DHQ hospital Chitral

25/04/2026

موسمِ بہار کی خوشیوں کے ساتھ ڈی ایچ کیو ہسپتال چترال لوئر میں صفائی اور خوبصورتی کو مزید بہتر بنایا جا رہا ہے۔ ہم تمام عوام سے گزارش کرتے ہیں کہ ہسپتال آتے وقت صفائی کا خاص خیال رکھیں۔

براہِ کرم ہسپتال کے احاطے کو صاف رکھیں، کوڑا کرکٹ ادھر اُدھر نہ پھینکیں اور عملے کے ساتھ تعاون کریں تاکہ سب کے لئے ایک بہتر اور صحت مند ماحول قائم رکھا جا سکے

24/04/2026

22/04/2026

آج ڈی ایچ کیو ہسپتال چترال میں میڈیکل سپرڈنڈنٹ ڈاکٹر فیاض علی رومی صاحب نے نہایت جامع اور تفصیلی روٹین راؤنڈ کیا۔ اس موقع پر انہوں نے ڈی ایچ کیو ہسپتال کے مختلف شعبہ جات کے ساتھ ساتھ ویمن اینڈ چلڈرن ہسپتال کا بھی دورہ کیا۔

راؤنڈ کے دوران ڈاکٹر صاحب نے اسٹاف کی حاضری، صفائی کے انتظامات اور او ٹی (آپریشن تھیٹر) کا خصوصی معائنہ کیا، اور مجموعی کارکردگی کو مزید بہتر بنانے کے لیے ضروری ہدایات جاری کیں۔ ویمن اینڈ چلڈرن ہسپتال میں نکاسی آب کے مسئلے کا بھی نوٹس لیا گیا، جس پر سی اینڈ ڈبلیو ڈیپارٹمنٹ کے انجینئر کے ہمراہ موقع پر جا کر نکاسی کے نظام کا جائزہ لیا اور فوری حل کے لیے اقدامات کی ہدایت کی۔

مزید برآں، آن ڈیوٹی موجود وہ اسٹاف جو اپنی وردی میں ذمہ داری کے ساتھ فرائض سرانجام دے رہے تھے، ان کی حوصلہ افزائی کے لیے ڈاکٹر فیاض علی رومی صاحب کی جانب سے بطور شاباشی کپڑے بھی تقسیم کیے گئے، جو کہ ایک مثبت اور حوصلہ افزا اقدام ہے۔

ڈی ایچ کیو ہسپتال کی انتظامیہ عوام کو معیاری طبی سہولیات کی فراہمی کے لیے ہمہ وقت کوشاں ہے، اور ایسے اقدامات ہسپتال کی بہتری اور اسٹاف کی کارکردگی میں مزید نکھار لانے کا باعث بن رہے ہیں

22/04/2026

اہم اطلاع برائے ڈس ایبل افراد

تمام درخواست گزاران کو مطلع کیا جاتا ہے کہ ڈس ایبل کمیٹی کی میٹنگ جو پہلے بروز 1 مئی مقرر تھی، چونکہ اس دن یومِ مزدور (Labour Day) کی سرکاری تعطیل ہے، لہٰذا میٹنگ کی نئی تاریخ 15 مئی 2026 مقرر کر دی گئی ہے۔

لہٰذا تمام متعلقہ افراد سے گزارش ہے کہ بروقت سوشل ویلفیئر آفس سے اپنی رجسٹریشن مکمل کروا کر مقررہ تاریخ کو ڈی ایچ کیو ہسپتال چترال میں تشریف لائیں۔

اس میٹنگ میں ڈس ایبل کمیٹی کے اراکین کے ساتھ ساتھ مستند ڈاکٹرز کا پینل بھی موجود ہوگا، جو درخواست گزاران کا معائنہ کرے گا اور رہنمائی فراہم کرے گا۔

