DHQ Hospital Bhimber

02/04/2026

02/03/2026

ڈسٹرکٹ ہیڈکوارٹرز ہسپتال بھمبر میں میڈیکل سپرنٹنڈنٹ ڈاکٹر محبوب احمد چوھدری نے سحری کے وقت ایکسیڈنٹ اینڈ ٹراما سینٹر کا اچانک دورہ کیا۔

میڈیکل سپرنٹنڈنٹ نے تمام عملہ کو ہدایت کی کہ مریضوں کو مزید بہتر اور بروقت طبی سہولیات فراہم کی جائیں اور ایمرجنسی سروسز میں کسی قسم کی کوتاہی برداشت نہیں کی جائے گی۔

دورانِ وزٹ مریضوں کی جانب سے کسی قسم کی شکایت سامنے نہیں آئی، جس پر میڈیکل سپرنٹنڈنٹ نے عملہ کی کارکردگی کو سراہتے ہوئے مزید بہتری کی تلقین کی

19/02/2026

میڈیکل سپرنٹینڈنٹ ڈسٹرکٹ ہیڈکواٹر ہسپتال بھمبر ڈاکٹر محبوب احمد چوہدری اور ہاسپٹل فارماسسٹ مسٹر حسیب اللہ نئی موصول ہونے والی ادویات کا معائنہ کر رہے ہیں-
ادویات کے معیار اور ان کی فراہمی کے عمل کو تیز کیا جارہا ہے تا کہ زیادہ سے زیادہ عوام کو ادویات کی فراہمی یقینی بنائی جا سکے

18/02/2026

ڈسٹرکٹ ہیڈکوارٹر ہسپتال بھمبر کے ایم ایس ڈاکٹر محبوب احمد کشمیری نے ایمرجنسی ٹراما سینٹر اور مختلف وارڈز کا تفصیلی دورہ کیا۔ دورے کے دوران انہوں نے ایمرجنسی میں جاری انتظامات کا جائزہ لیا اور متعلقہ عملے کو ضروری ہدایات جاری کیں۔ایمرجنسی میں (او ٹی) کے شعبہ کو مزید وسیع اور جدید تقاضوں سے ہم آہنگ کیا جا رہا ہے، جس کی باقاعدہ تعمیراتی کام کا آغاز کر دیا گیا ہے۔ اس اقدام کا مقصد ایمرجنسی سروسز کو بہتر بنانا اور مریضوں کو بروقت اور معیاری طبی سہولیات فراہم کرنا ہےڈاکٹر محبوب احمد کشمیری کا کہنا تھا کہ ہسپتال میں طبی سہولیات کی بہتری اور عوام کو زیادہ سے زیادہ ریلیف فراہم کرنا ترجیح ہے، اور جاری ترقیاتی کام مکمل ہونے کے بعد مریضوں کو نمایاں سہولت میسر آئے گی۔

11/02/2026

ماہر امراضِ جوڑ (Rheumatologist) ڈاکٹر ندیم افضل نے DHQ ہسپتال بھمبر میں باقاعدہ طور پر اپنی ڈیوٹی سنبھال لی ہے۔ ان کی آمد سے ضلع بھمبر اور ملحقہ علاقوں کے مریضوں کو جوڑوں کے امراض، گنٹھیا، آرتھرائٹس، یورک ایسڈ، پٹھوں اور جوڑوں کے درد سمیت دیگر رمیٹک بیماریوں کے علاج کی جدید سہولیات مقامی سطح پر دستیاب ہو گئی ہیں۔
ترجمان کے مطابق ڈاکٹر ندیم افضل اپنی پیشہ ورانہ مہارت اور تجربے کی بنیاد پر مریضوں کو معیاری طبی سہولیات، بروقت تشخیص اور مؤثر علاج فراہم کریں گے، جس سے مریضوں کو بڑے شہروں کا رخ کرنے کی ضرورت میں نمایاں کمی آئے گی۔
ہسپتال انتظامیہ نے اس عزم کا اعادہ کیا ہے کہ عوام الناس کو بہتر، معیاری اور خصوصی طبی سہولیات کی فراہمی کے لیے تمام دستیاب وسائل بروئے کار لائے جا رہے

