نقابت المخادیم الهاشمية پاکستان, Karachi (2026)

11/12/2025

عرس مبارڪ ۔ 🌟💫

• خاندان غوثیہ کے مشہور و معروف روحانی بزرگ سلطان السَالِکین، قَطْبُ الْاَقْطاب حضرت سیّدنا مخدوم قطب الدّین شاہ الؔھاشـمي ملتاني رحمۃ اللّٰہ علیہ کے سالانہ عرس مبارک کی تقریب آج 11 دسمبر، 2025ء ضلع گجرات کی تحصیل جلال پور جٹاں سے متصل بستی [پنڈی میانی شریف] میں منعقد کی جارہی ہے۔ جس میں ملک بھر سے آپؒ کی اولاد، عقیدت مند، علماء مشائخ اور زائرین آپؒ کی دِین اسلام کے لئے خدمات کو خراج تحسین پیش شرکت کرنے کے لئے شرکت کرینگے ۔

آپ رحمۃ اللّٰہ علیہ کی ولادت مغلیہ دور حکومت میں مدینہ الاولیاء ملتان میں ہوئی۔ آپ رحمۃ اللّٰہ علیہ سترویں صدی عیسوی کے مشہور و معروف روحانی پیشوا گزرے ہیں۔ آپؒ کی ذات والا صفات اوصاف ظاہری و باطنی کی جامع تھی۔ اپنے عہد کے بہت عظیم عابد و زاہد تھے۔ آپؒ نہایت خلیق، متواضع تھے آپؒ ہر آنے والے کی تعظیم و تکریم کسی امتیاز کے بغیر کرتے تھے۔ آپؒ کی ذات پسندیدہ اور اوصاف برگزیدہ ہے اکثر غیر مسلم قبائل آپؒ کے ہاتھ پر مشرف بہ اسلام ہوئے۔ آپؒ کی تمام عمر اشاعت اسلام اور احیائے سنت میں گزری۔ آپؒ کے اندر خاندان غوثیہ کی تمام خوبیاں بدرجہ اتم موجود تھیں۔ آپؒ اشراف و بنی ھاشم کے عظیم روحانی پیشواء اور ہندوستان میں سلسلۂ سہروردیہ کے بانی امام حضور شیخ السلام ولمسْلمینْ، غوث العالمین حضرت مخدوم بَہاء الدینْ زڪَریا الؔھاشـمي سھروردی رحمۃ اللّٰہ علیہ کے فرزند ارجمند حضرت سیّدنا مخدوم شَہابْ الدّین اَنوار الؔھاشـمي سھروردی رحمۃ اللّٰہ علیہ کی نسل مطہر سے ہیں۔

❞ ولی اللہ دے مردے ناہیں کردے پردہ پوشی،
دنیا اتے زندہ پھردے، رہندے نال خاموشی۔ ❝

مخدوم سیّد عدنانْ شاہ الؔھاشـمي ۔
إِدَارة نقابَةِ المخاؔدیمْ اَلهاشمية - (پاکستانْ)
11 دسمبر ، 2025ء ۔

05/12/2025

خبر غم۔😢
إِنَّا لِلّهِ وَإِنَّـا إِلَيْهِ رَاجِعونَ
کُلُّ نَفْس ذائِقَةُ الْمَوْتِ

سابق ناظم [مخدوم رشید، ملتان] اور سینئر بزرگ رُکن إِدَارة نقابَت المخاؔدیمْ الهاشميہ پاکستان مخدوم پیر ذولفقار شاھ ھاشمي گزشتہ روز حرکت قلب بند ہونے کی وجہ سے اپنے خالق حقیقی سے جا ملے ہیں۔ پروردگار بحق محمد و آلِ محمد ﷺ مرحوم مغفور کی بے حساب بخشش و مغفرت فرمائے، اور انکے آگے کی تمام منازل کو آسان فرما کر انہیں جنت الفردوس میں اپنے اجداد کی قربت نصیب فرمائے۔
الٰہی آمین 🤲🏻

