Dr. Amjad Ali

09/04/2024

یہ علم کی معراج ہی ہے کہ اب سورج گرہن کا نظارہ دنیا میں ایک تقریب کے طور پر منایا جاتا ہے، میکسیکو اور امریکا کے جن شہروں میں مکمل سورج گرہن ہو رہا ہے لوگ دور دور سے تفریحا وہاں آ رہے ہیں، ہوٹلوں میں جگہ ختم ہو چکی ہے، یونیورسٹیوں میں سیاحوں کی رہائش کا بندوبست بھی کیا گیا۔
سائنس کی ترقی دراصل انسان کی ترقی ہے اس ترقی سے پہلے تقریبا ہر قدیم تصور میں سورج گرہن کو منحوس خیال کیا جاتا تھا، یہاں تک کہ سورج گرہن کی نحوست ختم کرنے کیلیے حکمران غلاموں، قیدیوں، عورتوں اور جانوروں کو قربان کیا کرتے تھے۔
اب ہم جانتے ہیں کہ سورج گرہن زمین اور سورج کے درمیان دو چار منٹ کیلیے چاند کے آجانے کا نام ہے یہ کہ وہ اندھیرا دراصل چاند کا سایہ ہوتا ہے اور اس سے زمین پر یا انسانوں پر کوئی نحوست نہیں آتی (البتہ سولر پلیٹیں اس دوران تھوڑی کم بجلی پیدا کریں گی)۔

انسان نے حیوانیت سے انسانیت کا سفر بڑی مشکل اور محنت سے طے کیا ہے، اس سفر کو پیچھے لیجانے والوں سے پناہ مانگنی چاہیے اور انکا راستہ روکنا چاہیے اور جس قدر ممکن ہو خود بھی ایسی جہالت سے دور رہنا چاہیے۔
ماہرین کا کہنا ہے کہ شمالی امریکہ میں مکمل سورج گرہن کا یہ منظر اب تقریباً 20 سال بعد 2044دیکھا جاسکے گا۔

29/03/2024

اس دنیا میں ڈھائی سکھ ہیں،
1. اچھی ڈائیٹ
2. اچھی نیند 5 باقی ساری زندگی کے سکھ۔

اور ہمارا ملک ان سے بھی محروم ہے، جب ڈائیٹ اچھی نہ ہو، تو پریشانی میں نیند بھی نہیں آتی, کھانے کو ضائع ہونے سے بچا کر کسی بھوکے کو کھلائیں، یہ بہت بڑی نیکی ہے۔

15/03/2024

سحری میں زیادہ پانی پینا آپ کے معدے میں سٹور نہیں ہو گا۔
یہ خاصیت صرف اونٹ میں ہوتی ہے لہذا پیٹ کو تربیلا ڈیم نہ بنائیں۔

کُچھ سائنسی طبیعت کے لوگ سحری میں تین پراٹھے صرف اس وجہ سے کھاتے ہیں کہ راکٹ کے فیول کی طرح پہلا پراٹھا ظہر تک چلے گا۔ پھر دوسرا پراٹھا آن ہوگا اور عصر تک چل جائے گا پھر تیسرا ایکٹیو ہو جائیگا اور مغرب تک پہنچا دیگا۔
حالانکہ حقیقت میں ایسی کوئی بات نہیں، جتنے مرضی پراٹھے کھا لیں معدے نے اکٹھے ہضم کر لینے ہیں اور دوپہر کو بھوک پھر بھی لگ جانی ہے۔

بندے اور غوری میزائل 🚀 میں یہی فرق ہے.
منقول

15/03/2024

11/03/2024

تمام اہل اسلام کو رمضان المبارک کا ماہ مبارک بہت بہت مبارک ہو، ﷲ پاک ہم سب کو اس ماہ مقدس کی تمام نعمتیں اور برکتیں نصیب فرمائے، اور ﷲ پاک اس ماہ مقدس کے صدقے عالم اسلام کی عظمت رفتہ کو بحال فرمائے اور فلسطین سمیت تمام مسلمانوں کی مدد اور ان پر اپنا خصوصی رحم و کرم فرمائے. اللّٰه پاک تمام امت مسلمہ کو غیرتمند حکمران عطا فرمائے اور عالم اسلام میں نظام الہی نافذ فرمائے آمین ثم آمین یا رب العالمین ♥️🌸

