Doctor Zainab Malik

04/01/2026

الحمدللہ!
یہ سب آپ کی محبت، اعتماد اور دعاؤں کا نتیجہ ہے 💚
میری پیاری YouTube فیملی کا دل سے شکریہ، جنہوں نے 2025 میں علم، آگاہی اور خواتین کی صحت کے اس سفر میں میرا بھرپور ساتھ دیا۔
آپ کے ویوز، لائکس، کمنٹس اور سبسکرپشنز ہی میری اصل طاقت ہیں۔
یہ کامیابی اکیلے میری نہیں، ہم سب کی مشترکہ کامیابی ہے۔
ان شاء اللہ 2026 میں بھی آپ کے لیے مستند معلومات، سادہ رہنمائی اور صحت سے بھرپور پیغامات کے ساتھ حاضر رہوں گی۔
یوں ہی ساتھ نبھاتے رہیے 💐

03/01/2026

2026 کا پہلا وعدہ: بہتر صحت کے لیے مٹھائی کو بائے بائے 👋

03/01/2026

خواتین کی صحت میں سب سے زیادہ نظر انداز کیا جانے والا مسئلہ کون سا ہے؟
🔘 ہارمونل عدم توازن
🔘 آئرن کی کمی
🔘 ذہنی دباؤ
🔘 نیند کی کمی

03/01/2026

یونیورسٹی بہاولپور میں منعقدہ تین روزہ فری میگا میڈیکل کیمپ کامیابی سے اختتام پذیر ہو گیا، جو عوامی خدمت اور باہمی تعاون کی عمدہ مثال ثابت ہوا۔ اختتامی روز صدر IUB اینٹی نارکوٹکس اینڈ ہیلتھ کیئر سوسائٹی حمید رسول نے تمام رضاکاروں اور منتظمین کی خدمات کو سراہا۔
اس موقع پر ڈائریکٹر ویمن ہیلتھ کیئر سینٹر اینڈ میٹرنٹی ہوم ڈاکٹر شیخ صفینہ صدیقی نے بھی سوسائٹی کے کردار کو قابلِ تحسین قرار دیا۔
کیمپ کے تیسرے روز معروف ماہرِ امراضِ نسواں ڈاکٹر زینب ملک نے اپنی ٹیم کے ہمراہ شرکت کی اور خواتین مریضوں کا معائنہ کیا، جس سے کیمپ کی افادیت میں نمایاں اضافہ ہوا۔
منتظمین نے IUB اسکاؤٹس، گرلز گائیڈ، سوشل ویلفیئر سوسائٹی اور دیگر معاون اداروں کا شکریہ ادا کیا۔

02/01/2026

02/01/2026

عصر کے وقت یونیورسٹی پہنچا اور ابھی گیٹ سے داخل ہی ہوا تھا کہ ایک نوجوان درخت کے نیچے ہاتھ میں تسبیح لیے کچھ پڑھ رہا تھا۔ میں قریب گیا اور پوچھا: بھائی جان ! کیا آپ بتا سکتے ہیں کہ آپ کون سا ذکر کر رہے ہیں؟ نوجوان شرافت سے بھر پور چہرے کے ساتھ بولا: امیر صاحب! مجھے کچھ زیادہ اذکار یاد نہیں ہیں، میں بس زمین و آسمان، درخت اور جانور، نباتات اور حشرات ، رات اور دن، سورج اور چاند، آسمان اور زمین کو دیکھ کر "سبحان اللہ " کہتا رہتا ہوں۔ اب میری زبان "سبحان اللہ ، سبحان اللہ" کہنے کی عادی ہوگئی ہے۔

میں اسے حوصلہ افزائی کے چند بول بول کر والسلام کہتے ہوئے سیدھا مسجد پہنچا کہ عصر کی نماز پڑھوں۔ وضو کیا اور نماز کےلیے کھڑا ہوگیا، جونہی تکبیر کہی اور پہلا جملہ بولا: سبحانك اللھم و بحمدك تو ایسے محسوس ہوا جیسے سارا وجود تسبیح میں ڈوب گیا ہو۔ اسی دوران قرآن کریم کی یہ آیت قلب و ذہن کے پردے پر ظاہر ہونے لگی :