04/02/2026

ترجمان ڈسٹرکٹ ہیڈ کوارٹر ہسپتال بھمبر کے مطابق نو تعینات میڈیکل سپرنٹنڈنٹ ڈاکٹر محبوب احمد نے باقاعدہ طور پر ڈسٹرکٹ ہیڈ کوارٹر ہسپتال بھمبر میں اپنے عہدے کا چارج سنبھال کر فرائض کی انجام دہی شروع کر دی ہے۔
ترجمان کے مطابق محکمہ صحتِ عامہ کی مختلف ترقیاتی سکیمات کے تحت مالی سال 2024-25 اور 2025-26 کے دوران خریدے گئے الیکٹرو میڈیکل آلات جن میں ایکو کارڈیوگرافی مشینز، اینستھیزیا مشینز (Anesthesia Machines)، او پی جی مشین (OPG Machine)، آٹو کلیو (Autoclave) اور سکشن مشینز (Suction Machines) شامل ہیں، کی منظور شدہ تصریحات (Specifications) کے مطابق جانچ اور فزیکل انسپکشن کے سلسلے میں قائم اعلیٰ سطحی فزیکل انسپیکشن کمیٹی نے ڈسٹرکٹ ہیڈ کوارٹر ہسپتال بھمبر کا دورہ کیا۔
دورے کے دوران فزیکل انسپیکشن کمیٹی کے چیئرمین، ڈائریکٹر ہیلتھ سروسز ڈاکٹر محمد فاروق اعوان نے ہمراہ کمیٹی ممبران الیکٹرو میڈیکل آلات کا تفصیلی معائنہ کیا اور ان کی معیار و تصریحات کے مطابق جانچ پڑتال کی۔ اس موقع پر نو تعینات میڈیکل سپرنٹنڈنٹ ڈاکٹر محبوب احمد کو نئی ذمہ داریاں سنبھالنے پر مبارکباد دی گئی اور ان کے لیے نیک تمناؤں کا اظہار کیا گیا۔
ترجمان کے مطابق ضلع بھمبر کی سول سوسائٹی، سماجی و عوامی حلقوں، معززینِ علاقہ اور مختلف تنظیموں کے نمائندگان نے بھی ڈاکٹر محبوب احمد کو میڈیکل سپرنٹنڈنٹ کا منصب سنبھالنے پر دلی مبارکباد پیش کی اور اس اُمید کا اظہار کیا کہ ان کی قیادت میں ڈسٹرکٹ ہیڈ کوارٹر ہسپتال بھمبر میں طبی سہولیات کے معیار میں مزید بہتری آئے گی۔
آخر میں اس عزم کا اعادہ کیا گیا کہ ڈسٹرکٹ ہیڈ کوارٹر ہسپتال بھمبر میں شفافیت، معیار اور جدید طبی سہولیات کی فراہمی کو یقینی بنایا جائے گا تاکہ عوام کو بہتر، مؤثر اور معیاری علاج میسر آ سکے۔
ترجمان
ڈسٹرکٹ ہیڈ کوارٹر ہسپتال بھمبر

27/01/2026

پریس ریلیز
عوام الناس کو اطلاع دی جاتی ہے کہ 16 جنوری 2026 سے ڈی ایچ کیو ہسپتال بھمبر میں صحت کارڈ پروگرام فعال ہے۔ صحت کارڈ کے تحت اہل مریضوں کو ہسپتال میں دستیاب تمام سہولیات بلا معاوضہ فراہم کی جا رہی ہیں۔
صحت کارڈ کے تحت فراہم کی جانے والی سہولیات میں ادویات، آپریشنز، لیبارٹری ٹیسٹس، X-Ray، الٹراساؤنڈ اور دیگر سروسز شامل ہیں۔ صحت کارڈ کی تمام خدمات 24/7 دستیاب ہیں۔
صحت کارڈ سے متعلق کسی بھی شکایت کی صورت میں مریض یا مریض کے لواحقین مسٹر حسیب اللہ، فارماسسٹ، ڈی ایچ کیو ہسپتال بھمبر (فوکل پرسن صحت کارڈ) سے درج ذیل نمبر پر رابطہ کر سکتے ہیں:
03335805573
انتظامیہ
ڈی ایچ کیو ہسپتال بھمبر

