ضرورت نہیں ہوتی۔
وقت کی بچت: آپ اسے دن میں چند منٹ نکال کر کہیں بھی کر سکتے ہیں۔
دیگر فوائد: اس کے علاوہ، یہ ورزش آپ کے میٹابولزم کو تیز کرتی ہے اور آپ کے جسم میں آکسیجن کی آمد کو بڑھاتی ہے۔
کس طرح کریں سولیئس پش اپ؟
کسی کرسی پر آرام سے بیٹھ جائیں۔
اپنے پاؤں کو فرش پر رکھیں۔
اپنی پنڈلیوں کے پٹھوں کا استعمال کرتے ہوئے اپنی ایڑیوں کو زمین سے اٹھا لیں۔
چند سیکنڈ کے لیے روک کر رکھیں۔
پھر ایڑیوں کو فرش پر رکھ دیں۔
کب کریں؟
آپ دن میں صرف 10 منٹ مسلسل یہ ورزش کر سکتے ہیں یا ہر ایک گھنٹے بعد دو منٹ کی جا سکتی ہے
سولئس پش اپ ایک آسان اور موثر ورزش ہے جو ذیابیطس کے مریضوں کے لیے بہت فائدہ مند ثابت ہو سکتی ہے۔ اسے اپنی روزمرہ کی زندگی میں شامل کر کے آپ اپنی صحت کو بہتر بنا سکتے ہیں.
*افطار/ڈنر:*
۔ ایک پیالہ گرین سلاد، جس میں کھیرا، ٹماٹر، پیاز اور دیگر سبزیاں شامل ہیں۔ پالک گوشت کا سالن، جو ذائقے سے بھرپور ہے۔ لو کارب آٹے کی روٹی، جو فائبر سے بھرپور ہے۔ روزہ افطار کرنے کے لیے، ایک کھجور اور فروٹ چاٹ، جو میٹھے کی طلب کو پورا کرے گی۔ یہ افطاری آپ کو توانائی بھی دے گی اور صحت بھی برقرار رکھے گی۔
Better health, Brighter future

16/03/2025

Post Courtest By: The Diabetes Centre - TDC
اہل شوگر کے لیے رمضان کے سولھویں دن کا تفصیلی پلان حاضر ہے:
دن 16: قوت مدافعت کے نام
*آج کی دعا:*
"اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي" -
اے اللہ تو معاف کرنے والا ہے، معاف کرنے کو پسند کرتا ہے، پس مجھے معاف کر دے۔
*سحری:*
آج کی سحری میں ایک کپ دہی ( کھیرے اور ٹماٹر کے ٹکڑوں کے ساتھ)، ایک عدد چھ انچ سائز کی ملٹی گرین روٹی ، مزیدار شملہ مرچ قیمہ اور ایک گلاس نیم گرم پانی میں لیموں اور ادرک شامل کرکے پیا گیا ہے۔ یہ سحری آپ کو دن بھر توانائی فراہم کرے گی اور شوگر لیول کو کنٹرول میں رکھنے میں مدد دے گی۔
*صحت مشورہ:*
شوگر کے مریضوں کے لیے قوت مدافعت یعنی امیونٹی کو مضبوط رکھنا بہت اہم ہے۔
وٹامن سی سے بھرپور غذائیں (جیسے لیموں، نارنجی، آملہ) کھائیں۔
زنک سے بھرپور غذائیں (جیسے بیج، گری دار میوے) شامل کریں۔
پروبائیوٹکس (جیسے دہی، اچار) استعمال کریں۔
ان اجزاء یعنی وٹامن سی زنک اور پرو بائوٹکس کو سپلیمنٹ کی شکل میں بھی لیا جا سکتا ہے
سات سے اٹھ گھنٹے کی اچھی نیند لیں
اور تناؤ یعنی اسٹریس کو کم کریں۔
باقاعدگی سے ہاتھ دھوئیں اور صفائی کا خاص خیال رکھیں۔
افطاری:*
آج کی افطاری میں ایک کھجور، چکن سوپ، دہی بڑے (دہی اور چٹنی کے ساتھ)،
اور اسٹرابری کا شربت (بغیر چینی) شامل ہے۔
یہ افطاری آپ کے شوگر لیول کو کنٹرول میں رکھنے میں مدد دے گی۔
*ڈنر:*
آج کے ڈنر میں مچھلی (گرلڈ یا بیکڈ)، گرلڈ ہوئی سبزیاں۔ چٹنی یا رائتے کے ساتھ
یہ ڈنر آپ کے شوگر لیول کو کنٹرول میں رکھنے میں مدد دے گا اور پروٹین فراہم کرے گا۔
اہم ہدایات:
* شوگر لیول کو باقاعدگی سے چیک کریں۔۔
* پانی زیادہ پیئیں۔
* بازار کے غیر معیاری کھانوں سے پرہیز کریں۔
* روزانہ 30 منٹ واک یا ورزش کریں۔
* صحت مند طرز زندگی اپنائیں۔
By: Dr. Sohail Tariq
Assistant Professor of Medicine BVH
Consultant Physician and Diabetologist