RHQ Hospital Chilas

10/07/2025

06/12/2024

پریس ریلیز ۔ینگ ڈاکٹر ایسوسییشن دیامر مورخہ 6 دسمبر 2024 بمقام ڈاکٹرز ہاسٹل آر ایچ کیو اسپتال چلاس
بموقت رات سات بجے
ینگ ڈاکٹرز ایسوسی ایشن دیامر ،پاکستان میڈیکل اسیوسی ایشن دیامر پیرامیڈیکل ایسوسی ایشن دیامر کا ایک ہنگامی اجلاس ہوا
اجلاس میں آج کا کے دن اسپتال ہزا کے احاطے میں اسپتال کی زمین پر جابرانہ قبضے کی کوشش کے دوران ینگ ڈاکٹرز ایسوسی ایشن اور پی ایم اے کے نمائیندہ وفد کے ساتھ ہونے والے غیر مہزب اور توہین آمیز روئے کے خلاف بھرپور انداز میں احتجاج رکارڈ کیا گیا۔۔۔
واقعہ یوں ہے کہ اسپتال کے احاطے میں ایک لائو لشکر اور جم غفیر کی موجودگی کے پیش نظر ینگ ڈاکٹرز ایسی ایشن دیامر اور پی ایم اے کا وفد جائے وقوع پر پہنچا۔۔۔
وہاں پہ چیف جسٹس پورے جلال میں فرما رہے تھے کہ زمین تو ہماری ہے اور ہم اٹھا کہ ہی رہنگے
ہم نے شائیستہ اور مہزب انداز میں ان سے گزارش کی کہ حضور آپ اور محافظوں کے لئے زمینوں کی کیا کمی ہے،جہاں ہاتھ رکھ دے وہی لکیریں کھنچ جاتی ہے ،اس احاطے میں ایک پی ایس ڈی پی پراجیکٹ تین سو بسترو کا اسپتال شروعات تعمیر کے آخری مراحل میں ہے اور ایسے پروجیکٹس سالوں بعد آتے ہیں،اور عوامی مفادات کے لئے انتہائی اہمیت کا حامل ہے اس لئے آپ کہیں اور اپنے لئے زمین لے لیں۔۔۔۔انکا رویہ نسبتا عین انسانی تھا مگر ساتھ کھڑے ایک شاہ سے زیادہ شاہ کے وفادار ایک نامعقول شخص جو بعد میں جج ہی ثابت ہوئے انہوں نے تکبرانا اور فرعونہ لہجے میں گرجتے ہوئے کہا کہ ہم" چھوٹے ملازمین کو جوتی کی نوک پہ رکھتے ہیں"یہ جملہ ایک پڑھے لکھے طبقے کے لئے گالی سے کم نہیں ہے اور بدقسمتی سے ہم بھی اس سیگمنٹ میں ہی آتے ہیں
ہم نے انسے انکے روئے کی شدید الفاظ میں مخالفت کی اور انکو کہ دیا کہ اب" تم تیر آزمائو ہم جگر آزمائنگے". اور ہمیں سمجھ آگیی کہ کیوں اس وقت عدلیہ 140 ویں نمبر پر ہے۔
فی الحال ہم نے مشترکہ یہ فیصلہ کیا ہے کہ کل بروز ہفتہ 7 دسمبر 2024 سے اسپتال ہزا تمام او پی ڈی سروسس سے مکمل ہڑتال کا اعلان کرتے ہیں اور ان نام نہاد عدلیہ کے بڑوں سے اسعداع کرتے ہیں کہ فی الفور اسپتال آکر معافی مانگے ہم مرکزی قیادت کی مشاورت سے ہڑتال کے دائرہ کار کو گلگت بلتستان کے تمام اضلاع تک وسعت دینگے۔
ڈاکٹر محمد مشتاق مرکزی ترجمان ینگ ڈاکٹرز ایسوسی ایشن گلگت بلتستان ۔

