Arsalan Ashraf Medical Complex,Sheikh Faazil,Burewala.

02/11/2025

04/10/2025

ھمارے بہت سے محبت کرنے والے دوست احباب، شاگرد اور عزیز و اقارب ایسے ہیں جو ملاقات کے لیے آتے ہیں تو اپنے ساتھ کسی بیکری کا کیک، مٹھائی یا ریفائن آٹے (میدے) سے بنی اشیا لے آتے ہیں۔ ھم ان تمام چیزوں کے مضر صحت اثرات سے بخوبی واقف ھیں۔ ان کی وجہ سے معاشرے میں شوگر کا مرض بڑھ رہا ہے۔ پاکستان میں ہر سال 3 کروڑ لوگ شوگر میں مبتلا ہو رہے ہیں جب کہ روزانہ 300 افراد کی ٹانگ (وغیرہ) کٹ رہی ہے۔ شوگر بڑھانے والے اسباب بے حد بڑھ گئے ہیں، اگر آپ کو ھناری بات پر یقین نہ آئے تو ذرا بازار کی طرف نکل جائیے۔ آپ کو جتنی بیکریاں نظرآئیں گی، اتنی تعداد میں فارمیسیاں بھی نظر آئیں گی۔ یہ سب کچھ صرف دس سالوں میں ہوا ہے۔
ھم فرداً فرداً سب سے درخواست کرتے ھیں کہ اپنے عزیزوں کو تحفہ دیں لیکن تحفے میں زہر نہ دیں۔ کسی کے گھر جانا ہے تو بے شک کم مقدار میں ہو، اپنے ساتھ تازہ پھل، یا کوئی خالص چیز لے جائیں، اس بات سے قطع نظر کہ اس کی قیمت زیادہ ہے، تاکہ آپ کی لائی ہوئی چیز اگر کسی کے منہ میں جائے تو وہ اس کے لیے شفا کا ذریعہ بنے، شوگر جیسی خطرناک بیماری کا نہیں۔

03/10/2025

تمام میڈیکل اسٹور والے احباب سے گزارش ہے کے کہ جب بھی کوئی مریض پوچھے کہ یہ دوا کس بیماری کی ہے تو اسے کہیں کہ ڈاکٹر سے پوچھو ۔۔ یا صرف یہ کہہ دیں کہ کئی بیماریوں کے لیے ہوتی ہے کیونکہ اکثر دوائیں ہوتی ہی کئی بیماریوں کے لیے ہیں اور ہو سکتا ہے کہ جو بیماری آپ مریض کو بتائیں وہ اسے نہ ہو اور وہ دوا نہ لے جبکہ ڈاکٹر نے کسی اور مرض کے لیے وہ دوا تجویز کی ہو۔۔۔۔۔مثلا ڈسپرین سر درد کے لیے بھی اور ہارٹ اٹیک کیلئے بھی اور فالج کے لیے بھی ۔۔۔ انڈرال بلڈ پریشر کے لیے بھی ہے اور دل کی دھڑکن کے لیے بھی ۔۔۔۔۔۔اگر آپ مریض کو بتائیں گے کہ ڈسپرین سر درد کے لیے ہے تو وہ دل کا مریض یہ سوچ کر دوا چھوڑ دے گا کہ مجھے تو سر درد نہیں ۔۔۔۔۔۔۔۔۔۔۔اسی طرح Losartan
بلڈ پریشر کے لیے بھی دیتے ہیں اور ہارٹ فیل کے لیے بھی اور شوگر میں گردے بچانے کے لیے بھی ۔۔۔۔۔۔۔۔۔۔میڈیکل اسٹور والے کو نہیں پتا ہوتا کہ ڈاکٹر نے کس مقصد کے لیے دی ہے ۔۔۔اس لیے مریض کو ایسی معلومات نہ دیں جس سے وہ تجویز کردہ دوا چھوڑ دے ۔۔۔

15/09/2025

ایچ پی وی (HPV) ایک ایسا وائرس ہے جو خواتین میں سروائیکل کینسر کی سب سے بڑی وجہ ہے۔ دنیا بھر میں ہر سال لاکھوں خواتین اس بیماری کی وجہ سے جان سے ہاتھ دھو بیٹھتی ہیں۔ الحمدللہ، سائنس نے اس سے بچاؤ کے لیے ایک مؤثر اور محفوظ ویکسین دی ہے۔
عالمی ادارۂ صحت (WHO) اور امریکہ کے سینٹر فار ڈیزیز کنٹرول (CDC) دونوں اس بات کی تصدیق کرتے ہیں کہ:
ایچ پی وی ویکسین محفوظ ہے.یہ ویکسین کینسر کے خطرات کو 90٪ تک کم کرتی ہے.اسے دنیا کے 125 سے زیادہ ممالک میں لاکھوں لڑکیوں کو لگایا جا چکا ہے. پاکستان میں جو پروپیگنڈا اور جھوٹی خبریں اس ویکسین کے خلاف پھیلائی جا رہی ہیں وہ صرف عوام کو گمراہ کرنے اور ہماری بیٹیوں کے مستقبل کو خطرے میں ڈالنے کے مترادف ہیں۔ یہ ویکسین کسی سازش کا حصہ نہیں بلکہ تحقیق پر مبنی سچائی ہے اور دنیا بھر میں اس کی کامیابیاں اس کا ثبوت ہیں. اپنی بیٹیوں کو کینسر سے بچانے کے لیے ویکسین لگوائیں، افواہوں پر نہیں بلکہ سائنس پر یقین کریں۔