Dr-Kashif Nawaz Shujra

15/09/2023

بالکل سچ کہا لیکن بات نامکمل ہے تھوڑی...
مزدور ایک نہیں بلکہ دو 30،30 سالہ مزدور تھے...
آج سے 25 سال پہلے ان میں سے ایک مزدور تھا جو دیہاڑی کرنے کے بعد جو بھی کماتا، مکان کے کرائے اور روٹی پانی کے علاوہ باقی پیسے اپنے بچے کی سکول اور ٹیوشن کی ماہانہ فیس کیلئے جمع کرتا رہتا تھا، اسکی کل عیاشی سال بعد عید پر نیا جوڑا، سردی میں ایک آدھ بار دودھ جلیبی اور کبھی پیٹ میں گیس ہونے پر 7up پی لیتا تھا، یوں اس نے اپنا بچا پڑھایا اور آج اس بچے نے شہر کے بڑے ہسپتال میں سپیشلسٹ بن کر اس بوڑھے مزدور باپ کو صرف گھر اللہ توبہ کیلئے بیٹھا دیا ہے.
اب آتا ہے دوسرا مزدور جو آج سے 25 سال پہلے دیہاڑی لگا کر لکشمی چوک جاتا، دوستوں کے ساتھ میرمحل سینما میں کبھی شان اور کبھی سلطان راہی کی فلم دیکھتا، بعد میں مرغ اور بریانی سے پیٹ بھر کر سگریٹ کے 2 پیکٹ ختم کرنے کے بعد گھر جا کر سو جاتا، اور کہتا کیا کرنا ہے بچے پڑھا کر،یہ تھوڑے بڑے ہونگے تو کسی دکان یا ورکشاپ سے 100،50 کی دیہاڑی لانا شروع کر دینگے تو سب سیٹ ہو جائے گا.

سر آج 55 سال کی عمر بھی دوسرا مزدور خود بھی دیہاڑی لگاتا ہے اور اسکا بیٹا بھی دیہاڑی لگاتا ہے اور یہ شام کو پہلے والے مزدور کے ڈاکٹر بیٹے کے کلینک کے باہر سے گزرتا ہوا سوچتا ہے کہ یہ ڈاکٹر بیٹھا حرام کما رہا ہے، کرنا ہی کیا ہوتا ہے اس نے، صفحہ پر 5،7 لیکریں لگا کر مجھ سے 500فیس مانگ لیتے ہیں. بغیر محنت کئے یہ مجھ جیسے غریب لوگوں سے دھڑا دھڑ پیسا کما رہا ہے. اور ہر ملنے والے کو یہ 'ڈاکٹر کی فیس اور انسانیت' والا مشہور فقرہ سنا کر خوب داد لیتا ہے.
منقول-ڈاکٹر اسد ضیاء
بچوں کی صحت سے متعلق مزید معلومات اور آگاہی کے لیے ہماری روزانہ کی بنیاد پر پوسٹس دیکھتی رہیں
ڈاکٹرارشد محمود (MBBS,FCPS)
چاٸلڈ اسپیشلیسٹ۔چلڈرن ہسپتال لاہور


Pakistan Pediatric Association Punjab

14/09/2023

سوال: آئرن اور فولک ایسڈ میں کیا فرق ہے؟

اکثر لوگ آئرن اور فولک ایسڈ کو ایک ہی سمجھتے ہیں۔
جبکہ ان دونوں میں فرق ہے۔
دونوں کی کمی سے انیمیا ہو سکتا ہے جسے عام زبان میں خون کی کمی کہہ دیتے ہیں۔

اردو میں آئرن کو فولاد کہتے ہیں ۔ فولک ایسڈ کو بھی اکثر آئرن ہی سمجھ لیا جاتا ہے اور اس کی کمی شربت فولاد وغیرہ سے پوری کرنے کی کوشش کی جاتی یے۔ جبکہ شربت فولاد ایک ہربل شربت ہے۔ اور اس میں آئرن آئرن فولک ایسڈ دونوں موجود نہیں

