Doctor Zainab Malik

01/03/2026

رسول اللہ صلی اللہ علیہ وسلم کے پاس جب کوئی بچہ برکت حاصل کرنے کے لئے لایا جاتا تو آپ اس کے سر پر ہاتھ پھیرتے اور فرماتے " عش سعیدا و مت شھیدا"
سعادت کی زندگی جیو اور شہادت کی موت مرو ۔۔

01/03/2026

نبی ﷺ نے فرمایا:

“قریب ہے کہ قومیں تم پر اس طرح ٹوٹ پڑیں گی جیسے کھانے والے ایک دوسرے کو اپنے دسترخوان کی طرف بلاتے ہیں۔”

صحابہؓ نے عرض کیا: کیا اس وقت ہم تعداد میں کم ہوں گے؟
آپ ﷺ نے فرمایا:
“نہیں، بلکہ تم اُس وقت کثیر تعداد میں ہوگے، لیکن تم سیلاب کے جھاگ کی طرح ہوگے۔ اللہ تمہارے دشمنوں کے دلوں سے تمہاری ہیبت نکال دے گا اور تمہارے دلوں میں ‘وَہَن’ ڈال دے گا۔”

پوچھا گیا: یا رسول اللہ! وَہَن کیا ہے؟
آپ ﷺ نے فرمایا:
“دنیا کی محبت اور موت سے نفرت۔”

(سنن ابی داؤد)

28/02/2026

جس دھج سے کوئی مقتل میں گیا، وہ شان سلامت رہتی ہے

28/02/2026

جب کوئی شخص آپ سے دعا کے لیے کہے تو ایک چیز پر غور کر لیں کہ آپ نے اس کو یہ Impression کہاں سے دیا ہے کہ وہ آپ کو دعا کے لیے کہے ۔ اتنی بڑی ذمہ داری آپ نے اپنے ذمہ کیسے لگا لی؟ کہیں اس میں بناوٹ تو نہیں؟ کہیں اس میں کچھ نقل تو نہیں آ گئی؟ مقصد یہ ہے کہ کہیں آپ نے اپنے بارے میں کوئی ایسا Impession تو Create نہیں کر دیا کہ آپ دعا کرنے والے ہیں ۔ کیونکہ جو شخص دعا کے لیے کہہ رہا ہے اس کو آپ پر یہ اعتماد کیسے ہوا کہ وہ آپ کو دعا کے لیے کہے ۔ کہیں آپ نے اپنے آپ کو غلطی سے نیک تو مشہور نہیں کر دیا ۔ اس کو کہاں سے مشاہدہ ہو گیا؟
دو طرح کے آدمی ہوتے ہیں دعا لیے کہنے والے ۔ ایک وہ شخص ہوتا ہے جس کو اشارہ ہو گیا کہ تیرے مسئلے کا حل فلاں شخص کے پاس ہے ۔ یا پھر یہ کہ وہ شخص دعا کرے تو تیرا مسئلہ حل ہو جائے گا ۔ اشارہ غائبانہ طور پر بھی ہو سکتا ہے ، خواب کے ذریعے بھی ہو سکتا ہے ۔ اس سلسلے میں ایک کہانی سن لو ۔
ایک آدمی درویش تھا ۔ اس کا ایک دوست تھا ، جو شادی شدہ تھا ۔ دوست سفر پر جانے لگا تو اس نے سوچا مَیں سفر پر جا رہا ہوں ، اپنی بیوی کو مَیں کہاں بھیجوں ۔ اس نے سوچا فلاں درویش میرے دوست ہیں ، ان کی امان میں چھوڑ جاتا ہوں ، اس طرح میں باہر کا سفر کر کے واپس آ جاؤں گا ۔ صوفی صاحب نے اس عورت سے کہا کہ تُو زنان خانے میں چلی جا ۔ اس طرح وہ شخص سفر پر چلا گیا ۔ وہ عورت زنان خانے میں رہنے لگی اور صوفی اپنی عبادت گاہ میں رہا ۔ اس نے ایک دن پانی مانگا ۔ اس کی اپنی بیوی کی بجائے اس مہمان خاتون نے اس کو پانی کا گلاس پیش کیا ۔ اب صوفی نے اس کا ہاتھ دیکھا ۔ ہاتھ کے حوالے سے ذہنی طور پر کوئی تصویر بنائی ۔ لکھنے والے لکھتے ہیں یا کہنے والے کہتے ہیں کہ اس کا تقویٰ اور تصوف کا سارا قلعہ جو تھا وہ ٹوٹ گیا ، اس طرح کے وہ محروم ہو گیا ۔ اب وہ چِلاّنے لگ گیا کہ یہ کیا ہو گیا؟ اس وقت تو سمجھ نہیں آئی کہ یہ سب کیا ہو گیا ہے ، آخر کیا واقعہ ہو گیا ہے؟ وہ بے تاب ہو گیا کہ جگنو اڑ گئے ، پرندے اڑ گئے ، خیال چلا گیا اور تصور خالی ہو گیا ۔

