Dr. Zaib Un Nisa Consultant Gynecologist

03/07/2025

دودھ سے الرجی سننے میں عجیب لگ سکتی ہے، لیکن حقیقت یہ ہے کہ بہت سے بچوں کو یہ مسئلہ درپیش ہوتا ہے۔ اس کیفیت کو "کاؤ ملک پروٹین انٹولرنس" (CMPI) کہا جاتا ہے، جس میں بچے کے جسم کا مدافعتی نظام گائے کے دودھ میں موجود مخصوص پروٹینز کو برداشت نہیں کر پاتا اور مختلف علامات ظاہر ہونے لگتی ہیں۔ یہ علامات عام طور پر پیدائش کے چند ہفتوں کے اندر ظاہر ہو سکتی ہیں، خاص طور پر ان بچوں میں جو فارمولا دودھ یا گائے/بھینس کا دودھ استعمال کرتے ہیں۔

مکمل ماں کے دودھ پر موجود بچوں میں یہ علامات اس وقت سامنے آتی ہیں جب ماں کی خوراک میں دودھ یا دودھ سے بنی اشیاء شامل ہوں۔

علامات میں مسلسل قے آنا، ڈائریا، پاخانے میں خون آنا، وزن نہ بڑھنا، پیٹ میں درد یا کالک، جلد پر دانے، ایکزیما اور سانس لینے میں دقت شامل ہو سکتی ہیں۔
یہ یاد رکھنا ضروری ہے کہ یہ حالت لیکٹوز انٹولرنس نہیں ہے، کیونکہ یہاں مسئلہ شکر (لیکٹوز) سے نہیں بلکہ پروٹینز سے ہوتا ہے۔ اس کا علاج بچے کی غذائی ضروریات کو سمجھ کر کیا جاتا ہے۔ اگر ماں کا دودھ دستیاب ہو تو وہ سب سے بہتر انتخاب ہے، البتہ اگر ماں کے دودھ کے ذریعے بھی یہ پروٹین بچے تک پہنچ رہی ہو تو ماں کو اپنی خوراک سے دودھ اور اس سے بنی اشیاء کو مکمل طور پر نکالنا پڑتا ہے۔
بعض اوقات خصوصی فارمولہ دودھ (hypoallergenic formula) استعمال کروایا جاتا ہے، جس میں پروٹینز توڑ دی گئی ہوتی ہیں تاکہ بچے کا جسم انہیں قبول کر سکے۔ اچھی بات یہ ہے کہ اکثر بچے ایک سال کی عمر تک اس الرجی سے باہر آ جاتے ہیں، جبکہ بعض بچوں کو مکمل طور پر صحت یاب ہونے میں دو سے تین سال لگ سکتے ہیں۔
Copied

30/05/2025

فارمولا دودھ کے بارے میں عام سوالات اور ان کے جوابات

1. فارمولا دودھ کے لیے کون سا پانی استعمال کریں؟
صاف، فلٹر کیا ہوا یا اُبالا ہوا پینے کے قابل پانی استعمال کریں۔

2.فارمولا دودھ بنانے کے لیے پانی کو ابالنا ضروری ہے؟
جی ہاں، ایک منٹ تک پانی کو ابالیں، خاص طور پر اگر نل کا پانی ہو یا بچہ 6 ماہ سے چھوٹا ہو۔

3. پانی گرم ہونا چاہیے یا ٹھنڈا؟
نیم گرم پانی بہتر ہے۔ انگلی یا کلائی پر ٹیسٹ کریں – گرم محسوس نہ ہو تو درست ہے۔

4. فارمولا میں کتنا پانی ڈالیں؟
فارمولا ڈبے پر دی گئی ہدایات کے مطابق درست مقدار میں پانی شامل کریں۔

5. فارمولا دودھ کب تک قابل استعمال ہے؟

کمرے کے درجہ حرارت پر: 1 گھنٹہ

فریج میں: 24 گھنٹے

اگر بچہ نِپّل سے پی چکا ہو: دوبارہ نہ دیں، 1 گھنٹے میں ضائع کریں۔

6. اگر دودھ فریج یا فریزر میں ہو تو گرم کیسے کریں؟
بوتل کو گرم پانی کے پیالے میں رکھ کر نیم گرم کریں، مائیکروویو استعمال نہ کریں۔

7. ٹِن بمقابلہ کارڈ بورڈ پیکنگ؟
ٹِن زیادہ محفوظ، نمی اور جراثیم سے بچاؤ کے لیے بہتر۔ کارڈ بورڈ ہلکی مگر جلد خراب ہو سکتی ہے۔

