13/02/2026
بورےوالا(پریس کلب بورےوالا)افضل میڈیکل کمپلیکس کے زیر اہتمام فری میڈیکل کیمپ کا انعقاد 150 سے زائد مریضوں کا معائنہ کیا گیا تفصیل کے مطابق نیفرالوجسٹ ڈاکٹر نبیحہ خلیل نے افضل میڈیکل کمپلیکس کماند روڈ اڈا ڈلن بنگلہ بوریوالا میں فری میڈیکل کیمپ کا انعقاد کیا اس موقع پر ڈاکٹر ضیاء المصطفے انور، جنرل سرجن ڈاکٹر طارق بشیر،چیف ایگزیکٹو افضل میڈیکل کمپلیکس راؤ محمد افضل بھی موجود تھے فری میڈیکل کیمپ کے موقع پر 150 سے زائد مریضوں کا معائنہ کیا گیا اور انہیں لیبارٹری ٹیسٹ،الٹرا ساؤنڈ اور ادویات سمیت تمام میڈیکل سہولیات مفت فراہم کی گئیں اس موقع پر مریضوں اور ان کے لواحقین نے فری میڈیکل کیمپ کے انعقاد پر منتظمین سے اظہار تشکر کرتے ہوئے کہا کہ جدید طبی سہولیات سے آراستہ افضل میڈیکل کمپلیکس علاقے کے لوگوں کے لیے کسی نعمت سے کم نہیں ہے پسماندہ علاقے کے لوگوں کو یہاں علاج معالجے کی جدید ترین سہولیات میسر ہیں اس حوالے سے یہاں کی انتظامیہ کی کارکردگی قابل ستائش ہے۔
