http://www.madinaturruhaniat.com/

Madinaturruhaniat, Karor Lal Isa (2026)

08/05/2026

بسم اللہ اور شیطان
رسول خدا صلی اللہ علیہ و آلہ وسلم کا ارشاد مبارک ہے:
اِذا وُضِعَتِ الْمائِدَةُ حَفَّتها اَرْبَعَةُ آلاْفِ مَلَكٍ، فَاِذا قالَ الْعَبْدُ: بِسمِ اللّه ِقالَتِ الْمَلائِكَةُ: بارَكَ اللّه ُ عَلَيْكُم فى طَعامِكُم ثُمَّ يَقولونَ لِلشَّيْطانِ اُخْرُجْ يا فاسِقُ، لاسُلطانَ لَكَ عَلَيْهِمْ؛
جب دسترخوان بچھتا ہے تو چار ہزار فرشتے اسے گھیر لیتے ہیں۔ پھر جب بندہ بسم اللہ پڑھے تو وہ کہتے ہیں اللہ تمہارے کھانے میں برکت دے۔ پھر شیطان سےکہتے ہیں نکل جااے لعین۔ تم ان پر غالب نہیں آسکتے۔
★ھرگاه سفره پهن مى شود، چهار هزار فرشته در اطراف آن گرد مى آيند. چون بندهبگويد: «بسم اللّه » فرشتگان مى گويند: «خداوند، به غذايتان بركت دهد! » سپس بهشيطان مى گويند: «اى فاسق! بيرون شو. تو بر آنان، راه تسلّط ندارى».
★When the table is set, four thousand angels surround it. When the man says: “In the name of God,” the angels say: “May God bless you in your food.” Then they say to Satan: “Get out, you wicked one! You have no power over them.”
★जब मेज़ सज जाती है, तो चार हज़ार स्वर्गदूत उसे घेर लेते हैं। जब सेवक कहता है: “ईश्वर के नाम पर,” तो स्वर्गदूत कहते हैं: “ईश्वर आपको भोजन में आशीष दे।” फिर वे शैतान से कहते हैं: “निकल जा, हे दुष्ट! तू इन पर कोई अधिकार नहीं रख सकता।”
★ਜਦੋਂ ਮੇਜ਼ ਵਿਛਾਇਆ ਜਾਂਦਾ ਹੈ, ਤਾਂ ਚਾਰ ਹਜ਼ਾਰ ਦੂਤ ਇਸ ਨੂੰ ਘੇਰ ਲੈਂਦੇ ਹਨ। ਜਦੋਂ ਨੌਕਰ ਕਹਿੰਦਾ ਹੈ: "ਪਰਮਾਤਮਾ ਦੇ ਨਾਮ 'ਤੇ," ਤਾਂ ਦੂਤ ਕਹਿੰਦੇ ਹਨ: "ਪਰਮਾਤਮਾ ਤੇਰੇ ਭੋਜਨ ਵਿੱਚ ਤੈਨੂੰ ਬਰਕਤ ਦੇਵੇ।" ਫਿਰ ਉਹ ਸ਼ੈਤਾਨ ਨੂੰ ਕਹਿੰਦੇ ਹਨ: "ਨਿੱਕਲ ਜਾਹ, ਦੁਸ਼ਟ! ਤੇਰਾ ਉਨ੍ਹਾਂ ਉੱਤੇ ਕੋਈ ਅਧਿਕਾਰ ਨਹੀਂ ਹੈ।"
كافى، ج ۶، ص ۲۹۲، ح ۱

07/05/2026

رزق اوراعجاز قرآن! رزق میں اضافہ کیسے ممکن ہے؟ ۔۔۔۔۔۔۔۔۔۔۔۔۔۔۔۔چار حصے مکمل۔۔۔۔۔۔۔۔۔۔۔۔۔۔
(حصہ اول)
تحریر: محمد اکمل خان٬ ماہر علوم مخفی۔
محترم قارئین سلامت رہیے ۔آمین۔
Madinaturruhaniat
Online palmistry
03014578467 03470166772

