Dr Fawad Farooq

20/09/2025

20/09/2025

Honoured to deliver a talk in front of expets at Lahore

19/09/2025

"جی ناظرین! ابھی ابھی میں پی سی لاہور کے پانچ ستارہ ماحول سے نکل کر آیا ہوں۔ وہاں لائیو میوزک، نرم کرسیاں، شاندار روشنی، اور کافی کے ایسے نام کہ بندہ سوچے یہ پینی ہے یا پڑھنی ہے۔ 😄

لیکن سچ بتاؤں…؟ وہ مزہ وہاں نہیں جو ایک کپ چائے میں اقبال ٹی اسٹور پر ہے۔
یہاں نہ کوئی پرفیوم والی فضا ہے، نہ سفید دستانے والے ویٹر، بس ایک دیگچی سے ڈالی جانے والی چائے اور وہ خوشبو جو دل کو ستاروں تک لے جائے۔

یقین کریں، PC کی کافی چھوڑ کر یہاں آنا… یہ میرا ذاتی تجربہ ہے کہ اصل ذائقہ اور اصل مزہ یہیں ہے۔
یہ چائے کسی مارکیٹنگ کی محتاج نہیں، یہ اپنی کوالٹی پر زندہ ہے۔

دیکھیں یہ کپ… ☕ جو انتہائی سادہ مگر شاندار ملائی مار چائے سے لبریز ۔۔۔
یہ ہے لاہور کی پہچان۔
یہ ہے وہ ذائقہ جس کے لیے لوگ پرانی یادوں، محفلوں اور دوستیوں کو دہراتے ہیں۔

تو جناب! اگر لاہور آئیں اور اقبال ٹی اسٹور کی چائے نہ پییں، تو سمجھیں لاہور کا اصل ذائقہ آپ نے miss کر دیا۔" 😄

19/09/2025

میری ایک پوسٹ پر کمنٹ میں پوچھے گئے سوال کا جواب ۔۔۔۔

سوال۔۔۔ڈاکٹر صاحب اپ گارنٹی لیتے ہیں دوائی پینے سے دل کا
مرض ختم ہو جائے گا یہ ٹھیک ہو جائے گا کتنے ہی مریض علاج کے دوران مر جاتے ہیں لیکن ڈاکٹر اپنی غلطی نہیں مانتے اس کی کیا وجہ ہے علاج کے دوران یا پریشان کے درمیان جو لوگ انتقال کر جاتے ہیں ڈاکٹر کو چاہیے اپنی فیس نہ لیں کیونکہ اپریشن کے دوران کہیں نہ کہیں غلطی ضرور ہوئی ہے یہ دوائی ہیں ابھی ادرک لہسن اور لیموں ہی سے بنائی جاتی ہیں دل کے مرض کی بہتر یہی ہے اپنا منجن کہیں اور جا کر بیچیں جب ڈاکٹر کے پاس جانا ہوگا اور ضرورت ہوگی ضرور جائیں گے

جواب۔۔۔۔بھائی جان!
ڈاکٹر کوئی گارنٹی کارڈ دینے والی کمپنی نہیں ہے۔ یہ موٹر سائیکل یا اے سی کی دکان نہیں جہاں لکھا ہو: "چھ مہینے میں کچھ ٹوٹا تو مفت مرمت!"۔ دل کا علاج دوا، محنت، دعا اور اللہ کی مرضی سے چلتا ہے۔ شفا کی گارنٹی کنٹرول ہمارے پاس کہاں ہم توصرف موجودہ شواہد کی بنیاد پر کوشش کرنےکی صلاحیت رکھتے اور وہ بھی اللہ تعالیٰ کی عطا کردہ ہے۔

آپ کہتے ہیں کہ "مریض علاج کے دوران بھی مر جاتے ہیں، تو ڈاکٹر کو فیس نہیں لینی چاہیے"۔ تو پھر ذرا دوسرے پیشوں کو بھی دیکھ لیجیے:

کیا وکیل کیس ہارنے کے بعداپنی فیس واپس کر دیتا ہے۔۔۔

کیا انجینئر اپنی اجرت واپس کرتا ہےاگر اسکا بنایا ہوا پل بیس سال بعد گر جائے؟

کیا استاد یا اسکول شاگرد کے امتحان میں فیل ہو جانے پر لی گئی فیس واپس کر دیتا ہے۔۔۔

ہر جگہ محنت کا معاوضہ دیا جاتا ہے، کامیابی یا ناکامی کی گارنٹی نہیں۔ ڈاکٹر بھی اپنی فیس اس علم، وقت اور ذمہ داری کی لیتا ہے جو اس نے مریض پر لگائی۔