آپ کی بروقت شرکت نہایت ضروری ہے۔

شکریہ
انتظامیہ، ڈی ایچ کیو ہسپتال چترال

21/04/2026

موسم بہار کے رنگ
DHQ Hospital Chitral Lower

20/04/2026

Emergency DHQ Hospital Chitral lower

18/04/2026

ڈی ایچ کیو ہسپتال چترال لوئر کی انتظامیہ کی جانب سے
ڈاکٹر فرمان نظار، ڈاکٹر بلال احمد، ڈاکٹر آصف علی شاہ، ڈاکٹر بشیر احمد، ڈاکٹر شبیر احمد اور ڈاکٹر شہزادہ حسین صاحب کو بی پی ایس 17 سے بی پی ایس 18 میں ترقی پانے پر دلی مبارکباد پیش کی جاتی ہے۔

یہ ترقی آپ کی محنت، قابلیت اور پیشہ ورانہ خدمات کا واضح اعتراف ہے۔ آپ نے ہمیشہ ذمہ داری، خلوص اور لگن کے ساتھ اپنے فرائض سرانجام دیے، جو کہ قابلِ تحسین ہے۔

ہمیں یقین ہے کہ آپ اپنی نئی ذمہ داریوں کو بھی اسی عزم اور دیانتداری کے ساتھ نبھائیں گے اور ادارے کی ترقی اور عوامی خدمت میں مزید اہم کردار ادا کریں گے۔

اللہ تعالیٰ آپ کو مزید کامیابیوں سے نوازے اور آپ کی خدمات کو قبول فرمائے

18/04/2026

ڈی ایچ کیو ہسپتال چترال لوئر کے معزز اسٹاف ممبر جناب جہان زیب صاحب اپنی پیشہ ورانہ ذمہ داریوں کو نہایت احسن انداز میں سرانجام دیتے ہوئے باقاعدہ ڈیوٹی وردی میں اپنی خدمات انجام دے رہے ہیں، جو کہ نہ صرف نظم و ضبط کی بہترین مثال ہے بلکہ ادارے کی ساکھ کو بھی مزید مضبوط بناتی ہے۔

ڈیوٹی وردی کسی بھی ادارے کی پہچان ہوتی ہے۔ یہ نہ صرف ایک پروفیشنل لک فراہم کرتی ہے بلکہ مریضوں اور ان کے لواحقین کے دلوں میں اعتماد بھی پیدا کرتی ہے۔ وردی میں موجود اسٹاف زیادہ منظم، ذمہ دار اور قابلِ شناخت نظر آتا ہے، جس سے سروس ڈیلیوری میں بہتری آتی ہے۔

جہان زیب صاحب کا یہ عمل دیگر اسٹاف کے لیے ایک بہترین مثال ہے۔ تمام عملے سے گزارش ہے کہ وہ بھی ڈیوٹی کے دوران مکمل وردی کا اہتمام کریں تاکہ ہسپتال کا ماحول مزید پروفیشنل، منظم اور باوقار بن سکے۔

آئیں ہم سب مل کر ادارے کی بہتری اور بہترین سروس کے لیے اپنے کردار کو مزید مضبوط بنائ

17/04/2026

میڈیکل سپرڈنڈنٹ ڈی ایچ کیو ہسپتال چترال لوئر ڈاکٹر فیاض علی رومی صاحب نے روٹین راؤنڈ کے دوران مختلف وارڈز کا دورہ کیا، جہاں انہوں نے زیرِ علاج مریضوں سے ملاقات کی۔

اس موقع پر انہوں نے مریضوں سے ہسپتال میں فراہم کی جانے والی طبی سہولیات، علاج معالجے کے معیار اور کسی بھی قسم کی کمی بیشی یا شکایات کے بارے میں تفصیل سے دریافت کیا۔