خیال کی نعمت سے خالی ہو جانے کے بعد انسان کو سمجھ آتی ہے کہ اس نے کیا کھو دیا ہے ۔

اگر میزبان کے پاس کھانا ختم ہو جائے تو سب سے بُرا آدمی کون ہے؟ مہمان! کیونکہ اب میزبان اس سے Avoid کرے گا ۔ جس آدمی کے پاس کھانا ختم ہو جائے وہ مہمان کو پسند نہیں کرے گا ۔ جس کے پاس بات ختم ہو جائے وہ سامع کو پسند نہیں کرے گا ۔ جس کے پاس جو چیز ختم ہو جائے وہ اس کے حاصل کرنے والوں کو پسند نہیں کرے گا ۔ یہ اصول کی بات ہے ۔ دکان ختم ہو گئی تو اب گاہک کو کیا کرنا ہے؟ گاہک تو پھر مصیبت ہے ۔

اس صوفی درویش نے محسوس کیا کہ اس کا تصوف کمزور ہو گیا ہے پھر وہ وہاں سے پریشان ہو کے نکلا ، اس چیز کی تلاش میں جو کھو گئی تھی ، ضائع ہو گئ تھی جہاں بھی گیا ، کسی نے اس کو تسلی بخش جواب نہیں دیا ۔ ایک مجذوب درویش اسے ملا ۔ اس نے کہا کہ بات یہ ہے کہ آپ کوئی چیز ضائع کر بیٹھے ہیں ۔ کہنے لگا کہ مَیں بہت کچھ ضائع کر بیٹھا ہوں ۔ اس نے کہا کہ تمہارا علاج جو ہے فلاں آدمی کے پاس ہے ، اگر وہ دعا کرے تو تیرا مسئلہ حل ہو سکتا ہے ۔ وہ اس آدمی کے پاس گیا ۔ آگے جا کے اس نے کوئی اور ہی منظر دیکھا ، وہاں دیکھا کہ ایک مجذوب قسم کا آدمی بیٹھا ہے ۔ اس کے پاس ایک چھوٹا سا خوبصورت لڑکا ہے ، وہ اس بچے سے پیار کرتا ہے ، اور اس کے پاس شراب کا پیالہ رکھا ہوا ہے ، وہ بچے کو شراب پلاتا ہے ، خود بھی شراب پیتا ہے اور اس سے پیار کرتا ہے اور بوسہ بھی دیتا ہے ۔ وہ یہ منظر دیکھ کر حیران رہ گیا ۔ صوفی نے سوچا یہاں سے واپس چلو کیونکہ یہ وہ آدمی نہیں ہو سکتا ۔ تب اس آدمی کو صوفی نے آواز دی کہ بابا کدھر جا رہا ہے ؟ اس نے کہا کہ مَیں آیا تھا کسی کام سے ، لیکن لگتا ہے کہ مَیں غلط جگہ پہ آ گیا ہوں ۔ اس نے کہا کہ تُو غلط جگہ پہ نہیں ، بلکہ صحیح جگہ پر آ گیا ہے ، مَیں تیرے لیے دعا کرتا ہوں تیرا مسئلہ حل ہو جائے گا ۔ اس بزرگ نے دعا کی اور مسئلہ حل ہو گیا ۔ صوفی کو اپنا Contact واپس مل گیا ۔

