Apna Recovery Centre

28/09/2025

27/09/2025

23/09/2025

🚭 Smoking destroys lungs and leads to stroke, cancer, heart attack, and even death – choose life, not ci******es! ❤️💨

23/09/2025

*صدقے جاؤں*
منشیات کی صنعت کے دو رخ ہیں ۔جیسے نشے کی بیماری کے بھی دو رخ ہیں ۔(نشہ چھوڑنا۔یعنی ریکوری اور پھر سے نشہ کرنا یعنی ریلیپس)اس صنعت کا ایک رخ نشہ بیچنے والی صنعت ہے اور دوسری نشہ چھڑوانے والی (علاج کرنے والی) صنعت ہے۔۔
پہلی صنعت کا کوئی نعرہ نہیں ہے اور ابدوز کی طرح پانی کے اندر ہی رہتی ہے ۔اور اندر اندر ہی حرکت کرتی ہے۔۔۔دوسری صنعت سوشل میڈیا پر ،اخباروں میں،دیواروں پر مختلف نعروں کے ساتھ نظر آتی ہے۔۔۔ *۔۔
*1.ہمارا عزم نشے سے پاک پاکستان** ۔۔۔
ماشااللہ یہ عزم ہر سال نشے کے مریضوں میں اضافہ کی صورت میں پورا ہو رہا ہے ۔۔اگر یہ نعرہ بدل لیا جائے تو کامیابی کی فیلنگز آ جائیں گی ۔
2. *نشہ ایک لعنت ہے۔۔*
اس نعرے نے تو کمال ہی کی ہوئی ہے۔۔ایک بینر پر لکھیں اور پانچ چھ بندے اکٹھے کریں ایک کلوز فوٹو لیں اور سوشل میڈیا پر چڑھا دیں۔۔۔۔۔بس سمجھیں پورا پاکستان اس بینر کے پیچھے کھڑا ہو کر اس لعنت سے بچ رہا ہے۔۔
3 *..نشے میں کہیں وہ تنہا نہ رہ جائے* ۔
یہ چوری شدہ نعرہ مختلف سنٹرز استعمال کر رہے ہیں۔۔یہ نعرہ استعمال کرنے والے شائد اس کی تاریخ سے واقف نہیں ہیں۔۔یہ آج سے چالیس سال پہلے صداقت کلینک کے اشتہاروں پر ہوتا تھا۔۔اور اب یہ مختلف سنٹرز کے اشتہاروں پر ڈھٹائی کے ساتھ پایا جاتا ہے۔۔
4 *.نشہ آپ کے پیارے کا مقدر کیوں* ۔۔
یہ نعرہ بھی آج کل مختلف اشتہاروں میں نظر آتا ہے۔۔اس کی بھی وہی تاریخ ہے جو اوپر بیان کی گئی ہے۔فرق صرف یہ ہے کہ اب مریض کے مقدر میں یہ نقل کرنے والے ہیں۔۔جو اپنے سنٹر کے لئے ایک فقرہ بنانے سے بھی قاصر ہیں۔۔ *
5 *۔مریض کو گھر سے لانے کی ذمہ داری* *ہماری** ۔۔
یہ رسپانسیبلیٹی بھی تقریبا ہر سنٹر نے ایک لفظ تبدیل کئے ہوئے اپنائی ہوئی ہے۔۔بہت بڑی ذمہ داری ہے۔۔اچھی بات ہے۔۔گاڑی بھی پھر ان سے مانگ کیا کریں جن کا یہ فقرہ ہے۔۔۔۔۔۔خوامخواہ گاڑی ڈھونڈنا پڑتی ہے۔۔
جب کہیں یہ لکھا ہوا نظر اتا ہے کہ ہاکستان کی سب سے بڑی علاج گاہ۔۔
6 *پاکستان کا پہلا ادارہ۔۔*
تو نظر ڈھونڈنے لگتی ہے کہ شاید کوئی نیا نعرہ پڑھنے کو ملے ۔جدید علاجگاہ ہے۔کوئی جدید کام ہو گا۔۔مگر نہیں۔تپتے ریگستانوں میں یہی پرانی جیپیں دوڑ لگا رہی ہیں ۔
البتہ پنجاب ہیلتھ کئیر کمیشن اور وفاقی ہیلتھ کئیر کمیشن نے سنٹرز کا فرنیچر،پردے،ڈاکٹر،ماہرین نفسیات ،مریضوں کے بیڈ صاف کر دئیے ہیں۔۔کچن میں کھانے بھی بہتر ہوئے ہیں۔۔یہ کریڈٹ اب کمیشن کا بنتا ہے یا سنٹرز کا۔۔۔۔۔۔یہ فیصلہ بھی ہو ہی جائے گا کبھی ۔ابھی لطف اٹھائیں۔۔بس نعرے نئے بن جائیں اور سب کے اپنے اپنے ہوں تو مزا آ جائے ۔یا پھر بڑے،نئے،جدید کے الفاظ سے ہرہیز ہو جائے تو بھی مزا آنے کے امکانات موجود ہیں
شکریہ۔
(تکلیف کی معذرت۔۔)
رفیع خاور۔۔

