District Headquarter Teaching Hospital MTI, Bannu

30/08/2025

اطلاع برائے عوام و سٹاف
ڈسٹرکٹ ہیڈ کوارٹر ہسپتال بنوں کے شعبہ ایمرجنسی کی خدمات کو عارضی طور پر گیٹ نمبر 2 کے قریب بائیو میڈیکل ورکشاپ میں منتقل کیا جا رہا ہے۔

یہ اقدام شعبہ ایمرجنسی کی موجودہ عمارت کی از سرِ نو تعمیر کے باعث کیا گیا ہے۔ ہسپتال کی پرانی عمارت بڑھتی ہوئی آبادی اور مریضوں کی تعداد کے لحاظ سے ناکافی ہو چکی تھی، اس لئے ایک جدید، وسیع اور معیاری ایمرجنسی بلاک کی تعمیر کا فیصلہ کیا گیا ہے تاکہ مستقبل میں بہتر سہولیات فراہم کی جا سکیں۔

عارضی منتقلی کے ابتدائی دنوں میں عوام اور سٹاف کو کچھ مشکلات پیش آ سکتی ہیں، جس پر ہم معذرت خواہ ہیں۔ تاہم، ان مسائل کے فوری حل کے لئے ہرممکن اقدامات کئے جا رہے ہیں۔

ان شاء اللہ بہت جلد تعمیر مکمل کرکے مریضوں کو ایک سٹیٹ آف دی آرٹ ایمرجنسی ڈپارٹمنٹ فراہم کیا جائے گا۔

ہسپتال انتظامیہ
(MTI Bannu)

19/08/2025

سوشل میڈیا پر ایک پروپیگنڈا کیا جا رہا ہے کہ ڈی ایچ کیو ہسپتال بنوں میں جعلی بلز بنائے جاتے ہیں، یہ محض ایک پروپیگنڈا اور منظم سازش ہے ،

یہ بلز جعلی ہیں جنہیں ڈسٹرکٹ ہیڈکوارٹر ہسپتال بنوں کی انتظامیہ نے باقاعدہ فیک قرار دے کر واپس کر دیا ہے۔

یہ بلز متعلقہ ادارے کی طرف سے تصدیق کے لیے ڈی ایچ کیو ہسپتال انتظامیہ کو موصول ہوئے تھے، تاہم جانچ پڑتال کے بعد انتظامیہ نے انہیں جعلی ثابت کر کے باضابطہ لیٹر کے ذریعے واپس کر دیا۔

اب ہسپتال انتظامیہ کے خلاف منظم سازش کے تحت بے بنیاد پروپیگنڈا کیا جا رہا ہے، جو سراسر غلط اور حقیقت کے منافی ہے۔ اس کا ہسپتال کی انتظامیہ سے کوئی تعلق نہیں۔

--

17/08/2025

صوبے میں صحت ایمرجنسی؛ ڈسٹرکٹ ہیڈ کوارٹر ہسپتال بنوں کیلئے فوکل پرسن نامزد

ڈسٹرکٹ ہیڈ کوارٹر ٹیچنگ ہسپتال ایم ٹی آئی بنوں کی جانب سے محکمہ صحت خیبرپختونخوا کے احکامات کی روشنی میں صوبے میں صحت ایمرجنسی کے تناظر میں صو ائی کنٹرول روم قائم کیا گیا ہے جس کیلئے ہسپتال کے تین افسران کو فوکل پرسن نامزد کر دیا گیا ہے

نامزد افسران میں ڈاکٹر محمد ہارون (ڈی ایم ایس)، ڈاکٹر یونس نذر (ڈی ایم ایس) اور تیمور علی شاہ (آئی ٹی منیجر) شامل ہیں۔

ترجمان ایم ٹی آئی بنوں کے مطابق ان فوکل پرسنز کی نامزدگی کا مقصد بیماریوں کی بروقت نگرانی، فوری رپورٹنگ اور ہنگامی صورتحال میں مؤثر ردعمل کو یقینی بنانا ہے۔ ترجمان نے کہا کہ ایم ٹی آئی بنوں صحت عامہ کے تحفظ اور عوام کو معیاری طبی سہولیات فراہم کرنے کے لیے ہر ممکن اقدامات جاری رکھے ہوئے ہے۔