صوفی صاحب نے کہا اب ایک اور سوال پیدا ہو گیا ہے ۔ سوال اب یہ پیدا ہو گیا ہے کہ یہ کیا ہے؟ جب آپ نے میرا اتنا بڑا مسئلہ حل کر دیا تو محسن ہونے کی حیثیت سے یہ بتائیے کہ یہ کیا ہے ؟ جو آپ کر رہے ہیں یہ کیا ہے ؟ جو آپ نے میرے ساتھ کر دیا وہ کیا ہے ؟ انہوں نے کہا کہ بڑی آسان سی بات ہے ، بات یہ ہے کہ یہ میرا بیٹا اور یہ ہے شربت ۔ بچے سے پیار کرتا ہوں کہ میرا بیٹا ہے اور شربت پی رہا ہوں کہ یہ میری خوراک ہے ۔ اس نے کہا یہ سب ایسا کیوں ہے؟ دیکھنے میں تو ایسا لگتا ہے جیسے شراب پی رہے ہیں ۔ اصل میں یہ کیا واقعہ ہے؟ اس نے کہا میں نے یہ سب اس لیے رکھا ہوا ہے کہ کوئی آدمی جاتے ہوئے اپنی بیوی میرے پاس نہ رکھ جائے!
تو یہ ہیں دعا کے راز ۔

(گفتگو والیم 2، صفحہ نمبر 25، 28)
بشکریہ: محمد عاصم ممبر سٹڈی گروپ

28/02/2026

روزے کی حالت میں ٹوتھ پیسٹ استعمال کرنا کیسا؟

28/02/2026

When Should Pregnant Women Avoid Fasting?

28/02/2026

یا اللہ ایران کی حفاظت فرما۔

28/02/2026

" جڑواں بچوں کو جنم دینے والی ماں کی جان تو بچ گئی… مگر قیمت بہت بھاری تھی۔"
👇👇👇
منگل کی رات تقریباً 12 بجے ایک انتہائی تشویشناک حالت میں مریضہ ہمارے پاس لائی گئی۔ اسے پیریفری سے ریفر کیا گیا تھا۔ مریضہ ٹوئن پریگننسی (جڑواں بچوں) کے ساتھ تھی۔
ریفر ہونے سے پہلے اسے آپریشن تھیٹر لے جایا گیا تھا، لیکن وہاں اس کا بلڈ پریشر اچانک گر گیا اور حالت بگڑنے پر بغیر آپریشن کیے اسے مزید ریفر کر دیا گیا۔
جب وہ ہمارے پاس پہنچی تو اس کا نہ بلڈ پریشر ریکارڈ ہو رہا تھا، نہ پلس محسوس ہو رہی تھی۔ حالت انتہائی نازک تھی۔ دونوں بچے اُس وقت تک زندہ تھے، مگر مریضہ شدید پیٹ درد اور اندرونی بلیڈنگ کے باعث کریٹیکل ہو چکی تھی۔
بطور ٹیم انچارج ہم نے فوراً ریسسیٹیشن شروع کی۔
بلڈ ارینج کیا گیا، ایمرجنسی ٹیسٹ کروائے گئے، ادویات دی گئیں تاکہ بلڈ پریشر کسی حد تک برقرار رکھا جا سکے۔ مریضہ کو فوری طور پر آپریشن تھیٹر منتقل کیا گیا تاکہ ماں اور بچوں دونوں کو بچانے کی کوشش کی جا سکے۔
آپریشن کے دوران معلوم ہوا کہ رحم (Uterus) پھٹ چکا تھا، Ruptured Uterus۔
ٹوئن پریگننسی اور مسلسل دردوں کی وجہ سے بچہ دانی پھٹ گئی تھی اور پیٹ کے اندر کافی مقدار میں خون جمع ہو چکا تھا۔ یہی اندرونی بلیڈنگ اس کی بے ہوشی اور بلڈ پریشر گرنے کی بڑی وجہ تھی۔
ہم نے فوری طور پر دونوں بچوں کو نکالا، لیکن شدید اندرونی بلیڈنگ اور مکسڈ فلوئیڈ کی وجہ سے بچوں کو بچایا نہ جا سکا۔
مریضہ کی جان بچانے کے لیے ایمرجنسی میں اس کی بچہ دانی نکالنا (Hysterectomy) ناگزیر ہو گیا، کیونکہ بلیڈنگ بے قابو تھی۔
ایبڈومن واش کر کے کیس کلوز کیا گیا۔
یہ سارا عمل کرتے کرتے سحری کا وقت ہو چکا تھا۔ کیس انتہائی پیچیدہ تھا، لیکن الحمدللہ مریضہ کی جان بچ گئی۔ بعد میں اس کا بلڈ پریشر مستحکم ہوا اور وہ اسٹیبل ہو گئی۔