انسان ہمیشہ اپنے مُستقبل سے خوف زدہ رہا ہے ۔چھِن جانے کے خوف اور فاقوں کے ڈر نے انسانی فطرت کے دامن سے رشتوں کا تقدس چھین لیا ۔ باپ جو ایک نئے وجود کو زندگی دیتا ہے اُس کی پدری شفقت کو قاتل کا رُوپ دھارتے دیکھا ہے ۔ یقین کے ساتھ یہ بات کہی جا سکتی ہے کہ دُنیا میں شاید ہی تخت و تاج کے لیے کسی نو مولود کی سانسیں روکی گئی ہوں ۔لیکن رِزق کا خوف ایسا عفریت ہے جس نے تمام تر فطری جذبوں کو بے یقینی کی صلیب پر چڑھا دیا ۔ والدین اولاد کی رگ حیات صرف اسی وجہ سے کاٹ دیتے کہ اپنے محدود وسائل سے اس نئی کونپل کی آبیاری کیسے کریں ۔ انسانی بدن میں بہتے لہو نے اس شدت سے رنگ بدلا کہ قدرت الہیہ نے بے چین ہو کر فرمایا : اپنی اولاد کو قتل نہ کرو ۔۔۔۔معصومین علیہم السلام چوں کہ انسان کی فطری کم زوریوں سے پُوری طرح واقف ہیں اس لیے انہوں نے قلب انسانی میں چُھپے ہوئے بے یقینی کے درندے کے خدوخال ہم پر پُوری طرح واضح کیے ہیں اور ہمارے رزق سے متعلق مختلف شبہات کو دُور فرمایا ۔ اِن فرامین کے مطالعے سے ہمیں رزق کے حقیقی مفہوم کا ادراک ہوتا ہے ۔ نبی کریم صلی اللہ علیہ وآلہ وسلم کا ارشاد مبارک ہے ۔" جس نے صبح کی اس حالت میں کہ اس کا جسم عافیت میں ہو٬ اپنی زوجہ اور عیال کے بارے میں مطمئن ہو اور ایک دن کی غذا اس کے پاس ہو بس گویا اس نے دنیا کا احاطہ کر لیا یعنی دنیا کو پا لیا "۔
رزق میں اضافہ کرنے والے چند اسباب: مقدس فرامین کی روشنی میں یہ تمام اسباب وسعت رزق کا سبب ہیں۔
استِغفار٬صِلہ رحمی یعنی رشتے داروں سے اچھا سلوک٬ باوضو رہنا٬سچ بولنا٬شکر ادا کرنا٬صفائی کرنا٬کنگھا کرنا
٬ناخن تراشنا٬ہاتھ دھونا٬سفید جوتے پہننا٬خیرات کرنا٬ عقیق ،فیروزہ اور یاقوت کی انگوٹھی پہننا۔
حضرت علی علیہ السلام کے تعلیم کردہ رزق میں کمی کے سولہ اسباب: مکڑی کا جالا ٬حمام میں پیشاب،جنابت میں کھانا،خلال (ایک خاص درخت کا )،کھڑے ہو کر کنگھا کرنا،کوڑا گھر میں جمع رکھنا،جھوٹی قسم کھانا، زنا کرنا، حریص ہونا،عشاء سے پہلے سونا،طلوع سے پہلے سونا، جھوٹ بولنا، عدم تدبیر،قطع رحمی٬ موسیقی سننا، سائل کو خالی لوٹانا۔ جاری ہے۔

(حصہ دوم)
قرآنی سورتوں اور آیات سے حصول رزق و مال کے مستند وظائف و اعمال ملاحظہ کیجیے:
فاتحہ و اخلاص:رسول اکرم صلی اللہ علیہ وآلہ وسلم سے روایت ہے کہ جو شخص گھر میں داخل ہو تو سورہ فاتحہ اور سورہ اخلاص کی تلاوت کرے تو اللہ تعالی فقر اور تنگ دستی کو ختم کرے گا اور بہت خیر و برکت عطا فرمائے گا ۔
سُورہ مریم:حضرت امام جعفر صادق علیہ السلام سے منقول ہے جس شخص کی روزی تنگ ہو وُہ سات مرتبہ سُورہ مریم پڑھے تو اس کی روزی فراخ ہو گی ۔ نیز قرض کی ادائیگی کے لیے اس سورہ کی تلاوت بکثرت کرے تو سارا قرض دُور ہو گا ۔نیز آپ علیہ السلام سے منقول ہے کہ جو شحص سورہ مریم لکھ کر شیشے کے تنگ منہ والے برتن میں ڈال کر گھر میں رکھے تو اس کے گھر میں روزی اور برکت زیادہ ہو گی اور وہ خواب بھی اچھے دیکھے گا ۔
سُورہ کھف:رسول اکرم صلی اللہ علیہ وآلہ وسلم اورحضرت امام جعفر صادق علیہ السلام سے روایت ہے کہ جو شخص سورہ کھف لکھ کر شیشے کے تنگ منہ والے برتن میں ڈال کر اپنے گھر میں رکھے ( ادب کے ساتھ بلند اور محفوظ جگہ پر ) تو وُہ شخص اور اس کے اہل و عیال قرض ،فقر اور لوگوں کے شر سے محفوظ رہیں گے ۔