22/09/2025

19/09/2025

چرس: خوشی کی دھوکہ دہی، زندگی کی تباہی
جب خوشی دھوکہ بن جائے، تب نقصان شروع ہوتا ہے

چرس بھنگ کے پودے سے حاصل ہونے والا نشہ ہے جو کینابینوئڈز گروپ سے تعلق رکھتا ہے۔ یہ دماغ پر سیدھا اثر ڈالتی ہے۔ کبھی یہ دماغ کی رفتار کو دھیما کر کے سکون دیتی ہے اور کبھی چیزوں کو بدل کر دکھاتی ہے، یعنی حقیقت الگ اور نظر کچھ اور آتی ہے۔ چرس دماغ میں ایک کیمیکل ڈوپامین تیزی سے بڑھاتی ہے، جو خوشی اور مزے کا سگنل ہے۔ اسی وجہ سے انسان کو وقتی طور پر سکون، ہنسی خوشی، رنگ زیادہ چمکدار اور وقت آہستہ یا تیز لگتا ہے، جسے لوگ ہائی ہونا کہتے ہیں۔ لیکن یہ خوشی صرف دکھاوا ہے، اصلی نہیں۔

چرس کے ساتھ کئی خطرناک نقصانات ہیں۔ یہ یادداشت کمزور کرتی ہے، پڑھائی اور کام سے دھیان ہٹا دیتی ہے، اور محنت کرنے کی عادت ختم کر دیتی ہے۔ ایک بڑی مشکل پیرانویا ہے، یعنی بے وجہ یہ ڈر لگنا کہ سب لوگ آپ کو دیکھ رہے ہیں یا آپ کے خلاف ہیں۔ نوجوانوں میں یہ دماغ کی نشوونما روک دیتی ہے، ڈپریشن اور ذہنی بیماریوں کے امکانات بڑھاتی ہے اور گھر اور معاشرے میں سکون برباد کر دیتی ہے۔

چرس وقتی سکون دیتی ہے لیکن لمبے وقت کے لیے صحت، ذہن اور مستقبل کو تباہ کر دیتی ہے۔ آج کی خوشی کل کی بربادی بن جاتی ہے۔ اصل میں چرس ایک جال ہے جو وقتی مزے کے بدلے زندگی بھر کی پریشانیاں دے جاتی ہے۔

چرس ڈوپامین بڑھا کر وقتی سکون دیتی ہے، لیکن ماہرینِ نفسیات جانتے ہیں کہ یہ سکون آہستہ آہستہ یادداشت، اعتماد اور مستقبل کو ختم کر دیتا ہے۔