سَبِّحْ بِحَمْدِ رَبِّكَ حِیْنَ تَقُوْمُ
اپنے رب کی حمد کے ساتھ تسبیح کرو جس وقت کھڑے ہو۔ (سورت طور: 48)

پھر رکوع کیا تو حیران رہ گیا کہ وہاں بھی سبحان ربی العظیم سکھایا گیا ہے، پھر کھڑا ہوا اور نماز کے سب سے اہم رکن سجدے میں پیشانی رکھ دی۔ اب یہ وہ حالت تھی جس کے بارے میں حدیث میں ہے کہ انسان اللہ کے سب سے زیادہ قریب ہوتا ہے۔ میں نے سوچا کہ اتنی قُربت والی حالت میں تو کوئی ایسا جملہ سکھایا جائے گا جو ساری دنیا سے مجھے کافی ہو جائے گا، اسی سوچ و بچار میں پیشانی زمین پر رکھ رہا تھا کہ زبان سے بے اختیار نکلا: سبحان ربی الاعلی۔

میں نماز پڑھ کر کلاس میں تو آ گیا لیکن ذہن "تسبیح" کے نور میں پھنسا رہ گیا۔ اس نور کے ہالے میں رہ کر قرآن و حدیث کے تسبیح والے باغ میں سیر کرتا رہا۔ ایک ایک آیت ذہن میں گھومتی چلی گئی اور سبحان اللہ کے ساتھ جوڑتی گئی۔ اب دیکھیے کہ ہمیں کہاں کہاں سبحان اللہ کہنا ہوتا ہے:

اگر لوگوں کی باتوں ، طعنوں اور جملوں سے دل تنگ ہو چکا ہے تو تسبیح کیجیے:

وَ لَقَدْ نَعْلَمُ اَنَّكَ یَضِیْقُ صَدْرُكَ بِمَا یَقُوْلُوْنَ(97)فَسَبِّحْ بِحَمْدِ رَبِّكَ وَ كُنْ مِّنَ السّٰجِدِیْنَ(98)
اور بیشک ہمیں معلوم ہے کہ ان کی باتوں سے آپ کا دل تنگ ہوتا ہے۔ تو اپنے رب کی حمد کے ساتھ تسبیح کرو اور سجدہ کرنے والوں میں سے ہو جاؤ۔ (سورت حجر)

اگر کسی مصیبت میں پھنسے ہیں اور نکلنے کی کوئی راہ دکھائی نہیں دیتی تو تسبیح کیجیے:

فَلَوْ لَاۤ اَنَّهٗ كَانَ مِنَ الْمُسَبِّحِیْنَ(143)لَلَبِثَ فِیْ بَطْنِهٖۤ اِلٰى یَوْمِ یُبْعَثُوْنَ(144)
تو اگر حضرت یونس (مچھلی کے پیٹ میں) تسبیح کرنے والے نہ ہوتے تو ضرور اس دن تک اس مچھلی کے پیٹ میں رہتے جس دن لوگ اٹھائے جائیں گے۔ (سورت صافات)

اگر آپ کو لگتا ہے کہ آپ بڑے گناہ گار ہیں ، اپنی جان پر بہت ظلم کر رہے ہیں تو تسبیح کیجیے:

لَا اِلٰهَ اِلَّاۤ اَنْتَ سُبْحٰنَكَ اِنِّیْ كُنْتُ مِنَ الظّٰلِمِیْنَ(87)
(اے سبحان اللہ !) تیرے سوا کوئی معبود نہیں، تو ہر عیب سے پاک ہے ، بیشک میں قصور وار ہوں۔ (سورت انبیاء)

اگر آپ کسی سفر میں کسی دوست کے ساتھ جا رہے ہیں تو تسبیح کیجیے:

كَیْ نُسَبِّحَكَ كَثِیْرًا(33)
(موسی علیہ السلام نے فرمایا کہ اے اللہ ! ہارون کو میرے ساتھ کر دیجیے) تاکہ ہم دونوں تیری خوب تسبیح کریں۔ (سورت طہ)

