قادری نوشاہی دواخانہ-Herbal Clinic

18/02/2026

آپ کو رمضان مبارک ❤️
اللّٰہ کریم ہمارے لئے رحمتوں ،برکتوں کا وسیلہ بناۓ۔۔

17/02/2026

*سعودی عرب میں رمضانُ المبارک کا چاند نظر آگیا ہے ۔ سعودی عرب میں کل روزہ ہوگا ۔ پاکستان میں جمعرات کو پہلا روزہ ہوگا۔ ان شاءاللہ تعالیٰ*

*تمام اہل اسلام کو مبارک ہو کہ ہم ایک بار پھر اس رحمتوں والے مہینے تک پہنچ گئے ہیں۔ اللہ پاک ہمیں اس ماہِ مقدس کی تمام برکات سمیٹنے اور تمام روزے رکھنے کی توفیق عطا فرمائے۔ آمین ثم آمین یارب العالمین۔*

13/02/2026

انسانی جسم کا زہر اور اصل بیماری
انسانی جسم میں بننے والا “زہر” صرف جراثیم کا نتیجہ نہیں ہوتا بلکہ غلط خوراک، رکے ہوئے فضلات اور بگڑے ہوئے جذبات اس کی اصل بنیاد ہوتے ہیں۔ مشہور حکیم صابر ملتانیؒ اور قانونِ مفرد اعضاء کے مطابق جب جسم کا قدرتی صفائی کا نظام کمزور پڑ جائے تو فاسد مادّے جمع ہونے لگتے ہیں اور یہی آگے چل کر بڑی بیماریوں حتیٰ کہ رسولیوں اور کینسر کی راہ ہموار کرتے ہیں۔
حکمت کے مطابق جسم میں تین بڑے زہریلے نظام پائے جاتے ہیں۔
آتشکی زہر زیادہ تر دماغ اور اعصاب کی کمزوری سے بنتا ہے۔ ٹھنڈی اور بے جان غذائیں، مسلسل خوف، تنہائی اور مایوسی اعصاب کو کمزور کر دیتی ہیں، جس کے نتیجے میں ہڈیوں کا درد، بالوں کا گرنا، یادداشت کی کمزوری اور دل کی گھبراہٹ پیدا ہوتی ہے۔ اس کا علاج جگر اور غدود کو طاقت دے کر جسم میں معتدل حرارت پیدا کرنا ہے۔
بواسیری زہر دل اور پٹھوں کی خشکی سے جنم لیتا ہے۔ خشک، کڑوی اور تیزابی غذائیں، دیرینہ قبض اور شدید غصہ اس کی بنیادی وجوہات ہیں۔ اس کے نتیجے میں بواسیر، جلدی دانے، سخت مزاجی اور چڑچڑاپن پیدا ہوتا ہے۔ علاج کا اصول دماغ و اعصاب میں نرمی، جسم میں تری اور روانی پیدا کرنا ہے۔
سوزاکی زہر جگر اور غدود کی سوزش سے بنتا ہے۔ بہت زیادہ گرم، مصالحے دار غذائیں، حد سے بڑھی ہوئی گرمی اور جلد بازی اس کو بڑھاتی ہیں۔ پیشاب میں جلن، پیپ، جوڑوں کا درد اور جسمانی حدت اس کی نمایاں علامات ہیں۔ علاج میں دل و عضلات کا توازن اور فاسد مادّوں کا اخراج ضروری ہے۔
حکمت کا ایک گہرا اصول یہ ہے کہ جذبات بھی خوراک کی طرح ہوتے ہیں۔ خوف اعصاب کو توڑ دیتا ہے، غم اور غصہ خشکی اور سودا پیدا کرتا ہے جو رسولیوں کی بنیاد بن سکتا ہے، جبکہ حد سے زیادہ جوش اور لذت جگر کو بگاڑ دیتی ہے۔ قدرت کا نظام یہ بھی ہے کہ بعض اوقات ایک زہر دوسرے زہر کو کم کر دیتا ہے، مگر اگر بچے کھچے زہریلے مادّے خون ختم نہ کر سکے تو یہاں طبیب کی ذمہ داری شروع ہوتی ہے۔
اصل حقیقت یہ ہے کہ بیماری صرف دوا سے نہیں بنتی اور نہ ہی صرف دوا سے جاتی ہے۔ خوراک، جذبات اور طرزِ زندگی سب مل کر صحت یا مرض بناتے ہیں۔ صبر، اعتدال، سادہ غذا اور ذہنی سکون وہ بنیادی دوا ہیں جن کے بغیر کوئی علاج مکمل نہیں ہوتا۔