مرحوم مخدوم ذولفقار شاھ صاحب ایک انتہائی نیک، شفیق، اعلیٰ اخلاق کے مہمان نواز انسان تھے۔ آپ قصبہ مخدوم رشید کے پہلے منتخب چئیرمین تھے، علاقہ کی فلاح و بہبود کے لئے ہر وقت کوشاں رہے اور فلاحی کاموں کے لئے ہمیشہ بڑھ چڑھ کر حصہ لیتے تھے۔ تین مہینے قبل ان سے آخری بار ملاقات ہوئی تھی، محبتوں سے نوازنے والے انسان تھے۔ تحقیقاتی حوالے سے ہمیشہ معاون رہے اور نقابت الہاشمیہ کے فروغ کے حوالے سے بڑے پرجوش اور سرگرم رہتے تھے۔ مرحوم مخدوم ذولفقار شاھ صاحب کے میرے خاندان خاندان کے بزرگوں کے ساتھ اچھے تعلقات رہے تھے۔

یہ قدرت کا بنایا ہوا نظام ہے، جو پیدا ہوتا ہے اسے کسی دن مرنا بھی پڑتا ہے۔ کوئی انسان اس نظام میں تبدیلی نہیں کر سکتا۔ مرنے والے کی موت پر شدید غم و رنج کا احساس ہوتا ہے۔ مگر آخر کار اللّٰہ کی مرضی کے آگے سر جھکانا پڑتا ہے اور صبر سے کام لینا پڑتا ہے۔ اللّٰہ تعالیٰ مرحوم مخدوم ذولفقار شاھ صاحب کے اہل خانہ کو صبر جمیل عطا فرمائے اور انکی اولاد کو انکے لئے صدقہ جاریہ بننے کی توفیق عطاء فرمائے۔

تمام احباب مرحوم کے ایصال ثواب کے لئے ایک بار سورہ فاتحہ اور تین بار سورہ اخلاص پڑھ کر دعا فرمادیں۔ جزاک اللہِ خیر!

مخدوم سیّد عدنان شاھ ۔
إِدَارة نقابَت المخاؔدیمْ الهاشميہ پاکستان ۔
۵ دسمبر، ۲۰۲۴ء

05/10/2025

مخدوم المخادیم، سلطان الاولیاء، قطب الاقطاب حضرت سیّدنا مخدوم سُلطان ایوب شاہ قتال الہاشمی رحمۃ اللّٰہ علیہ کے فرزند اصغر حضرت مخدوم زادہ بازید ولی رحمۃ اللّٰہ علیہ المعروف "جھنڈولہ پیر" کے سالانہ عرس مبارک کے موقع پر چادر پوشی کے مناظر۔

نقابت الہاشمیہ پاکستان کے رُکن مخدوم پیر افتخار حسین شاہ ہاشمي اور مخدوم پیر ملازم حسین شاہ ہاشمي، مخدوم پیر فخر شاہ ہاشمی و دیگر مخادیم چادر پوشی کے موقع پر موجود ہیں۔ گزشتہ دنوں سرکاری اجازت نامہ ملنے کے بعد مخدوم زادہ بازید ولی رحمۃ اللّٰہ علیہ کے سالانہ عرس کی تقریبات یکم اکتوبر تا چار اکتوبر تک جاری رہیں۔ جہاں ضلع بھر سے عقیدت مندوں نے سینکڑوں کی تعداد میں شرکت کی۔

مخدوم عدنان شاہ
۵ اکتوبر، ۲۰۲۵ء

30/09/2025

خبر غم! 😢
إِنَّا لِلّهِ وَإِنَّـا إِلَيْهِ رَاجِعونَ

نقابت الہاشمیہ پاکستان کے سینئر رکن مخدوم پیر مقبول حسین شاہ ہاشمی صاحب کے سمدھی، مخدوم زادہ مدثر ہاشمی و مخدوم زادہ محمد شاہ ہاشمی کے والد مخدوم پیر مہر شاہ رضائے الٰہی سے وفات پا گئے ہیں۔ اللّٰہ تعالیٰ انکی بے حساب مغفرت فرمائے اور محمد و آلِ محمد ﷺ کے صدقے انکے درجات بلند فرمائے۔ آپ سبھی سے درخواست ہے کہ مرحوم کے بُلند درجات اور ایصال ثواب کے لئے ایک بات سورہ فاتحہ اور تین بار سورہ اخلاص دعاء فرمادیں۔