21/11/2024

ڈاکٹر نسیم اللہ،چیف کارڈیالوجسٹ چلاس ہسپتال اور پریزیڈنٹ ینگ ڈاکٹر ایسوسییشن دیامر استورڈویژن نے پاکستان کی شعبہ صحت کی اعلی ترین ڈگری ایف سی پی ایسFCPS شعبہ امراض قلب میں مکمل کرلیا۔ اور حال ہی میں اس شاندار کامیابی کے نتیجے میں کالج اور فزیشن اینڈ سرجن پاکستان کی طرف سے،،FCPS ایف سی پی ایس کی ڈگری سے نوازا گیا . ریجنل ہیڈ کوارٹر ہسپتال چلاس کی طرف سے ڈاکٹر نسیم اللہ کو یہ اعزاز حاصل کرنے پہ مبارک باد اور خراج تحسین پیش کیا جاتا ہے۔ڈاکٹر نسیم اللہ کا تعلق دشکن استور سے ہے اور پچھلے دو سال سے چلاس ہسپتال میں اپنے خدمات انجام دے رہے ہیں۔

15/09/2024

*پریس ریلیز ینگ ڈاکٹرز ایسوسییشن دیامر استور ڈویژن*
اج ینگ ڈاکٹر ایسوسییشن دیامر استور کے صدر ڈاکٹر نسیم اللہ اور ڈاکٹر فہیم خان نے چیف منسٹر گلگت بلتستان حاجی گلبر صاحب کے ساتھ چلاس میں ایک مختصر سی ملاقات کی۔
وائی ڈی اے کے وفد نے ڈاکٹرز کنونشن میں چیف منسٹر کی طرف سے ریگولرائزیشن کے اعلان کا شکریہ ادا کیا اور ساتھ ہی انہیں اگاہ کیا کہ اعلان کے بعد اس عمل کو اگے بڑھانے کے لیے کسی قسم کی کاروائی عمل میں نہیں لائی جا رہی اور غیر ضروری طور پر تاخیری حربے استعمال کیے جا رہے ہیں۔ چیف منسٹر صاحب نے یقین دہانی کرائی کہ اسمبلی میں ایکٹ لانے کے لیے کمیٹی کا تعین کر دیا گیا ہے اور اس پہ کام ہو رہا ہے اور جلد ہی اس کے متعلق خوشخبری ڈاکٹرز کو مل جائے گی، ساتھ ہی ینگ ڈاکٹرز ایسوسییشن کے وفد نے ہارڈ ایریاز میں کام کرنے والے ڈاکٹرز کی مشکلات کے بارے میں بھی چیف منسٹر کو اگاہ کیا اور اس بابت ایک تفصیلی ملاقات کے لیے وقت دینے کی بھی گزارش کی ۔ چیف منسٹر صاحب نے تمام مسائل پہ بیٹھ کے بات کرنے اور ان کو حل کرانے کے لیے یقین دہانی کرائی۔
پریس سیکٹری ینگ ڈاکٹرز ڈاکٹرز ایسوسییشن دیامر استور .

