Daniyal Memorial Trust Hospital

30/08/2025

🌊 امدادی اپیل 🌊

سوات، بونیر اور پنجاب کے سیلاب متاثرین کے لیے

💔 حالیہ ہولناک سیلاب نے شمالی علاقہ جات، خصوصاً ضلع بونیر اور پنجاب کے کئی اضلاع کو تباہ کر دیا ہے۔

سینکڑوں قیمتی جانیں ضائع ہو چکی ہیں

ہزاروں افراد لاپتہ ہیں

گھروں، مویشیوں اور سامان کا صفایا ہو گیا ہے

بے شمار خاندان کھلے آسمان تلے بے سہارا بیٹھے ہیں

🙏 ہمیں آج آپ کی مدد کی اشد ضرورت ہے!

👈 متاثرین کو فوری طور پر درج ذیل اشیاء درکار ہیں:
✅ پکا ہوا کھانا
✅ خیمے اور کمبل
✅ خشک راشن
✅ ادویات
✅ کپڑے اور جوتے
✅ نقدی امداد

🤝 آئیے! بھائی چارے اور انسانیت کے ناطے، ان مظلوم خاندانوں کا سہارا بنیں۔
آپ کا تھوڑا سا تعاون بھی کسی کے لیے زندگی کی کرن ثابت ہو سکتا ہے۔

📱 JazzCash: 0312-2931410

27/08/2025

🌊 *سیلاب متاثرین کے لیے خصوصی اپیل* 🌊

محترم مخیر حضرات، پاکستان اور بیرونِ ملک میں مقیم ہمارے ہمدرد بھائیوں اور بہنوں!

پاکستان اس وقت ایک کڑی آزمائش سے گزر رہا ہے *خیبر پختونخواہ اور پنجاب کے متعدد اضلاع* اس وقت سیلابی صورتحال کا شکار ہیں۔ بے شمار خاندان بے گھر ہو گئے ہیں، معصوم بچے کھلے آسمان تلے بے یار و مددگار ہیں، اور بیماریوں کے پھیلنے کا خدشہ بڑھ رہا ہے۔

*دانیال میموریل ٹرسٹ ہسپتال* نے حسبِ روایت اپنی ذمے داری نبھاتے ہوئے متاثرہ علاقوں میں فوری طور پر میڈیکل کیمپس قائم کیے ہیں اور وہاں زخمی و بیمار بھائیوں کو طبی امداد فراہم کر رہا ہے۔ ساتھ ہی، متاثرہ خاندانوں تک راشن اور نقد امداد پہنچانے کا سلسلہ بھی جاری ہے۔

یہ عظیم خدمت صرف آپ جیسے نیک دل، درد مند اور صاحبِ استطاعت لوگوں کے تعاون سے ہی ممکن ہے۔

*آئیے،* اس آزمائش کی گھڑی میں ہم سب مل کر اپنے سیلاب زدہ بھائیوں اور بہنوں کا سہارا بنیں۔

📌 *آپ کا دیا ہوا ہر روپیہ دوا، کھانا، کپڑا اور پناہ گاہ میں تبدیل ہو گا۔*
📌 *آپ کی مدد ایک ماں کے آنسو پونچھ سکتی ہے، ایک بچے کو بیماری سے بچا سکتی ہے۔*

ہم آپ سے دل کی گہرائیوں سے اپیل کرتے ہیں کہ:

نقد عطیات کی صورت میں تعاون فرمائیں

راشن اور دیگر ضروری اشیاء عطیہ کریں
اپنے دوستوں، عزیزوں اور بیرونِ ملک مقیم پاکستانی بھائیوں کو بھی اس کارِ خیر میں شریک کریں.

*ظفر اللہ خان.*
چیئرمین
دانیال میموریل ٹرسٹ ہسپتال*
📞 رابطہ کریں: 0312-2931410
🌐 ویب سائٹ: www.dmth.pk
*"انسانیت کی خدمت، ہمارا عزم* "

Perspiciatis unde omnis iste natus sit voluptatem cusantium doloremque laudantium totam rem aperiam, eaque ipsa quae. ab illo inventore veritatis et.