مرحوم کی نماز جنازہ آج بعد نمازِ ظہر قصبہ مخدوم رشید میں ادا کی جائیگی۔ نمازِ جنازہ میں شرکت فرماکر ثواب دارین حاصل کریں۔

مخدوم سیّد عدنان شاھ ۔
۳۰ ستمبر، ۲۰۲۵ء

06/09/2025

جشن عید میلاد النبی ﷺ۔ ❤️🌟

سرکار دو جہاں، سید المرسلین، خاتم الانبیاء ، رحمت اللعالمین، سرورِ کائنات، حضرت محمد مصطفیٰ ﷺ کی ۱۵۰۰ سال قبل ولادت با سعادت نے دنیا کی تاریکی کو اپنے نور مجسم سے روشنیوں میں بدل دیا۔آپ کی ذات گرامی صورت میں اجمل اور سیرت میں اکمل ہے۔ حضور نبی اکرم صلی اللہ علیہ وآلہ وسلم عالمِ انسانیت کے لیے اللہ تعالیٰ کا فضل، رحمت اور اِحسانِ عظیم ہیں۔ اُمتِ مسلمہ پر واجب ہے کہ وہ اس نعمتِ عظمیٰ صلی اللہ علیہ وآلہ وسلم پر اللہ تعالیٰ کا شکر بجا لائے کیوں کہ شکر اللہکا تعالیٰ کو بہت محبوب ہے اور کسی عطا پر اس کا شکر بجا لانا سنتِ انبیاء ہے جیسا کہ احادیثِ صومِ عاشورہ سے واضح ہے۔ اِظہارِ تشکر کے کئی طریقے ہیں۔ انفرادی طور پر بندہ رب کریم کا شکر ادا کرنے کے لیے نفلی عبادات اور خیرات و عطیات کو ذریعہ اظہار بناتا ہے مگر جو فضل و احسان امت پر اجتماعی سطح پر ہوا ہو اس کا اظہارِ تشکر بھی اجتماعی طریقے سے کیا جاتا ہے۔ چوں کہ حضور نبی اکرم صلی اللہ علیہ وآلہ وسلم کی ولادت و بعثت پوری کائناتِ انسانی پر اللہ تعالیٰ کا احسانِ عظیم اور فضل عمیم ہے اس لیے اس نعمتِ عظمیٰ پر اللّٰہ عزوجل کا شکر اجتماعی طور پر ادا کرنا واجب ہے۔ اور جو عمل اجتماعی نوعیت کا ہو اس کی ہیئت ترکیبی کی بنیاد معاشرتی تہذیب و ثقافت پر رکھی جاتی ہے۔

میلاد مصطفیٰ ﷺ کی اِس صبح اَوّلیں سے اب تک پندرہ صدیوں سے زیادہ کا عرصہ بیت چکا ہے لیکن آج بھی جب اس عظیم ترین ہستی کے پردۂ عالم پر ظہور کا دن آتا ہے تو مسلمانانِ عالم میں مسرت کی لہر دوڑ جاتی ہے۔ ماہِ ربیع الاول کا یہ مقدس دن اتنی صدیاں گزر جانے کے بعد بھی نویدِ جشن لے کر طلوع ہوتا ہے اور مسلمانوں کا سوادِ اعظم اس روزِ سعید کو عید کی طرح جوش و جذبے سے بڑھ چڑھ کر مناتا ہے۔

التماس دعا۔ 🤲
مخدوم سیّد عدنان شاہ اَلھاشمي۔
إِدَارة نقابَت المخاؔدیمْ الهاشمية - (پاکستان)

31/07/2025

تردید نامہ ۔ ❌

شیخ الاسلام غوث بهاء الدين زڪريا ملتاني قدس سرہ [متوفی: ۶۶۶ھ] سے منسوب یہ شجرۃ نسب اغلاط پر مبنی اور درست نہیں ہے۔ آپؒ کے فرزند شیخ العارف مخدوم صدر الدین عارف باللہ قدس سرہ کے کسی فرزند ، پوتے، پڑپوتے کا نام "فیروز الدین" نہیں تھا اور نہ ہی آپکے فرزند قطب الاقطاب مخدوم رُکن الدین شاہ عالم قدس سرہ نے عقد نکاح فرمایا تھا۔