10/03/2024

،،تصویر ادھوری رہتی ہے !
رب کائنات نے زندگی کو ایسا ڈیزائن کیا ہے کہ تمام تر کامرانیوں اور کامیابیوں کے باوجود زندگی کی تصویر ادھوری رہتی ہے
کہیں نہ کہیں اس میں موجود کمی اور کجی کی ٹیڑھ ہمیں چھبتی ضرور ہے ۔
مارچ کے آغاز میں بھارت میں دنیا کی مہنگی ترین پری ویڈنگ تقریبات نے پوری دنیا میں ایک تہلکہ مچادیا۔
پاکستان کے سوشل میڈیا پر بھی اس کا کافی چرچا رہا۔
مکیش امبانی ایشیا کے امیر ترین کاروباری اور دنیا کے امیر ترین لوگوں میں گیارویں نمبر پر ہیں وہ ریلائنس گروپ کے بانی اور چیئرمین ہیں.
اس تقریب میں مہمانوں کو ڈھائی ہزار ڈشز ناشتے ،ظہرانے ۔شام۔کی چائے عشائیے اور مڈںائٹ ڈنر کے طور پر پیش کی گئیں
فلم انڈسٹری کے تمام سپر سٹار تقریب میں ناچتے دکھائی دئیے۔
دنیا بھر سے نامور گلیمرس شخصیات کی موجودگی کی چکاچوند کے باوجود اس تقریب کا مرکز نگاہ دولہا اننت امبانی تھے
تقریب کے دولہا اننت مبانی اس وجہ سے بھی خبروں کا موضوع رہے کہ وہ ایک خطرناک بیماری کا شکار ہیں۔ جس میں وزن بے تحاشہ بڑھ جاتا ہے۔

اننت امبانی کو شدید قسم کا دمے کا مرض لاحق ہے جس کا علاج عام دوائیوں سے ممکن نہیں ۔سو علاج کے لیے اسے سٹیرائیڈز دئیے جاتے رہے ہیں ۔ان میں سٹیرائیڈز کی ایک قسم کارٹیکو سٹیرائیڈز تھی سٹرائیڈز کی یہ قسم وزن بڑھنے کا سبب بنتی ہے ۔
اس سے انسان کی بھوک بے تحاشہ بڑھ جاتی ہے اتنی کہ وہ ہاتھی کی طرح کئی افراد کا کھانا اپنے پیٹ میں انڈیلنے لگتا ہے ۔
اسے قدرت کی ستم ظریفی کہیے کہ کھربوں ڈالر کے اثاثوں کے مالک مکیش امبانی کا لاڈلا اور چھوٹا بیٹا ایک ایسی بیماری کا شکار ہے جس کے علاج کے لیے سٹیرائڈز کی تباہی کے سوا اور کوئی راستہ نہیں تھا
اس کے بیٹے کو ہاتھیوں سے لگاؤ ہوا تو مکیش امبانی نے ایکڑوں پر پھیلا ہوا ہاتھیوں کا ایک سفاری پارک بنادیا ۔اس سفاری پارک میں بیمار ہاتھیوں کے اسپتال ،تفریح گاہوں ،سپا اور مالش کا انتظام ہے ۔خشک میوہ جات سے بھرے ہوئے سینکڑوں لڈو روزانہ ہاتھیوں کو کھلا دیے جاتے ہیں۔
یہ صرف مکیش امبانی کے اپنے بیمار بیٹے کے ساتھ لاڈ کی ایک جھلک ہے۔
مگر وہ اپنی تمام تر دولت کے باوجود اپنے بیٹے کے لیے مکمل صحت سے بھرا ایک دن نہیں خرید سکا۔
اننت امبانی نے تقریب میں ہزاروں مہمانوں کے سامنے اپنے دل کی بات کرتے ہوئے کہا کہ میری زندگی پھولوں کی سیج نہیں رہی بلکہ میں نے کانٹوں کے راستوں پر چل کر زندگی گزاری ہے
اس کا اشارہ اپنی خوفناک بیماری کی طرف تھا اس نے کہا کہ میں بچپن ہی سے ایک ایسی بیماری کا شکار تھا جس میں میری والدین نے میرا بہت ساتھ دیا۔
جب اننت امبانی یہ باتیں کر رہا تھا تو کیمرے نے ایشیا کے سب سے امیر ترین شخص مکیش امبانی کے چہرے کو زوم کیا اس کے گہرے سانولے رنگ میں ڈوبے
خدو خال تکلیف سے پگھل رہے تھے اور آنکھوں سے آنسو رواں تھے
تکلیف اور بے بسی کے آنسو کہ وہ کھربوں ڈالر کے اثاثوں کے باوجود اپنے بیٹے کے لیے مکمل صحت سے بھرا ہوا ایک دن نہیں خرید سکا۔
رب نے دنیا ایسی ہی بنائی ہے کہ تصویر ادھوری رہتی ہے ۔اسی ادھورے پن میں ہمیں اس ذات کا عکس دکھائی دیتا ہے جو مکمل ہے!
سو آئیں مکیش امبانی کی دولت پر رشک کرنے کی بجائے اپنی زندگی کی ادھوری تصویر پر اپنے رب کا شکر ادا کریں

