Rehman Dawakhana

12/04/2025

Great persons🥰❤️👍https://www.youtube.com/watch?v=dm46ebrABFw

28/01/2025

20/02/2024

خریدار اور سیلز مین کے درمیان سودا ہونے سے پہلے ایک لمحہ آتا ہے جب خریدار یہ طے کر چکا ہوتا ہے کہ میں نے اب یہ چیز خریدنی ہے اور بیچنے والا اپنا ڈسکاؤنٹ دے چکا ہوتا ہے. تب سیلز مین کے پاس چونکہ مزید کچھ دینے کیلئے نہیں ہوتا تو وہ خاموش ہو کر خریدار کی آنکھوں میں دیکھتا ہے.

خریدار پھر بظاہر تو سیلز مین سے مخاطب ہوتا ہے لیکن منوا خود کو رہا ہوتا ہے. اچھا اتنا کم کردو یا میرے پاس بس اتنے پیسے ہیں. یا سوچ لو ورنہ پھر میں کہیں اور چلا جاتا ہوں وغیرہ. جو تجربہ کار سیلز مین ہوتے ہیں وہ اس وقت کچھ نہیں بولتے. وہ خریدار کی آنکھوں میں دیکھتے اسے خود سے سودا کرنے کا وقت دیتے ہیں. کیونکہ دوسروں سے منوانا بہت مشکل ہے لیکن خود مان جانا آسان ہے. بس بندے کے پاس گنجائش ہونی چاہئے. گنجائش ہو تو سودا ہو جاتا ہے.

وقت کے اس بازار میں زندگی آپ کو بھی چیلنج کرتی ہے اپنی مرضی سے جینا چاہتے ہو تو مجھ سے تجارت کر کے تو دکھاو. مجھے کچھ بیچ کر دیکھو مجھ سے کچھ لے کر تو دکھاو. جو زندگی کے اس بازار کو جانتے ہیں وہ پھر اپنا بہترین دے کر زندگی کی آنکھوں میں آنکھیں ڈال کر انتظار کرنا سیکھ جاتے ہیں. اسے ہم صبر کہتے ہیں. اور اپنی گنجائش زیادہ کرنا طاقت و استطاعت کہلاتا ہے. استطاعت اپنی چادر بڑی کرنے کا نام ہے.

ریاض علی خٹک