سُورہ واقعہ:رسول اکرم صلی اللہ علیہ وآلہ وسلم نے ارشاد فرمایا اپنی عورتوں کو سورہ واقعہ یاد کروائیں کیوں کہ یہ سورہ بے نیاز کرنے والی ہے ۔نیز یہ بھی ارشاد فرمایا کہ جو شخص سورہ واقعہ لکھ کر گھر میں لٹکا دے تو اس کے گھر میں خیر و برکت ہو گی اور اس کی مسلسل تلاوت کرنے والے کو فقر سے نجات ملے گی اور مال میں وسعت ہو گی ۔
سورہ مزمل:قرض کی ادائیگی کے لیے ہر نماز کے بعد سورہ مزمل پڑھ کر دعا کرنے سے قرض ادا ہوتا ہے ۔چالیس دن سورہ مزمل روزانہ ایک بار تلاوت کرنے سےروزی وسیع ہوتی ہے ۔
سورہ الم نشرح، تین ، نصر وتوحید:بُدھ کی رات سورہ الم نشرح ،سُورہ تین ،سُورہ نصر اور سُورہ توحید سب کو سات مرتبہ تلاوت کرکے دُعا کرنے سے رزق و دولت ملتی ہے ۔
سُورہ قدر:حضرت امام محمد باقر علیہ السلام نے ارشاد فرمایا کہ جو شخص قرض ادا کرنے سے قاصر ہو تو کثرت سے استغفار کرے اور سورہ قدر کی تلاوت کرے ۔حضرت امام علی علیہ السلام نے ارشاد فرمایا کہ سورہ قدر انسان کی بہترین رفیق ہے کہ اس کے وسیلے سے وہ اپنا قرض ادا کر سکتا ہے ۔وسعت رزق کے لیے روزانہ دس مرتبہ سورہ قدربعد نماز صبح فورا تلاوت کریں اور قدرت خدا کا مشاہدہ کریں ۔
سورہ عادیات:حضرت امام جعفر صادق علیہ السلام نے ارشاد فرمایاکہ جو شخص سورہ عادیات کی تلاوت کرتا رہے گا تواس کا قرض ایسی جگہ سے اداہو گا جس کا گمان بھی نہ ہو گا ۔ جو شخص مالی پریشانی اور قرض میں مبتلا ہو تو حضرت علی علیہ السلام کے اعداد کےمطابق 110 مرتبہ سورہ عادیات تلاوت کر کے دعا کرے ان شاء اللہ فائدہ ہو گا ۔ رزق میں اضافے اور روزی یا ملازمت کے حصول کے لیے سورہ عادیات لکھ کر پاس رکھیں ۔