8. فارمولا دودھ کتنی بار دیا جا سکتا ہے؟
ہر 2–3 گھنٹے بعد، بچے کی بھوک اور عمر کے مطابق۔

9. کیا فارمولا میں شہد یا چینی ڈال سکتے ہیں؟
نہیں، ایک سال سے کم عمر بچوں کو شہد دینا خطرناک ہے، اور چینی کی ضرورت نہیں۔

10. اگر بچہ فارمولا نہیں پی رہا تو کیا کریں؟
دودھ کا درجہ حرارت، نِپّل کا سائز، اور فارمولا کا ذائقہ چیک کریں۔ اگر مسئلہ برقرار رہے تو ڈاکٹر سے رجوع کریں۔

11. کیا فارمولا دودھ میں دوا ملائی جا سکتی ہے؟
صرف ڈاکٹر کے مشورے سے۔ کچھ دوائیں فارمولا میں مؤثر نہیں رہتیں۔

12. فارمولا کھلنے کے بعد کتنے دن قابلِ استعمال ہوتا ہے؟
عموماً 4 ہفتے (28 دن)۔ خشک، ٹھنڈی جگہ پر محفوظ کریں۔

13. سفر کے دوران فارمولا دودھ دینا محفوظ ہے؟
جی ہاں، اگر صاف پانی اور جراثیم سے پاک بوتل ساتھ ہو۔ بہتر ہے دودھ موقع پر تیار کریں۔

14. کیا ہر برانڈ کا فارمولا ایک جیسا ہوتا ہے؟
نہیں، ہر برانڈ اور اسٹیج مختلف غذائی اجزاء رکھتا ہے۔ ڈاکٹر کی رہنمائی سے منتخب کریں۔

15. فارمولا دودھ سے گیس یا قبض ہو سکتی ہے؟
کچھ بچوں کو حساسیت ہو سکتی ہے۔ ایسی صورت میں برانڈ تبدیل کرنے یا ڈاکٹر سے مشورہ لینے کی ضرورت ہوتی ہے۔

16. فارمولا کے ساتھ اضافی پانی دینا ضروری ہے؟
6 ماہ سے کم بچوں کے لیے نہیں۔ 6 ماہ بعد تھوڑا پانی دیا جا سکتا ہے۔

17. کیا فارمولا سے قوتِ مدافعت کم ہوتی ہے؟
ماں کا دودھ بہترین ہے، لیکن فارمولا بھی محفوظ اور متوازن غذائیت فراہم کرتا ہے۔

18. فارمولا کے ساتھ وٹامنز دینا ضروری ہے؟
بعض اوقات وٹامن D یا آئرن کی کمی ہو سکتی ہے۔ ڈاکٹر سے مشورہ کریں۔

19. استعمال شدہ فارمولا دوبارہ استعمال ہو سکتا ہے؟
نہیں، ایک بار نِپّل لگنے کے بعد جراثیم داخل ہو جاتے ہیں۔ 1 گھنٹے کے اندر ضائع کریں۔

20. فارمولا خراب ہو تو کیسے پہچانیں؟
عجیب بو، رنگ میں فرق یا نمی لگنے پر فوراً ضائع کریں۔ ایکسپائری تاریخ چیک کریں۔

21. عمر کے ساتھ فارمولا تبدیل کرنا چاہیے؟
جی ہاں، Stage 1, 2, 3 فارمولا بچوں کی عمر اور غذائی ضروریات کے مطابق ہوتے ہیں۔