اب رہی بات آپ کے "ادرک، لہسن، لیموں" والے ٹوٹکے کی—اگر واقعی ان سے شریانیں کھل جاتیں اور دل کے والو مضبوط ہو جاتے تو اسپتال بند اور سبزی منڈی 24 گھنٹے کھلی ہوتی تو ایمرجنسی میں ہارٹ اٹیک کے علاج کیلئے آلات اور زبان کے نیچے گولی کی جگہ ادرک لہسن اور لیموں کی بوریاں رکھ کر شہد کے ساتھ ملا کر منہ میں گھسیڑی جاتیں۔

اصل حقیقت یہ ہے کہ ڈاکٹر دوا دیتا ہے، ہمت دیتا ہے، اور اللہ شفا دیتا ہے۔ اگر گارنٹی بانٹنے کا اختیار ڈاکٹر کو ملتا تو سب سے پہلے وہ اپنے لیے لے لیتا کہ "ڈاکٹر کی موت مؤخر، مریض کی فوری علاج کے بعد شفا!"

19/09/2025

ایک ملک پر حملہ دونوں پر تصور ہو گا ۔۔۔ چپکے سے یہ شق بھی ڈال دیں ایک پر قرضہ دونوں پر تصور ہو گا۔۔۔ مسئله حل

18/09/2025

بُنْیانٍ مَرْصُوصٍ کے چار گھنٹوں کی پیشہ ورانہ مہارت کا مظاہرہ چار صدیوں پر بھاری ہے۔شکریہ مودی موقع فراہم کرکے عزت و وقار بحال کرنے کا

18/09/2025

کیا دل کی دھڑکن کا محسوس ہونا کوئی دل کا مرض ہے یا اسکی اور وجوہات بھی ہو سکتی ہیں تفصیلات کمنٹ میں دیے لنک میں

18/09/2025

سمجھ نہیں آرہا ہے۔۔شاہین آفریدی رنز بنا رہےہیں ۔۔۔ اور صائم ایوب وکٹیں لے رہے ہیں۔۔۔کیا آپ کچھ سمجھائیں گے

15/09/2025

اللہ ہم سے ناراض تو نہیں ۔۔۔۔
اللہ جب ناراض ہوتا ہے تو انسان سے زندگی کی سب سے قیمتی دولت چھین لیتا ہے، اور وہ ہے "سجدے کی توفیق"۔ نہ وہ کسی کو زندہ گاڑتا ہے، نہ روزی روکتا ہے، نہ آسمان سے پتھر برساتا ہے، بلکہ دلوں پر مہر لگا دیتا ہے کہ بندہ سب کچھ کرتا ہے مگر اپنے رب کے سامنے جھک نہیں پاتا۔ یہ دراصل سب سے بڑی سزا ہے کہ انسان دنیاوی مصروفیات میں الجھا رہے اور عبادت کی لذت، دعا کی تاثیر اور سجدے کا سکون اس سے چھن جائے۔

زندگی کی سب رونقیں، مال و دولت، عزت و شہرت، سب بے معنی ہیں اگر دل کو رب سے تعلق نصیب نہ ہو۔ انسان سمجھتا ہے کہ سب کچھ ٹھیک ہے مگر حقیقت میں وہ سب سے بڑے خسارے میں ہے۔ قرآن پاک بھی بتاتا ہے کہ اللہ جس پر کرم کرے اُسے اپنا ذکر نصیب کرتا ہے، اور جس سے ناراض ہو جائے تو اسے اپنی یاد سے غافل کر دیتا ہے۔

لہٰذا اصل کامیابی یہ ہے کہ ہم اپنے دلوں کو سجدے کے لائق رکھیں، دعاؤں کی مٹھاس کو محسوس کریں اور ہر حال میں اپنے رب کی رضا کے طالب رہیں، کیونکہ دنیا کی ہر سزا برداشت کی جا سکتی ہے، مگر "سجدے کی توفیق سے محرومی" سب سے بڑا عذاب ہے۔

14/09/2025

زیتون کا تیل باقی تیلوں سے نسبتاً فائده مند ہے مگر کیا اسکا ایک چمچ روزانہ اضافی لینا ٹھیک ہے تفصیلات کمنٹ میں دیے لنک میں

12/09/2025

بلڈ پریشر سیدھے ہاتھ میں دیکھا جائے یا الٹے ہاتھ یا دونوں ایک انتہائی اہم سوال کے جواب کی تفصیلات کمنٹ میں دیے لنک میں

11/09/2025

ڈاکٹر صاحب دل بہت گھبراتا ہے اور اکثر رات میں کچھ ہو جانے کا خوف ہوتا ہے ۔۔ کیا یہ دل کی تکلیف ہے یا کچھ اور تفصیلات کمنٹ میں دیے لنک میں