اگر آپ کو لگتا ہے کہ زندگی میں کامیابیاں ہی کامیابیاں مل رہی ہیں اور فتوحات کا زمانہ شروع ہو گیا ہے تو تسبیح کیجے:

اِذَا جَآءَ نَصْرُ اللّٰهِ وَ الْفَتْحُ(1)وَ رَاَیْتَ النَّاسَ یَدْخُلُوْنَ فِیْ دِیْنِ اللّٰهِ اَفْوَاجًا(2)فَسَبِّحْ بِحَمْدِ رَبِّكَ
جب اللہ کی مدد او ر فتح آئےاور لوگوں کو تم دیکھو کہ اللہ کے دین میں فوج فوج داخل ہو رہے ہیں تو اپنے رب کی تسبیح کرو۔

قرآن کریم کا مطالبہ ہے کہ:

وَاذْكُرْ رَبَّكَ كَثِيرًا وَسَبِّحْ بِالْعَشِيِّ وَالْإِبْكَارِ
اپنے رب کو کثرت سے یاد کرو اور شام و صبح اس کی تسبیح کرو۔

وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا
سورج طلوع ہونے سے پہلے اور غروب ہونے سے پہلے اپنے رب کی حمد کے ساتھ تسبیح کرو۔

وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ
رات کے اوقات میں بھی تسبیح کرو اور دن کے کناروں میں بھی تاکہ تم خوش ہو جاؤ۔

وَمِنَ اللَّيْلِ فَسَبِّحْهُ وَأَدْبَارَ السُّجُودِ
رات کے کچھ حصے میں بھی اللہ کی تسبیح کرو اور سجدوں کے بعد بھی۔

فَسَبِّحْهُ وَإِدْبَارَ النُّجُومِ
جب ستارے ڈوبیں تو بھی اس کی تسبیح کرو۔

وَسَبِّحْهُ لَيْلًا طَوِيلًا
رات کے لمبے وقت میں اس کی تسبیح کرو۔

یہ تسبیح ہی تو ہے جو فرشتوں کا مستقل معمول ہے، پرندوں کا صبح وشام کا ذکر ہے، انبیاء کرام علیھم السلام کےلیے حوصلہ اور تسلی ہے، اہل جنت کا مزاج ہے، انہیں جنت میں ایک تسبیح سکھائی جائے گی اور وہ اس کا ورد کرتے رہیں گے۔ زمین و آسمان اور ان کے درمیان موجود ہر چیز کی زبان تسبیح ہے۔ تسبیح سے دل مضبوط ہوتا ہے، غم مٹتے ہیں، ربِ محبت کی محبت پیدا ہوتی ہے اور سب سے بڑھ کر کہ اللہ خوش ہوتے ہیں، اسے اپنی تسبیح بہت پسند ہے۔ شاید یہی وجہ ہے کہ رسول اللہ ﷺ کسی مجلس سے اٹھتے تو سبحانک اللھم۔۔۔ کہتے، نیند سے بیدار ہوتے تو سبحان اللہ ۔۔۔۔ کہتے ، ایک مرتبہ صحابہ سے پوچھا کہ کیا آپ دن میں ایک ہزار نیکیاں نہیں کما سکتے؟ صحابہ نے کہا: وہ کیسے؟ فرمایا: سو مرتبہ سبحان اللہ کہو تو ہزار نیکیاں مل جائیں گی۔

ان سب آیات و احادیث سے معلوم ہوا کہ ایک مومن شخص کی پوری زندگی تسبیح کے گرد گھومتی ہے۔ وہ فضا میں اڑتے پرندے کو دیکھے تو سبحان اللہ، پانی کی لہروں کو ٹکراتے دیکھے تو سبحان اللہ ، خاموش جھیل کا نظارہ کرے تو سبحان اللہ، آبشاروں کا ترانہ سنے تو سبحان اللہ ، چمکتے تاروں اور مٹھاس بکھیرتے چاند کو دیکھے تو سبحان اللہ ، کوئل کی کوک سنے تو سبحان اللہ۔