23/01/2026

*جو جادو ٹونا یا اسکی تشہیر کریگا 6 ماہ سے 7 سال تک قید ہوگی، پینل کوڈ میں ترمیم کا بل سینیٹ سے منظور*

سینیٹ نے پاکستان پینل کوڈ میں ترمیم کا بل منظور کرلیا۔

ترمیم میں تعزیرات پاکستان میں نئی دفعہ 297 الف شامل کی گئی اور یہ بل جاود ، جادو ٹونا کی روک تھام سے متعلق ہے۔

بل کے مطابق جو شخص جادو ٹونا یا اس کی تشہیر کرے اسے 6 ماہ سے 7سال تک قید ہو گی اورجرم کے مرتکب شخص کو 10 لاکھ روپے تک جرمانہ ہو گا۔

اس کے علاوہ سینیٹ نے وفاقی نصاب، نصابی کتب سے متعلق بل بھی منظور کر لیا۔ یہ بل سینیٹر عینی مری نے پیش کیا۔

16/01/2026

معراج کا دولہا جانِ جاناں ﷺ
صَلَّى اللّٰهُ عَلٰى حَبِیْبِہٖ مُحَمـّدٍ وَّآلِہٖ وَاَصحْابِہٖ وَ بَارِکْ وَسَلَّمْ

07/01/2026

ڈاکٹر کو پانچ منٹ کے مشورے کے 600, 1000 اور بسا اوقات ہزاروں روپے دینا بھی ہمیں بالکل ٹھیک لگتا ہے لیکن اگر کوئی پروفیشنل، اسکلڈ اور ماہر فن بندہ ایک گھنٹے کی کنسلٹیشن کے 2000 روپے یا پھر یہی 600ہی مانگ لے, بلکہ کنسلٹیشن بھی چھوڑیں پراپر کام کرنے کے مانگ لیں تو فوراً منہ بنا لیتے ہیں اور کہہ دیتے ہیں

یہ تو منجن بیچ رہا ہے🙃
یار وہ تو پانچ منٹ کے بات کرنے کے پیسے لیتا ہے😕

سوال یہ ہے کہ ہم یہ دوغلا پن کیوں کرتے ہیں؟
کیا علم صرف سفید کوٹ میں ہو تو قابلِ قبول ہوتا ہے؟
اور باقی تمام اسکلز اور فنون و علوم کے ماہرین کے مشوروں کو محض باتیں کیوں سمجھ لیا جاتا ہے؟

جو محنت کرتا ہے اگر وہ صلہ مانگے تو اسے دینا چاہئیے ،
وہ الگ بات ہے کہ کس کام کے مانگنے چاہئیے کس کے نہیں مانگنے چاہئیے ۔
چاہے عالم دین ہے ، چاہے ڈاکٹر ہے یا پھر کوئی اور ماہر فن اگر وہ اپنے وقت کی ویلیو چارج کرتا ہے تو یہ نہیں کہنا چاہیے کہ یہ منجن سیلر ہے کیونکہ اگر یہ منجن سیلر ہے تو پھر وہ تمام لوگ بھی منجن سیلر ہی ہیں جنہیں ہم کنسلٹنسی کے نام پہ کچھ پے کرتے ہیں😊

28/11/2025

22/11/2025

تلاش گمشدہ
یہ شناختی کارڈ، یہ تصویر، یہ نام…
یہ سب حقیقت میں کسی انسان نے نہیں بنایا۔

یہ پورا کارڈ AI نے بنایا ہے۔یہ پورا کارڈ AI نے بنایا ہے۔
یہ سب کے نئے ماڈل Nano Banana Pro سے بنایا گیا ہے، بس چند سیکنڈ میں۔