پنڈ دادنخان، چارسدہ اور کے پی کے کہ مختلف علاقوں میں آباد اس نسب سے منسوب قبائل میں رائج مذکورہ شجرۃ مختلف ناموں و قبائل کا مجموعہ معلوم ہوتا ہے جس میں غوث بهاء الدين زڪريا ملتاني قدس سره کے آباء کے نام غلط درج ہونے کے ساتھ صحابی رسولﷺ حضرت سلیمان فارسیؓ ، شاھ ولی اللہؒ ، حضرت حمزہ بن عبد المطلبؑ جیسے نام موجود ہیں جو اس نسب نامہ کی سند پر سوالیہ نشان ہیں۔

إِدَارة نقابَت المخاؔدیمْ الهاشميہ پاکستان کی جانب سے اس نسب کی تردید کی جاتی ہے۔ ایسے تمام افراد جو اس نسب سے ہیں کا خاندانِ غوثیہ سے کوئی تعلق نہیں۔

مخدوم عدنان شاہ ۔
إِدَارة نقابَت المخاؔدیمْ الهاشميہ پاکستان
۳۱ جولائی، ۲۰۲۵ء

26/07/2025

• إِدَارة نقابَت الهاشميہ پاکستان کی جانب سے نقابَت کے سینیئر رُکن، ممتاز سرائیکی پی ایچ ڈی اسکالر، فخر اشراف بنی ہاشم محترم پروفیسر ڈاکٹر مخدوم عصمت اللہ شاہ صاحب کو نشانِ فرید ایوارڈ 2025ء ملنے پر پوری قوم کی جانب سے بہت بہت دلی مبارک باد ۔ 🎉❤️

خواجہ غلام فرید فاؤنڈیشن کی جانب سے کوٹ مٹھن شریف میں منعقدہ ایک پروقار تقریب میں "نشانِ فریدؒ" جیسے بامعنی ایوارڈ سے ان ہستیوں کی سرفراز کیا گیا ، جنہوں نے دہائیوں تک سرائیکی زبان، ثقافت، صوفیانہ روایت، فریدیات اور فنون لطیفہ کی خدمت میں اپنا تن من اور دھن لگایا ۔ کوٹ مٹھن شریف میں منعقد ہونے والی یہ تقریب نہ صرف خواجہ غلام فریدؒ کے پیغام عشق، علم اور روحانیتکی ترجمان بنی، بلکہ فریدی خانوادے کی طرف سے خواجہ صاحب کے علمی اور روحانی وارثوں کو خراج تحسین پیش کرنے کا ایک شاندار ذریعہ بھی ثابت ہوئی ۔

مخدوم سیّد عدنان شاھ ۔
۲۶ جولائی، ۲۰۲۶ء

21/07/2025

حضرتْ شیخ سُلیمان اَلهاشمي قَدَّسَ سِرَّہُ ۔

لودھراں شہر سے خانیوال اور ملتان کو جانے والے سپر موڑ [موضع ڈانوراں] پر موجود قدیمی قبرستان میں علاقہ کے معروف بزرگ حضرت شیخ سُلیمان اَلهاشمي قَدَّسَ سِرَّہُ الْعَزِیز کا مزار واقع ہے۔ مقامی افراد صاحب مزار کو شیخ سلیمان سردار، پیر سلیمان کے نام سے جانتے ہیں اور نسلوں سے صاحب مزار کے عقیدت مند چلے آتے ہیں ۔