14/08/2025

ڈسٹرکٹ ہیڈ کوارٹر ہسپتال بنوں میں یومِ آزادی ملی جوش و جذبے کے ساتھ منایا گیا

ڈسٹرکٹ ہیڈ کوارٹر ہسپتال بنوں میں 14 اگست یومِ آزادی کے موقع پر ملی جوش و جذبے سے سرشار پُروقار تقریب کا انعقاد کیا گیا، جس میں ممبر بورڈ آف گورنرز شب نیاز خان، ہاسپٹل ڈائریکٹر ڈاکٹر نیک محمد خان، ڈائریکٹر ایمرجنسی ڈاکٹر احمد کریم ڈائریکٹر فنانس وقاص احمد اور سیکورٹی آفیسر لائق رحمان خصوصی طور پر شریک ہوئے۔

اس موقع پر ایڈیشنل ہاسپٹل ڈائریکٹر ڈاکٹر بسم اللہ خان ،ڈی ایم ایس ڈاکٹر یونس نذیر اور ڈی ایم ایس ڈاکٹر ہارون نے ان کا استقبال کیا

اس موقع پر ممبر بورڈ آف گورنرز، ہاسپٹل ڈائریکٹر اور دیگر افسران نے ہسپتال کے مختلف شعبہ جات کا دورہ کیا، عملے سے ملاقات کی اور مریضوں سے اظہار یکجہتی کرتے ہوئے ان کی عیادت کی۔ جشنِ آزادی کے سلسلے میں مریضوں اور سٹاف میں مٹھائی بھی تقسیم کی گئی۔

گفتگو کرتے ہوئے ممبر بی او جی شب نیاز خان اور ہاسپٹل ڈائریکٹر ڈاکٹر نیک محمد خان نے کہا کہ "یہ دن ہمیں قربانی، اتحاد اور خدمت کا پیغام دیتا ہے۔ بطور ادارہ ہمارا مقصد مریضوں کی بہترین خدمت اور صحت کی سہولیات میں بہتری لانا ہے، تاکہ ہم اپنے ملک کی ترقی میں اپنا کردار ادا کر سکیں۔

12/08/2025

ہاسپٹل ڈائریکٹر ایم ٹی آئی بنوں ڈاکٹر نیک محمد خان کا ڈی ایچ کیو ہسپتال کا دورہ — مختلف شعبہ جات میں انتظامات کا تفصیلی جائزہ

بنوں: ہاسپٹل ڈائریکٹر ایم ٹی آئی بنوں، ڈاکٹر نیک محمد خان نے ڈسٹرکٹ ہیڈ کوارٹر ہسپتال بنوں کا تفصیلی دورہ کیا۔ اس موقع پر انہوں نے ایمرجنسی، آؤٹ پیشنٹ ڈیپارٹمنٹس (او پی ڈیز)، وارڈز، پیتھالوجی، ریڈیالوجی اور دیگر شعبہ جات میں انتظامات کا قریب سے معائنہ کیا۔

دورے کے دوران ڈپٹی میڈیکل سپرنٹنڈنٹ (ڈی ایم ایس) ڈاکٹر یونس نذیر، ایڈیشنل ڈائریکٹر نرسنگ اظہار حسین اور آئی ٹی منیجر پیر تیمور شاہ نے اپنے اپنے شعبہ جات سے متعلق مکمل بریفنگ پیش کی۔ بریفنگ میں شعبہ جاتی کارکردگی، موجودہ سہولیات اور درپیش چیلنجز کے بارے میں آگاہ کیا گیا۔

ڈاکٹر نیک محمد خان نے انتظامی اور طبی عملے کی محنت، لگن اور پیشہ ورانہ مہارت کو سراہا۔ انہوں نے کہا کہ ایم ٹی آئی بنوں کے تحت تمام اسپتال مریضوں کو بہترین علاج اور سہولیات فراہم کرنے کے لیے کوشاں ہیں۔ اس موقع پر انہوں نے عملے کے ساتھ خوشگوار اور مثبت گفتگو کی، ان کے حوصلے بلند کیے اور مریضوں کی سہولت اور ادارے کی بہتری کے لیے مزید اقدامات اٹھانے کی ہدایات دیں۔

ایم ٹی آئی بنوں کی انتظامیہ اس عزم کا اعادہ کرتی ہے کہ مریضوں کی فلاح و بہبود، معیاری علاج اور جدید سہولیات کی فراہمی کے لیے ہر ممکن اقدامات جاری رکھے جائیں گے۔