چند لفظ، چند سیکنڈ… اور آپ جیسی پہچان بنانا اس کے لیے کوئی مشکل نہیں۔
سوچیں…
اگر ایک موبائل میں بیٹھا ہوا سافٹ ویئر آپ کا شناختی کارڈ، آپ کا چہرہ، آپ کا نام، آپ کا ڈیٹا اتنی آسانی سے بنا سکتا ہے…
تو کل وہ کیا کچھ چوری نہیں کر سکتا؟
آج ہم ’’تلاش گمشدہ‘‘ دوسروں کے لیے لکھتے ہیں…
کل شاید اپنی ہی شناخت کے لیے لکھ رہے ہوں گے۔
AI کیا کرسکتی ہے؟
آپ کی آواز بنا سکتی ہے۔
آپ کا چہرہ کاپی کر سکتی ہے۔
آپ کے دستخط بنا سکتی ہے۔
آپ کی پوری شخصیت کو ڈیجیٹل شکل دے سکتی ہے۔
ایسی شکل جسے آپ شاید خود پہچانیں نہ پہچانیں…
لیکن دنیا مان لے گی کہ یہ آپ ہی ہیں۔
یہی تو کا خوف ہے…
یہ آپ کی پہچان بنا بھی سکتی ہے… اور مٹا بھی سکتی ہے۔
نقصان؟
سوچیں…
اگر کوئی آپ کا ایسا شناختی کارڈ بنا لے جیسا یہ AI نے بنایا ہے؟
اگر کوئی آپ کی آواز کو AI میں ڈال کر آپ کے گھر فون کرے؟
اگر کوئی آپ کا چہرہ کسی غلط ویڈیو پر لگا دے؟
اگر کوئی آپ کی تصویریں چوری کر کے جعلی پروفائلز بنا دے؟
کیا آپ ثابت کر پائیں گے کہ وہ آپ نہیں تھے؟
AI کے ساتھ خطرہ صرف ٹیکنالوجی نہیں…
خطرہ یہ ہے کہ ہماری پرائیویسی، ہمارا وجود… سب پبلک ہوتا جا رہا ہے۔
ہماری لوکیشن، ڈیٹا، تصویریں، عادتیں…
سب کچھ کی نظروں میں محفوظ نہیں رہا۔
کل شاید ہمیں خود کہنا پڑے:
’’کیا ہم واقعی اہم نہیں رہ گئے؟
کیا ہماری شناخت اب کوئی معنی نہیں رکھتی؟‘‘
AI فائدے بھی دیتی ہے…
زندگی آسان کرتی ہے…
دنیا بدل دیتی ہے…
لیکن یاد رکھیں—
جو ٹیکنالوجی سب کچھ آسان کرتی ہے،
وہی ٹیکنالوجی سب کچھ چھیننے کی طاقت بھی رکھتی ہے۔
آخر میں صرف اتنا…
AI دنیا بدل دے گی۔
مگر اگر ہم ہوشیار نہ رہے تو
ہم اپنی شناخت ہی گم کر بیٹھیں گے۔
اور ہاں—
خوف کے باوجود…
AI کو اپنانا بھی ضروری ہے۔
کیونکہ یہی دنیا کا نیا راستہ ہے۔

01/10/2025

🌿 وزن بڑھانے کے لیے اہم تجاویز

- توانائی سے بھرپور غذا: جیسے بادام، اخروٹ، مونگ پھلی، کھجور، کیلا، آم، اور شہد۔
- پروٹین والی اشیاء: انڈے، گوشت، مچھلی، دالیں، پنیر—یہ عضلات بنانے میں مدد دیتی ہیں۔
- دودھ اور دہی: مکمل چکنائی والا دودھ، لسی، دہی اور چیز وزن بڑھانے میں مؤثر ہیں۔
- گھی اور مکھن: دیسی گھی یا مکھن کا مناسب استعمال کریں، خاص طور پر سالن میں
- ورزش: ہلکی پھلکی ورزش یا واک عضلات کو مضبوط بناتی ہے اور بھوک بڑھاتی ہے۔

---

🗓️ چارٹ (ایک دن کا)

ناشتہ
- 2 انڈے (اُبلے یا آملیٹ)
- 2 پراٹھے دیسی گھی کے ساتھ
- 1 گلاس دودھ + کیلا

درمیانی ناشتہ
- 1 مٹھی بادام و اخروٹ
- 1 آم یا کیلا

دوپہر کا کھانا
- مرغی یا دال
- 2 سے 3 چپاتیاں
- چاول
- سلاد + زیتون کا تیل

شام کا کھانا
- فروٹ شیک (دودھ، شہد، کیلا، اوٹس)

رات کا کھانا
- پنیر یا مچھلی/مرغی
- 2 چپاتیاں
- سبزیاں
- دہی

سونے سے پہلے
- دودھ + شہد یا خشک میوہ جات

20/09/2025

*ماں نے 15 دن کے بچے کو فریج میں رکھ دیا، وجہ کیا بنی؟*

بھارت کے شہر مراد آباد میں 23 سالہ ماں نے اپنے 15 دن کے شیر خوار بیٹے کو فریج میں ڈال دیا۔

بھارتی میڈیا رپورٹس کے مطابق حیران کن واقعہ ریاست اترپردیش کے شہر مراد آباد میں پیش آیا جہاں ماں نے اپنے بچے کے مسلسل جاگنے سے تنگ آکر اسے فریج میں ڈال دیا۔