▪️اپنی تحقیقی سرگرمیوں کے سبب اکثر لائبریریز میں جانا ہوتا ہے جہاں علاقائی و تاریخی کتب کے مطالعہ کے دوران اپنے خاندان سے متعلق کافی کارآمد معلومات ملتی رہتی ہیں۔ انہی کتب میں سے ایک کتاب میں حضرت شیخ سُلیمان اَلهاشمي قَدَّسَ سِرَّہُ الْعَزِیز کا تعارف ہوا۔ مصنف کتاب محمد تقي شمیم صاحب لکھتے ہیں کہ آپ کا تعلق بنی ہاشم سے ہے اور شیخ الاسلام ابو محمّد بهاءُ الدين زڪريا ملتاني قَدَّسَ سِرَّہُ الْعَزِیز کے خاندان سے ہیں اور ساتھ ہی اسی خاندان کے دوسرے روحانی بزرگ قطب الاقطاب مخدوم سلطان ایّوب شاھ قتال قَدَّسَ سِرَّہُ الْعَزِیز کا تعارف بھی کروایا کہ یہ دونوں ایک ہی خاندان سے ہیں۔ مصنف نے حضرت شیخ سلیمانؒ کے دور کا ذکر نہیں کیا ماسوائے اسکے کہ وہ کسی دور میں یہاں آکر مستقل سکونت اختیار کی اور رشد و ہدایت کا سلسلہ جاری کیا۔ اِس سے زیادہ ہمیں ان بزرگ سے متعلق کوئی تفصیل دستیاب نہیں۔ مزار کے اندر دو قبریں ہیں ایک حضرت شیخ سلیمانؒ کی اور دوسری ان سے منسوب ان کے فرزند خواجہ نور محمدؒ کی ہے ۔

▪️میں سمجھتا ہوں کہ جنوبی پنجاب کی طرف مخدوم المسلمین حضرت مخدوم رشید الدین محمّد شاھ حقانی ملتاني قَدَّسَ سِرَّہُ الْعَزِیز کی اولاد اکثریت میں موجود ہے اور چونکہ شیخ الاسلام اس خاندان کے مشہور و معروف بزرگ گزرے ہیں اسی لئے حضرت مخدوم حقانیؒ کی اولاد انہیں بھی اپنے اجداد میں شمار کرتی ہے اسی لئے بعض انساب میں غلطیاں بھی دیکھی گئی ہیں۔ شیخ سلیمانؒ کے بارے میں میرا قیاس یہی ہے کہ وہ مخدوم حقانیؒ کی نسل سے ہوسکتے ہیں۔ چونکہ مصنف نے بھی انہیں شیخ الاسلام کے خاندان سے لکھا ہے نہ کہ اولاد میں سے، اس لئے میرے قیاس کو تقویت ملتی ہے۔ دوم شیخ الاسلامؒ کی ساتویں آٹھویں صدی ہجری میں موجود اولادوں میں سلیمان نام ہمیں نہیں ملتا، جبکہ مخدوم حقانیؒ کی اس دور کی اولاد میں ہمیں مخدوم سلیمانؒ نام نظر آتا ہے۔ چونکہ یہ ایک ابتدائی تحقیق ہے اس لئے کچھ بھی حتمی کہنا قبل از وقت ہوگا ۔

▪️گزشتہ دنوں إِدَارة نقابَت المخاؔدیمْ الهاشميہ پاکستان کے ارکان پروفیسر مخدوم عصمت اللہ شاھ صاحب اور مخدوم افتخار حسین شاھ صاحب کے ہمراہ تحقیقی دورے پر اس مزار پر حاضری دی۔ مزار کے مجاورین کے مطابق وہ جاٹ ہیں اور نسل در نسل اس مزار کی خدمت میں مصروف ہیں۔ حضرت شیخ سُلیمان اَلهاشمي قَدَّسَ سِرَّہُ الْعَزِیز کے مزار کے ساتھ ہی ایک اور مزار ہے جو کسی بُخاری بزرگ سے منسوب ہے جو صدری روایت کے مطابق غالباً حضرت شیخ سُلیمان اَلهاشمي قَدَّسَ سِرَّہُ الْعَزِیز کے عقیدت مند یا خلفاء میں سے تھے۔ [اللّٰہ اعلم]

▪️حضرت شیخ سُلیمان اَلهاشمي قَدَّسَ سِرَّہُ الْعَزِیز سے متعلق مزید تفصیلات کے حصول کے لئے تحقیق جاری ہے۔ آپؒ سے متعلق اگر کسی کے پاس کسی قسم کی معلومات ہوں تو رابطہ کریں ۔

تحقیق و جستجو:
مخدوم سیّد عدنان شاھ ۔
إِدَارة نقابَت المخاؔدیمْ الهاشميہ پاکستان ۔
۲۱ جولائی، ۲۰۲۵ء

