Pharmacist Strive KPk

20/04/2026

پاکستان فارماسسٹ ایسوسسیشن خیبر پختونخوا اور ینگ فارماسسٹ کمیونٹی کا فارماسسٹ کمیونٹی کو درپیش مسائل اور مطالبات کے حوالہ سے پشاور پریس کلب میں پریس کانفرنس۔
مطالبات:
1۔فارمیسی سروسز پالیسی کو فوری نافذ کیا جائے
2۔محکمہ صحت میں فارماسسٹ کیلئے مستقل آسامیوں کو مشتہر کیا جائے۔
3۔تحصیل سطح پر ڈرگ انسپکٹر کی تعیناتی کی جائے
4۔ ضلعی ہیلتھ آفس میں فارماسسٹ کی تعیناتی کی جائے تاکہ ادویات کی خریداری اور تقسیم شفاف اور موثر ہو۔
5۔ہسپتالوں میں کلینیکل فارمسیی سروسز فارمیکو ویجلنس اور انٹی بایوٹک ایسٹورڈ شپ پروگرامز کا آغاز کیا جائے
6۔ نئے گریجویٹ فارماسسٹ کیلئے پیڈ انٹرنشپ شروع کیا جائے۔

اگر حکومت نے مطالبات میں سنجیدگی نہیں دکھائی تو صوبہ میں احتجاج کی کال دی جائے گی ۔


Health Department, KP Chief Secretary Khyber Pakhtunkhwa Chief Minister Khyber Pakhtunkhwa Pakistan Pharmacist Association - Khyber Pakhtunkhwa Pakistan Pharmacists Association @

20/04/2026

پریس ریلیز
تیمرگرہ — 19 اپریل، دوپہر 12 بجے

ینگ فارماسسٹس کمیونٹی پاکستان اور پاکستان فارماسسٹ ایسوسی ایشن خیبر پختونخوا کے زیرِ اہتمام آج بروز اتوار تیمرگرہ پریس کلب میں ایک اہم مشترکہ پریس کانفرنس منعقد کی گئی، جس میں صوبہ بھر سے فارماسسٹس کی بڑی تعداد نے شرکت کی۔
پریس کانفرنس کا بنیادی مقصد خیبر پختونخوا میں فارمیسی سروسز پالیسی پر مسلسل تاخیر، غفلت اور عدم سنجیدگی کو بے نقاب کرنا تھا۔ مقررین نے دوٹوک الفاظ میں کہا کہ منظور شدہ پالیسی پر عملدرآمد نہ کرنا نہ صرف ایک انتظامی ناکامی ہے بلکہ عوامی صحت کے ساتھ سنگین کھیل کے مترادف ہے۔
مقررین نے اس امر پر بھی تشویش کا اظہار کیا کہ حکومت کی جانب سے ڈاکٹروں، نرسز اور اساتذہ سمیت دیگر شعبوں میں ہزاروں آسامیوں کا اجراء ایک مثبت قدم ہے، جسے فارماسسٹ کمیونٹی سراہتی ہے۔ تاہم یہ سوال اپنی جگہ قائم ہے کہ فارماسسٹس کے معاملے میں مسلسل تاخیر اور ٹال مٹول کیوں کی جا رہی ہے؟ صحت کے نظام میں فارماسسٹس کے کلیدی کردار کو نظر انداز کرنا کسی صورت قابلِ قبول نہیں۔
انہوں نے واضح کیا کہ ہزاروں رجسٹرڈ فارماسسٹس اور متعدد فارمیسی اداروں کی موجودگی کے باوجود محکمہ صحت میں ان کی عدم تعیناتی حکومتی نااہلی اور غیر سنجیدگی کو ظاہر کرتی ہے۔ اگر فارمیسی سروسز پالیسی کو اس کی اصل روح کے مطابق نافذ کیا جائے تو ادویات کی خریداری، سپلائی چین، معیاری استعمال اور مریضوں کی حفاظت میں نمایاں بہتری ممکن ہے۔
پریس کانفرنس میں اس بات پر شدید تشویش کا اظہار کیا گیا کہ ڈسٹرکٹ اور تحصیل سطح پر فارماسسٹس اور ڈرگ انسپکٹرز کی عدم موجودگی کے باعث ادویات کے معیار، دستیابی اور نگرانی کا نظام کمزور ہو چکا ہے، جس کا براہِ راست نقصان عام مریض کو ہو رہا ہے۔
مزید برآں، مقررین نے اس امر پر زور دیا کہ ہسپتالوں میں کلینیکل فارمیسی سروسز، فارماکوویجیلنس اور اینٹی بایوٹک اسٹیورڈشپ پروگرامز کا قیام ناگزیر ہے، کیونکہ یہی اقدامات ادویات کے درست استعمال، اینٹی بایوٹک ریزسٹنس کی روک تھام اور علاج کے اخراجات میں کمی کا مؤثر ذریعہ ہیں۔
پریس کانفرنس کے دوران فارماسسٹ بابر عدیل کے بہیمانہ قتل کی شدید مذمت کی گئی اور حکومت کو واضح پیغام دیا گیا کہ اس واقعے میں ملوث عناصر کو فوری گرفتار کر کے قرار واقعی سزا دی جائے، بصورت دیگر فارماسسٹ کمیونٹی خاموش نہیں رہے گی۔
اہم مطالبات:
• فارمیسی سروسز پالیسی کا فوری، مکمل اور بلا تاخیر نفاذ
• محکمہ صحت میں فارماسسٹس کی ہنگامی بنیادوں پر خاطر خواہ بھرتی
• تحصیل سطح پر ڈرگ انسپکٹرز کی فوری تعیناتی
• ڈسٹرکٹ ہیلتھ آفسز میں فارماسسٹس کی لازمی تعیناتی
• ہسپتالوں میں کلینیکل فارمیسی، فارماکوویجیلنس اور اینٹی بایوٹک اسٹیورڈشپ پروگرامز کا فوری قیام
• فارماسسٹ بابر عدیل کے قاتلوں کی فوری گرفتاری اور قرار واقعی سزا
• بابر عدیل شہید کے اہل خانہ کے لیے شہداء پیکج کا فوری اعلان
آخر میں حکومتِ خیبر پختونخوا کو واضح اور سخت الفاظ میں متنبہ کیا گیا کہ اگر مطالبات پر فوری عملدرآمد نہ کیا گیا تو فارماسسٹ کمیونٹی صوبہ بھر میں بھرپور احتجاجی تحریک شروع کرے گی، جس کی تمام تر ذمہ داری حکومت اور متعلقہ حکام پر عائد ہوگی۔
جاری کردہ:
ینگ فارماسسٹس کمیونٹی پاکستان (YPC)
پاکستان فارماسسٹ ایسوسی ایشن خیبر پختونخوا (PPA KP)