(حصہ سوم)
سورہ قریش:دو رکعت نماز نفل پڑھیں اور سورہ فاتحہ کے بعد پندرہ مرتبہ سورہ قریش تلاوت کریں اور نماز کے بعد سجدے میں جاکریہ دعا پڑھیں ان شاء اللہ رزق وسیع ہو گا ۔ اَللّٰھُمَّ اَغْنِنِی بِفَضْلِکَ عَنْ خَلْقِکَ۔
سورہ آل عمران:حضرت امام جعفر صادق علیہ السلام نے ارشاد فرمایا کہ تنگ دست سورہ آل عمران کو اپنے پاس رکھے تو اللہ تعالی اس کے امر میں آسانی پیدا کرے گا اور اسے رزق عطا کرے گا۔ حضرت امام جعفر صادق علیہ السلام سے روایت ہے کہ سورہ آل عمران کو تیرہ مرتبہ قرض کی ادائیگی کے لیے تلاوت کریں۔
سورہ اعراف:جو شخص جمعہ کے دن نماز کے فورًا بعدسورہ اعراف کی آیت نمبر 10 لکھ کر گھر یا دکان و کاروباری مرکز میں لگائے تو اللہ تعالی اس کی روزی فراخ کرے گا ، مال و رزق میں خیر و برکت ہو گی اور تجارت میں نفع ہو گا ۔
سورہ یوسف:حضرت امام جعفر صادق علیہ السلام کا ارشاد گرامی ہے کہ جو شخص سورہ یوسف لکھ کر پانی سے دھو کر پی لے اللہ تعالی اس پر روزی آسان کر دیتا ہے ۔
سورہ حجر:جو شخص سورہ حجر لکھ کر اپنے بازو پر باندھے تو خرید و فروخت زیادہ ہو گی ، لوگ اس کے ساتھ معاملہ کرنا پسند کریں گے ۔اور اللہ تعالی اس کو رزقِ کثیر عطا فرمائے گا ۔
سورہ فاطر:جو شخص سورہ فاطر کی آیات نمبر 29٬30کو چار عدد سوتی کپڑے کے ٹکڑوں پر لکھ کر اپنے تجارتی مرکز میں رکھے تو اس کی تجارت میں اضافہ ہو اور خوب نفع ہو ۔
سورہ یس:رسول اکرم صلی اللہ علیہ وآلہ وسلم نے فرمایا: اے علی (یس) کی تلاوت کیا کریں کہ اس میں دس اثرات ہیں ؛ جو کوئی اسے تلاوت کرے گا:
۱: اگر بھوکا ہے تو سیر ہو گا ۔
۲: پیاسا ہو تو سیراب ہو گا ۔
۳: عریاں ہو تو صاحب لباس ہو گا ۔
۴:کنوارا ہو تو شادی شدہ ہو گا ۔
۵:خوف زدہ ہو تو پر امن ہو گا ۔
۶:مریض ہو تو عافیت میں ہو گا ۔
۷:زندان میں ہو تو رہائی پائے گا ۔
۸:مسافر ہو تو سفر میں مدد ہو گی ۔
۹: میت پر پڑھیں تواللہ آسانی پیدا کرے ۔
۱۰:اگر کوئی چیز گم شدہ ہو تو مل جائے ۔
فقر کے خاتمے کے لیے آیت نمبر 68 کی تلاوت کیا کریں ۔
سورہ دخان:تاجر حضرات سورہ دخان لکھ کر اپنے کاروباری مرکز میں رکھیں تو مال میں نفع زیادہ ہو گا اور گاہک بکثرث ہوں گے ۔
سورہ طلاق:روایت ہے کہ سورہ طلاق بیماری سے شفا اور قرض کی ادائیگی کے لیے مفید ہے۔رزق میں وسعت کے لیے اسے تین مرتبہ روزانہ تلاوت کیا کریں۔
سورہ نوح:حضرت امام جواد علیہ السلام نے اپنے ایک پیروکار سے فرمایا کہ بدحالی اور مالی پریشانی کے لیے سورہ نوح کی مداومت کرو۔
سورہ جن:صاحب حزن و غم اگر سورہ جن کو پڑھے تو غم خوشی میں بدل جائے اور اگر قرض دار اس سورہ کو قرض کی ادائیگی کی نیت سے پڑھے تو ان شاء اللہ قرض ادا ہو گا ۔
(آخری حصہ)
سورہ شمس:حضرت امام جعفر صادق علیہ السلام کا فرمان مبارک ہے کہ جس کی روزی کم ہو ،توفیق کم اور زیادہ تر کاموں میں خسارہ اور نقصان ہو اور کام کا نتیجہ حسرت اور افسوس ہو تو بہترین ہے کہ سورہ شمس کی مداومت کرے( یعنی روزانہ کافی مرتبہ پڑھے)کیوں کہ یہ سورہ موجب افزائش رزق اور توفیق ہے ۔
سورہ تکاثر:سورہ تکاثر کو سوموار اوربدھ کے دن چالیس مرتبہ پڑھنے سے ایسے وسیلے سے بہت سا مال ملے گا جس کا تصور بھی نہ ہو گا ۔

نماز:مالی تنگی دور کرنے کے لیے تین شب جمعہ دو رکعت نماز پڑھیں اور ہر رکعت میں دس مرتبہ سورہ فاتحہ اور گیارہ مرتبہ سورہ توحید پڑھیں ۔اور آخر پر ایک تسبیح درودتلاوت کر یں ۔
سورہ غافر: جو شخص سورہ غافر لکھ کر اپنی دکان یا کاروباری مرکز میں لٹکائے تو خیروبرکت ہو گی،خریدو فروخت زیادہ ہو گی اور گاہک زیادہ آئیں گے۔
سورہ واقعہ:
شیخ بہاؤالین عاملی علیہ الرحمہ کشکول میں لکھتے ہیں کہ جس شخص کو افلاس نے ستایا ہو اور اس کو منظور ہو کہ اس کی روزی وسیع ہو جائے تو نوچندے بدھ (چاند کا پہلا بدھ)کے دن اول زوال کے وقت غسل کرکے نماز ظہرین بجا لائے اور پھر دو رکعت نماز حاجت کی نیت سے نماز صبح کی طرح پڑھ کرپانچ سو مرتبہ درود پاک پڑھے اور اس کے بعد ایک مرتبہ سورہ واقعہ پڑھے ۔دوسرے دن غسل کی ضرورت نہیں واجب وضو سے ظہر و عصر کی نماز پڑھے اور نماز حاجت اور درود کے بغیر صرف سورہ واقعہ دو مرتبہ پڑھے ۔تیسرے دن اسی طرح تین مرتبہ ، چوتھے دن چار مرتبہ ،پانچویں دن پانچ مرتبہ ۔اسی طرح روزانہ ایک مرتبہ اضافہ کرتا جائے حتی کہ چالیسویں دن چالیس مرتبہ پڑھے ۔اگر اس دوران مغربین کا وقت ہو جائے تو مغربین کی نماز ادا کر کے باقی تعداد پوری کرے ۔آخری دن پھر پانچ سو مرتبہ درود پاک پڑھے اور پھر ہمیشہ روزانہ ایک مرتبہ مغرب وعشاء کے درمیان یا اس کے بعد سورہ واقعہ تلاوت کرتا رہے ۔علامہ موصوف لکھتے ہیں کہ اگر اس شخص اور اس کی روزی میں مشرق و مغرب کا فرق بھی ہو گا تو خدائے تعالی اس سے متصل کر دے گا اور وسعت رزق کے ایسے سامان بہم پہنچیں گے جو وہم وگمان میں نہ آ سکیں گے۔
سورہ طلاق: وسعت رزق کے لیے سورہ طلاق کی آیت نمبر 2٬3 کو اس ترتیب سے پڑھیں: ختم کی ابتداء جمعرات،جمعہ یا سوموار سے کریں۔اگر جمعہ ہو تو بہتر ہے۔روزانہ چالیس دن تک 159 مرتبہ یہ آیات پڑھیں۔صبح کی نماز کے بعد بہتر ہے ورنہ اپنی سہولت کا وقت اختیار کر سکتے ہیں۔چالیسویں دن 179 مرتبہ پڑھیں۔ختم کی ابتدا غسل،دورکعت نماز حاجت اورایک تسبیح درود پاک سے کریں اور آخری دن ایک تسبیح درود پاک تلاوت کریں۔ان شاء اللہ رزق حلال کے اسباب پیدا ہوں گے۔تمام مذکورہ آیات قرآن کریم سے ملاحظہ کیجیے۔