ڈاکٹر نعمت اللہ

18/09/2025

تحریر رفیع خاور

*کیا آپ کو پتہ ہے؟*
جی یہ سوال بہت اہم ہے۔کہ ہمارا جسم بھی ہم سے ناراض ہوتا ہے۔اور ماننے کے لئے اپنی شرائط رکھتا ہے۔اور جب وہ شرائط پوری کی جائیں تو خوش ہو کر ہم سے صلح کرتا ہے۔اس کی ضد بہت سخت ہوتی ہے۔اس سوال کی تہہ میں جا کر دیکھئے۔۔آپ خود حیران ہوں گے کہ ہمیں اسے راضی رکھنے کے لئے اس کی باتیں ماننا پڑتی ہیں۔جسم اپ کو کہتا ہے کہ میں نے کھانا ہے۔۔۔۔اپ نہ کھا کر دکھائیں۔۔جب تک آپ نہیں کھاتے یہ روٹھا ہوا ملے گا۔۔
جی جناب۔یہ آپ سے کہتا ہے کہ چلو واش روم چلتے ہیں ۔آپ نہ مان کر دکھائیں۔لگ پتہ جائے گا آپ کو۔اسی طرح یہ کہتا ہے چلو اب بستر پر۔۔۔سونا ہے میں نے۔۔آپ نے جانا ہی جانا ہے۔۔
اس کی ماننے سے یہ خوش ہوتا ہے۔۔اور ہمارے کام کرتا ہے ۔نہ مانیں تو یہ ہمارے کام نہیں کرتا ۔
کچھ چیزیں ہم اسے تربیت دے کر سکھاتے ہیں ۔اور بار بار کرنے سے عادتیں بن جاتی ہیں ۔یہ عادتیں تب بنتی ہیں جب جسم کو یہ پسند اتی ہیں۔ اگر نہ پسند آئیں تو یہ عادتیں بن ہی نہیں سکتیں ۔
ہمارا جسم کیونکہ سکون کی تلاش میں رہتا ہے تو جیسے ہی اسے نشہ ملتا ہے تو یہ انتہائی خوش ہو جاتا ہے کہ اتنا ذیادہ مزا اور سکون۔ واہ واہ کرتا ہے ۔پھر اگر ہم نشہ نہ کیا جائے تو بری طرح روٹھتا ہے۔۔ہمیں دکھ دیتا ہے۔۔تکلیف دیتا ہے اور ہمیں ماننا پڑتی ہے ۔کیونکہ ہم جسم کی ماننے میں ماہر ہوتے ہیں۔۔
نشہ بار بار اسی لئے ہوتا ہے۔۔اب اس سے جان چھڑوانے کے کئے جسم پر ذہن کے ذریئعے محنت کرنا ہوتی ہے ۔اس کی دوبارہ تربیت کرنا ہوتی ہے ۔ورنہ یہ اپنی منواتا رہتا ہے۔یہ تربیت بہت مہارت مانگتی ہے ۔اور ماہر نفسیات سے بہتر اور کوئی نہیں کر سکتا۔۔۔کسی کو اس کے پسندیدہ کام سے ناں کروانا کتنا مشکل ہے؟اس کے لئے اپنی انتہائی پسندیدہ چیز کے بارے میں سوچیں ذرا۔۔اور پھر اس کے بغیر خود کو دیکھیں۔۔۔۔تو سمجھ آ جائے گی کہ اس میں کتنی محنت اور مہارت درکار ہوتی ہے ۔۔خالی یہ کہنے سے کہ نشہ چھوڑ دو ۔۔بات نہیں بنتی۔
بس اس کام کے لئے کوئی گرو تلاش کرنا پڑتا ہے

18/09/2025

یہاں نشے کے علاج کا ایک سادہ پلان (Addiction Treatment Plan) پیش ہے، جسے ریہیب سینٹر یا گھریلو سپورٹ میں بھی استعمال کیا جا سکتا ہے:

🟢 نشے کے علاج کا سادہ پلان

1. ابتدائی مرحلہ (Assessment & Motivation)

مریض کی مکمل تاریخ لینا (کس نشے کا استعمال، کتنے عرصے سے، جسمانی و نفسیاتی مسائل)

مریض کو علاج کی اہمیت سمجھانا اور موٹیویشن دینا۔

فیملی کو شامل کرنا تاکہ مریض کو سپورٹ مل سکے۔

2. جسمانی علاج (Detoxification)

ڈاکٹر کی نگرانی میں نشے کی دوا آہستہ آہستہ کم کروانا۔

نشے کے اثرات (Withdrawal Symptoms) کو کنٹرول کرنے کے لیے دوائیاں دینا۔

مناسب خوراک، نیند اور پانی کی مقدار کو بہتر بنانا۔

3. نفسیاتی علاج (Psychological Treatment)

کاؤنسلنگ (Counseling): مریض کو اپنی سوچ اور رویہ بدلنے میں مدد دینا۔

سی بی ٹی (Cognitive Behavioral Therapy): منفی سوچ کو مثبت سوچ میں بدلنا۔
گروپ تھراپی: دوسرے مریضوں کے ساتھ بیٹھ کر اپنے تجربات بانٹنا۔

4. خاندانی شمولیت (Family Involvement)

فیملی کو مریض کے ساتھ تعاون کرنے کی تربیت دینا۔
گھر میں مثبت ماحول فراہم کرنا۔

5. بعد از علاج دیکھ بھال (Aftercare & Relapse Prevention)

مریض کو ریہیب سے نکلنے کے بعد بھی کاؤنسلنگ جاری رکھنی چاہیے۔
ریلیپس (دوبارہ نشے میں جانے) سے بچنے کی تکنیک سکھانا۔

مثبت سرگرمیوں (ورزش، نوکری، تعلیم، شوق) میں شامل کرنا
🔑 بنیادی نکات

علاج میں وقت لگتا ہے، صبر اور تسلسل ضروری ہے۔
فیملی سپورٹ کے بغیر علاج ادھورا رہتا ہے۔
مریض کو امید دلانا سب سے اہم ہے۔