20/04/2026

20/04/2026

Press Briefing
Dir Lower

Health Department, KP Chief Secretary Khyber Pakhtunkhwa

20/04/2026

Print Media Coverage
Press Conference Dir Lower

Health Department, KP Chief Secretary Khyber Pakhtunkhwa

20/04/2026

Print Media Coverage
Press Conference Dir Lower

Health Department, KP Chief Minister Khyber Pakhtunkhwa
Chief Secretary Khyber Pakhtunkhwa

18/04/2026

فارماسسٹ کمیونٹی کا احتجاجی تحریک کا اعلان

پہلے مرحلے میں تین مقامات /اضلاع میں پریس کانفرنسز کا اعلان

پشاور
دیر
ڈیرہ اسماعیل خان

جس کی بعد مزید لائحہ عمل کا اعلان کیا جائے گا

اپنا حق ادا کریں اور اس میں شرکت کریں

18/04/2026

بابر عدیل کو انصاف دلانے کیلئے پریس کلب پشاور کی سامنے مظاہرہ
بابر عدیل کی قاتلوں کو فل فور گرفتار کیا جائے

مظاہرے کی دوران دکھ بھری لمحات
جس نےشرکاء کی آنکھوں کو نم کیا

18/04/2026

ینگ فارماسسٹ کمیونٹی پاکستان کے زیرِ اہتمام شہید بابر عدیل کی سفاکانہ قتل کے خلاف پشاور پریس کلب کے سامنے بھرپور احتجاج ریکارڈ کروایا گیا۔ اس احتجاج میں فارماسسٹ کمیونٹی،پاکستان فارماسسٹ ایسوسیسن خیبر پختونخوا، طلبہ تنظیموں ، صوبائی صدر عوامی نیشنل پارٹی محترم میاں افتخار حسین ، اور صوبائی جنرل سیکرٹری حسین شاہ یوسفزئی صاحب نے خصوصی شرکت کی اور مظاہرین سے خطاب کیا۔ اور مختلف سماجی تنظیموں کے نمائندہ گان نے شرکت کر کے شدید غم و غصے کا اظہار کیا اور حکومت و قانون نافذ کرنے والے اداروں کی مجرمانہ غفلت کی شدید مذمت کی۔
تمام شرکاء نے متفقہ طور پر مطالبہ کیا کہ شہید بابر عدیل کے قاتلوں کو فی الفور گرفتار کر کے کیفرِ کردار تک پہنچایا جائے، بصورت دیگر احتجاج کا دائرہ ملک بھر میں وسیع کیا جائے گا۔