جہاں ہیں جیسے ہیں خوش رہیں۔۔۔ خوشیاں بانٹیں اور اللہ تعالیٰ کا شکر ادا کریں۔

03/03/2024

ہر وہ دوائی چاہے وہ کسی بھی بیماری کے لیے استعمال ہوتی ہے، اگر صحیح ٹیمپریچر پہ اسٹور نہیں کی جاتی تو وہ دوائی خراب ہوتی ہے، دوائی لیتے وقت ہمشہ بہتر سے بہترین فارمیسی یا میڈیکل اسٹور کا انتخاب کریں، کیونکہ آپکی صحت ہی آپکا سب کچھ ہوتی ہے۔

12/11/2023

AQL ( Acceptance Quality Limit )

یہ بہت ہی حساس قسم کا ایک ٹیسٹ ہوتا ہے جو تقریباً ہر فارماسیوٹیکل کمپنی میں اسٹیرائیل ایریا میں جو ایمپیولز بنتے ہیں، اور جب، اسٹیرائیل ایریا میں کوئی بھی انجکشن بن رہا ہو، اور وہ بن کے مکمل ہوگیا ہو، بعد میں ان ایمپیولز کی آپٹیکل چیکنگ کے بعد ہونے والا بہت ضروری ٹیسٹ ہے، جس کا رزلٹ ہر صورت یو ایس پی، فارماکوپیا کے مطابق آنا چاہیے، اس ٹیسٹ میں جو چیزیں دیکھنے لائق ہوتی ہیں ان میں ، رینڈملی کچھ ایمپیولز اٹھائے جاتے ہیں، اور ان میں، گلاس پارٹیکلز، بلیک سپوٹس، کریکس، اور کچھ اور چیزیں بھی دیکھی جاتی ہیں، لیکن یہ سب دیکھنے کے لیے وائیٹ -بلیک بیک گراؤنڈ ہونا لازمی ہے، جس یہ یہ دیکھنے میں آسانی ہوتی ہے کہ ایمپیولز میں کچھ نظر تو نہیں آرہا، کیونکہ آپکے ایمپیولز پائیروجن فری ہوتے ہیں، ان میں اندر کچھ بھی نظر نہیں آنا چاہیے، لیکن ہمارے ہاں زیادہ تر فارماسیوٹیکل کمپنیز میں اس طرح کا کوئی سین نہیں ہوتا، بس ایسے ہی سب چل جاتا ہے، ہمارے اسٹیرائیل ایریا کے یہ حالات ہوں، تو ہم پھر کیسے یہ امید رکھ سکتے ہیں کہ، ہماری باقی ڈوزیج فارمز صحیح بن رہی ہیں؟ یہ اپنی جگہ پہ ایک سوالیہ نشان ہے ۔
دوسرا سوال یہ ہے کہ، اگر کسی بیچ کے ایمپیولز میں گلاس پارٹیکلز نظر آتے ہیں، تو کیا ہونا چاہیے؟ یہ سوال میں نے ایک ایسے بندے سے کیا جس کا 32 سال کا تجربہ تھا اسٹیرائیل ایریا میں کام کرنے کا، اور میرے نزدیک وہ بندہ سب سے زیادہ کوالیفائیڈ تھا اس کمپنی میں اور اس ایریا میں، اسکا جواب ملاحظہ فرمائیں!

