CHILD CARE CLINIC JAMPUR

28/04/2026

21/03/2026

گھر میں نمکول (ORS) بنانے کا آسان اور مستند طریقہ
1▪︎صاف پانی 1 لیٹر (1000 ml)
2▪︎چینی 6 چائے کے چمچ (level teaspoons)
3▪︎نمک ½ چائے کا چمچ (half teaspoon)

18/03/2026

"آئیں مل کر صحت کے بارے میں آگاہی پھیلائیں

15/03/2026

Morning nursery round

12/03/2026

نوزائیدہ بچے کی نرسری صرف آکسیجن لگانے کا نام نہیں ہے
ہمارے معاشرے میں ایک عام غلط فہمی پائی جاتی ہے کہ اگر بچے کو نرسری میں داخل کیا جائے تو اس کا مطلب صرف آکسیجن لگانا ہوتا ہے۔
اصل میں اکثر والدین یا مریض میڈیکل سسٹم کے بارے میں زیادہ معلومات نہیں رکھتے۔ یہ کوئی قصور کی بات بھی نہیں ہے کیونکہ ہر شخص کا شعبہ الگ ہوتا ہے۔ اسی وجہ سے بعض اوقات لوگوں کو ایسا محسوس ہوتا ہے کہ شاید صرف آکسیجن لگائی جا رہی ہے اور اسی کے پیسے لیے جا رہے ہیں۔
بعض لوگوں کو یہ بھی لگتا ہے کہ شاید نرسری میں بغیر ضرورت کے بچوں کو داخل کر لیا جاتا ہے، جبکہ حقیقت یہ ہے کہ نوزائیدہ بچوں کو نرسری میں صرف اسی وقت داخل کیا جاتا ہے جب واقعی طبی ضرورت ہو یا ڈاکٹر کو بچے کی خصوصی نگرانی درکار ہو۔
آج کل کی میڈیکل گائیڈ لائنز کے مطابق بعض بچوں کو اگرچہ بظاہر ٹھیک بھی ہوں، پھر بھی کچھ وقت کے لیے نرسری میں Observation کے لیے رکھا جاتا ہے تاکہ کسی ممکنہ مسئلے کو بروقت پہچانا جا سکے، مثلاً:
• قبل از وقت پیدا ہونے والے بچے (Preterm babies)
• سانس کی رفتار زیادہ ہونے والے بچے
• جن بچوں کی پیدائش کے دوران سانس میں مسئلہ آیا ہو
• کم وزن والے بچے
• سی سیکشن سے پیدا ہونے والے کچھ بچے جنہیں ابتدائی نگرانی کی ضرورت ہو
• جن بچوں میں انفیکشن یا شوگر کے مسئلے کا خدشہ ہو
بدقسمتی سے بعض غیر ذمہ دار لوگ، یا کبھی کبھی پیشہ ورانہ حسد کی وجہ سے کچھ افراد، والدین کی لاعلمی کا فائدہ اٹھاتے ہیں اور انہیں یہ کہہ کر گمراہ کرتے ہیں کہ "یہ تو صرف آکسیجن کے اتنے پیسے لے رہے ہیں۔" حالانکہ حقیقت اس سے کہیں زیادہ مختلف ہوتی ہے۔
نوزائیدہ بچوں کی نرسری دراصل ایک مکمل خصوصی طبی نگہداشت (Neonatal Care) کا نظام ہوتی ہے جہاں بچے کی زندگی کے ہر لمحے کی نگرانی کی جاتی ہے اور مختلف جدید مشینیں اور سہولیات استعمال ہوتی ہیں۔
نرسری میں استعمال ہونے والی چند اہم سہولیات:
1️⃣ Baby Warmer — نوزائیدہ بچے کے جسم کا درجہ حرارت نارمل رکھنے کے لیے استعمال کیا جاتا ہے۔
2️⃣ Incubator — قبل از وقت یا کمزور بچوں کو محفوظ اور کنٹرولڈ ماحول فراہم کرنے کے لیے استعمال ہوتا ہے۔
3️⃣ CPAP Machine — ایسے بچوں کی مدد کے لیے جو خود سے صحیح سانس نہیں لے پاتے۔
4️⃣ High Flow Nasal Cannula (HFNC) — بچوں کو بہتر اور کنٹرولڈ آکسیجن فراہم کرنے کے لیے استعمال کی جاتی ہے۔
5️⃣ Central Oxygen System — مسلسل اور محفوظ آکسیجن سپلائی فراہم کرنے کے لیے۔
6️⃣ Cardiac Monitor — بچے کی دل کی دھڑکن، سانس اور آکسیجن لیول کو مسلسل مانیٹر کرنے کے لیے۔
7️⃣ Suction Machine — سانس کی نالی کو صاف رکھنے کے لیے استعمال کی جاتی ہے۔
8️⃣ Syringe Pump / Infusion Pump — ادویات اور فلوئیڈز کو انتہائی درست مقدار میں دینے کے لیے استعمال کیے جاتے ہیں۔
اس کے ساتھ ساتھ تربیت یافتہ ڈاکٹر اور نرسنگ اسٹاف ہر وقت بچے کی نگرانی کرتے ہیں، بروقت علاج دیتے ہیں، محفوظ طریقے سے فیڈنگ کرواتے ہیں اور انفیکشن سے بچاؤ کے خصوصی انتظامات کرتے ہیں۔