ہمارے خون میں تین طرح کے خلیے پائے جاتے ہیں جو ایک کلیئر لیکوئیڈ پلازما میں موجود ہوتے ہیں ۔
سرخ خلیے (red blood cells )
سفید خلیے (white blood cells)
اور پلیٹلیٹس (platelets)

سرخ خلیوں کا کام جسم میں آکسیجن پہنچانا ہے۔ یہ آکسیجن جسم میں ہیموگلوبن (Hb) کے ذریعے پہنچتی ہے۔ آئرن یا فولک ایسڈ دونوں کی کمی ہیموگلوبن لیول میں کمی کا سبب بنتی ہے۔

آئرن
آئرن کی کمی خون کے سرخ خلیوں کی تعداد میں کمی کا باعث بنتی ہے ۔ جب خون کے سرخ خلیے معمول سے کم ہو جاتے ہیں یا چھوٹے بنیں گے، تو آپ کے اعضاء اور بافتوں کو اتنی آکسیجن نہیں ملے گی جتنی کہ وہ عام طور پر حاصل کرتے ہیں۔

فولک ایسڈ یا وٹامن B9

"وٹامن B9" کو عام طور پر فولیٹ یا فولک ایسڈ کو کہا جاتا ہے۔ اس کی کمی سے خون کے سرخ خلیات نارمل سائز سے بڑے ہو جاتے ہیں جو صحیح طریقے سے اپنا کام یعنی آکسیجن پہنچانا نہیں کر سکتے۔

ایسے ہی وٹامن B12 کی کمی سے بھی خون کے سرخ خلیوں کا سائز ایبنارمل طور پر بڑھ جاتا ہے ، جو اپنا کام یعنی آکسیجن پہنچانا صحیح طرح نہیں کر پاتے۔

ان تینوں کی کمی ہیموگلوبن لیول میں کمی کا سبب بنتی ہے۔

اگر Hb کم ہو تو کیسے پتہ چکے گا کہ اس کی وجہآئرن کی کمی ہے یا فولک ایسڈ یا وٹامن B12 کی؟

جب ڈاکٹر آپ کے خون کا ٹیسٹ کرواتے ہیں تو اسے complete blood count کہا جاتا ہے۔
ڈاکٹر اس ٹیسٹ میں کم Hb کے ساتھ ساتھ خون کے خلیوں کا سائز اور ان میں سائز کے اعتبار سے مقدار ، MCV اور MCHC کو بھی دیکھتے ہیں۔ ان کی ویلیو آئرن کی کمی میں کم ہو جاتی یے اور فولک ایسڈ یا B12 کی کمی میں زیادہ ۔
ان سے اندازہ ہوتا ہے کہ آئرن کی کمی ہے یا فولک ایسڈ یا B12 کی۔

اگر فولک ایسڈ کی کمی ہے تو صرف آئرن سپلیمنٹس کھانے سے یہ کمی دور نہیں ہو گی۔ اسی طرح آئرن کی کمی فولک ایسڈ یا B12 لینے سے پوری نہیں ہو گی۔

کبھی کبھار مزید ٹیسٹوں کی ضرورت پیش آ سکتی ہے ، جیسے کہ آئرن کے لئے آئرن پروفائل، اور فولک ایسڈ اور B12 کے الگ الگ ٹیسٹ۔
ان کا مقصد اس بات کو واضح کرنا ہے کہ کمی کس چیز کی ہے ۔
بعض اوقات ایک سے زیادہ وٹامن کی کمی بھی ہو سکتی ہے۔