---

01/08/2025

ڈی ایچ کیو ہسپتال بنوں میں ڈائلاسز یونٹ اور صحت کارڈ سروسز اکی 24 گھنٹے اجرا

بنوں
چیئرمین بورڈ آف گورنرز ایم ٹی آئی بنوں کی ہدایات کی روشنی میں ڈسٹرکٹ ہیڈکوارٹر ہسپتال بنوں میں ایک اہم سہولت کا آغاز کر دیا گیا ہے، جس کے تحت اب صحت کارڈ کے تحت داخلے، صحت کارڈ فارمیسی اور ڈائلیسز کا شعبہ چوبیس گھنٹے کھلا رہے گا اور مریضوں کو مسلسل سہولیات فراہم کی جائیں گی۔

ایڈیشنل ہاسپٹل ڈائریکٹر ڈی ایچ کیو ہسپتال بنوں ڈاکٹر بسم اللہ خان کا کہنا تھا کہ اس فیصلے کا بنیادی مقصد صحت کارڈ کے تحت رجسٹرڈ مریضوں کو بروقت اور بغیر تعطل علاج مہیا کرنا ہے، تاکہ وہ کسی بھی وقت ہسپتال سے مستفید ہو سکیں۔ اسی طرح رات کے اوقات میں ڈائلاسز کے مریضوں کیلئے ڈائلاسز کی خدمات کا اغاز کیا گیا ہے انہوں نے مزید کہا کہ چوبیس گھنٹے سروس کی فراہمی سے ایمرجنسی مریضوں کو فوری علاج ملنے میں مدد ملے گی جبکہ صحت کارڈ کے عمل کو مزید موثر اور فعال بنایا جا سکے گا۔

علاقے کے مختلف طبقات اور عوامی حلقوں کی جانب سے اس اقدام کو سراہا گیا ہے اور امید ظاہر کی گئی ہے کہ اس فیصلے سے صحت کی سہولیات میں بہتری آئے گی اور مریضوں کو درپیش مشکلات میں نمایاں کمی واقع ہوگی۔

25/07/2025

17/07/2025

ڈسٹرکٹ ہیڈ کوارٹر ہسپتال بنوں میں نیورو سرجری او پی ڈی کا آغاز
میڈیکل ٹیچنگ انسٹیٹیوٹ بنوں کے تحت عوامی سہولت اور علاج معالجے کی فراہمی کو مزید مؤثر بنانے کے لیے ڈسٹرکٹ ہیڈ کوارٹر ہسپتال بنوں میں نیورو سرجری او پی ڈی کا باقاعدہ آغاز کر دیا گیا ہے۔

اب ڈاکٹر محمد طاہر ہر منگل اور جمعرات کو ہسپتال میں نیورو سرجری کے مریضوں کی او پی ڈی کریں گے۔

جبکہ ان کی دیگر ذمہ داریاں جیسے کہ وارڈ راؤنڈ، او پی ڈی او ٹی اور آن کال ڈیوٹی حسب شیڈول خلیفہ گل نواز ایم ٹی آئی ہسپتال بنوں میں انجام دی جائیں گی۔

یہ اقدام ادارے کی اس پالیسی کا حصہ ہے جس کے تحت تمام ہسپتالوں میں ماہر ڈاکٹروں کی فراہمی یقینی بنائی جا رہی ہے تاکہ مریضوں کو دہلیز پر سہولیات میسر آئیں۔

ایم ٹی آئی بنوں — عوام کی خدمت میں پیش پیش

14/07/2025

تعمیراتی منصوبوں کا جائزہ

ڈائریکٹر ورکس ایم ٹی آئی بنوں احسان اللہ خان نے ڈسٹرکٹ ہیڈکوارٹر ہسپتال بنوں میں جاری تعمیراتی منصوبوں کا تفصیلی جائزہ لیا۔

اس موقع پر ڈپٹی میڈیکل سپرنٹنڈنٹ ڈی ایچ کیو اسپتال ڈاکٹر یونس نذیر، ڈائریکٹر فنانس ایم ٹی آئی بنوں وقاص خان، اور اسسٹنٹ ڈائریکٹر ورکس ڈی ایچ کیو حضرت اللہ بھی موجود تھے۔

وفد نے زیر تعمیر اہم منصوبوں ، سرجیکل ٹراما بلاک، ریجنل بلڈ سنٹر، اور بینک آف خیبر کی عمارت کا معائنہ کیا، اور کام کی رفتار و معیار کا باریک بینی سے جائزہ لیا۔

ڈائریکٹر ورکس نے متعلقہ شعبہ جات کو ہدایت کی کہ ترقیاتی کاموں کی رفتار میں مزید بہتری لائی جائے تاکہ عوام جلد از جلد ان سہولیات سے مستفید ہو سکیں۔