۔

#قرآن
#سورتیں

#تلاوت #نماز #ثواب

#سورہ قریش

#رزق
#قرض
#ملازمت
#کاروبار
#بزںس
#پیسہ
#خوشحالی

#قرآن

#تلاوتقرآن

#رزق
#قرض
#ملازمت
#کاروبار
#بزںس
#پیسہ
#خوشحالی
#قرآن

#تلاوتقرآن

07/05/2026

دسترخوان
رسول خدا صلی اللہ علیہ و آلہ وسلم کا ارشاد مبارک ہے:
كُلوا جَميعا وَ لا تَفَرَّقوا فَاِنَّ الْبَرَكَةَ مَعَ الْجَماعَةِ؛
کھانا مل کر کھاؤ؛
منتشر نہ ہو جاؤ؛
جماعت میں برکت ہے!
★با هم غذا بخوريد و پراكنده نباشيد، كه بركت با جماعت است.
★Eat together and do not be divided, for the blessing is with the group.
★एक साथ भोजन करो और आपस में विभाजित मत हो, क्योंकि आशीष समूह के साथ ही है।
★ਇਕੱਠੇ ਖਾਓ ਅਤੇ ਵੰਡੇ ਨਾ ਜਾਓ, ਕਿਉਂਕਿ ਬਰਕਤ ਸਮੂਹ ਦੇ ਨਾਲ ਹੈ।
بحارالأنوار، ج ۶۶، ص ۳۴۹

06/05/2026

اعداد اور اسماءالحسنی ! ڈاکٹر غلام جیلانی برق کی زبانی
۔۔۔۔۔۔۔۔۔۔۔۔۔۔۔۔۔میری زندگی کا ایک عظیم واقعہ۔۔۔۔۔۔۔۔۔۔۔۔۔۔۔
( ڈاکٹر غلام جیلانی برق )
پیش کش: MadinaturRuhaniat
03014578467...03470166772
میری ولادت 26اکتوبر 1901 ء کو ہوئی تھی ۔ پیدائش سے 1944ء تک لاتعداد مصائب اور موانع سے دوچار رہا ہے ۔ 1907 ء سے 1919 ء تک مساجد و مکاتیب میں گھومتا رہا ۔ کئی کئی مہینے ایسے آتے تھے کہ جیب میں ایک پیسہ نہیں ہوتا تھا ۔ اور اگر کہیں سے آنہ دونی مل بھی جاتی تو سنبھالنے کے لیے جیب نہیں ہوتی تھی ۔ 1919ء میں منشی فاضل کرنے کے بعد ایک سکول میں ماسٹر لگ گیا ۔ میٹرک ، ایف اے اور بی اے (پرائیویٹ) پاس کرنے کے بعد اسلامیہ کالج لاہور میں ایم اے عربی کے لیے داخل ہوا ۔
1931ء میں عربی اور 1934ء میں فارسی کا ایم کیا۔اس کے بعد 1940ء میں ڈاکٹریٹ حاصل کی ۔1933 ء سے کالجوں میں کام کرنے لگا ۔ان تمام علمی فتوحات کے باوجود دنیوی معاملات میں یہ حالت تھی کہ امراض کا ہجوم ،
افسر سارے ناخوش ،
احباب بے تعلق سے
اور اقارب کچھ بدظن
اور کچھ ناراض۔
جہاں جاتا دروازہ بند ،
ہر کوشش ناکام،
ڈاکٹریٹ حاصل کرنے کے باوجود تنخواہ صرف ۔/۱۲۰ روپے ۔
کسی افسر سےملنے جات تو وہ دورے پر ہوتا یا چھٹی پر ۔ کیمبل پور کو واپس آتا تو عمومًا اسٹیشن کے قریب آنکھ لگ جاتی اور اگلے اسٹیشن پر جا اترتا۔
پھر؟
1944ء تک یہی حالات چلتے رہے اور میں اس صورت حال سے اس قدر گھبرا گیا کی چارۀ کار کے نجومیوں اور جوتشیوں کی طرف رجوع کرنے لگا ۔ جوتش کے ماہرین ہندوؤں میں ملتے تھے اور وہ لوگ کوئی ایسا مشرکانہ علاج تجویز کرتے تھے ، مثلا کہ
کالے رنگ کے ماش فلاں دیوی کے چرنوں میں بھینٹ چڑھاؤ۔
اگنی جلا کر اس پر لوبان ڈالو وغیرہ
کہ طبیعت اس طرف مائل ہی نہیں ہوتی تھی۔