اس نے کہا کہ کسی بھی ملک اور کسی بھی کمپنی کے لیے سب سے زیادہ اہم اس کے اپنے لوگ ہوتے ہیں، اگر اس طرح کا کوئی کیس سامنے آتا ہے تو اس بیچ کو ڈسکارڈ کردینا چاہیے۔
پھر میں نے ان سے اگلا سوال کیا کہ آپ نے اپنے اتنے وقت میں کتنے ایسے کیسز دیکھے ہیں، اور جب کمپنی کو پتہ چلتا ہے تو کمپنی کا کیا رد عمل ہوتا ہے، کیا وہ واقعی اس بیچ کو ڈسکارڈ کرتے ہیں؟
جواب میں وہ مسکرائے، اور کہا سر، کیسز تو بہت دیکھے ہیں لیکن میری 32 سال کی سروس میں، میں نے صرف ایک ایسا بیچ دیکھا جو ڈسکارڈ ہوا تھا، اور اس بیچ کی مالیت 1.5 کروڑ تھی، اور وہ دوائی 4 ایم ایل کے ایمپیولز میں آتی ہے،
کوئی بھی کمپنی اتنا نقصان برداشت نہیں کرنا چاہتی لیکن خاص طور پہ پاکستان جیسے ملک میں جہاں دوائیوں اور فارماسیوٹیکل کمپنیز کی طرف سے بہترین ادویات مہیا کرنے کے دعوے، صرف دعوے ہی ہوں، اور عوام کی صحت کے ساتھ کھلواڑ کیا جاتا ہے۔ ( لیکن ہماری ہر فارماسیوٹیکل کمپنی بہت بہترین ادویات بناتی ہے اس میں کوئی شک نہیں ).
اگر آپ تھوڑی سی بھی تحقیق کریں، تو ہماری ادویات استعمال کروانے کے لائق ہی نہیں ہیں، کیونکہ ہماری ادویات کے جو بننے کے اقدام ہیں، ان میں سے ایک بھی قدم صحیح نہیں اٹھایا جاتا،

سوال بہت، جواب بہت، بحث بہت، وقت کم۔

ڈاکٹر امجد، رجسٹرڈ فارماسسٹ، کانٹینٹ رائٹر، کریٹیکل تھنکر۔

28/09/2023

میں ایواسٹن ہوں، کاش مجھے بولنے کا موقع دیا ہوتا!

پاکستان کے اندر ڈاکٹرز ، فارماسیوٹیکل کمپنیز، ڈسٹری بیوٹرز، ہسپتال اور وہاں موجود عملے نے اس دوائی کے ساتھ وہ حشر کیا ہے کہ، اگر اس دوائی کو زبان دی جاتی تو اس کے الفاظ یہ ہوتے کہ، *میں ایواسٹن ہوں، کاش مجھے بولنے کا موقع دیا ہوتا!*

یہ دوائی ایک 4 ML کے وائل میں آتی ہے، اور اس دوائی کو ذیابیطس کے مریضوں کو آنکھوں کے مسئلوں کی وجہ سے لگایا جاتا رہا، اور اس بے رحمی کے ساتھ لگایا گیا کہ کاش دوائیوں کی بھی زبان ہوتی۔
ایک چار ملی لیٹر کی دوائی کے وائل سے انجکشن کے ذریعے 80 مرتبہ جب نکلے گی تو اس کے اندر جراثیم تو جانے ہی جانے تھے، اس بے احتیاطی کی سزا بھی ڈریپ فارماسسٹ جو وہاں پر تعینات تھے ان کو دے رہی ہے ، حالانکہ جو لوگ اصل میں اس بھیانک چیز میں ملوث ہیں ان کو نہیں پکڑا جارہا، اور یہ بات ہمیشہ سے پاکستان کی شان میں شامل رہی ہے ۔

میں یہ بات بہت احتیاط سے کہ رہا ہوں کہ پاکستان میں کسی بھی فارماسیوٹیکل کمپنی میں ایسپٹک ایریا اس معیار کا ہے ہی نہیں جس میں آپکی سٹیرائل پروڈکس بغیر کنٹامینیشن کے بن سکیں، بس گذارا، بس پیسہ ہے، بس جگاڑ ہے، کمپنی کو پیسے چاہییں، ملازموں کو پگھار چاہیے اور دوائیاں مریضوں کے ساتھ کیا حشر کرتی ہیں، ان کو کرنے دیا جارہا ہے، ویسے بھی اس ملک میں جس کی مشکل ہے، بس وہی جانے، کسی کو کوئی فرق نہیں پڑتا ۔
تحریر: ڈاکٹر امجد علی ، لیکچرر ، کوالٹی پروفیشنل، کانٹینٹ رائٹر، کریٹیکل تھنکر

13/08/2023

انگریز نئی دوائیاں ایجاد کرکے جہنم میں جائے گا.
اور ہم اس کی ڈوپلیکیٹ بنا کر ڈاکٹروں کو عمرے کروا کر جنت میں جائیں گے۔

24/07/2023

Road map to Success.