16/01/2024

07/11/2023

ہماری ماؤں اور بہنوں کے نام ایک تحریر
صلی اللہ علیہ وآلہ وسلم کے بعد نبوت کا ہمیشہ کے سلسلہ ختم ہوگیا مگر انسانیات کی رہبری اور دین کی ترویج کا ذمہ امت محمدی صلی اللہ علیہ وآلہ وسلم پر آگیا۔اب وقت کے فرعونوں سے مظلوموں کو بچانے کہ لیے موسیٰ علیہ السلام نے نہیں آنا،یہ ذمہ داری امت مسلمہ کے سر ہے ۔آج فلسطینیوں پہ جو ظلم وبربریت کے پہاڑ توڑے جارہے ہیں اس پہ امت مسلمہ جس مجرمانہ بے حسی کا مظاہرہ کررہی ہے یہ اس بات کا منہ بولتا ثبوت ہے کہ ہماری نسلوں کی تربیت میں بہت بڑی کوتاہیاں سرزد ہورہی ہیں ۔ اگر ہم ٹھیک سے study کریں تو معلوم ہوگا کہ اسلام نے عورت پہ گھر چلانا،پیسے earn کرنا یا سسرال اور شوہر کی خدمت،گھر کے کام ،کھانے پکانے وغیرہ کی زمہ داری نہیں ڈالی،اسلام نے عورت پہ صرف اور صرف ایک ذمہ داری ڈالی ہے اور وہ ہے بچوں کی اچھی تعلیم و تربیت کی اور اسی کہ اوپر اس سے سوال ہوگا۔۔ ہماری ماؤں کو بچوں کی پرورش کے دوران یہ بات مد نظر رکھنی چاہیے کہ ہمارے بچوں کا کام یہودیوں ،نصارا کے بچوں کی طرح صرف اچھے گریڈز لینا،اچھی پوزیشن حاصل کرنا ،یا اچھا گھر یا رشتہ لینا نہیں بلکہ اسکے ساتھ ساتھ دین کی ترقی وترویج اور مظلوم کی مدد کرنا بھی ہے اور اللہ تعالیٰ سورہ نساء میں فرماتے ہیں کہ
"اور تم کو کیا ہوا ہے کہ خدا کی راہ میں اور اُن بےبس مردوں اور عورتوں اور بچوں کی خاطر نہیں لڑتے جو دعائیں کیا کرتے ہیں کہ اے پروردگار ہم کو اس شہر سے جس کے رہنے والے ظالم ہیں نکال کر کہیں اور لے جا۔ اور اپنی طرف سے کسی کو ہمارا حامی بنا۔ اور اپنی ہی طرف سے کسی کو ہمارا مددگار مقرر فرما"
دین سے دوری ہی کی یہ وجہ ہے کہ آج ایک بلین ناکارہ مسلمانوں کی نسل تیار ہے جو تیل کے بے پناہ وسائل ،ایٹم بم اور بڑی بڑی فوجیں رکھ کہ بھی مظلوم بچوں اور عورتوں اور مردوں کو مولی گاجر کی طرح کٹتا تو دیکھ رہے ہیں مگر ان ایک بلین سے ہر ایک یہی کہتا ہے کہ میں اکیلا کیا کرسکتا ہوں. ان کے دلوں میں دنیا کی محبت اور اسکی آسائشیں اتنا گھر کر چکیں ہیں کہ ان میں سے کوئی بابر یا صلاح الدین ایوبی بننے کو تیار نہیں جبکہ شہادت کی موت تو وہ ہے جسکے لیے اللہ کے محبوب صلی اللہ علیہ وسلم دعا کیا کرتے تھے ،جسکی طلب میں امت مسلمہ کے کامیاب ترین سپہ سالار جنہوں نے آج تک کوئی جنگ نہیں ہاری تھی حضرت خالد بن ولید رضی اللہ عنہ عمر کے آخری حصہ میں رویا کرتے تھے کہ شہادت کو میں نے موت کی گھاٹیوں میں تلاش کیا مگر آہ میری موت بستر پر لکھی ہے ۔ ہمیں اپنے بچوں میں موت کا خوف ختم اور مظلوم کی مدد کا جذبہ پیدا کرنا ہوگا۔موت اللہ سے ملاقات کا نام ہے اگر مظلوم کی مدد کرے آتی ہے تو۔شہید اللہ تعالیٰ کے انعامات دیکھ کہ دعا کرے گا کہ مجھے بار بار دنیا میں بھیجیں اور بار بار اللہ کی راہ میں جان قربان کرکے آوں۔
مجھے آج بھی وہ مقا لمہ اچھی طرح یاد ہے جوطالبان اور اسکے خیر خواہوں کہ دوران ہوا تھا۔ تب میں اسکول going بچی تھی۔انہیں ہر طرح سے دھمکایا جارہا تھا کہ امریکہ سپر پاور ہے،اپنی پوری تیاری کے ساتھ،اپنے سارے جنگی ساز و سامان،طیاروں کے ساتھ آ رہا ہے(افغان آرمی کا عالمی پابندیوں کی وجہ سے غربت سے یہ حال تھا کہ سائیکل پہ گھوم رہی ہوتی تھی) ۔ انہیں ڈرایا دھمکایا گیا کہ آپ کمزور لوگ ہیں وہ بم برسا برسا کے آپ کی پوری قوم کو پہاڑوں میں دفن کردے گا تم لوگوں کی اینٹ سے اینٹ بجا دے گا،پتھر کے دور میں چلے جاوگے ۔مگر انکا ایک ہی جواب تھا کہ ہمارے ساتھ ہمارا رب ہے اور وہی سب سے بڑی سپر پاور ہے ہمیں اسی پہ بھروسہ ہے۔ پھر پوری دنیا نے دیکھا امریکہ کہتا تھا کہ افغانستان میں کوئی حکومت طالبان کے ساتھ اشتراک کیے بنا نہیں بن سکتی،اور امریکہ انکے ہاتھوں حکومت دے کہ مشکلوں سے جان چھڑا کے بھاگا۔ اور ہمیشہ اس بات کو یاد رکھیں اور اپنے بچوں کو ذہن نشین کرائیں کہ "دل شکستہ نہ ہو ، غم نہ کرو تم ہی غالب رہو گے اگر تم مومن ہو "(3:139)

