ShaAun Writes

06/02/2023

" ماں
حزن و غم میں آغوشِ تعزیت ہے،
یاس کے اندھیروں میں امید کا دیا ہے ،
ضعف کے عالم میں قوت کا سامان ہے ،
ماں کی ممتا محبت و بردباری ، شفقت اور بخشش کا جاری سر چشمہ ہے ۔
جس نے اپنی ماں کو کھو دیا ہے وہ اس رحمت بھرے سینے سے محروم ہوگیا ہے جس پر وہ اپنا سر رکھ سکتا ،
وہ اس بابرکت ہاتھ سے محروم ہو گیا ہے جو اس کے لیے دعا کرتا
اور اس نے وہ آنکھیں کھو دیں جو اس کی بلائیں لیتی تھیں
میں نے اپنی ماں کو اس وقت کھویا جب
میں لفظ ماں لکھنا بھی نہیں جانتی تھی
مگر اب
ماں کی جدائی روح میں اس طرح اتر گئ
جیسے تار سوئی میں پرویا ہے
اور میرے کارحیات کا ہر ٹانکا
اسی رنگ سے لگا ہے

05/02/2023

وہ زمانے بھر میں مے آشام مشہور تھا
اور اس پر ایک رقاصہ سے محبت کر بیٹھا
وہ میخانہ اٹھاتا اور کوٹھے پر چلا آتا
وہ بضد ہو گیا اک روز
نکاح کرے گا اس رقاصہ سے
لوگوں نے بہت سمجھایا طوائف عزت دار نہیں ہوتی
پلٹ کر وہ یہ کہتا تھا
میں کونسا پارسا ٹھہرا
شرابی مجھ کو کہتے ہو
مجھے کب عزت دیتے ہو
سدھرنا میں بھی چاہتا ہوں
ہے موقع ہاتھ میں میرے
سنو
ایک بار میں نے کچھ ایسا پڑھا تھا کہ
محبت ہوگئی جس سے
اسی سے کر لو پھر نکاح
ہدایت آ گئ آ خر
وہ زاہد بن گیا پھر تو
نمازیں نہ قضا ہوتیں
نہ روزے غفلت کی نذر ہوتے
زمانہ بھول گیا ماضی
وہ ایک دن بن گیا حاجی
وہ جس خاتون سے نکاح کر لایا تھا گھر میں
وہ بھی پابند سلاسل تھی
مگر اس کا ماضی زمانہ بھول نہ پایا
وہ اب رقص تو نہیں کرتی لیکن
طوائف ہی کہلاتی ہے ..!!
شاسر

05/02/2023