ڈاکٹر فیاض علی رومی صاحب نے متعلقہ عملے کو ہدایت کی کہ مریضوں کو بروقت اور معیاری طبی سہولیات کی فراہمی کو ہر صورت یقینی بنایا جائے اور کسی بھی شکایت کا فوری ازالہ کیا جائے۔

انہوں نے اس عزم کا اعادہ کیا کہ ہسپتال میں آنے والے ہر مریض کو بہترین طبی سہولیات کی فراہمی اولین ترجیح ہے، اور اس سلسلے میں کسی قسم کی غفلت برداشت نہیں کی جائے گی

16/04/2026

آج ڈی ایچ کیو ہسپتال چترال لوئر میں میڈیکل سپرنٹنڈنٹ ڈاکٹر فیاض علی رومی صاحب کی زیرِ صدارت تمام ہیڈ آف ڈیپارٹمنٹس کی کوارٹرلی میٹنگ منعقد ہوئی۔

میٹنگ میں ہسپتال کے مختلف شعبہ جات کی کارکردگی، درپیش مسائل، سہولیات کی بہتری، مریضوں کو فراہم کی جانے والی طبی خدمات کے معیار، اور آئندہ سہ ماہی کے اہداف پر تفصیلی گفتگو کی گئی۔ ڈاکٹر فیاض علی رومی صاحب نے تمام شعبہ جات کے سربراہان کو ہدایت کی کہ وہ باہمی تعاون، ذمہ داری اور پیشہ ورانہ جذبے کے ساتھ عوام کو بہترین طبی سہولیات کی فراہمی یقینی بنائیں۔

انہوں نے اس بات پر زور دیا کہ ہسپتال میں نظم و ضبط، صفائی، ادویات کی دستیابی، اور مریضوں کی بروقت دیکھ بھال کو اولین ترجیح دی جائے تاکہ عوام کو معیاری اور بروقت طبی سہولیات میسر آ سکیں۔

کوارٹرلی میٹنگ کا مقصد ہسپتال کے انتظامی و طبی امور کا جائزہ لینا اور خدمات کے معیار کو مزید بہتر بنانا تھا، تاکہ ڈی ایچ کیو ہسپتال چترال لوئر عوام کی توقعات پر پورا اتر سکے۔

ڈی ایچ کیو ہسپتال چترال لوئر کی انتظامیہ عوام کو معیاری طبی سہولیات کی فراہمی کے لیے پرعزم ہے۔

15/04/2026

میڈیکل سپرنٹنڈنٹ ڈی ایچ کیو ہسپتال چترال لوئر، ڈاکٹر فیاض علی رومی صاحب نے اپنی ذمہ داریوں کو احسن طریقے سے سرانجام دینے والے کلینیکل ٹیکنیشن (پیتھالوجی) مسٹر حنیف اللہ کی خدمات کو سراہتے ہوئے انہیں اپریسیشن سرٹیفکیٹ سے نوازا۔

اس موقع پر ڈاکٹر فیاض علی رومی صاحب نے مسٹر حنیف اللہ کی ایمانداری، محنت اور پیشہ ورانہ صلاحیتوں کو خراجِ تحسین پیش کرتے ہوئے انہیں شاباش دی اور دیگر عملے کے لیے ایک مثال قرار دیا۔

تقریب کے دوران ڈپٹی میڈیکل سپرنٹنڈنٹ ڈاکٹر اسرار الدین صاحب بھی موجود تھے، جنہوں نے بھی مسٹر حنیف اللہ کی کارکردگی کو سراہا اور ان کے جذبۂ خدمت کو قابلِ تقلید قرار دیا۔

ہسپتال انتظامیہ کی جانب سے اس عزم کا اعادہ کیا گیا کہ محنتی اور مخلص عملے کی حوصلہ افزائی کا سلسلہ جاری رکھا جائے گا تاکہ ادارے میں مزید بہتری اور مریضوں کو بہترین سہولیات کی فراہمی یقینی بنائی جا سکے