08/07/2025

حُسینؑ کِھلدے،
یزید رُوندے۔

یزید کینا ہا، یزید کینی،
یزید ہوندا ہی کینی،
حُسینؑ ہئی پیا، حسین ہے پیا،
حسینؑ ہوسی، حسین ہوندے،
تباہ تھیوے! جیندا مُحمدﷺ دی آل دے نال ویر ہووے،
اساڈے پیو ماءُ دا دین بچ گئے،
علیؑ دے پُتراں دا خیر ہووے۔

"تہذیب حافی"

28/06/2025

·• عرس مبارڪ ❤️🍂

آفتابِ ولایت، قطب زماں ،
حَضرۃ مخدوم صَدر الدینْ شاہ الھاشميؒ
المعروف خواجہ نوري حضوری سرکارؒ
[پیل پیراں ، ضلع خوشاب] ۔

آفتابِ ولایت، قطب زماں، فخر بنی ہاشم حضرت مخدوم صَدر الدینْ شاہ الھاشمي رحمۃ اللّٰہ علیہ المعروف پير خواجہ نوری حضوری سرکارؒ کے سالانہ عرس مبارک کی تقریب کا انعقاد آج ۲۸ جون، ۲۰۲۵ پیل پیراں، ضلع خوشاب میں پیر محمد امین الحسنات شاھ صاحب [بھیرہ شریف] کی زیرِ صدارت کیا گیا ۔

حضرت مخدوم صَدر الدینْ شاہ الھاشميؒ المعروف پير خواجہ نوری حضوریؒ سولہویں صدی عیسوی کے مشہور و معروف روحانی بزرگ گزرے ہیں۔ آپؒ برصغیر پاک و ہند کے عظیم روحانی پیشوا غوث العالم و شیخ الاسلام حضرت مخدوم بهاء الدین زکریا الھــــاشمي ملتاني سهروردي رحمۃ اللّٰہ علیہ کے خاندان کے چشم و چراغ ہیں۔ آپؒ نے اپنی انتھک محنت سے خوشاب، جہلم، سرگودھا، چکوال اور دیگر علاقوں میں لاکھوں سیاہ قلوب کو دين اسلام کی روشنی سے منور فرمایا۔ سلسلہء طریقت میں اپنے آباؤ اجداد کے خاندانی سلسلہء سہروردیہ کے فیض کو حاصل کرنے کے علاوہ روایت ہے کہ آپؒ نے خوشاب ہی کے معروف روحانی بزرگ حضرۃ سخی سید معروف چشتی قادری فاروقی خوشابیؒ (متوفی 1579ء) سے اپنا فیضہ حاصل کیا اور چشتی قادری سلسلے میں خلافت حاصل کی۔ آپؒ اپنے وقتوں کی معروف روحانی ہستی تھے جن کی شخصیت سے سلاطین وقت بھی متاثر ہوئے بغیر نہ رہ سکے۔ بھلوال میں مدفن روحانی بزرگ حضرت سخی شاہ سلیمان نوری حضوریؒ (متوفی 1604ء) اور آپؒ پیر بھائی ہیں۔ آپؒ کی نسل مطہر میں بے شمار اولیاء کرام تبلیغ اسلام کی غرض سے دور دراز کے علاقوں میں پھیل گئے۔ آپؒ کی اولاد اس وقت خوشاب، جہلم، مانسہرہ، جموں کشمیر، چکوال اور ملک کے دیگر حصوں میں آباد ہے ۔

عرس مبارڪ کے موقع پر مُلک بھر سے آپؒ کے عقیدت مند آپؒ کے مرقد پر نذرانہ عقیدت پیش کرنے کے لئے حاضر ہوتے ہیں۔ عرس کے موقع پر علماء و مشائخ آپؒ کی عملی و روحانی زندگی بارے خطاب فرمائیں گے اور درود و سلام کی محافل کا انعقاد بھی کیا جائیگا ۔

مخدوم سید عدنان شاھ ۔
إِدَارة نقابَت المخاؔدیمْ الهاشميہ پاکستان ۔
۲ محرم الحرام، ۱۴۴۷ھ

20/06/2025

عُرس مبارڪ 💫
[۲۳/۲۴/۲۵ ذولحجہ ۱۴۴۶ھ] ۔

قِبـــــلہء عالم، نَوابْ الاَولیاء
مخدوم موسیٰ شاھ اَلھاشمي سُهروَرديؒ
[متوفی 657ھ - سَرواہی شَریف - صادق آباد]