13/09/2024

ریجنل ہیڈ کوارٹر ہسپتال چلاس کی تاریخ میں پہلی بار لیزر کے ذریعے بغیر کٹ یا چیرا لگائے انکھ کے موتیا کا کامیا اپریشن کیا گیا ۔ ڈاکٹر لطف اللہ کنسلٹنٹ ائی سرجن ،نے پہلی دفعہ چلاس میں یہ اپریشن کامیابی سے سرانجام دیا۔ یہ بات بتانا ضروری ہے کہ لیزر اپریشن کے لیے ایک خاص قسم کی مشین فیکو)phaco) درکار ہوتی ہے جو چلاس ہسپتال میں موجود نہیں ۔ ڈاکٹر لطف اللہ اپنی ذاتی کاوشوں کے ذریعے ایک مشین کا بندوبست کرنے میں کامیاب ہوئے، جس کی انہوں نے ریجنل ہیڈ کوارٹر ہسپتال چلاس میں تنصیب کی ہے۔ اور اسی مشین کے ذریعے کل یہ اپریشن کامیابی سے کیا گیا۔ لیزر کے ذریعے بغیر کٹ یا چیرے کا اپریشن اب دنیا بھر میں موتیے کے لیے رائج طریقہ علاج ہے اور تمام جدید اور بڑے ہسپتالوں میں سفید موتیہ کا اپریشن اسی مشین کے ذریعے کیا جا رہا ہے ۔ دیامر کی عوام کے لیے اپنی ذاتی کوششوں کے بعد اس مہنگے مشین کو یہاں پہ لے کے انا اور یہ مہنگا اپریشن مفت کرنے پہ ڈاکٹر لطف اللہ کو خراج تحسین پیش کرتے ہیں اور امید کرتے ہیں کہ خدمت کا یہ سلسلہ جاری رہے گا۔

23/08/2024

سیکٹری ہیلتھ گلگت بلتستان دلدار احمد ملک نے ریجنل ہیڈ کوارٹر ہسپتال چلاس کا دورہ کیا ۔ڈپٹی ڈائریکٹر ڈاکٹر انعام اللہ صاحب، میڈیکل سپریڈنڈ ہیڈ کوارٹر ہسپتال چلاس ڈاکٹر عبدالحد صاحب اور ڈی ایم ایس ڈاکٹر شکور نے ان کا استقبال کیا ۔ ان کو نئے قائم ہونے والے 200 بیڈ ہسپتال کا تفصیلی دورہ کرایا اور کام کی رفتار کے بارے میں اگاہ کیا گیا۔ بعد ازاں سیکرٹری ہیلتھ نے ہسپتال میں ڈاکٹروں کی نمائندہ تنظیم پی ایم اے کے چیئرمین ڈاکٹر صالح اور وائی ڈی اے کے صدر ڈاکٹر نسیم اللہ کی قیادت میں ہسپتال کے ڈاکٹروں سے تفصیلی ملاقات کی ۔ ہسپتال کے اور ڈاکٹروں کے مسائل سنے اور ان کے حل کے لیے موقع پہ ہی احکامات جاری کیے۔

15/08/2024

دیامر استور ڈویژن کے تمام ڈاکٹرز متوجہ ہوں۔
جیسا کہ اپ سب کو علم ہے کہ وائی ڈی اے کا کنوینشن بروز اتوار گلگت میں منعقد ہونے لگا ہے ،جس کی تمام تر تیاریاں مکمل ہو چکی ہیں۔ تمام ڈاکٹرز جن امیدوں کے ساتھ اس کنوینشن کا انتظار کر رہے تھے، اور اس کنونشن کی کامیابی کے لیے مالی طور پر سپورٹ کی تھی، وہ وقت ان پہنچا ہے ۔ وقت اگیا ہے کہ دیامر استور ڈویژن اپنی مکمل طاقت کے ساتھ اس کنونشن میں سرزمین دیامر استور کی کی نمائندگی کریں ، خصوصی طور پہ داریل تانگیر اور مختلف پیری فریز کے ڈاکٹرز اپنی شرکت کو یقینی بنائیں۔ہماری لیڈی ڈاکٹر سے بھی خاص گزارش ہے کہ اس موقع پر وہ بھی اس کنونشن کو کامیاب بنانے کے لیے اپنی موجودگی کو یقینی بنائیں ۔
ہمیں امید ہے کہ متحد رہ کے اور یک سوئی کے ساتھ ہم اس کنونشن کو کامیاب بنا سکتے ہیں اور دیامر ڈویژن کے ڈاکٹرز ایسوسییشن کی ممتاز حیثیت کو واضح کر سکتے ہیں ۔ ہمارا اتحاد دیامر استور ڈویژن کے کی کامیاب نمائندگی کی ضامن ہے اور اس اتحاد کا اظہار کنونشن کے دن ہم سب نے گلگت میں شرکت کر کے ثابت کرنا ہے۔ لیڈی ڈاکٹرز کے لیے پک اینڈ ڈراپ کی سہولت بھی دی جائے گی ۔ اپ سب کی شمولیت کا منتظر صدر ینگ ڈاکٹر ایسوسییشن دیامر استور ڈاکٹر نسیم اللہ۔