12/10/2023

کچھ سالوں پہلے بے اولاد جوڑوں کے لیے انفر ٹیلیٹی(infertility) کا لفظ استعمال کیا جاتا تھا جو کہ کافی مایوسی show کرتا تھا اور بے بسی کی علامت تصور کیا جاتا تھا مگر اب دور جدید میں نیو ٹیکنیکسں کی کامیاب ایجادات بدولت یہ ممکن ہوا ہے کہ اس word کو ریپلیس کرکے سب فر ٹیلیٹی( subfertilty) کردیا گیا ہے جسکا مطلب یہ کہ ان میں couples میں نیچرل conceive کرنے کی صلاحیت باقی لوگوں سے تھوڑی سی کم ہوتی ہے مگر وقت کے ساتھ اور تھوڑی کوشش سے یہ اولاد کی نعمت حاصل کر لیتے ہیں۔ بچے نہ ہونا، باربار بچے ضائع ہونا،فوت ہونا قابلِ علاج مرض ہے۔بس آپ کو کوشش جاری رکھنی ہوتی اور بہتر اسپشلسٹ ڈاکٹر سے گائیڈنس چاہیے ہوتی ۔میں نے ڈیرہ غازی خان میں گیارہ ماہ کی لیمیٹڈ پریکٹس میں 7 ایسی خواتین کو ٹریٹ کیا جنکے پاس کوئی بچہ نہیں تھا یا انکے پانچ ،چھ چھ بچے بار بار ضائع یا فوت ہو رہے تھے ۔الحمدللہ آج سب ایک صحت مند بچے کی ماں ہیں۔ اس میں سو میں سے سو فیصد کامیابی ملی۔ اسی طرح دو ایسی بے اولاد خواتین کو ٹریٹ کیا جنہوں نے اللہ کے حکم سے اور میری کوشش سے پہلی بار conceive کیا۔مختصر یہ کہ اللہ کی رحمت بہت وسیع ہے وہ بس ہم سے کوشش مانگتا ہے اور پھر نواز دیتا۔مایوس نا ہوں بس کوشش کریں۔
تحریر: ڈاکٹر زیب النساء کنسلٹنٹ گائنا کالوجسٹ

03/10/2023

کیا آپ جانتے ہیں کہ عالمی ادارہ صحت کی گائیڈ لائنز میں ترقی پذیر ممالک جن میں پاکستان،انڈیا،بنگلہ دیش وغیرہ آتے ہیں ان کو ہدایت کی گئی ہے کہ ایچ آئی وی(ایڈز) تک کی مریضہ کے لیے لازم ہے کہ بچے کو باہر کے دودھ کے بجائے اپنا دودہ پلائے باہر کے سے بلکل اجتناب کرے۔ جبکہ اگر مریضہ علاج پہ نہیں تو بچے میں ایچ آئی وی منتقل ہونے کا تناسب 15 فیصد تک چلا جاتا ہے اور یہ ایک اچھا خاصہ تناسب ہے ۔اس بات سے ظاہر ہوتا ہے کہ ماں کا دودھ بچے کے لیے کتنا ضروری ہے اور باہر کا دودھ کتنا مضر صحت ہے کہ ایڈز جیسے موذی مرض سے بچہ کچھ سال زندھ رہ جائے گا مگر باہر کے دودھ سے بچے کا survival بہت مشکل ہوجاتاہے۔

09/09/2023

رکنی بلوچستان میڈیکل کیمپ

03/09/2023

ہمارے ہاں پاکستان میں پرانا concept ہے کہ مرد سرجن زیادہ قابل اور لائق ہوتے جبکہ جدید تحقیق بتاتی ہے کہ female سرجن یا ڈاکٹر سے treat ہونے والے مریض زیادہ survive کرتے اور ٹھیک ہوتے ہیں کیونکہ وہ زیادہ کئیر فل ہوتی ہیں۔

