
22/03/2025
اپنے پرچم کا کہیں رنگ بھُلا مت دینا
سُرخ شعلوں سے جو كھيلو گے تو جل جاؤ گے
دے رہے ہیں تمہیں تو لوگ رفاقت کا فریب
ان كى تاريخ پڑھو گے تو دہل جاؤ گے !
اپنی مٹی ہی پہ چلنے کا سلیقہ سیکھو !
سنگ ِ مر مر پہ چلو گے تو پھسل جاؤ گے !
خواب گاہوں سے نکلتے ہوئے ڈرتے کیوں ہو ؟
دھوپ اتنى تو نہیں كہ پگھل جاؤ گے !
تيز قدموں سے چلو اور تصادم سے بچو
بھِیڑ میں سُست چلو گے تو کچل جاؤ گے !
ہم سفر ڈھونڈو، نہ رہبر کا سہارا چاہو
ٹھوکریں کھاؤ گے تو خود ہی سنبھل جاؤ گے !
تم ہو اک زندہ جاوید روایت کے چراغ !
تم کوئی شام كا سورج ہو کہ ڈھل جاؤ گے ؟
صبح صادق مجھے مطلوب ہے کس سے مانگوں
تم تو بھولے ہو چراغوں سے بہل جاؤ گے !