حقیقت یہ بھی ہے کہ بڑے شہروں کے ہسپتالوں میں اسی سطح کی نوزائیدہ نرسری کی سہولیات کے لیے اکثر دو سے تین گنا زیادہ اخراجات لیے جاتے ہیں، جبکہ سہولیات بنیادی طور پر یہی ہوتی ہیں۔ ہماری کوشش یہی ہے کہ یہی معیاری سہولیات پیریفری ایریا میں بھی دستیاب ہوں تاکہ بچوں کو بروقت علاج مل سکے .
آئیے مل کر شعور پیدا کریں کہ نوزائیدہ بچوں کی نرسری صرف آکسیجن نہیں بلکہ مکمل زندگی بچانے والی نگہداشت کا نظام ہے۔

03/03/2026

ہائی پوٹینسی (High potency ) میڈیسن!!!

اکثر مریض اپنی ادویات کے بارے میں بتاتے ہیں کہ مجھے ڈاکٹر نے ہائی پوٹینسی میڈیسن دے دی تھی جس سے میری طبیعت بہت خراب ہو گئی تھی وغیرہ وغیرہ۔ یا یوں کہتے ہیں کہ مجھے ڈاکٹر نے 500 ملی گرام کی گولیاں دی تھیں جو میں نے دن میں دو بارکھانی تھیں۔ ان سے میری طبیعت بہت خراب ہو گئی ہے۔
یاد رکھیئے کوئی بھی میڈیسن ہائی پوٹینسی نہیں ہوتی۔ ہاں کچھ میڈیسن کے سائیڈ افیکٹس ایسے ہوتے ہیں جن میں چکر آنا، سر بوجھل ہونا، نیند کا زیادہ ہونا وغیرہ شامل ہیں، دوسرا ہر دوائی ہر مریض کو موافق نہیں آتی بالکل اسی طرح جیسے ایک غذا کچھ لوگوں کو موافق نہیں آتی جبکہ دوسرے بہت مزے لے کے کھا رہے ہوتے ہیں۔
ایک دوائی بہت ہی کڑی تحقیق کے مراحل سے گزرنے کے بعد مارکیٹ میں آتی ہے اس میں سب سے پہلے جانوروں پے تجربات کیے جاتے ہیں پھر صحت مند انسانوں میں استعمال کی جاتی ہے تاکہ اس کے سائیڈ افیکٹس کا اندازہ لگایا جا سکے۔ جب اس کے محفوظ ہونے کا یقین کر لیا جاتا ہے تو اس کے بعد دوائی تجرباتی طور پر مریضوں کو دی جاتی ہے۔ اور اس کی سب کم مقدار جو بیماری کو کنٹرول کرتی ہے اور جس مقدار پہ کم سے کم سائیڈ افیکٹس آتے ہیں وہ مقدار(dose) علاج کے لیے تجویز کی جاتی ہے۔
دوسرا ہر دوائی میں مختلف مرکب ہوتا ہے جس کی مقدار کو ایک ہی ترازو میں نہیں تول سکتے۔ اگر مان لیا جائے کہ 500 ملی گرام کی گولیاں ہائی پوٹینسی میں شمار ہوتی ہیں تو وہ گولی جو ایک ملی گرام یا 0.5 ملی گرام کی ہے اس کا تو اثر ہی نہیں ہو گا؟؟ تو ملی گرام سے آپ نے نہیں گھبرانا۔ جو مقدار آپ کو دی جاتی ہے وہ آپ کی بیماری کے لیے ضروری ہوتی ہے۔
ایک اور پہلو یہ بھی ہے کہ آپ جو دوائیں پہلے استعمال کر رہے ہوتے ہیں وہ اپنے ڈاکٹر کو لازمی بتایا کریں تاکہ ایک تو وہی میڈیسن آپ کو دو بار نہ دے دی جائے جس سے مقدار ڈبل ہو جائے گی دوسرا کچھ میڈیسن کا آپس میں انٹریکشن(interaction ) ہوتا ہے جس میں ایک دوائی دوسری دوائی کی خون میں مقدار بڑھا یا کم کر دیتی ہے۔ اس صورتحال میں بھی کچھ دوائیں خرابی طبیعت کا باعث بن سکتی ہیں۔
ہمیشہ مستند ڈاکٹر سے مشورہ لیں اور تجویز کردہ ادویات کو ہدایات کے مطابق استعمال کریں۔
ڈاکٹر سلطان پاشا
ماہر امراض بچگان و نو زائید گان
بلمقا بل عید گاہ جامپور

29/01/2026