02/05/2026
پریس ریلیز
جھنگ ( )جماعت اسلامی ویمن ونگ جھنگ کے زیرِ اہتمام “ہر دل تک قرآن” کے عنوان سے ایک اہم فکری نشست منعقد ہوئی، جس سے سابق رکنِ قومی اسمبلی و سیکرٹری جنرل جماعت اسلامی خواتین ونگ پاکستان ڈاکٹر سمیحہ راحیل قاضی نے خطاب کرتے ہوئے کہا کہ اسلام ایک مکمل ضابطۂ حیات ہے اور دینِ اسلام پر عمل پیرا ہو کر تمام مسائل سے نجات حاصل کی جا سکتی ہے۔ قرآن انسانیت کے لیے مکمل رہنمائی فراہم کرتا ہے۔ عدل و احسان کا نظام ہی ایک صالح معاشرے کی بنیاد ہے انہوں نے کہا کہ جماعت اسلامی کسی ایک خاندان کی نہیں بلکہ عام عوام کی جماعت ہے اور اس کا کوئی بھی مخلص رکن اپنی صلاحیت اور کردار کی بنیاد پر قیادت تک پہنچ سکتا ہے۔جماعت اسلامی اپنی بہترین ٹیم کے ساتھ ملک کو مسائل کی دلدل سے نکال سکتی ہے جماعت اسلامی ملک بھر میں اسلامی اقدار کے فروغ، خدمتِ خلق اور عوامی مسائل کے حل کے لیے بھرپور کردار ادا کر رہی ہے۔ معاشرے کی اصلاح اور عوامی فلاح کے لیے منظم جدوجہد وقت کی اہم ضرورت ہے۔ مہنگائی، بے روزگاری اور بنیادی سہولیات کی کمی جیسے مسائل کے حل کے لیے ٹھوس حکمت عملی اپنانا ناگزیر ہے، ملک سے غربت کے خاتمہ اور معاشی ترقی کے لیے سود جیسی لعنت کا خاتمہ ضروری ہے جماعت اسلامی ہمیشہ مظلوم اور محروم طبقات کی آواز بنی ہے اور آئندہ بھی عوامی حقوق کے تحفظ کے لیے جدوجہد جاری رکھے گی۔
ڈاکٹر سمیحہ راحیل قاضی نے مزید کہا کہ تعلیمی، سماجی اور فلاحی منصوبوں کو مزید وسعت دی جائے گی اور خواتین و نوجوانوں کو مثبت و تعمیری سرگرمیوں میں شامل کرنے کے لیے خصوصی اقدامات کیے جائیں گے۔ انہوں نے اس عزم کا اعادہ کیا کہ ملک میں اسلامی نظام کے قیام، کرپشن کے خاتمے اور انصاف کی فراہمی کے لیے پرامن جدوجہد جاری رکھی جائے گی اور عوام سے اپیل کی کہ وہ معاشرتی بہتری اور ملکی ترقی کے لیے جماعت اسلامی کا ساتھ دیں۔تقریب میں شہر بھر سے لیڈی ڈاکٹرز،پروفیسرز، ایجوکیشن ڈیپارٹمنٹ کی افسران،یونیورسٹی اساتذہ، بینکرز، لائرز، بزنس لیڈیز ، آئ ٹی سے وابستہ پروفیشنلز اور سماجی کارکنان نے شرکت کی تقریب کے اختتام پر جماعت اسلامی جھنگ کی ناظمہ محترمہ معراج فاطمہ , پیما کی صدرڈاکٹر عائزہ , نے تقریب میں شرکت کرنے والی خواتین کا شکریہ ادا کیا