27/08/2025

📢 *دانیال میموریل ٹرسٹ ہسپتال کی طرف سے ہائی الرٹ آگاہی پیغام*

🚨 *ہائی الرٹ برائے سیلاب* 🚨

محکمہ آبپاشی اور متعلقہ اداروں کی اطلاعات کے مطابق اگلے 12 گھنٹوں میں دریائے چناب اور دریائے راوی کے اطراف کے علاقوں میں شدید سیلابی ریلے آنے کا خدشہ ہے۔

*متاثرہ اضلاع میں شامل ہیں:*
نارووال، شکر گڑھ، لاہور، شیخوپورہ، ننکانہ صاحب، اوکاڑہ، ساہیوال، ٹوبہ ٹیک سنگھ، فیصل آباد، جھنگ، قصور، پاکپتن، ملتان، وہاڑی، خانیوال، سیالکوٹ، ڈسکہ، سمبڑیال، گجرات، کھاریاں، گوجرانوالہ، حافظ آباد، منڈی بہاؤالدین، چنیوٹ، سرگودھا اور کوٹ مومن۔

⚠️ *خاص طور پر:*

ہیڈ مرالہ سے 9 لاکھ کیوسک اور دریائے راوی سے سوا 2 لاکھ کیوسک کا ریلہ متوقع ہے۔
یہ ریلے چنیوٹ، جھنگ، وزیرآباد کے پل، اور ملتان کے نواحی علاقوں کے لیے سنگین خطرہ ہیں۔

📌 *عوام کے لیے اہم ہدایات:*

1. دریا کے کنارے اور نشیبی علاقوں کے رہائشی فوری طور پر محفوظ مقامات پر منتقل ہو جائیں۔

2. بچوں، خواتین اور بزرگوں کی حفاظت کو اولین ترجیح دیں۔

3. ضروری اشیاء (شناختی کارڈ، موبائل، ادویات، خشک خوراک) اپنے ساتھ رکھیں۔

4. انتظامیہ اور ریسکیو ٹیموں کی ہدایات پر عمل کریں۔

🙏 دعا ہے کہ اللہ تعالیٰ ہمارے وطن اور اہل وطن کو ہر آفت سے محفوظ رکھے۔

*دانیال میموریل ٹرسٹ ہسپتال*
آپ کی صحت، آپ کی زندگی ہماری اولین ترجیح

*شعبہ تعلقات عامہ*
دانیال میموریل ٹرسٹ ہسپتال

14/08/2025

🇵🇰 "دانیال میموریل ٹرسٹ کی جانب سے اہلِ وطن کو آزادی کی 78ویں سالگرہ پر دلی مبارکباد۔ خون کا آخری قطرہ بھی اس وطن پر قربان — پاکستان ہمارا فخر، ہماری جان! آئیں، ہم سب مل کر ایک مضبوط، صحت مند اور خوشحال پاکستان کے لیے قدم بڑھائیں۔ پاکستان زندہ باد!" 🇵🇰

13/08/2025

"یقین، قربانی اور اتحاد سے حاصل ہونے والی آزادی کا دن ہمیں یہ یاد دلاتا ہے کہ ایک صحت مند قوم ہی ایک مضبوط پاکستان کی ضمانت ہے۔
دانیال میموریل ٹرسٹ ہسپتال کی جانب سے پوری پاکستانی قوم کو یومِ آزادی کی دلی مبارکباد اور دعا کہ یہ وطن ہمیشہ امن، خوشحالی اور شفا کا گہوارہ رہے۔" 🇵🇰💚

شعبہ تعلقاتِ عامہ
دانیال میموریل ٹرسٹ
خدمت ۔ شفقت ۔ شفا

12/08/2025

🇵🇰 دانیال میموریل ٹرسٹ ہسپتال
*"آزادی کا جشن، صحت کا عزم"*

اس 14 اگست، آئیں ہم سب مل کر نہ صرف آزادی کا جشن منائیں، بلکہ ایک صحت مند اور خوشحال پاکستان کی تعمیر میں اپنا حصہ ڈالیں۔

🤝 *آپ کا تعاون:* ہماری قوت
🏥 *ہمارا عزم:* ہر ضرورت مند کو بہترین مفت علاج.

آزادی صرف جھنڈا لہرانے کا نام نہیں، یہ ایک دوسرے کا سہارا بننے کا عہد ہے۔
آئیں، دانیال میموریل ٹرسٹ ہسپتال کے ساتھ مل کر امید، صحت اور محبت کے چراغ جلائیں۔

📍 دانیال میموریل ٹرسٹ ہسپتال۔
خدمت، اعتماد اور قربانی کا استعارہ۔

*ظفر اللہ خان:*
چیئرمین.
دانیال میموریل ٹرسٹ ہسپتال.

07/08/2025

منشیات ایک خاموش، مگر یقینی موت
آئیے خود کو بھی بچائیں، اور اپنے بچوں کو بھی اس تباہی سے محفوظ رکھیں۔ زندگی کو چنیں، صحت کو اپنائیں



نشہ نہیں، زندگی سے رشتہ جوڑیں۔
خود بھی بچیں، نسلوں کو بھی بچائی

05/08/2025

دانیال میموریل ٹرسٹ ہسپتال کا پیغام:

"ہیلمٹ لگائیں اپنی جان کو محفوظ بنائیں!"