02/08/2024

صحافت ایک مقدس پیشہ ہے اور اس پیشے سے وابستہ افراد کی ذمہ داری ہے کہ وہ عوام کو بہتر اور صحیح معلومات فراہم کریں اور اس کے ساتھ عوام کو ایجوکیٹ کریں کوئی بھی ادارہ عوامی تعاون کے بغیر بہتری کے راستے پر گامزن نہیں ہو سکتا صحافت کا نام کسی سے ذاتی بغض اور عداوت کی وجہ سے اپنی انا کو تسکین پہنچانے کا نام نہیں کچھ باتِیں یقینا حق پر مبنی ہے لیکن بہت سی باتوں میں آپ نے حقائق سے روگردانی کی ہے
روزانہ کی او پی ڈی 400سے 600 تک ہوتی،300سو سے زیادہ ایمرجنسی میں مریض آتے ہیں،اگر ڈاکٹر اور دیگر سٹاف کام نہیں کر رہے تو یہ سب لوگ کیا سٹی پریس کلب والے دیکھتے؟؟
دنیا میں شعبہ صحت ایک تکون پر مشتمل ہوتا،ڈاکٹر مریض، اٹنڈنٹ اور صحت کی سہولیات،سب کو اپنے حصے کا دیا جلانا ہونا لیکن دیامر واحد خطہ ہے جہاں ہم اپنے حصے کا شمع جلائے بغیر سب کو آڑے ہاتھوں لیتے ہیں اور اس پر فخر بھی کرتے ہیں
دو ہزار سے زیر تعمیر اسپتال کی عمارت اب تک نہیں بنی کیا ہم نے آواز اٹھائی؟
کیا کسی صحافی نے عوام کو یہ سمجھانے کی زحمت کی کی ہسپتال کی چیزوں کو نقصان پہنچانا اس ہسپتال سے مستفید ہونا والے تمام افراد کا نقصان ہے؟
کیا کسی صحافی نے روزانہ کی بنیاد پر ڈاکٹرز اور سٹاف کے اوپر حملہ اور ہونے والے شر پسند عناصر کے خلاف کوئی اواز اٹھائی؟
؟
میلے کچیلے سال سے پانی کی شکل کو ترسے ہوئے بچے لے کر آتے ہیں الٹراسائونڈ کرتے ہوئے میل سائڈوں سے ٹپک رہی ہوتی ہم انکو نہیں نہلائنگے لیکن اسپتال میں صفائی ضرور کروائنگے
جگہ جگہ نسوار گرادینگے،کچرہ وہیں زمیں پر ڈال دینگے،سگریٹ کا دھواں اڑا رہے ہونگے اور اسی جگہ فرش پر پھینک دینگے لیکن صفائی ضرور مانگینگے
دیواروں پر رنگ سازی خود کرنگے لیکن صفائی ضرور مانگینگے
دنیا کا کوئی گھر،سکول،اسپتال اس وقت تک صاف نہیں ہو سکتا جب تک ہم خود صفائی کو اپنا شیوہ نہیں بنائنگے
آپ نے انٹروئو میں بڑی صفائی سے صحافتی خیانت کا مظاہرہ کیا،سیکریٹری ہیلتھ تمام گلگت بلتستان کے ہیلتھ ڈیپارٹمنٹ کا سربراہ ہونے کی حیثیت سے کسی بھی ٹائم وزٹ کر سکتا ہے اور ہیلتھ سیکرٹری کا موجودہ دورہ بھی ڈیوٹی ٹائم سے ہٹ کے سرپرائز وزٹ کا مقصد یہی تھا ڈاکٹرز اور سٹاف کی غیر موجودگی میں عوام سے براہ راست معلومات حاصل کر سکیں اور ہیلتھ سسٹم میں عوامی رائے کو مد نظر رکھتے ہوئے مزید بہتری لانے کے لیے اقدامات اٹھائے جا سکیں

