21/10/2023
ڪھاڻـي پڙھندا ته حيـــــران ٿي ويندا
ھڪ ڇوڪريءَ جي شادي ٿي شاديءَ جي پھرين رات گھوٽ کاڌي جو سامان کڻي ڪمري ۾ داخل ٿيو کاڌي مان ڏاڍي اشتھا انگیزخوشبو اچي رھي ھئي.
گھوٽ چوڻ لڳو اچ گڏجي کاڌو کائون ٿا زال چيو : مون ڏٺو آھي تہ تنھنجي والده بہ ماني ڪانہ کاڌي آھي ان کي بہ سڏيو پوءِ گڏجي کاڌو کائون ٿا..
مڙس چيو : اھا سمھي پئي ھوندي ، ان کي ڇڏيو پاڻ ٻئي کائون ٿا۔
زال اصرار ڪندي رھي پر ھو ان ڳالھہ تي مُصِر رھيو ،
جڏهن زال پنھنجي مڙس جو رويو ڏٺو تہ انھيءَ وقت طلاق جو مطالبو ڪري ڇڏيو۔۔
مڙس ھن جو مطالبو ٻڌي حيران ٿي ويو ، اُن زال کي گھڻو ئي سمجھايو ليڪن ھوءَ پنھنجي ڳالھہ تي پڪي ٿي بيٺي ايتريقدر جو طلاق ٿي وئي ۔
ٻئي الڳ ٿي ويا پوءِ ٻنهي جون شاديون ٿي ويون ٽيھہ پنجٽيھہ سال گذري ويا عورت کي پٽ ڄاوا محبت ڪرڻ وارا ، ماءُ جو خيال رکڻ وارا ، ڏاڍا سکيا ستابا هئا ۽ اھا عورت آسوده حال ھئي ،
ان عورت ارادو ڪيو تہ حج ڪرڻ گھرجي .
سفر جي دوران ان جا پٽ ان سان ڪنھن راڻيءَ وانگر عزت سان پيش اچي رھيا ھئا پير زمين تي لڳڻ ڪونه پيا ڏين ،
صحرائي سفر ھو
رستي ۾ ھڪ ماڻھوءَ تي نظر پئي ، جيڪو تمام بري حالت ۾ بکيو اڃيو وار وکريل ، ڪپڙا ڦاٽل پراڻا پاتل ، ان عورت پٽن کي چيو : وڃي ڏسو..! مسافر ڪير آهي ، ان کي اٿاري ھٿ منھن ڌُئاري، کاڌو کارايوس ، پاڻي پياريوس پٽن ھڪ جيئن سندن ماءُ چيو تيئن ڪيو ۔
عورت جي جڏهن ان نظر پئي تہ سُڃاڻي ورتو تہ اھو ان جو پھريون مڙس ھو۔
چوڻ لڳي وقت توسان ڇا ڪيو..؟ ھن وراڻيو تہ اولاد مون سان سٺو سلوڪ ڪونہ ڪيو ،
عورت چوڻ لڳي : ڪيئن ڪري ھا تو تہ والدين سان برو سلوڪ ڪيو ھو ، مان پھرين رات ئي سمجهي وئي ھيس تون ماءُ پيءُ جا حقوق ادا نہ ٿو ڪرين۔
ان لاءِ مون کي ڊپ لڳو تہ سڀاڻي مون سان بہ ائين ئي ٿيندو ۔
ھاڻي تون ڏس تہ اڄ مان ڪھڙي حال ۾ آھيان ۽ تون ڪھڙي حال ۾ آھين..!
ماءُ پيءُ سان برو سلوڪ اللہ تعالیٰ جي نافرماني آھي ،
اگر اوھان پنھنجي پيرسني شاندار گزارڻ چاھيو ٿا تہ والدين سان شاندار سلوڪ ڪريو .
ڇاڪاڻ تہ ھي اھڙو عمل آھي جنھن جو بدلو دنيا ۾ ئي ڏنو وڃي ٿو پوءِ اھو چڱو ھجي يا بُرو ..!!
adv fatima rajper