ہر دن سیکڑوں جانیں صرف اس لیے ضائع ہو جاتی ہیں کہ ایک معمولی سا قدم ہیلمٹ پہننا نظرانداز کر دیا جاتا ہے۔ موٹر سائیکل چلانے والے افراد کے لیے ہیلمٹ صرف ایک فیشن یا قانون کی پابندی نہیں، بلکہ یہ ایک ایسی ڈھال ہے جو زندگی اور موت کے درمیان فرق پیدا کر سکتی ہے۔

ہم اکثر سمجھتے ہیں کہ "ہمیں کچھ نہیں ہوگا" لیکن حادثات نہ وقت دیکھتے ہیں، نہ عمر، نہ تجربہ۔ ایک چھوٹا سا تصادم بھی تباہ کن بن سکتا ہے، خاص طور پر جب سر کی حفاظت نہ کی جائے۔

یاد رکھیں:

ہیلمٹ پہننا نہ صرف آپ کی حفاظت کرتا ہے بلکہ آپ کے اہل خانہ کے لیے بھی ایک سکون کا باعث بنتا ہے۔

آپ کا ایک قدم نہ صرف آپ کی زندگی کو بچا سکتا ہے، بلکہ دوسروں کے لیے بھی ایک مثبت مثال بن سکتا ہے۔

قوانین کی پابندی آپ کی عقل مندی اور شعور کی علامت ہے، نہ کہ بوجھ۔

دانیال میموریل ٹرسٹ ہسپتال آپ سے دل سے اپیل کرتا ہے: موٹر سائیکل پر سفر کرتے وقت ہیلمٹ ضرور پہنیں کیونکہ زندگی صرف ایک بار ملتی ہے، اور یہ آپ کے پیاروں کے لیے بے حد قیمتی ہے۔

ہیلمٹ لگائیں، زندگی بچائیں
شعور اپنائیں، محفوظ رہیں

02/08/2025

وطن سے محبت نعرے نہیں، عمل مانگتی ہے…

14 اگست — یومِ آزادی!

یہ دن صرف خوشیاں منانے کا نہیں…
یہ دن خود سے سوال کرنے کا ہے:
کیا ہم نے اپنے وطن کے لیے کچھ کیا؟
کیا ہم آنے والی نسلوں کے لیے کچھ چھوڑ رہے ہیں؟

آئیے،
اس بار آزادی کا جشن صرف پٹاخوں، باجوں، اور جھنڈیوں تک محدود نہ رکھیں —
ایک درخت لگائیں۔

🍃 ہر درخت ایک امید ہے۔
🍃 ہر سبز پتا ہمارے سانسوں کا محافظ ہے۔
🍃 ہر سایہ آنے والی نسلوں کے لیے سکون کا پیغام ہے۔

ایک درخت… ایک نیکی… ایک عہدِ وفا!

دانیال میموریل ٹرسٹ ہسپتال کی انتظامیہ آپ سے دل کی گہرائیوں سے اپیل کرتی ہے:

✨ شور نہیں… شعور بانٹیے!
✨ باجے نہیں… سبزے اگائیے!
✨ صرف جشن نہیں… ذمہ داری نبھائیے!

اس یومِ آزادی پر، پاکستان کو سرسبز بھی بنائیں، اور سربلند بھی۔

پاکستان زندہ باد! 🇵🇰

30/07/2025

"وطن کی محبت صرف نعرے لگانے سے نہیں، عمل سے ظاہر ہوتی ہے..."

14 اگست، یومِ آزادی!
یہ دن ہمیں صرف جشن منانے کا نہیں، سوچنے کا موقع دیتا ہے کہ ہم نے اپنے وطن کے لیے کیا کیا؟ اور کیا کر رہے ہیں؟

آئیے!
اس بار صرف باجے بجانے کی بجائے، ایک درخت لگائیں۔

ہر لگایا گیا درخت،
پاکستان کی خوبصورتی میں اضافہ ہے۔
ہر سبز پتا،
ہمارے مستقبل کی سانسوں کا ضامن ہے۔
اور ہر سایہ،
آنے والی نسلوں کے لیے ایک تحفہ ہے۔

🌱 ایک درخت… ایک دعا… ایک وطن!

دانیال میموریل ٹرسٹ ہسپتال کی انتظامیہ آپ سے اپیل کرتی ہے:
اس یومِ آزادی پر شور نہیں، شعور پھیلائیں۔
باجے نہیں، زندگی بانٹنے والے درخت لگائیں۔
پاکستان کو سرسبز بنائیں… پاکیزہ بنائیں!

پاکستان زندہ باد!