Dr. Javairia Umar- Child specialist

07/07/2025

21/10/2023

چائے بچوں کی پہنچ سے دور رکھیں ورنہ یہ تصاویر دیکھ کر سبق حاصل کریں۔۔۔۔۔

گرم چائے وجود پہ گر جائے تو اسے جلا سکتی ہے۔ یہ بات ہم جانتے اور سمجھتے ہیں ، بچے نہیں سمجھتے۔

بچوں کو گود میں بٹھا کر چائے مت پئیں۔ چائے پیتے ہوئے بچوں کو قریب نہ آنے دیں، ان سے فاصلے پہ بیٹھ کر چائے پئیں۔ چائے کو یا ہر دوسری گرم چیز کو بچوں کی پہنچ سے دور رکھیں۔

بچے نہیں جانتے کون سی چیز ان کے لیے کتنی نقصان دہ یا تکلیف کا باعث بن سکتی ہے ، ہم جانتے ہیں۔ ہمیں ہی ان کی حفاظت کرنی ہے ، ان کا خیال رکھنا ہے۔
ہماری ذرا سی بے دھیانی ، ذرا سی لاپرواہی بچوں کے لیے شدید تکلیف یا عمر بھر کا روگ بن سکتی ہے، ان کی جان لے سکتی ہے۔

گرم پانی ، چائے یا استری سے جلنے والے بچوں کے کیسز سامنے آتے رہتے ہیں اور بعض کیسز میں تو یہ معاملہ بچوں کی جان بھی لے جاتا ہے۔

یہ اصل جلے ہوئے بچے ہیں جو والدین یا کسی عزیز کی ذرا سی لاپرواہی سے جل گئے۔ وہ سارے والدین اور عزیز بچوں کو تکلیف نہیں دینا چاہتے تھے لیکن ان کی ذرا سی بے دھیانی بچوں کی زندگی خراب کر گئی۔

احتیاط بہتر ہے عمر بھر کے روگ سے۔۔۔۔۔۔۔۔۔۔۔۔۔۔۔۔ احتیاط کیجیے!!!
دوسروں کو بھی آگاھ کریں ,یہ صدقہ جاریہ ہے ۔جزاک اللہ
اللہ ہم سب کے بچوں کو اپنی حفظ وامان میں رکھے !!! آمین!!!!