30/08/2023

بچوں کا طبی معائنہ بڑوں سے بہت مختلف ہوتا ہے کیونکہ بچے بڑوں کی طرح اپنی بیماری اور علامات کا اظہار نہیں کر سکتے۔ ہم ایک ماہر اطفال ہونے کے ناطے بچے کی بیماری کی تشخص والدین کی طرف سے دی جانے والی تفصیلات اور زیادہ تر بچے کے طبی معاٸنہ پر کرتے ہیں۔
مکمل طبی معائنے کے لیے بچے کا معاٸنہ کے دوران پرسکون اور آرام دہ ہونا ضروری ہے۔ روتے ہوئے بچے کا معاٸنہ کرنا بہت مشکل ہوجاتا ہے۔
ہمارے معاشرے کا ایک عام رواج یہ ہے کہ ہم اپنے بچوں کو ڈاکٹروں سے ڈراتے ہیں جیسے اکثر مائیں بچوں کو ڈراتی ہیں ہیں کہ ڈاکٹر آپ کو انجکشن لگادے گا یا ڈاکٹر آپ کو آپریشن کے لیے لے جائے گا۔ یہ چیزیں بچوں میں ڈاکٹر سے فوبیا اور خوف پیداکرتی ہیں ۔ وہ جب بھی ڈاکٹر کے پاس جائیں گے یاڈاکٹر کو دیکھیں گے تو رونادھونا شروع کردیں گے۔ زیادہ تر وقت ڈاکٹر خود انجیکشن نہیں لگارہے ہوتے بلکہ نرس یا ڈسپنسر لگاتے ہیں لیکن پھر بھی انجیکشن کے ساتھ ڈاکٹر سے جڑنے کا یہ رواج ان کے ذہنوں میں ڈاکٹر کے لیے خوف پیدا کرتا ہے۔
والدین کے لیے پیغام یہ ہے وہ بچوں کو ڈاکٹر کی انجیکشن یا آپریشن کرنے والا بنا کر نہ پیش کریں بلکہ انکی اچھی تصویر بناٸیں۔ ہاسپٹل یا کلینک میں کھلونے اور پیاری تصاویر لگی ہونی چاٸیے تاکہ بچہ ان میں مگن رہے۔
اگر آپ کا بچہ معائنے کے دوران پرسکون رہے گا تو ڈاکٹر کو مناسب تشخیص اور بچے کا اچھا علاج کرنے میں مدد ملے گی۔
Copied

06/08/2023

ایمرجنسی اور حادثات میں ہیلی کاپٹر کی ضرورت ہوتی ہے۔
جس طرح کا آج نوابشاہ کے قریب ٹرین حادثہ ہوا ہے اور اب تک 33 لوگوں کی جانیں گٸی ہیں اور 100 سے زیادہ مسافر زخمی ہوٸے ہیں ۔ اور زخمیوں کو ابھی تک کچے پکے راستوں کی مدد سے نوابشاہ ہسپتال لیکر جا رہے ہیں ۔ کتنا اچھا ہو کہ حکومت ایسی ایمرجنسی کنڈیشن میں ہیلی کاپٹر کا استعمال کرے اور فوری طور پر زخمیوں کو ملک کے بڑے ٹیچنگ ہسپتالوں میں پہنچایا جاٸے تا کہ ان کی زندگی بچاٸی جا سکے۔ یاد رکھیں ایکسیڈنٹ سے لیکر ہسپتال تک کا ٹائم اہم ہوتا ہے , اور پھر کچھ مریض ایسے ہوتے ہیں جن کو دل یا دماغ کی ایسی چوٹ لگی ہوتی ہے جس کے لیئے مریض کو گھنٹوں میں نہیں بلکہ منٹوں میں ہسپتال تک پہنچانا لازمی ہوتا ہے تا کہ جان بچ سکے . باقی حکمرانوں کی عیاشیوں کے لیٸے تو ہیلی کاپٹر موجود ہوتا ہے۔ کسی جگہ بھی سیاسی پارٹی کا جلسہ ہو , وہاں لیڈر صاحب نے ہیلی کاپٹر پر آنا ہوتا ہے۔ باہر کے ملکوں میں ایئر ایمبولنس کا کنسیپٹ موجود ہے جس میں ضرورت کے وقت حادثات کی جگہ ہیلی کاپٹر سے مریضوں کو ریسکیو کیا جاتا ہے اور ان کی زندگی بچائی جاتی ہے ..

Courtesy; Dr. Mujeeb.