ایک دن۔۔۔۔
یہ غالبا 1944ء کے اوائل کا ذکر ہے کہ میرے ہاں ایک سفید ریش زاہد و عابد و عالم تشریف لائے ۔ مختلف مسائل پر باتیں ہوتی رہیں ۔جب سعادت و شقاوت کا مسلہ چل پڑا تو میں نے اپنی رام کہانی سنا دی ، وہ جھٹ کہنے لگے:
"کیا تمہاری ولادت سنیچر کے دن ہوئی تھی؟"

حساب لگایا تو معلوم ہوا کہ 26 اکتوبر 1901ء کو واقعی سنیچر کا دن تھا ۔
کہنے لگے کہ:
کائنات کی ہر چیز خواہ وہ زمینی ہو یا آسمانی ، غیر مرئی لہریں نکل کرماحول پر اثر انداز ہو رہی ہیں اور یہ اثرات مختلف صورتیں اختیار کرتے ہیں کہیں غم ، کہیں مسرت ، کہیں مایوسی ، اور کہیں افسردگی کی ۔
گرمیوں میں اودی اودی گھٹائیں کیف و انبساط پیدا کرتی ہیں،
چاند کا جوبن دنیا کو سکون و سرور کا پیغام دیتا ہے ۔ بہار میں پھولوں کے قافلے جنون و مستی ہمراہ لاتے ہیں، چاندنی رات میں بنسی کی لے اداس بنا دیتی ہے ۔
سانپ کو دیکھ کر خوف
اور کیچوے کو دیکھ کر کراہت پیدا ہوتی ہے ۔
یہی حال سیاروں کا ہے ان کی خارج کردہ لہروں سے کائنات میں مختلف اثرات مرتب ہو رہے ہیں ۔ شقاوت و سعادت کا سلسلہ بھی کسی حد تک ان لہروں سے وابستہ ہے ۔ بعض ایسے حضرات ہو گزرے ہیں جن کی ولادت پر شمس و مشتری کا اتصال ایک ہی برج ( مقام ۔ راہ) میں ہو گیا تھا ۔ وہ صاحب القران(دو سعید سیاروں ) کے اتصال والے( قِران ) کہلوائے اور انہوں نےزندگی میں کارہائے نمایاں سر انجام دیے ۔
مغل شاہنشاہوں میں شاہجہان کو "صاحب قران" تسلیم کیا جاتا ہے ۔
یہ امر لاکھوں افراد کے تجربے میں آچکا ہے کہ جب چاند گرہن کی حالت میں ہو تو اس کی لہریں جنین ( ماں کے رحم میں بچہ ) کو متاثر کرتی ہیں ۔ اگر اس حالت میں کوئی ماں نماز پڑھ رہی ہو تو جنین کا پاؤں ٹیڑھا ہو جاتا ہے ۔ ( اس موضوع پر ایک جرمن ڈاکٹر نے ایک کتاب بھی لکھی ہے )۔
دنیا کے تمام جوتشیوں نے خواہ وہ ہندو تھے یا مسلم ، یہودی تھے یا عیسائی حضرت مسیح علیہ السلام سے تین ہزار سال پہلے مصر و بابل میں تھے یا دو ہزار سال بعد امریکہ و انگلینڈ میں ، اس حقیقت کا بار بار اعادہ کیا ہے کہ ہفتہ سات دنوں کا ہوتا ہے ۔ ہفتے کو زحل ، اتوار کو سورج اور سوموار کو چاند کا اثر غالب ہوتا ہے ، وَقِسْ عَلیٰ ھٰذَا ۔
ان سیاروں میں زحل یا کیوان (جسے انگریزی میں سیٹرن کہتے ہیں ) کو ہر دور کے جوتشی منحوس کہتے رہے ہیں ۔ اگرکوئی بچہ سنیچر کے روز پیدا ہو تو بار بار بیماریوں اور حادثوں کا شکار ہوتا ہے اور زندگی میں قدم قدم پر اسے مختلف بیماریوں کا شکار ہونا پڑتا ہے "۔
علاج:
حضرت امام جعفر صادق علیہ السلام روحانی علوم میں بھی ماہر تھے ۔ آپ نے اسے لوگوں کے لیے جنہیں فلکی اثرات نے بے دست و پا بنا رکھا ہو ، ایک نہایت عمدہ نسخہ تجویز کیا ہے اور وہ یہ ہے:

اپنے نام کے اعداد بحساب ابجد نکالیے ۔ پھر اللہ کے ننانوے ناموں میں سے ایسے ناموں کا انتخاب کیجیے ، جن کی میزان اعداد آپ کے اپنے نام کے اعداد کے برابر ہو ۔ مثلا "نور محمد" کے یہ اعداد ہیں :
نور: 256
محمد: 92
میزان :348
دوسری طرف اللہ کا کوئی ایسا نام موجود نہیں جس کے اعداد کی میزان 348 ہو ، اس لیے دو یا زیادہ اسماء کو جمع کرنا پڑے گا ۔
اور وہ یہ ہیں:

1:بصیر: 302
2: ولی: 46
میزان: 348

میرا تجربہ:
میں نے اس نسخے کو خود آزمایا ، لا تعداد احباب کو دیا اور ہر جگہ اس کے اثرات ایک جیسے مترتب ہوئے ہیں ۔

یہ تمام لوگ خوش حال ، مطمئن اورمسرور ہو گئے ۔ بیماریاں ، مصیبتیں اور پریشانیاں ان کا پیچھا چھوڑ گئیں ،
ان کے گھروں پر رحمت کا نزول ہونے لگا ،
ان کے سینے جو کبھی اضطراب اور بے چینی کا جہنم بنے ہوئے تھے ،
فردوسی اطمینان سے معمور ہو گئے اور سب سے بڑی بات یہ کہ ان کی تمام جائز دعائیں معمولی سرعت سے قبول ہونے لگیں ۔

خود میری کیفیت یہ ہے کہ جب کسی جائز بات کے لیے ، جس کا حصول میری مساعی سے ورا تر ہو ، ہاتھ اٹھاتا ہون تو اسباب و وسائل کاسلسلہ اس سرعت سے فراہم ہوتا ہے کہ میں رب رحیم کی کرم فرمائیوں کو دیکھ کر حیرت میں کھو جاتا ہوں اور جی چاہتا ہے کہ جبین نیاز زمین پر رکھ کر سبحان ربی الاعلی کا مسلسل ورد کرتا رہوں ۔

اقتباس : من کی دنیا صفحہ 213 تا 216
مصنف: ڈاکٹر غلام جیلانی برق ۔

05/05/2026

لباس کب خریدیں؟ قطع کروائیں!
رسول خدا صلی اللہ علیہ وآلہ وسلم سے منقول
ایام ہفتہ اورنیا لباس خریدنے( یعنی کٹوانے٬ قطع کروانے)کے احکامات.

ہفتہ: ★بیمار ہو سکتے ہیں۔ وہ لباس کسی کو دےدیں۔
اتوار: ★مبارک نہیں٬ اس لباس میں غمگین ہو سکتے ہیں۔
پیر: ★مبارک ہو گا۔
منگل: ★چوری یا پانی سے خراب ہوسکتا ہے۔
بدھ: ★روزی ملے٬ ناپسندیدہ چیزوں سے دوری اور خوشی ہو۔
جمعرات:★علم اور لوگوں میں عزت ملے۔
جمعہ:★عمر اور رزق میں اضافہ ہو ۔
★★★★★★:★★★★★★★★★★★
اصل فارسی عبارت پیش خدمت ہے:
از حضرت پیغمبر صلی اللّه علیه و آله مروی است در باب جامه نو بریدن هر روز چه خاصیت دارد.
شنبه در آن جامه بیمار گردد مگر آن جامه را به کسی دهد.
یک شنبه مبارک نباشد و در آن جامه غمگین شود.
دوشنبه مبارک است.
سه شنبه دزدیده شود یا در آب ضایع شود.
چهارشنبه در آنجا روزی بیند و مکروهی نبیند و به خوش دلی گذراند.
پنج شنبه در آن جامه علمی او را روزی شود، در پیش مردم مکرم باشد.
جمعه عمر و دولتش زیاد شود.