🔵 نَوابْ الاَولیاء حضرت سیّدنا مخدوم موسیٰ شاھ سُهروَرديؒ المعروف پیر موسیٰ نواب رحمۃ اللّٰہ علیہ برصغیر پاک و ہند میں سلسلہء سھروردیہ کے مشہور و معروف روحانی بزرگ ہیں۔ آپؒ کے 779 ویں سالانہ تین روزہ عرس مبارک کی تقریبات صادق آباد کی نواحی بستی سنجر پور کے علاقے "سرواهي شریف" میں ۲۳ تا ۲۵ ذولحجہ تک منائی جائینگی ۔

▪️آپؒ غوث الملك و مخدوم العالم ولمسلمینْ حَضرت سیّدنا مخدوم عبد الرشید حقاني اَلھاشمي قادری رحمۃ اللّٰہ علیہ کے برادر اصغر اور غوث العالم، شیخ الاسلام حَضرت سیّدنا مخدوم بھاء الدین زکریا اَلھاشمي ملتاني سهروردي رحمۃ اللّٰہ علیہ جو کہ آپ رحمۃ اللّٰہ علیہ کے چچا زاد بھی تھے کہ مرید و خلیفہ ہیں۔ آپؒ کو نواب الاولیاء کا خطاب غوث العالم حضرة بھاء الدین زڪريا ھاشمي سهرورديؒ نے عطا فرمایا۔ اور مزید فرمایا کہ "ولايت سندھ به تو بخشیدم"۔ مخدوم پیر موسیٰ نواب رحمۃ اللّٰہ علیہ کے دست حق پرمظفرگڑھ، علی پور و سیت پور، راجن پور، جام پور، پکالاڑاں، ظاہر پیر، لیاقت پور، خان پور (نیل گڑھ)، رحیم یار خان، آدم صحابہ، کھڈالی، کی سینکڑوں اقوام بلخصوص اندھڑ، جھلن، سانگی، تریچڑی راہواڑی، گرمانی، لنجوانی، گوپانگ، چاچڑ، کھور، چانڈیہ، لاڑ، کمہار، ہلیلی بلوچ، جتوئی، ماڑییچہ مہر، ترہلی، ڈہر، دلانہ، شر، کوش، کُپڑا و دیگر مشرف بہ اسلام ہوئیں اور آپؒ سے بیعت ہوکر فیض یاب ہوئیں۔ مخدوم پیر موسیٰ نواب رحمۃ اللّٰہ علیہ کے وصال کے بعد آپؒ کی مسند پر آپؒ کے برادر اصغر حضرت سیّدنا حاجی محمد شاھ اَلھاشمي رحمۃ اللّٰہ علیہ معروف بہ مخدوم راول دریاؒ کے فرزند ارجمند حضرت سیّدنا مخدوم پیر اسماعیل شاھ اَلھاشمي رحمۃ اللّٰہ علیہ معروف بہ ثانی موسیٰؒ مسند رشد و ہدایت پر تمکن ہوئے حضرت سیّدنا پیر اسماعیل شاھؒ کی تمام تر روحانی تعلیم و تربیت نواب الاَولیاءؒ کے زیرِ سایہ ہوئی تھی۔ وہی آپؒ کے علوم ظاہری و باطنی کے استاد تھے ۔

▪️ نَواب الاَولیاء مخدوم پیر موسیٰ نَواب رحمۃ اللّٰہ علیہ کے عرس کے موقع پر ملک بھر بلخصوص سندھ بھر سے ہزاروں کی تعداد میں مریدین و عقیدت مندوں کا سلسلہ جاری ہے جو اپنے پیر روشن ضمیر سے اپنی محبت اور عقیدت کا اظہار کرنے کے لئے جمع ہونا شروع ہوگئے ہیں۔ عرس مبارک کے موقع پر علماء مشائخ کی شرکت کے ساتھ درود کی محافل کا انعقاد بھی جائیگا۔ آپ رحمۃ اللّٰہ علیہ کے چھوٹے بھائی حضرت مخدوم حاجی محمد شاہ رحمۃ اللّٰہ علیہ المعروف مخدوم راول دریاؒ کی اولاد جو کہ آپ رحمۃ اللّٰہ علیہ کے مزار کی سجادہ نشین بھی ہے کی جانب سے زائرین کے لئے "لنگر عام" کا انتظام بھی کیا جائیگا ۔