#ایڈمن

09/09/2023

09/09/2023

ہمارے ای این ٹی کے پروفیسر صاحب نے ایک دن لیکچر کے دوران بہت بڑی بات سمجھائی تھی۔ کہ بیٹا! میرے اور اس کمرے کے باہر کھڑے گارڈ میں کوئی فرق نہیں۔ اللہ اگر چاہتا تو میں اس کی جگہ پر ہوتا اور وہ میری جگہ اس وقت آپ کا لیکچر لے رہا ہوتا۔ یہ سب اللہ کی تقسیم ہے۔ جو اس نے اپنے بندوں میں کی ہے۔ کسی کا کچھ بھی اپنا تھا اور نہ ہے۔ وہ جب چاہے الٹ پھیر کر سکتا ہے۔ تو اپنے ڈاکٹر ہونے یا اپنے کسی بھی عہدے پر ہونے کا کبھی تکبر مت کرنا۔ اور اپنے سے نیچے والے طبقے کے ساتھ عزت سے پیش آنا۔
اس وقت ہم نے اپنے آپ سے بہت بڑے وعدے کیئے لیکن ہاوس جاب اور ٹریننگ میں آنے کے بعد وہ سارے وعدے، آوٹ ڈورز کے رش اور لمبی لمبی ڈیوٹیوں میں دھواں ہو گئے۔
میو ہسپتال کے آوٹ ڈور میں آنے والا تقریبا ہر مریض، مزدوری کرتا ہے۔ اور جتنا کرایہ لگا کر وہ آوٹ ڈور پہنچتا ہے وہ اس کے دیہاڑی سے کئی گنا ذیادہ ہوتا ہے۔ اور علاج کی امید لیئے، مسیحاوں کے پاس پہنچنے کے بعد؛ اسے کیا ملتا ہے؟ زیادہ تر صرف جھڑکیاں۔
ہمیں کون اس بات کا حق دیتا ہے، کہ اگر کسی مریض کو آپ کی ٹیکنیکل باتین سمجھ نہیں آ رہیں، یا ڈسپنسری کا راستہ سمجھانے پر پتہ نہیں لگ رہا تو ہم اپنا لہجہ تلخ کر لیں اور اس کی کم عقلی پر اس پر چیخیں۔
اس پر ہم "ورک لوڈ" کا عزر پیش کرتے ہیں۔ لیکن کیا ایڈمیشن کے وقت ہم میں سے کسی نے یہ Affidavit سائن کروایا تھا کہ ہم صرف ایک محدود تعداد میں مریض دیکھیں گے اس کے بعد ہمارا پارا چڑھ جائے گا اور ہم انھیں کاٹنے کو دوڑیں گے؟ نہیں۔ اگر اتنا کام نہیں ہوتا تھا تو کسی نے کنپٹی پر بندوق نہیں رکھی تھی کہ ڈاکٹر بنو۔ کچھ اور کر لیتے۔ کہیں آرام دہ محکمے میں جا کر نوکری کرتے۔ کیا ہم ان سے دو بول تمیز سے اور شفقت سے نہیں بول سکتے؟ وہ اتنا کرایہ لگا خر اور سفر کر کے، صرف ہماری جھڑکیاں سننے آتے ہیں؟
ذیادہ تر مریض ہمارے ماں باپ کی عمر کے ہوتے ہیں، کبھی ان کی جگہ اپنے والدین، بہن بھائیوں کو رکھ کر دیکھیں۔ اور پھر جھڑکیں۔ پھر اونچی آواز میں ڈانٹیں۔ پھر ان کی توہین کریں
آزمایا چھین کر بھی جاتا ہے اور انعام کر کے بھی۔ خدا نے ان سے صحت لے کر، اور ہمیں مسیحائی دے کر آزمائش میں ڈالا ہوا ہے۔

بنا کر فقیروں کا ہم بھیس غالب؛
تماشائے اہل کرم دیکھتے ہیں!

یہ سفید کوٹ بھی ایک آزمائش ہے۔ یہ پوزیشن بھی آزمائش ہے۔ یہ غیر معمولی ذہانت بھی آزمائش ہے۔ اور اس آزمائش پر اگر ہم پورا نہیں اترتے اور تکبر کی حدوں سے دور نکل جاتے ہیں تو ہمیں یہ بات کبھی نہیں بھولنی چاہیئے کہ اللہ کو قطرے کو دریا کرنے میں، اور دریا کو صحرا کرنے میں پلک جھپکنے کی بھی دیر نہیں لگتی۔

Copied