28/07/2024

*چلاس ہسپتال کے ڈاکٹرز*
ڈاکٹر سید محبوب الرحمن کسی بھی تعارف کے محتاج نہیں۔ پچھلے چار سال سے بطور الٹراساؤنڈز سپیشلسٹ ریجنل ہیڈ کوارٹر ہسپتال چلاس میں اپنے خدمات انجام دے رہے ہیں۔ ڈاکٹر نواز صاحب کے ریٹائر ہونے کے بعد انہوں نے اکیلے ہی پورے چلاس ہسپتال کا ریڈیولوجی ڈیپارٹمنٹ سنبھال کے رکھا ہوا تھا۔ ڈاکٹر سید محبوب الرحمن کا تعلق ضلع غزر، پکورا چٹورکھن سے ہیے۔ مشہور عالم دین سید عبدالجلال کے فرزند ہیں۔ ابتدائی تعلیم کے تین سال چلاس سے حاصل کی جہاں ان کے والد گورنمنٹ کالج میں معلم تھے، اس کے بعد کیڈٹ کالج رزمک وزیرستان سے اپنی تعلیم حاصل کی۔ اور خیبر میڈیکل کالج پشاور سے ایم بی بی ایس کی ڈگری حاصل کی۔ بعد ازاں لیڈی ریڈنگ ہاسپٹل سے ہی ریڈیالوجی کی سپیشلائزیشن کی ۔اس کے بعد گاھکوچ میں کافی عرصے تک اپنی خدمات انجام دیتے رہے۔ جہاں سے تبادلہ گلگت ہوا۔ وہاں تقریبا تین سال اپنی خدمات سرانجام دی اور پچھلے چار سال سے چلاس میں موجود ہیں ۔ سید محبوب الرحمن اپنے کام میں ماہر اور انتہائی مخلص انسان ہیں۔وقت کی پابندی اور ہسپتال کی اوقات میں مکمل ڈیوٹی ان کا ترہ امتیاز ہے۔ ۔چاہے شدید گرمی ہو یا مریضوں کا شدید رش ڈاکٹر سید محبوب الرحمن ہمیشہ اپنے دفتر میں اپ کو موجود ملیں گے ۔چلاس ہسپتال میں دی گئی ان کی خدمات ہمیشہ یاد رکھی جائیں گی۔