مخدوم سیّد عدنان شاہ اَلھاشمي ۔
إِدَارة نقابَت المخاؔدیمْ الهاشمية - (پاکستانْ)

15/06/2025

·• مخدوم العالم وَلمسلمین، غوث الملک، قَلندر دوراں، سُلطان العَارفین، قُدوۃ الواصلین، عَمدہ الکاملین، مُرشد الطالبین، مُتوکل نشانِ ولایت، بَرگزیدہ صاحب جَلال مخدوم الکُل حضور سَیدی مُرشدی مخدوم رَشید اَلدین محمد شَاہ حقاني اَلھاشمي ولحسني ملتانی رحمۃ اللّٰہ علیہ (متوفی: ۶۶۹ھ) اِبنِ شَیخ العَارفین، شَیخ الصَالحین حضرت مخدوم کبِیر الدّین اَحمد غوث ھَاشمي الخَوارزمي رحمۃ اللّٰہ علیہ معروف بہ حضرت مخدوم عَبد الرشید حَقانی رحمۃ اللّٰہ علیہ کے 777 ویں سالانہ عرس مبارک کی تقریبات کا آغاز آج ۱۵ جون، ۲۰۲۵ سے ہوچکا ہے۔

افتتاحی تقریب مخدوم المخَادیم مخدوم محمّد جاوید شاھ ھاشمي صاحب کی صدارت میں منعقد کی گئی۔ تقریب کے مہمان خصوصی سابق وفاقی وزیر محترم جناب پیر طریقت سیّد حامد سعید کاظمی صاحب تھے۔ اِس موقع پر مخدوم پیر مقبول حسین شاھ ہاشمي صاحب کی کتاب "نُور حق" کی رونمائی بھی کی گئی۔ پاکستان تحریک انصاف کے رہنما مخدوم زاہد بہار ہاشمي، مخدوم شاہد بہار ہاشمی، ڈاکٹر محمد حسین آزاد و دیگر علمی شخصیات نے اپنے خیالات کا اظہار کیا۔ إِدَارة نقابَت المخاؔدیمْ الهاشميہ پاکستان کے ارکان پروفیسر ڈاکٹر عصمت اللہ شاھ (بہاولپور)، مخدوم ذیشان شاھ (ملتان)، مخدوم سیّد عامر شاھ (فیصل آباد)، مخدوم سجاد حُسین شاھ (منڈی بہاؤ الدین)، مخدوم پیر عامر شاھ (قائم پور)، مخدوم زبیر ہاشمی، مخدوم پیر امجد شاھ، ڈاکٹر منعم شاھ اور پروفیسر حسام صاحب (گجرات)، مخدوم پیر نذر شاھ (اوکاڑہ)، مخدوم مختیار حسین شاھ (بہاولپور) نے بھی شرکت کی۔ اسکے علاوہ اہل علاقہ معززین، مریدین و معتقدین کی ایک بڑی تعداد اس موقع پر دربار کے احاطہ میں موجود تھی۔

🛑 تقریب کے منتظمین مخدوم پیر مقبول حسین شاھ صاحب، مخدوم پیر ذوالفقار علی شاھ صاحب، مخدوم رحمت حسین شاھ صاحب، مخدوم زادہ مدثر اریب شاھ صاحب، مخدوم احمد رضا شاھ صاحب و دیگر نے تقریب کے انتظامات احسن طریقے سے نبھائے۔

مخدوم عدنان شاھ ۔
إِدَارة نقابَت المخاؔدیمْ الهاشمية - (پاکستان)
18 ذولحجہ، ۱۴۴۶ھ

نقابت المخادیم الهاشمية پاکستان

11/12/2025

05/12/2025

05/10/2025

30/09/2025

06/09/2025

31/07/2025

26/07/2025

21/07/2025

08/07/2025

28/06/2025

20/06/2025

15/06/2025

Address

Website

Alerts

Shortcuts

Share

Category