وہ اٹھتا ہے تو تسبیح، سوتا ہے تو تسبیح، پریشان ہوتا ہے تو تسبیح، خوش ہوتا ہے تو تسبیح۔ اس کی زبان تسبیح کی مٹھاس چکھ لیتی ہے، دل تسبیح کا نور پا لیتا ہے، روح تسبیح سے مضبوط ہو جاتی ہے ، دماغ تسبیح سے کھل جاتا ہے اور پوری زندگی "سبحان اللہ سبحان اللہ" کہتے گزار دیتا ہے۔

اے سبحان اللہ! ہمیں تسبیح کی حقیقت سمجھا دے اور دلوں کو تسبیح سے معمور و مخمور کر دے۔

محمد اکبر

02/01/2026

اسلامیہ یونیورسٹی بہاولپور کے زیرِ اہتمام ویمن ہیلتھ کیئر سینٹر اینڈ میٹرنٹی ہوم میں تین روزہ فری میگا میڈیکل کیمپ کا انعقاد کیا گیا، جس کا مقصد عوام کو معیاری اور مفت طبی سہولیات فراہم کرنا تھا۔ یہ میڈیکل کیمپ 30 دسمبر 2025 سے یکم جنوری 2026 تک جاری رہا، جس میں سینئر اور ماہر ڈاکٹروں کی بڑی ٹیم نے خدمات انجام دیں۔

کیمپ کے دوران میڈیسن، سرجری، گائناکولوجی، فزیوتھراپی، جنرل او پی ڈی، اسکن و ڈرما، الٹراساؤنڈ، لیبارٹری ٹیسٹس، بچوں کی صحت، ہڈیوں اور جوڑوں سمیت مختلف شعبہ جات میں مریضوں کا معائنہ اور علاج کیا گیا۔ روزانہ صبح 10 بجے سے دوپہر 3 بجے تک طبی سہولیات فراہم کی گئیں

میڈیکل کیمپ کے تیسرے روز معروف ماہرِ امراضِ نسواں اور فَرٹیلٹی ایکسپرٹ ڈاکٹر زینب ملک نے بھی اپنی ٹیم کے ہمراہ شرکت کی اور خواتین مریضوں کا تفصیلی معائنہ کیا۔ ان کی موجودگی نے بالخصوص خواتین کے لیے اس کیمپ کی افادیت میں نمایاں اضافہ کیا اور بڑی تعداد میں طالبات نے اس سہولت سے فائدہ اٹھایا۔
اس کامیاب میڈیکل کیمپ کے انعقاد میں اسلامیہ یونیورسٹی بہاولپور کی انتظامیہ، ویمن ہیلتھ کیئر سینٹر اینڈ میٹرنٹی ہوم، مختلف طبی اداروں اور رضاکار تنظیموں کا کلیدی کردار رہا
اختتامی روز صدر IUB اینٹی نارکوٹکس اینڈ ہیلتھ کیئر سوسائٹی حمید رسول نے تمام رضاکاروں اور منتظمین کی خدمات کو سراہا۔
اس موقع پر ڈائریکٹر ویمن ہیلتھ کیئر سینٹر اینڈ میٹرنٹی ہوم ڈاکٹر شیخ صفینہ صدیقی نے بھی سوسائٹی کے کردار کو قابلِ تحسین قرار دیا۔

منتظمین کے مطابق یہ کیمپ عوامی خدمت، صحت کے فروغ اور سماجی ذمہ داری کا عملی مظہر تھا، اور مستقبل میں بھی ایسے فلاحی اقدامات جاری رکھنے کے عزم کا اظہار کیا گیا۔

01/01/2026

New year wishes

31/12/2025

اللہ تمہیں 2026 میں ایسی غیر معمولی ترقی عطا فرمائے کہ تمہاری کامیابی لوگوں کے لیے مثال بن جائے،
تمہاری محنت کو قبولیت ملے، رزق میں برکت ہو، عزت میں اضافہ ہو،
اور تم جہاں پہنچو وہاں خیر، سکون اور روشنی بکھر جائے۔
آمین یا رب العالمین 🤲