Dr Muhammad Maaz

29/10/2025

11/08/2025

شوگر کے مریضوں میں وٹامن B کی کمی کے 6 خطرناک اثرات

💊 خاموش دشمن، جو شوگر کے ساتھ جسم کو اندر سے کمزور کرتا ہے!

1: اعصابی کمزوری اور سن ہونے کا احساس
وٹامن B12 کی کمی سے ہاتھ پاؤں سن ہونا، سوئیاں چبھنے جیسا درد، یا جلن کا احساس پیدا ہو سکتا ہے — جو اکثر شوگر کے مریضوں میں "نیوروپیتھی" کی صورت میں ظاہر ہوتا ہے۔

2: تھکن اور کمزوری کا مستقل احساس
B کمپلیکس وٹامنز (خصوصاً B1, B6, B12) توانائی کی پیداوار میں اہم کردار ادا کرتے ہیں۔ ان کی کمی سے مسلسل تھکن اور سستی رہتی ہے۔

3: یادداشت اور دماغی دھند
وٹامن B12 کی کمی دماغی کمزوری، فوکس کا کم ہونا، اور "دماغی دھند" جیسے مسائل پیدا کر سکتی ہے — جو شوگر کنٹرول کو بھی متاثر کرتے ہیں۔

4: دل کی دھڑکن اور سانس پھولنا
وٹامن B کی کمی خون میں آکسیجن کی روانی کو متاثر کرتی ہے، جس سے دل کی دھڑکن تیز، سانس پھولنا اور چکر آنا شروع ہو سکتا ہے۔

5: ڈپریشن اور مزاج میں اتار چڑھاؤ
B6 اور B12 دماغی صحت کے لیے بہت اہم ہیں۔ ان کی کمی مزاج میں خرابی، بے چینی اور ڈپریشن جیسے مسائل پیدا کر سکتی ہے۔

6: انسولین ریزسٹنس میں اضافہ
تحقیقات بتاتی ہیں کہ وٹامن B1 (تھایامن) کی کمی انسولین کی کارکردگی کو متاثر کرتی ہے — جس سے شوگر قابو میں نہیں آتی۔

---

📏 بچاؤ اور علاج کا طریقہ:

ہفتہ میں 2–3 بار انڈے، مچھلی، دودھ، دہی، سبز پتیاں، دالیں استعمال کریں

اگر کمی ہو تو ڈاکٹر کی ہدایت سے Vitamin B Complex یا B12 سپلیمنٹ لیں

04/03/2025

کیا دل کا مریض رمضان المبارک میں روزے رکھ سکتا ہے ؟

04/03/2025

رمضان المبارک میں زیابیطس(Diabetes )اور دل کے مریضوں کے لیے صحت مند غذا کا انتخاب

21/12/2024

تمباکو نوشی دل کو ناکارہ کر دیتی ہے
اپنی صحت کا انتخاب کیجئے تمباکو نوشی کا نہیں

09/11/2024

اسموگ دھویں اور دھند کے ملنے سے بنتی ہے۔ سرد موسم میں گاڑیوں کے دھویں میں شامل زھریلے مرکبات، کارخانوں کی آلودگی، اور فصلوں کی باقیات سے اٹھنے والی کاربن ہوا میں شامل ہو جاتی ہے اور فضا میں زیادہ بلندی پر جانے کی بجائے زمین سے تھوڑی بلندی پر ہی اکٹھی ہو جاتی ہے۔ اس کے نتیجے میں فضا میں آلودگی کی ایک تہہ بن جاتی ہے، جسے اسموگ کہتے ہیں۔
اسموگ کے صحت پر بہت سے خطرناک اثرات ہوتے ہیں۔

1. سانس/تنفس کے مسائل

اسموگ میں موجود آلودگی سے سانس لینا مشکل ہو جاتا ہے۔ اس سے دمہ، کھانسی، اور گلے کی سوزش جیسی بیماریاں پیدا ہوتی ہیں۔ پہلے سے سانس کی بیماریوں میں مبتلا لوگوں کے مرض کی شدت بڑھ جاتی ہے۔ خصوصا بچے، بوڑھے اور حاملہ خواتین اس کا زیادہ شکار بنتے ہیں۔

2. پھیپھڑوں کا نقصان

اسموگ پھیپھڑوں کے لیے نقصان دہ ہے۔ اس میں موجود زہریلے ذرات پھیپھڑوں میں جا کر انہیں کمزور کرتے ہیں اور تنفس کی دائمی بیماریاں پیدا کر سکتے ہیں۔

3. دل کی بیماریاں

اسموگ میں شامل آلودگی خون کی گردش کو متاثر کرتی ہے، جس سے ہائی بلڈ پریشر اور دل کے امراض کا خطرہ بڑھتا ہے۔

4. آنکھوں کی جلن

اسموگ آنکھوں میں سوزش، جلن اور سرخی پیدا کرتی ہے، جس سے بصارت کو نقصان پہنچ سکتا ہے۔

5. جسمانی مدافعتی نظام کی کمزوری

اسموگ میں موجود زہریلے مادے جسم کے مدافعتی نظام کو کمزور کر سکتے ہیں، جس سے جسم بیماریوں کے خلاف لڑنے میں کمزور ہو جاتا ہے۔

6. جلد کے مسائل

اسموگ جلد پر اثر انداز ہوتی ہے، جس سے خارش، سرخی اور الرجی جیسے مسائل پیدا ہوتے ہیں۔

7. کینسر کا خطرہ

اسموگ میں موجود کچھ کیمیکلز مستقبل میں کینسر کا خطرہ بڑھا سکتے ہیں، خاص طور پر پھیپھڑوں کے کینسر کا۔

8-ڈپریشن اور ذہنی امراض

اسموگ سے ڈپریشن اور موڈ ڈس آرڈرز بڑھنے کے امکانات زیادہ ہوتے ہیں۔

اسموگ سے بچاو کیلئے مندرجہ ذیل طریقے اقدامات پر عمل کریں۔

1-ماحولیاتی آلودگی کم کرنے کے لئے انفرادی اور اجتماعی کوشش کریں اور حکومتی اقدامات کا ساتھ دیں۔

2-غیر ضروری طور پر باہر نکلنے سے پرہیز کریں

3-باہر جانا ضروری ہو تو ماسک استعمال کریں۔ جسم کو زیادہ سے زیادہ ڈھانپیں۔ آنکھوں پر چشمہ استعمال کریں۔ گھر واپسی پر کپڑے بدلیں اور جسم کو صاف کر لیں۔

4-گاڑیوں کے شیشے بند رکھیں۔

5-فلو کی ویکسین ضرور لگوائیں۔

6-پانی زیادہ سے زیادہ پئیں۔

7-سانس کے مریض اپنی معمول کی دوا باقاعدگی سے استعمال کریں اور کسی بھی نئی علامت کی صورت میں ڈاکٹر سے رجوع کریں۔

8-آوٹ ڈور تقریبات میں شرکت سے گریز کریں۔

ڈاکٹر محمد وسیم

25/07/2024

مثالی وزن کس طرح برقرار رکھا جائے

25/07/2024

وزن بڑھ جانے کی عام وجوہات

25/07/2024

موٹاپا کیا ہے؟ موٹاپا سے ہونے والے امراض

05/05/2024

زیابیطس کے مریض ان اشیاء کو کھانے سے پرہیز کریں ۔