حوالہ: رساله ماه نو دیدن و ناخن چیدن مصنف: علامہ محمد باقر مجلسی
#لباس #کپڑے #ڈریس #وردی #حدیث #

04/05/2026

برکت اور سلام
رسول خدا صلی اللہ علیہ و آلہ وسلم کا ارشاد مبارک ہے:
اِذا دَخَلَ اَحَدُكُمْ بَيْتَهُ فَلْيُسَلِّمْ، فَاِنَّهُ يُنْزِلُهُ الْبَرَكَةَ وَ تُؤنِسُهُ الْمَلائِكَةُ؛
جب کوئی گھر میں داخل ہو تو سلام کرے٬ اس سے برکت نازل ہوتی ہے اور فرشتے مانوس ہوتے ہیں۔
★هرگاہ يكى از شما به خانه خود وارد مى شود، سلام كند، چرا كه سلام بركت مى آوردو فرشتگان با سلام دهنده انس مى گيرند.
★When one of you enters his house, let him greet the people, for it brings down blessings and the angels will keep him company.
★जब तुममें से कोई अपने घर में प्रवेश करे, तो लोगों का अभिवादन करे, क्योंकि इससे आशीष प्राप्त होती है और स्वर्गदूत उसका साथ देंगे।
★ਜਦੋਂ ਤੁਹਾਡੇ ਵਿੱਚੋਂ ਕੋਈ ਆਪਣੇ ਘਰ ਵਿੱਚ ਦਾਖਲ ਹੁੰਦਾ ਹੈ, ਤਾਂ ਉਸਨੂੰ ਲੋਕਾਂ ਨੂੰ ਸਲਾਮ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਹ ਬਰਕਤਾਂ ਲਿਆਉਂਦਾ ਹੈ ਅਤੇ ਫ਼ਰਿਸ਼ਤੇ ਉਸ ਨਾਲ ਸੰਗਤ ਕਰਦੇ ਹਨ।
علل الشرايع، ج ۲، ص ۵۸۳، ح ۲۳
#حدیث #جنات #شیطان #شیاطین #سلام

03/05/2026

شیاطین کا مسکن
بَيْتُ الشَّياطينِ مِنْ بُيوتِكُمْ بَيْتُ الْعَنْكَبوتِ؛
تمہارے گھروں میں شیاطین کا مسکن مکڑی کا جالا ہے
خانه هاى عنكبوتى كه در اتاق هاى شماست، لانه شياطين است.
The house of devils is one of your houses, the house of the spider;

كافى، ج ۶، ص ۵۳۲، ح ۱۱
#حدیث #شیطان #شیاطین #جنات

02/05/2026

وضو
رسول خدا صلی اللہ علیہ و آلہ وسلم کا ارشاد مبارک ہے:
اَلْوُضو قبلَ الطَّعامِ يَنْفِى الْفَقْرَ،
وَ بَعْدَهُ يَنْفِى الهَمَّ وَ يُصَحِّحُ البَصَرَ؛
کھانے سے پہلے وضو کرنے سے غربت دور ہوتی ہے اور کھانے کے بعد وضو کرنے سے غم و اندوہ دور ہوتا ہے اور نظر بہتر ہوتی ہے۔
شستن دست قبل از غذا، فقر را و پس از غذا، غم و اندوه را برطرف مى كند و به چشمسلامتى مى بخشد.
Performing ablution before eating removes poverty,
and performing it after eating removes worry and improves eyesight.
भोजन से पहले स्नान करने से दरिद्रता दूर होती है,
और भोजन के बाद स्नान करने से चिंता दूर होती है और दृष्टि में सुधार होता है।
ਖਾਣਾ ਖਾਣ ਤੋਂ ਪਹਿਲਾਂ ਇਸ਼ਨਾਨ ਕਰਨ ਨਾਲ ਗਰੀਬੀ ਦੂਰ ਹੁੰਦੀ ਹੈ,
ਅਤੇ ਖਾਣਾ ਖਾਣ ਤੋਂ ਬਾਅਦ ਇਸ਼ਨਾਨ ਕਰਨ ਨਾਲ ਚਿੰਤਾ ਦੂਰ ਹੁੰਦੀ ਹੈ ਅਤੇ ਅੱਖਾਂ ਦੀ ਰੌਸ਼ਨੀ ਵਧਦੀ ਹੈ।
مكارم الاخلاق، ص۱۳۹
#وضو

Madinaturruhaniat

08/05/2026

07/05/2026

07/05/2026

06/05/2026

05/05/2026

04/05/2026

03/05/2026

02/05/2026

Address

Telephone

Website

Alerts

Contact The Practice

Shortcuts

Share

Category