اس واقعے کا اہم پیغام:
اگر اس مریضہ کو دردیں شروع ہوتے ہی بروقت ریفر کر دیا جاتا، خاص طور پر جب:
پہلے بھی سیزیرین ہو چکے تھے
جڑواں حمل تھا
دردیں باقاعدہ آ رہی تھیں
تو شاید:
✔ بچے بھی بچ سکتے تھے
✔ رحم محفوظ رہتی
✔ کیس اتنا پیچیدہ نہ بنتا

High-risk مریضوں میں بروقت ریفرل زندگی بچا سکتا ہے۔
یہ ذمہ داری ڈاکٹرز اور ہیلتھ پروفیشنلز پر عائد ہوتی ہے کہ وہ ایسے کیسز میں تاخیر نہ کریں۔

27/02/2026

Best Iftar Foods for Pregnant Women.

26/02/2026

اس پوڈکاسٹ میں قرآن کو سمجھنے، عربی سیکھنے کی اہمیت اور آسان طریقۂ کار پر تفصیل سے گفتگو کی گئی ہے۔

ڈاکٹر زینب ملک کی ایک علمی اور فکر انگیز پوڈکاسٹ
ڈاکٹر عرفان سعید کے ساتھ ریکارڈ کی گئی ہے، جو کہ:
PhD in Quranic Sciences
ہیں اور جنہوں نے
فاضل مفتی کورس
استاد: بنیادی عربی کورس بھی کیا ہوا ہے
اور مزید بھی عربی تدریس کا عمل جاری رکھے ہوئے ہیں

📚 بنیادی عربی کورس کی خصوصیات:
• 30 آسان اور مختصر اسباق
• ہر سبق کے ساتھ قرآن کا ایک واقعہ
• متعلقہ 3 آیات کی وضاحت
• 10 بنیادی عربی الفاظ
• کہانی کے انداز میں سیکھنے کا منفرد طریقہ

یہ کورس آپ کو:
✔ عربی کے بنیادی قواعد
✔ الفاظ کا ذخیرہ
✔ قرآن کو براہِ راست سمجھنے کی صلاحیت
دینے میں مددگار ثابت ہوگا۔

🎥 کورس کا تعارف سننے کے لیے ویڈیو دیکھیں:
لنک پہلے کمنٹ میں ہے

💰 فیس:
اصل فیس: 7000 روپے
رمضان آفر: صرف 3500 روپے

📱 رجسٹریشن اور معلومات:
0305-1726099

💳 EasyPaisa / JazzCash / Meezan Bank کے ذریعے فیس جمع کروا کر رسید واٹس ایپ کریں، اور کورس ویڈیوز اور مواد حاصل کریں۔

یہ رمضان اپنے آپ کو قرآن سے جوڑنے کا بہترین موقع ہے۔

25/02/2026

Is Fasting Safe for Pregnant Women?

25/02/2026