26/07/2024

*پریس ریلیز ینگ ڈاکٹرز ایسوسییشن دیامر استور ڈویژن*
ریجنل ہیڈ کوارٹر ہسپتال چلاس میں بے ہوشی کے ڈاکٹر کا مسئلہ فروری سے لے کے اب تک حل نہ ہو سکا۔ ڈیپارٹمنٹ کی طرف سے غیر ذمہ دارانہ رویہ اور کچھ ڈاکٹروں کو رعایت تمام مسائل کی جڑ ہے ۔ ڈاکٹر کے ارڈرز فروری میں چلاس ہسپتال کے لیے ہوئے ہیں لیکن تاحال وہ ڈاکٹر صاحب اپنے اسٹیشن پہ نہیں ائے اس کے بعد دو مزید ڈاکٹر صاحبان کے ارڈرز ہوئے جن میں سے ایک نے ا کے جوائننگ دی اور ایک ابھی بھی غیر حاضر ہے۔ اج پھر دو مزید ڈاکٹروں کے ارڈرز ہوئے ہیں، یہ سلسلہ تب تک جاری رہے گا جب تک ڈیپارٹمنٹ نہ انے والے ڈاکٹروں کے خلاف کاروائی کر کے ایک مثال نہیں بنا لیتا۔ فروری سے اب تک پانچ مہینے گزرنے کے باوجود جو ڈاکٹر صاحب نہیں ائے کیا ان کو سروس سے معطل یا نکالنے کے لیے کوئی کاروائی کی گئی ہے،،؟ جب اپ اپنے من پسند ڈاکٹروں کو بچانے کی کوشش کریں گے تو باقی ڈاکٹروں کے لیے بھی ایک راہ فرار خود ہی مہیا کریں گے. ینگ ڈاکٹر ایسوسییشن دیامر ڈویژن حکام بالا سے بھرپور مطالبہ کرتی ہے کہ نہ صرف ان دو نئے ڈاکٹرز کی جوائننگ کو یقینی بنائیں بلکہ جن ڈاکٹر کا تبادلے کا نوٹس سب سے پہلے نکلا تھا یا تو ان کی جوائننگ لے یا ان کے خلاف محکمانہ کاروائی فوری کرے تاکہ من مانی کرنے والے ڈاکٹروں کے لیے ایک سبق ہو اور مستقبل میں چلاس ہسپتال میں ڈاکٹروں کی یہ کمی کا مسئلہ حل ہو جائے۔
میڈیا کوارڈینیٹر ینگ ڈاکٹر ایسوسییشن ڈاکٹر زیب عالم۔

28/06/2024

FCPS TRAINING RHQ HOSPITAL CHILAS
ریجنل ہیڈ کوارٹر ہاسپٹل چلاس میں ایف سی پی ایس پوسٹ گریجویشن کی ٹریننگ کے لیے اسامیوں کا اعلان کر دیا گیا ہے۔ یہ بات قابل فخر ہے کہ ریجنل ہیڈ کوارٹر ہسپتال چلاس کے چار سپیشلسٹ ڈاکٹرز کالج اف فزیشن اینڈن سرجن پاکستان کے سپروائزر لسٹ میں شامل ہیں۔ تین شعبے جن میں ٹریننگ کا اغاز کیا جا رہا ہے ان میں جنرل سرجری، میڈیسن اور آرتھوپیڈک سرجری ہیں ۔ڈاکٹر منصور، ڈاکٹر امتیاز ،سرجن ڈاکٹر اقبال اور ڈاکٹر فہیم اللہ بحیثیت سپروائزر انے والے نئے ڈاکٹرز کو ٹریڈنگ دیں گے۔
وہ تمام ڈاکٹرز جن کا پارٹ ون کا امتحان پاس ہے ،اپنی سی وی اور بمعہ پی ایم ڈی سی سرٹیفیکیٹ 8 جولائی تک اپنی درخواستیں میڈیکل سپرنٹنٹ افس ریجن ہیڈ کوارٹر ہسپتال چلاس میں جمع کرا دیں۔

27/06/2024

ڈاکٹر راجہ احسان نے ایف سی پی ایس نیفرالوجی /گردے اور مثانے کے امراض میں سپیشلائزیشن کا امتحان پاس کر لیا۔ڈاکٹر راجہ احسان کا تعلق یاسین ضلع غذر سے ہے اور پچھلے دو سال سے ریجنل ہیڈ کوارٹر ہسپتال چلاس میں اپنی خدمات انجام دے رہے ہیں۔ گردے اور ڈائلسز کی فیلڈ میں ایف سی پی ایس/اسپیشلائزیشن کرنے والے یہ گلگت کے پہلے ڈاکٹر ہیں۔ اس قابل فخر کارنامہ پہ ریجنل ہیڈ کوارٹر ہسپتال چلاس اور دیامر کی عوام کی طرف سے راجہ احسان اور ان کی فیملی کو دل کی اتھا گہرائیوں سے مبارکباد پیش کرتے ہیں۔ اور امید کرتے ہیں کہ ضلع دیامر کے عوام کی خدمت اسی جذبے سے ڈاکٹر احسان جاری رکھیں گے۔