04/01/2026

پریس ریلیز
بتاریخ 3 جنوری 2026 حسن ولد عدنان اشرف، جو کہ سرجیکل وارڈ میں زیرِ علاج ہیں، کے لیے پیرسیٹامول انفیوژن تجویز کیا گیا۔ مریض کے اٹینڈنٹ کی جانب سے ایمرجنسی وارڈ سے فراہم کردہ انفیوژن کو وارڈ اسٹاف نے مریض کو لگانے سے قبل معمول کے مطابق جانچا، جس کے دوران یہ معلوم ہوا کہ مذکورہ انفیوژن کی میعادِ استعمال (Expiry) نومبر 2025 میں ختم ہو چکی تھی۔ مریض کی حفاظت کو مدنظر رکھتے ہوئے انفیوژن کو ضابطہ کے مطابق ناقابلِ استعمال قرار دے کر تلف کر دیا گیا۔
واقعہ کی مکمل جانچ پڑتال اور ذمہ داری کے تعین کے لیے چار رکنی افسران پر مشتمل انکوائری کمیٹی تشکیل دی گئی ہے، جس میں DHO آفس بھمبر سے افسر کو شامل کیا گیا ہے۔
انکوائری کے دائرہ کار میں یہ بھی شامل ہے کہ ایمرجنسی وارڈ میں مذکورہ انفیوژن مؤثر میعادِ استعمال (2027) کے ساتھ وافر مقدار میں دستیاب ہونے کے باوجود expired انفیوژن مریض کے استعمال تک کیسے پہنچا۔
انکوائری کے دوران متعلقہ شعبہ جات بشمول ہسپتال فارماسسٹ Store keeper،، Incharge staff nurse, Trauma center کے حوالے سے Suspend کے لیے تحریک ڈائریکٹر جنرل ہیلتھ، مظفرآباد کو ارسال کی گئی ہے۔
ہسپتال انتظامیہ واضح کرتی ہے کہ مریضوں کی جان و سلامتی اولین ترجیح ہے اور کسی بھی سطح پر غفلت ثابت ہونے کی صورت میں ذمہ داران کے خلاف قواعد و ضوابط کے مطابق کارروائی عمل میں لائی جائے گی۔ معاملے کی حساس نوعیت کے پیشِ نظر، انکوائری کے مکمل ہو جانے تک کسی بھی قسم کی معلومات، آراء یا تبصرے سوشل میڈیا یا دیگر ذرائع پر اجاگر نہ کیے جائیں۔

02/09/2025

ایڈیشنل ڈسٹرکٹ ھیلتھ آفیسر میرپور ڈاکٹر ندیم احمد فضلداد صاحب نے ضلع بھمبر ڈسٹرکٹ ہیڈکوارٹر ہسپتال بھمبر کا وزٹ کیا، DHQ ہسپتال بھمبر کے میڈیکل سپرنٹنڈنٹ اور میڈیکل سپیشلسٹ سے انسدادِ ڈینگی کے حوالے سے مشاورت کے بعد ہسپتال میں ڈینگی آئسولیشن وارڈ قائم کر دی گئی ، ہسپتال کے شعبہ بیرونی مریضاں میں بوجہ بخار علاج معالجہ کے لئے آنے والےتمام مریضوں کے ڈینگی ڈیسک قائم کرنے کے لئے موزوں جگہ کا تعین کیا ۔ یہ ڈیسک مریضوں کی رجسٹریشن، ابتدائی اسکریننگ، رہنمائی اور روزانہ کی رپورٹنگ کے لئے مخصوص ہوگا تاکہ مریضوں کو بروقت سہولتیں فراہم کی جا سکیں۔ ڈینگی وائرس سے متاثرہ افراد میں شدید علامات کی صورت میں ہسپتال جبکہ دیگر کو گھروں میں آئسو لیٹ کیا جائے گا ،
ایڈیشنل ڈسٹرکٹ ھیلتھ آفیسر نے بھرپور تعاون پر میڈیکل سپرنٹینڈنٹ DHQ ہسپتال ڈاکٹر منصور احمد کا شکریہ ادا کیا.
عوام الناس کو ڈینگی سے بچاؤ کے لئے درج ہدایات کےحوالے سےمناسب جگہ پرپینافلیکس آویزاں کیےجائیں :آپنے گھروں اور اردگرد ماحول کوصاف ستھرا رکھیں اور گلی محلوں میں پانی جمع نہ ہونے دیا جائے مچھر دانی اور ریپیلنٹ کے استعمال کو یقینی بنایا جائے۔فل آستین کپڑے پہننے کی عادت اپنائی جائے ،بخار کی صورت میں فوری طور پر قریبی ہسپتال سے رجوع کیا جائے اور خود سے ادویات استعمال کرنے سے گریز کیا جائے گھروں اور اردگرد کے ماحول کو صاف ستھرا رکھا جائے تاکہ ڈینگی پھیلانے والے مچھر کی افزائش روکی جا سکے۔

30/08/2025

پریس ریلیز
ترجمان ڈی ایچ کیو ہسپتال بھمبر
سوشل میڈیا پر ڈسٹرکٹ ہیڈ کوارٹر ہسپتال بھمبر میں ایک قتل سے متعلق پھیلائی جانے والی خبر مکمل طور پر جھوٹی اور بے بنیاد ہے۔

ہمارے ہسپتال کے کسی بھی ملازم کے خلاف نہ تو کوئی مقدمہ درج ہے اور نہ ہی کوئی گرفتاری عمل میں آئی ہے۔

عوام سے گزارش ہے کہ ایسی بے بنیاد خبروں پر یقین نہ کریں۔ اس کے ساتھ ہی افواہیں پھیلانے والوں کو سختی سے متنبہ کیا جاتا ہے کہ آئندہ اس قسم کی غلط اور من گھڑت خبریں نہ لگائی جائیں، بصورت دیگر ان کے خلاف قانونی کارروائی عمل میں لائی جائے گی۔

انتظامیہ
ڈسٹرکٹ ہیڈ کوارٹر ہسپتال بھمبر