08/07/2025

پی ایم آئی یو ٹیم کا ڈی ایچ کیو ہسپتال بنوں کا دورہ

ڈپٹی ڈائریکٹر پی ایم آئی یو ڈاکٹر عطا اللہ اور ڈاکٹر فیصل شہزاد نے اپنی ٹیم کے ہمراہ ڈسٹرکٹ ہیڈکوارٹر ہسپتال بنوں کا دورہ کیا۔ اس دوران انہوں نے ٹراما سنٹر، کارڈیالوجی کی زیر تعمیر عمارت، آؤٹ پیشنٹ ڈپارٹمنٹس (او پی ڈیز)، ایمرجنسی، وارڈز اور دیگر اہم شعبہ جات کا معائنہ کیا۔

اس موقع پر ڈین بی ایم سی پروفیسر ڈاکٹر شبیر حسین، ہسپتال ڈائریکٹر ڈاکٹر نیک محمد، میڈیکل ڈائریکٹر ڈاکٹر فرمان اللہ وزیر اور ایڈیشنل ہسپتال ڈائریکٹر ڈاکٹر بسم اللہ خان نے معزز مہمانوں کو ہسپتال کی مجموعی صورتحال، درکار سہولیات اور موجودہ چیلنجز سے تفصیلاً آگاہ کیا۔
اس موقع پر اسسٹنٹ پروفیسر ڈاکٹر طاہر اللہ ، اسسٹنٹ پروفیسر ڈاکٹر محمد نعمان اور دیگر فیکلٹی ممبران و شعبہ جات کے سربراہان نے بھی بریفنگ دی

اس دورے کا مقصد ہسپتال میں دستیاب طبی سہولیات، جاری ترقیاتی منصوبوں اور انتظامی امور کا جائزہ لینا تھا، کیونکہ خیبرپختونخوا حکومت کی جانب سے عنقریب ریویمپنگ، تزئین و آرائش، جدید آلات کی تنصیب اور کیو سسٹم کے منصوبے شروع کیے جا رہے ہیں۔

ا ان منصوبوں پر جلد عملی کام کا آغاز ہوگا، جس سے مریضوں کو مزید معیاری اور مؤثر طبی سہولیات فراہم کی جا سکیں گی۔

دورے کے دوران ہسپتال انتظامیہ کی جانب سے مطالبہ کیا گیا کہ زیر تعمیر کارڈیالوجی بلاک میں کیتھ لیب، کارڈیالوجی سی سی یو، کارڈیالوجی وارڈ اور پی آئی سی طرز کے کارڈیالوجی سنٹر کی تکمیل کے عمل کو تیز کیا جائے، جبکہ سرجیکل ٹراما بلاک کو اے ڈی پی اسکیم میں شامل کیا جائے۔

علاوہ ازیں، سی ٹی سکین مشین کی تنصیب کو بھی جاری منصوبے کا حصہ بنانے کی سفارش کی گئی۔

اس موقع پر ایم ٹی آئی بنوں کی قیادت نے اس عزم کا اعادہ کیا کہ ادارے کی ترقی، سہولیات کی بہتری، اور مریضوں کو معیاری طبی خدمات کی فراہمی کے لیے ہر ممکن اقدامات جاری رکھے جائیں گے۔

ہسپتال میں جاری منصوبہ جات اور درپیش ضروریات سے متعلق تمام متعلقہ فورمز پر مؤثر پیروی کی جائے گی تاکہ بنوں ریجن کے عوام کو جدید اور بروقت طبی سہولیات میسر آ سکیں۔

08/06/2025

اطلاع عام

عوام الناس کو مطلع کیا جاتا ہے کہ دو معمر (بوڑھے) افراد زخمی حالت میں ڈی ایچ کیو ہسپتال لائے گئے ہیں۔ انہیں فوری طور پر ضروری طبی امداد، کھانا اور کپڑے فراہم کیے جا چکے ہیں۔

ان میں سے ایک بزرگ قوتِ گویائی سے محروم (گونگا) ہے، جبکہ دوسرا صرف پنجابی زبان بولتا ہے۔

اگر کوئی ان افراد کو پہچانتا ہو یا ان کے بارے میں معلومات رکھتا ہو، تو براہِ کرم فوری طور پر ڈی ایچ کیو ہسپتال بنوں سے رابطہ کریں۔

آپ کی ایک اطلاع ان معمر افراد کو ان کے پیاروں سے ملا سکتی ہے۔
شکریہ

07/06/2025

عید الاضحیٰ مبارک ، تمام مسلمانوں ، ایم ٹی آئی بنوں کے عملے اور ہسپتالوں میں داخل مریضوں کو عید الاضحیٰ مبارک