بھارتی میڈیا کے مطابق بچے کی ماں مراد آباد کی جبار کالونی میں اپنے شوہر اور سسرال والوں کے ساتھ رہتی ہے، 5 ستمبر کے روز خاتون روتے بچے کو کچن میں لے گئی اور اسے فریج میں ڈال دیا پھر خود کمرے میں آکر سوگئی۔

کچھ لمحوں بعد بچے کے چیخنے کی آواز نے دادی کو جگادیا جس کے بعد دادی نے فریج کے اندر موجود شیر خوار کو باہر نکالا اور فوری طور پر اسپتال منتقل کیا جہاں ڈاکٹرز نے اسے خطرے سے باہر قرار دیا۔

بچے کو اسپتال سے لانے کے بعد جب اہل خانہ نے ماں سے اس حرکت کی وجہ پوچھی تو خاتون نے بڑے اطمینان سے جواب دیا کہ ’وہ سو نہیں رہا تھا، اس لیے میں نے اسے فریج میں رکھ دیا ‘ اس پر خاتون کے سسرالی حیرت میں آگئے۔

بھارتی میڈیا کا بتانا ہےکہ پہلے پہل تو خاتون کے اہل خانہ کو محسوس ہوا کہ بچے کی ماں پر برا سایہ ہے اور پھر خاتون کا علاج کرایا گیا تاہم اس کے رویے میں کوئی تبدیلی نہیں آئی۔

بعد ازاں خاتون کے نفسیاتی علاج کا فیصلہ کیا گیاجہاں نفسیاتی ماہرین نے تشخیص کی کہ خاتون پوسٹ پارٹم ڈپریشن( زچگی کے بعد ڈپریشن ) میں مبتلا ہے۔

پوسٹ پارٹم ڈپریشن کیا ہے؟
پوسٹ پارٹم ڈپریشن بچے کی پیدائش کے بعد نئی ماؤں کو متاثر کرسکتی ہے، یہ محض اداسی کا احساس نہیں، اس مرض میں مسلسل جذباتی، جسمانی اور طرز عمل میں تبدیلیاں شامل ہیں جو نئی ماؤں کیلئے ان کی روزمرہ کی زندگی حتیٰ کہ اپنی اور بچے کی دیکھ بھال کرنے کی صلاحیت میں مداخلت کرتی ہیں۔

05/09/2025

*نبی کریم ﷺ کی ولادت کی خوشی منانا ایک سعادت ہے، لیکن اصل خوشی یہ ہے کہ ہم اپنی زندگیوں کو آپ ﷺ کے نور سے روشن کریں۔ آپ ﷺ نے ہمیں دنیا کے ہر گوشے میں رحمت پھیلانے، امن قائم کرنے اور انسانیت کو سکون دینے کا درس دیا۔ اگر ہم واقعی آپ ﷺ سے محبت کا دم بھرتے ہیں تو لازم ہے کہ اپنی گفتار، کردار اور اعمال کو آپ ﷺ کی تعلیمات کا پیکر بنا لیں۔*

*اللہ کریم ہمیں اپنے محبوب ﷺ کی سچی محبت عطا فرمائے، ہمیں درود و سلام کی توفیق دے اور ہمیں آپ ﷺ کی سیرت پر چلنے والا بنا دے۔ آمین۔*

01/09/2025

نیشنل کونسل فار طب کی طرف سے سخت کارروائی کا اعلان

نیشنل کونسل فار طب کی جانب سے غیر اخلاقی اشتہاری بازی اور ویڈیوز جاری کرنے کے خلاف مہم کا آغاز کردیا گیا ہے

ایسے افراد جو ٹک ٹاک ، فیس بک، یو
ٹیوب ، ٹوییٹر یا کسی بھی میڈیم سے غیر اخلاقی، مخرب اخلاق طبی ضابطہ اخلاق کی خلاف ورزی کرتے ہیں ان نام نہاد معالجین اشتہاریوں کے خلاف سخت کاروائی عمل میں لانے کا فیصلہ کیا ہے -

ایسے افراد اگر کوالیفائیڈ طبیب ہیں تو ان کی رجسٹریشن کینسل ، ایک لاکھ روپے جرمانہ اور سات سال تک سزا ہو سکتی ہے اور نان کوالیفائیڈ افراد کے خلاف کاروائی کے لیے متعلقہ اضلاع کی ایڈمنسٹریشن کو لکھ دیا جائے گا ان کے کاروبار کے بندش سے لے کر قید اور بھاری جرمانے ہوسکتے ہیں

لہذا ایسے تمام افراد متنبہ رہیں اور غیر اخلاقی حرکات ، ویڈیوز اور اشتہارات جاری کرنے بند کردیں وگرنہ تادیبی کاروائی عمل میں لائی جائے گی -